imedi /  09 დეკემბერი 2019, 19:59 / სანდო წყარო

არჩილ თალაკვაძე ევრონესტის სესიის გახსნაზე: აღმოსავლეთ პარტნიორობამ არაერთი შესაძლებლობა მოგვცა

ევრონესტი

არჩილ თალაკვაძე

„ევროპული და ევროატლანტიკური არჩევანი ჩვენი ხალხის გადაწყვეტილებაა, რომელიც ჩვენ, პარლამენტარებმა საქართველოს კონსტიტუციაში ავსახეთ. სრულიად ვაცნობიერებთ, რომ უსაფრთხოების დაცვა, ეკონომიკური განვითარება და დემოკრატიის გაძლიერება მუდმივი „სამუშაო პროცესია“. აღმოსავლეთ პარტნიორობამ ამ წლების განმავლობაში არაერთი შესაძლებლობა მოგვცა და მივესალმებით ევროპაში დისკუსიას, რომელიც საქართველოსთან თანამშრომლობის ახალ ეტაპს უკავშირდება,” - ამის შესახებ პარლამენტის თავმჯდომარემ ევრონესტის საპარლამენტო ასამბლეის მერვე პლენარულ სესიაზე, სიტყვით გამოსვლისას განაცხადა.

ყოველწლიური სესია მისასალმებელი სიტყვით არჩილ თალაკვაძემ გახსნა. პარლამენტის თავმჯდომარის განცხადებით, სესიას სტრატეგიული მნიშვნელობა აქვს, რადგან მისი მიმდინარეობისას იმ სამომავლო ნაბიჯებს განიხილავენ, რომელიც საერთო მიზნების მისაღწევად უნდა გადაიდგას.

საქართველოს პარლამენტის თავმჯდომარემ დამსწრეებს ევროკომისიის პრეზიდენტის, ურსულა ფონ დერ ლეიენის სიტყვები შეახსენა: „ევროკომისიის პრეზიდენტმა მართებულად აღნიშნა, რომ „ევროპა არ არის მხოლოდ განძი, რომელიც მემკვიდრეობით გვერგო, არამედ ევროპა არის დაპირება, ევროპა არის მომავალი და ევროპა არის ის, რასაც ჩვენ ყველა ერთად ვაშენებთ აგურ-აგურ და ყოველდღიურად“. და მართლაც, არ შეიძლება Pax Europaea (ევროპული მშვიდობა) ჩვეულებრივ მოცემულობად განვიხილოთ. ჩვენ ევროპას ვუახლოვდებით ამ სულისკვეთებით და შეგვაქვს საკუთარი წვლილი მის დაცვაში, - ჩვენს მიერ შეტანილი ყველაზე მნიშვნელოვანი წვლილი არის ჩვენი მტკიცე ერთგულება ევროპული ღირებულებებისა და პრინციპებისადმი“, - განაცხადა არჩილ თალაკვაძემ.

არჩილ თალაკვაძის თქმით, ევროკავშირთან ასოცირების ხელშეკრულების შესრულებისკენ გადადგმული მორიგი წარმატებული ნაბიჯია 2019-2020 წლის სამოქმედო გეგმა. „იგი უზრუნველყოფს უფრო მეტად მშვიდობიან, სტაბილურ და წარმატებულ ქვეყანას ჩვენი შვილებისათვის - ეს ზუსტად ის მიზანია, რისთვისაც ჩვენი გმირები იბრძოდნენ 9 აპრილს 30 წლის წინ. შესაბამისად, ჩვენ ამ პროცესს უკიდურესად სერიოზულად ვეკიდებით და ველით ყველა მონაწილის მუდმივ ინკლუზიურ და პროდუქტიულ ჩართულობას“, - განაცხადა არჩილ თალაკვაძემ.

პარლამენტის თავმჯდომარემ ყურადღება გაამახვილა აღმოსავლეთ პარტნიორობის ინიციატივის მნიშვნელობაზეც და ხაზგასმით აღნიშნა, რომ საქართველო უფრო ძლიერი და ამბიციური აღმოსავლეთ პარტნიორობის ერთგულია. 

„ბოლო 10 წლის განმავლობაში, აღმოსავლეთ პარტნიორობამ ეფექტური ჩარჩო წარმოადგინა, რამაც ხელი შეუწყო საქართველოსა და ევროკავშირს შორის მანძილის შემცირებას და შექმნა ორმხრივი ამბიციური დღის წესრიგი. საქართველო საგრძნობლად შეიცვალა ბოლო 10 წლის მანძილზე. გვსურს, რომ მომავალი 10 წელიც ისეთივე დინამიური და ამბიციური იყოს“, - განაცხადა არჩილ თალაკვაძემ.

მისივე შეფასებით, აღმოსავლეთ პარტნიორობის ქვეყნებს შორის თანამშრომლობას გადამწყვეტი მნიშვნელობა აქვს. ამ კონტექსტში, პარლამენტის თავმჯდომარემ საქართველო-მოლდოვა-უკრაინის საპარლამენტთაშორისო ასამბლეის მნიშვნელობასაც გაუსვა ხაზი.

სიტყვით გამოსვლისას, პარლამენტის თავმჯდომარემ რუსეთის ფედერაციის აგრესიულ ქმედებებსა და ქართველი ექიმის, ვაჟა გაფრინდაშვილის უკანონო დაკავებაზე გაამახვილა ყურადღება.

მისი თქმით, ექიმი რუსული ოკუპაციის ერთ-ერთი ბოლო მსხვერპლია და მისი დაკავება კიდევ ერთხელ ცხადყოფს, თუ რა დამოკიდებულება აქვს რუსეთსა და დეფაქტო მთავრობებს ადამიანის უფლებების მიმართ: „ეს მიუღებელია არა მხოლოდ პოლიტიკური, არამედ პირველ რიგში, მორალური და ადამიანური თვალსაზრისით. ეს უნდა დასრულდეს“, - განაცხადა პარლამენტის თავმჯდომარემ.

არჩილ თალაკვაძემ ევროკავშირსა და მის წევრ ქვეყნებს საქართველოს დემოკრატიული ტრანსფორმაციისა და ინსტიტუციური განვითარების მუდმივი მხარდაჭერისთვის მადლობა გადაუხადა. მისი თქმით, საქართველო, პარტნიორებთან ერთად, მშვიდობიანი და წარმატებული მომავლისკენ სვლას გააგრძელებს.

ყველა სიახლე

28 იანვარი 2020, 21:15

თემა

ახალი კორონავირუსისგან სულ უფრო მეტი ადამიანი კვდება. პანიკის დროა?

2019 წლის დეკემბრიდან ჩინეთის ქალაქი უხანი ახალი ვირუსის კერად იქცა. მას შემდეგ დაახლოებით 2800 ადამიანიდაავადდა. 27 იანვრის მონაცემებით კი, 81 პაციენტი გარდაიცვალა, მათ შორის ერთი ექიმია.ეპიდემიის მიზეზი გახდა ერთ-ერთი კორონავირუსი, რომელიც აქამდე ადამიანებში არ დაფიქსირებულა. ის თავიდან ჩინეთში აღმოაჩინეს, შემდეგ ტაილანდში, იაპონიაში, სამხრეთ კორეაში, აშშ-სა და სხვა ქვეყნებშიც.

ტოკოშორიუ

28 იანვარი 2020, 21:12

სპორტი

ჰაცუ ბაშოს მოულოდნელმა გამარჯვებულმა ემოციები ვერ დამალა და ატირდა

ტოკოშორიუ ჰაცუ ბაშოზე ყველაზე დაბალი რანგით, მე-17 მაეგაშირას წოდებით გამოდიოდა და ოძეკი ტაკაკეიშო დაამარცხა. შედეგად, 14:1 ბალანსით ჰაცუ ბაშოს გამარჯვებული გახდა. მისი გამარჯვება ნიშნავს იმას, რომ ტოკოშორიუ პირველი დაბალი წოდების სუმოისტია, რომელსაც 2000 წლის შემდეგ სუპერდივიზიონში გაუმარჯვია.

პროკურორი

28 იანვარი 2020, 20:45

საქართველო

საპროკურორო საბჭოში გენერალური პროკურორობის 2 კანდიდატს მოუსმინეს

საპროკურორო საბჭომ დღეს გენერალური პროკურორობის კიდევ ორ კანდიდატს მოუსმინა. რაულ გამისონიამ და მერაბ გამყრელიძემ სამუშაო გამოცდილებაზე და სამომავლო გეგმებზე ისაუბრეს. ორივე კანდიდატმა ყურადღება გაამახვილა იმ რეფორმაზე, რომელმაც, მათივე თქმით, პროკურატურის სანდოობა უნდა გაზარდოს.

კერი ლამი კორონავირუსი

28 იანვარი 2020, 20:26

მსოფლიო

ჰონგ-კონგი ჩინეთთან ვირუსის გამო სახმელეთო მიმოსვლას ზღუდავს, საჰაეროს კი ამცირებს

ჰონგ-კონგსა და ჩინეთს შორის სასაზღვრო მიმოსვლა შეიზღუდება. კერი ლამმა დღეს ასევე განაცხადა, რომ სახმელეთო მიმოსვლის შეზღუდვის პარალელურად, ორჯერ შემცირდება საჰაერო ფრენები ჩინეთის მიმართულებით. კერი ლამს მედიასთან სიტყვით გამოსვლის დროს პირბადე ეკეთა.

ევროვიზია

28 იანვარი 2020, 20:12

კულტურა

ევროვიზიაზე საქართველო მეორე ნახევარფინალში გამოვა

კონკურსის წესის თანახმად, ფინალში ავტომატურად მიიღებს მონაწილეობას კონკრუსის წინა წლის გამარჯვებული ქვეყანა [ნიდერლანდები], ასევე გერმანია, საფრანგეთი, დიდი ბრიტანეთი, ესპანეთი და იტალია. ნახევარფინალები 12 და 14 მაისს გაიმართება, ფინალი კი 16 მაისს.

სალომე ზურაბიშვილი

28 იანვარი 2020, 19:51

საქართველო

სალომე ზურაბიშვილი: არავის ვპატიჟებ, რუსეთის წარმომადგენელს ვუპასუხე

სალომე ზურაბიშვილმა საპარლამენტო ასამბლეაზე რუსეთის წარმომადგენლისთვის გაცემული პასუხი განმარტა. ზურაბიშვილის თქმით, მას საქართველოში არ მოუპატიჟებია რუსეთის წარმომადგენლები, არამედ მხოლოდ რუსი პოლიტიკოსის კითხვას უპასუხა.

ბელარუსი მილიცია

28 იანვარი 2020, 19:49

მსოფლიო

მედია: ბელარუსში შაქრის ქარხნების დირექტორები გაუჩინარდნენ

მედიის ცნობით, გოროდეის კომბინატის დირექტორი 24 იანვარს თვითმფრინავიდან, მიუნხენის რეისიდან ჩამოსვეს. 27 იანვარს „სლუცკის შაქრისა და რაფინადის ქარხნის“ დირექტორი „შვებულებაში გავიდა“, „სკიდელის შაქრის კომბინატის“ ხელმძღვანელი „მინსკში, შვებულებაში იმყოფება“, „ჟაბინკის შაქრის ქარხნის“ დირექტორი კი უბრალოდ სამსახურში აღარ გამოჩენილა.

ირინა შეიკი

28 იანვარი 2020, 19:45

ტაბლოიდი

ირინა შეიკმა მედიასთან ბრედლი კუპერთან დაშორებაზე ილაპარაკა

რუსმა სუპერმოდელმა ირინა შეიკმა მედიასთან ამერიკელ მსახიობ ბრედლი კუპერთან დაშორების მიზეზებზე ილაპარაკა. რუსული მედიის ცნობით, შეიკმა განაცხადა, რომ არ არის აუცილებელი ორმა მშვენიერმა ადამიანმა კარგი წყვილი შექმნას. „ვფიქრობ, ძალიან გაგვიმართლა, რადგან გადავიტანეთ ის, რაც იყო ჩვენს შორის,“ - განაცხადა შეიკმა.

Huawei 5G

28 იანვარი 2020, 19:22

ტექნოლოგიები

Huawei დიდ ბრიტანეთში 5G-ის განვითარებაში მიიღებს მონაწილეობას

BBC-ის ცნობით, მთავრობის შესაბამის გადაწყვეტილებას დღეს ლორდთა პალატა გაეცნო. მთავრობამ Huawei-ს უწოდა „მაღალი რისკის შემცველი პარტნიორი“, რომელსაც გარკვეული შეზღუდვების დაწესების შემთხვევაში ტელეკომუნიკაციის ინფრასტრუქტურის განვითარებაში მონაწილეობა შეუძლია.

ბარბი

28 იანვარი 2020, 19:17

ტაბლოიდი

„ბარბის“ თოჯინების ახალი ხაზი შეიქმნა რომელთაც სხვადასხვა დაავადება აქვთ

კომპანიამ პოპულარული სათამაშოს ახალი ვერსიები შექმნა, რომლის მიზანიც ადამიანის მრავალფეროვანი გარეგნული მხარის წარმოჩენაა. გაყიდვაში გავიდა მაგალითად თოჯინა, რომელსაც თმა არ აქვს. კოლექციაში ასევე გამოჩნდა თოჯინა, რომელსაც კანის ლაქები აქვთ, როგორც ადამიანებს, რომლებსაც ვიტილიგოს დაავადება აქვთ.

სალომე ზურაბიშვილი

28 იანვარი 2020, 19:02

საქართველო

პრეზიდენტის თქმით ევროსაბჭოს საპარლამენტო ასამბლეაზე საქართველო რუსეთის დელეგაციას მიიღებს

პრეზიდენტ სალომე ზურაბიშვილის განცხადებით, საქართველო მზად არის უმასპინძლოს რუსეთის დელეგაციას ევროსაბჭოს საპარლამენტო ასამბლეაზე. ამის შესახებ ზურაბიშვილმა ევროსაბჭოს საპარლამენტო ასამბლეის ფარგლებში განაცხადა.ამასთან დაკავშირებით შეკითხვა რუსეთის წარმომადგენელმა დაუსვა.

28 იანვარი 2020, 18:55

ეკონომიკა

მაია ცქიტიშვილი: ვცდილობთ მუნიციპალურ პროექტებში მეტი ქართული კომპანია დავასაქმოთ

რეგიონული განვითარებისა და ინფრასტრუქტურის მინისტრის მაია ცქიტიშვილის განცხადებით, 2020 წელსაც მუნიციპალური ფონდის საქმიანობის მთავარი პრიორიტეტი საგანმანათლებლო ინფრასტრუქტურის რეაბილიტაცია და მშენებლობა იქნება. მუნიციპალური განვითარების ფონდმა, დღეს 2019 წლის ანგარიში წარადგინა.

გაუპატიურება

28 იანვარი 2020, 18:48

ძალოვნები

ზუგდიდში შშმ გოგოს გაუპატიურებისთვის დაკავებულს პატიმრობა შეეფარდა

მოსამართლემ სრულად დააკმაყოფილა პროკურორ თამთა გახარიას შუამდგომლობა აღკვეთ ღონისძიებად პატიმრობის გამოყენებასთან დაკავშირებით. სასამართლო პროცესი მედიისთვის დახურული იყო. პოლიციამ მოსამართლის განჩინების საფუძველზე 26 იანვარს, 1955 წელს დაბადებული 1 პირი დააკავა.

კახა კუკავა

28 იანვარი 2020, 18:48

საქართველო

კახა კუკავა: ჩვენი ტაქტიკა „ნაცმოძრაობასთან“ კოალიციაში ყოფნას არ გულისხმობს

ყველა ოპოზიციურ პარტიას აქვს თავისი ტაქტიკა. ჩვენი ტაქტიკა არ გულისხმობს იმას, რომ „ნაციონალურ მოძრაობასთან“ ვიყოთ კოალიციაში. ეს „ქართული ოცნების“ ტაქტიკაა, მათ აირჩიეს კოაბიტაციის გზა, - ამის შესახებ გადაცემაში „დღის ქრონიკა“ პარტია „თავისუფალი საქართველოს“ ლიდერმა კახა კუკავამ განაცხადა.

მამუკა მდინარაძე

28 იანვარი 2020, 18:42

საქართველო

მამუკა მდინარაძე: გვაქვს საერთო მიზანი, რომ არ შეიქმნას კრიზისული სიტუაცია

საპარლამენტო უმრავლესობის ლიდერის, მამუკა მდინარაძის განცხადებით, მმართველ გუნდს აქვს საერთო მიზანი, არ შეიქმნას კრიზისული სიტუაცია, გარკვეული გადაწყვეტილებები მიიღონ და კომპრომისზე წავიდეს ორივე მხარე, „წინააღმდეგ შემთხვევაში ჩვენ ამ მოლაპარაკების მაგიდასთან არ ვისხდებოდით“.

28 იანვარი 2020, 18:29

ტექნოლოგიები

აშშ-ში ხელოვნური ინტელექტი საჰაერო ბრძოლაში გამოსცადეს. ვიდეო

აშშ-ში პერსპექტიული თავდაცვითი სისტემების სააგენტომ (DARPA) ნეიროქსელის შესაძლებლობები საჰაერო ბრძოლაში პირველად გამოსცადა. ექსპერიმენტის ვიდეო YouTube-ზე გავრცელდა. ნეიროქსელის ალგორითმებმა, რომელიც მოიერიშე F-15C Eagle -ში შეიყვანეს ვირტუალური ინტელექტის RED-ის სისტემაა. ტესტირებამ წარმატებულად ჩაიარა. ექსპერიმენტის სხვა დეტალები არ საჯაროვდება.

Philips

28 იანვარი 2020, 18:28

ეკონომიკა

კომპანია Philips-ი საყოფაცხოვრებო ტექნიკას აღარ გამოუშვებს

ნიდერლანდური კომპანია Royal Philips-ი საყოფაცხოვრებო ტექნიკის მწარმოებელ ბიზნესს ყიდის. ინფორმაცია ამის შესახებ კომპანიის ვებგვერდზე გამოქვეყნდა. საყოფაცხოვრებო ტექნიკის ქვედანაყოფი Royal Philips-ის სტრუქტურას 12-18 თვეში დატოვებს.

ბენიამინ ნეთანიაჰუ

28 იანვარი 2020, 18:02

მსოფლიო

ბენიამინ ნეთანიაჰუს სასამართლოში ბრალი წაუყენეს

რამდენიმე საათით ადრე ნეთანიაჰუმ კნესეტიდან საპარლამენტო იმუნიტეტის მინიჭების შესახებ თხოვნა გაიწვია, რამაც ბრალის წაყენება შესაძლებელი გახადა. კნესეტს პრემიერისთვის იმუნიტეტის მინიჭების საკითხზე დღეს უნდა ემსჯელა. ნეთანიაჰუს წინააღმდეგ ბრალდებები დაკავშირებულია მექრთამეობასთან, თაღლითობასა და ნდობის ბოროტად გამოყენებასთან.

28 იანვარი 2020, 17:19

საქართველო

ზუგდიდმა „ყველაზე სუფთა ქალაქის“ სტატუსი მოიპოვა

ზუგდიდის მერიის ინფორმაციით, ყველაზე სუფთა ქალაქის და მუნიციპალიტეტის ტიტულები ზუგდიდმა მოიპოვა, ზუგდიდსავე ხვდა ყველაზე სუფთა სოფლის ნომინაციაში გამარჯვებაც, სადაც სოფელმა ორსანტიამ გაიმარჯვა. კონკურსი „სუფთა რეგიონი“ საქართველოს მწვანეთა მოძრაობა/დედამიწის მეგობრების ორგანიზებით ჩატარდა.

როუან კემპბელი ველოსიპედი

28 იანვარი 2020, 17:18

ძალოვნები

პოლიციამ ბრიტანელ მოგზაურს მოპარული ველოსიპედი დაუბრუნა

ინფორმაციას შსს ავრცელებს. უწყების ცნობით, 2020 წლის 25 იანვარს პოლიციაში შევიდა შეტყობინება, რომ თბილისში, ძმები ზუბალაშვილების ქუჩაზე დროებით მცხოვრებ დიდი ბრიტანეთის მოქალაქეს, როუან კემპბელს სახლთან გაჩერებული ველოსიპედი მოჰპარეს.