imedi /  20 დეკემბერი 2019, 18:20 / სანდო წყარო

მმართველი პარტიის საარჩევნო შეთავაზება არასამთავრობოებისთვის მიუღებელია

არჩევნები

15 არასამთავრობო ორგანიზაცია საარჩევნო სისტემის ცვლილების შესახებ მმართველი გუნდის წინადადებაზე განცხადებას ავრცელებს, რომელიც 150 საპარლამენტო მანდატიდან 50 მაჟორიტარული და 100 პროპორციული წესით განაწილებას ითვალისწინებს.

როგორც განცხადებაში წერია, „ქართული ოცნების“ მიერ შემოთავაზებული საარჩევნო სისტემის მოდელი მათთვის მიუღებელი და არასერიოზულია.

„ქართული ოცნება“ აღნიშნულ შემოთავაზებას პროპორციულ სისტემაზე 2020 წლისთვის გადასვლის ინიციატივის ჩავარდნის შემდეგ „ოპტიმალურ კომპრომისულ გადაწყვეტილებას“ უწოდებს. სინამდვილეში, დღეს გაჟღერებული შემოთავაზებით მმართველი გუნდი კიდევ უფრო შორს წავიდა და დაადატურა სურვილი, რომ 2024 წლის არჩევნებისთვის სრულად პროპორციულ სისტემაზე გადასვლაც გააუქმოს. ეს ინიციატივა არა კომპრომისის მიღწევას და საარჩევნო სისტემის გაუმჯობესებას, არამედ სრულად პროპორციულ მოდელთან დაკავშირებით უკვე არსებული იმ რეგულაციის გაუარესებას იწვევს, რომელთან დაკავშირებითაც ქვეყანაში დიდი ხანია პოლიტიკური კონსესუსი არსებობს. შესაბამისად, „ქართული ოცნების“ მიერ დღეს გაცხადებული ინიცატივა სრულად მიუღებელი და არასერიოზულია. 
აღსანიშნავია, რომ მოცემული ინიციატივა კონსტიტუციის დღეს არსებულ რედაქციასთან შეუსაბამოა და საჭიროებს კონსტიტუციაში ცვლილებების განხორციელებას. აქამდე, „ქართულმა ოცნებამ“ ოპოზიციის მიერ შეთავაზებული ე. წ. „გერმანული მოდელის“ მოდიფიცირებული საარჩევნო სისტემა სწორედ იმის გამო დაიწუნა, რომ თითქოს ის კონსტიტუციას არ შეესაბამებოდა და საკონსტიტუციო ცვლილებების განხორციელება შეუძლებელი იყო. თუ „ქართულ ოცნებას“ კონსტიტუციაში ცვლილებების განხორციელების რესურსი აქვს, მართებული იქნებოდა, რომ ეს რესურსი გამოყენებულიყო პროპორციულ არჩევნებზე გადასასვლელად ან იმ ცვლილებისთვის, რაც „ქართული ოცნების“ აზრით ოპოზიციური პარტიების მიერ შემუშავებული მოდელს კონსტიტუციასთან შესაბამისობაში მოიყვანდა.        
სინამდვილეში, მმართველი პარტიის 20 დეკემბრის ინიციატივა ცხადად მიუთითებს იმაზე, რომ „ქართული ოცნების“ ერთადერთ საზრუნავს წარმოადგენს ისეთი საარჩევნო სისტემის მიღება, რომელიც მხოლოდ მის ვიწრო პარტიულ ინტერესებს მოერგება და მაქსიმალურად უზრუნველყოფს ამ პარტიის ყოფნას ხელისუფლებაში რაც შეიძლება დიდი ხნით. ამ ფონზე, კიდევ უფრო აშკარაა, რომ პროპორციული სისტემის დაპირების შეუსრულებლობა მთლიანად „ქართული ოცნების“ პოლიტიკური გადაწყვეტილება იყო და არა მხოლოდ მაჟორიტარი დეპუტატების ე.წ. ამბოხი. 
კიდევ ერთხელ აღვნიშნავთ, რომ ქვეყანაში შექმნილი კრიზისულ სიტუაციაზე პასუხისმგებლობა სრულად ეკისრება მმართველ გუნდს და მის თავმჯდომარეს - ბიძინა ივანიშვილს. 14 ნოემბერს „ქართული ოცნების“ მიერ პროპორციულ საარჩევნო სისტემაზე გადასვლის ჩაგდებამ არამარტო ქვეყნის შიგნით შექმნა არასტაბილური პოლიტიკური გარემო, არამედ მნიშვნელოვნად დააზიანა ქვეყნის იმიჯი მის ფარგლებს გარეთ, სააერთაშორისო პარტნიორების თვალში. 
მიუხედავად ამისა „ქართული ოცნება“ მის მიერ შექმნილი ვითარების გამოსასწორებლად და კრიზისული სიტუაციის განსამუხტად პოლიტიკურ ნებას არ ავლენს. აქამდე, საარჩევნო სისტემაზე ოპოზიციურ პარტიებთან გამართული ყველა შეხვედრა წარუმატებლად დასრულდა და მმართველმა გუნდმა მხარი არ დაუჭირა ოპოზიციის მიერ შეთავაზებულ საარჩევნო სისტემის არცერთ ვერსიას. 
მაშინ, როცა არაერთი კვლევით დასტურდება, რომ საქართველოს მოსახლეობის აბსოლუტური უმრავლესობა ემხრობა პროპორციული საარჩევნო სისტემის შემოღებას, დღეს გაჟღერებული შემოთავაზება და პარლამენტის

რიტორიკა პროპორციულ საარჩევნო მოდელებში ევროპასა და ისრაელში კრიზისების რისკებზე, წარმოადგენს საზოგადოების დაცინვას და ქვეყნის დემოკრატიული განვითარების ინტერესის უგულებელყოფას, 
სამწუხაროა, რომ „ქართული ოცნება“ ვერ იაზრებს მასზე დაკისრებულ პასუხისმგებლობას ქვეყნის მოსახლეობისა და მისი მომავლის წინაშე და საარჩევნო სისტემასთან დაკავშირებით მათი ნებისმიერი გადაწყვეტილება მოტივირებულია მხოლოდ ძალაუფლების შენარჩუნების ინტერესით. მნიშვნელოვანია, რომ მმართველ და ოპოზიციურ პარტიებს შორის დიალოგის პროცესში განხილული საარჩევნო სისტემის მოდელი იყოს არა მხოლოდ ცალკეული პოლიტიკური პარტიის, არამედ მთელი საზოგადოების ინტერესების გამომხატველი და არსებითად აუმჯობესებდეს საარჩევნო გარემოს. 
მოვუწოდებთ, მმართველ გუნდს კარგად გაიაზროს მასზე დაკისრებული პასუხისმგებლობა და საზოგადოების მოთხოვნისა და საქართველოს საერთაშორისო პარტნიორების მკაფიო გზავნილების შესაბამისად, შეასრულოს პროპორციულ არჩევნებზე გადასვლის დაპირება" -წერია 15 არასამთავრობო ორგანოზაციის მიერ გავრცელებულ განცხადებაში.

„ქართულმა ოცნებამ“ ოპოზიციას 2020 წლის და მომდევნო წლების საპარლამენტო არჩევნების შერეული სისტემით ჩატარება შესთავაზა, სადაც მაჟორიტარების რაოდენობა 50 მანდატამდე შემცირდება.

14 ნოემბერს პარლამენტმა პროპორციულ სისტემაზე გადასვლას მხარი არ დაუჭირა, რასაც პარლამენტს გარეთ პროტესტი, შენობაში კი ხმაური მოჰყვა. თამარ ჩუგოშვილმა ვიცესპიკერის თანამდებობა, ასევე საპარლამენტო უმრავლესობა რამდენიმე დეპუტატთან ერთად დატოვა

ოპოზიცია საერთაშორისო პარტნიორების ჩართულობით, მმართველ პარტიასთან მოლაპარაკებებს მართავს და მის მიერ შემუშავებულ კანონპროექტთან დაკავშირებით ეუთოს დასკვნას ელოდება. მოლაპარაკებების მესამე რაუნდზე, რომელიც 15 დეკემბერს გაიმართა, მმართველი გუნდი და ოპოზიცია მრავალმანდატიან ოლქებზე ვერ შეთანხმდნენ.

ყველა სიახლე

გველის შხამი

25 იანვარი 2020, 17:46

ტექნოლოგიები

ნიდერლანდებში ბიოლოგებმა გველის შხამი ხელოვნურად შექმნეს

ნიდერლანდებში, ბიოლოგების ჯგუფმა გველის ღეროვანი უჯრედების გამოყენებით, შექმნეს მათი ჯირკვლების ხელოვნური ანალოგი, რომელშიც შხამი იწარმოება. მეცნიერების შეფასებით, ლაბორატორიაში მიღებული შედეგი ახალი წამლებისა და ანტიდოტების წარმოქმნას დააჩქარებს. მეცნიერებმა ამ თემაზე ანალიტიკური მასალა გამოცემა Cell-ში გამოაქვეყნეს.

საკანი

25 იანვარი 2020, 17:24

ძალოვნები

გუგეშაშვილების საქმეზე დაკავებულს ბრალი წარუდგინეს

გუგეშაშვილებზე შეიარაღებული თავდასხმა დიღმის მასივში 2018 წლის თებერვალში მოხდა, რა დროსაც თადარიგის პოლკოვნიკი დოდო გუგეშაშვილი დაჭრეს, მისი შვილი, 33 წლის გრიგოლ გუგეშაშვილი კი ადგილზე დაიღუპა. საქმის გახსნის შესახებ 24 იანვარს გახდა ცნობილი.

უხანი საავადმყოფოს მსენებლობა

25 იანვარი 2020, 16:53

მსოფლიო

უხანში კორონავირუსით დაავადებულებისთვის მეორე საავადმყოფოს ააშენებენ

დროებითი სამკურნალო დაწესებულება 1 300 ადამიანზე იქნება გათვლილი და მისი აშენება 15 დღეში იგეგმება. მანმდე ცნობილი გახდა, რომ ჩინეთის მთვარობა კორონავირუსით დაავდებულებისთვის 1000 ადამიანზე გათვლილ საავადმყოფოს აშენებს. სავარაუდოდ, იქ პაციენტების მიღებას უკვე 3 თებერვლიდან შეძლებენ.

ძარცვა

25 იანვარი 2020, 16:33

მსოფლიო

სლოვაკეთის ნაციონალური მუზეუმიდან მილიონი ევროს ღირებულების მონეტები მოიპარეს

სლოვაკეთში, ბრატისლავას ნაციონალური მუზეუმიდან მილიონი ევროს ღირებულების საკოლექციო მონეტები დაიკარგა. ინფორმაციას რუსული მედია სლოვაკეთის სამართალდამცველებზე დაყრდნობით ავრცელებს. სლოვაკეთის კულტურის სამინისტროს წარმომადგენელმა პავოლ ჩორბამ ჟურნალისტებს აცნობა, რომ გამოძიების დასრულებამდე უწყება საკუთარი პოზიციის გამოხატვისგან თავს შეიკავებს.

კარიესი

25 იანვარი 2020, 16:15

ტექნოლოგიები

მეცნიერებმა კარიესთან ბრძოლის ახალი მეთოდი შექმნეს

ჩინელმა მეცნიერებმა ადამიანის ნერწყვში არსებული პეპტიდი H5-ის მოდიფიკაცია შექმნეს. პეპტიდური ლაქი კბილებზე დამცავ ფირს ქმნის და მათ კარიესის გამომწვევი ბაქტერიებისგან იცავს. მეცნიერების მტკიცებით, ნივთირება კბილის ემალში შედის და აღადგენს მას.

25 იანვარი 2020, 15:43

საქართველო

საქართველოში შემოსული ყველა მგზავრი კორონავირუსზე აეროპორტშივე შემოწმდება

კორონავირუსთან დაკავშირებით ჯანდაცვის სამინისტროში სამუშაო ჯგუფის მორიგი შეხვედრა გაიმართა, რომელზეც მხარეებმა ​კორონავირუსის გავრცელების საფრთხეებზე იმსჯელეს. შეხვედრას ჯანდაცვის სამინისტროს, დაავადებათა კონტროლის ეროვნული ცენტრის წარმომადგენლები და ამ დარგის ექსპერტები.

ჯენიფერ ენისტონი

25 იანვარი 2020, 15:32

ტაბლოიდი

ჯენიფერ ენისტონმა სერიალ „მეგობრების“ თაყვანისცემლებს სიურპრიზი მოუწყო

ენისტონმა გადასაღები მოედანი მოინახულა, სადაც 10 წლის განმავლობაში სერიალ „მეგობრებზე“ მუშაობდა. ახლა პავილიონი Warner Brothers-ის ექსპოზიციის ნაწილია და იქ ექსკურსიები ეწყობა. მსახიობი ცნობილი დივანის უკან დაიმალა და მასზე სურათის გადასაღებად მოკალათებულებს აკვირვებდა.

ვერტმფრენი MH-60

25 იანვარი 2020, 15:11

მსოფლიო

იაპონიაში ამერიკული სამხედრო ვერტმფრენი წყალზე დაჯდა

აშშ-ის სამხედრო საზღვაო ძალების ვერტმფრენი MH-60 იაპონიაში წყალზე დაჯდა. ინფორმაციას ამის შესახებ სააგენტო Nippon-ი ავრცელებს. მისი ცნობით, ინციდენტი ოკინავას პრეფექტურის ნაპირიდან 170 კილომეტრში მოხდა. სააგენტოს ინფორმაციით, ვერტმფრენის ეკიპაჟის ხუთივე წევრი იაპონელმა სამხედროებმა გადაარჩინეს.

გიორგი გახარია

25 იანვარი 2020, 14:50

საქართველო

გიორგი გახარიამ თურქეთში მიწისძვრის შედეგად დაღუპულთა ოჯახებს მიუსამძიმრა

„თანავუგრძნობ და სოლიდარობას ვუცხადებ თურქეთში მომხდარი დამანგრეველი მიწისძვრის შედეგად დაზარალებულებსა და დაშავებულებს და მათ ოჯახებს. ამ მძიმე წუთებში საქართველო გვერდში უდგას თურქეთს”, - წერს პრემიერი. ბოლო მონაცემებით, მიწისძვრას 22 ადამიანი ემსხვერპლა.

ლევან ხაბეიშვილი

25 იანვარი 2020, 14:41

ძალოვნები

ლევან ხაბეიშვილის დაზიანებებს ექსპერტიზა შეამოწმებს

მისი უფლებადამცველი აცხადებს, რომ საქმე აუცილებლად უნდა გადაკვალიფიცირდეს , რადგან ოპოზიციონერ დეპუტატს ოპონენტები ჯგუფურად გაუსწორდნენ. შინაგან საქმეთა სამინისტროში კი გამოძიება ძალადობის მუხლით მიმდინარეობს. ინციდენტი საკრებულოში სარევიზო კომისიის სხდომაზე 24 იანვარს მოხდა.

ჩინეთი ვირუსი

25 იანვარი 2020, 14:18

საქართველო

რას ყვება ჩინეთში, კორონავირუსის ეპიცენტრში მყოფი საქართველოს მოქალაქე

ჩინეთის ქალაქი უჰანში, რომელიც საიდანაც სხვადასხვა ქვეყნებში კორონავირუსი გავრცელდა, საქართველოს ხუთი მოქალაქე იმყოფება. ჩინეთში საქართველოს ელჩის არჩილ კალანდიას ინფორმაციით, არც ერთ მათგანს საფრთხე არ ემუქრება, დიპლომატიური უწყება კი საქართველოს მოქალაქეებთან მუდმივ კონტაქტზე იმყოფება.

ბრაიან ბაბინი

25 იანვარი 2020, 14:09

საქართველო

პრემიერმინისტრს წერილით კიდევ ერთმა კონგრესმენმა მიმართა

ბაბინი მის კოლეგებს ადამ კინზინგერსა და გერი კონოლის, რომლებმაც 2019 წლის 13 დეკემბრით დათარიღებულ წერილში შეშფოთება გამოთქვეს საარჩევნო სისტემასთან დაკავშირებით მიღებულ გადაწყვეტილებაზე. კონგრესმენი ფიქრობს , რომ ქვეყანაში დემოკრატიული ღირებულებები და ეკონომიკური მდგომარეობა გაუარესებულია და ამის გამო წუხილს გამოთქვამს.

მუჰამედ ჯავად ზარიფი

25 იანვარი 2020, 13:49

მსოფლიო

ირანელი, რომელმაც უკრაინული თვითმფრინავი ჩამოაგდო, დააკავეს

„32 წლის წინ ამერიკელებმა ჩამოაგდეს ირანული თვითმფრინავი, მაგრამ ბოდიში ჩვენთვის არავის მოუხდია. ამერიკელი სამხედრო, რომელმაც ეს გააკეთა, მედლითაც კი დააჯილდოვეს, მაშინ, როდესაც ირანელი, რომელმაც უკრაინული თვითმფრინავი ჩამოაგდო, ციხეში ზის“, - აღნიშნა ზარიფმა.

კოსმოსური ძალების ემბლემა

25 იანვარი 2020, 13:33

ტაბლოიდი

აშშ-ის კოსმოსური ძალების ემბლემა ცნობილი სერიალის ლოგოტიპს მიამსგავსეს

ტრამპმა ემბლემა Twitter-ზე წარადგინა, სოცქსელის მომხმარებლებმა კი აღნიშნეს, რომ ლოგო პოპულარული სერიალის „ვარსკვლავური გზა“ სიმბოლიკას ჰგავს. აშშ-ის პრეზიდენტმა დონალდ ტრამპმა კოსმოსური ძალები 2019 წლის 21 დეკემბერს დააფუძნა.

შეხვედრა ვაშინგტონი

25 იანვარი 2020, 12:49

საქართველო

USAID-ი საქართველოში 7 მილიონი დოლარის საგანმანათლებლო პროექტს განახორციელებს

ვაშინგტონში აშშ-საქართველოს სტრატეგიული პარტნიორობის ქარტიის ფარგლებში ხალხთაშორისი ურთიერთობებისა და კულტურული გაცვლის სამუშაო ჯგუფის შეხვედრა გაიმართა. შეხვედრაზე ცნობილი გახდა, რომ USAID-ი საქართველოში ახალ, 5-წლიან პროექტს განახორციელებს.

ტოჩინოშინი

25 იანვარი 2020, 12:47

სპორტი

ტოჩინოშინმა ჰაცუ ბაშოზე კიდევ ერთი შეხვედრა დათმო

ტოკიოში მიმდინარე 2020 წლის ჰაცუ ბაშოზე ქართველმა სუმოისტმა, ტოჩინოშინმა კიდევ ერთი შეხვედრა დათმო. ტურნირს მე-14 დღეს ლევან გორგაძე სეკივაკე ტაკაიასუსთან დამარცხდა. ამ წაგების შემდეგ ტურნირზე მისი ბალანსი 5:9-ზე გახდა.

Forever 21

25 იანვარი 2020, 12:21

ეკონომიკა

კომპანია Simon Property-ს Forever 21-ის შეძენა სურს

ამერიკული კომპანია Simon Property Group-ს, რომელიც კომერციული უძრავი ქონების ბაზარზე საქმიანობს, კომპანია Forever 21 Inc.-ის შეძენა სურს. ინფორმაციას ამის შესახებ სააგენტო Bloomberg-ი ავრცელებს. Forever 21-ის მაღაზიების მართვაში​ Simon-ის გარდა Authentic Brands Group LLC-იც იქნება ჩართული.

კენდალ დივიში კნუტები გადარჩენა

25 იანვარი 2020, 12:01

ტაბლოიდი

კანადელმა მიწაზე მიყინული კნუტები ყავის მეშვეობით გადაარჩინა. ვიდეო

შემთხვევა ალბერტაში მოხდა. ნავთობობიექტების ინსპექტორი კენდალ დივიში მონიტორინგს ახორციელებდა, როცა 3 კნუტი დაინახა. დივიშმა კნუტები ერთ-ერთ ადგილობრივ ოჯახს მიაბარა, რომელიც მათთვის პატრონებს იპოვის. ჯერჯერობით უცნობია როგორ მოხვდნენ კნუტები ნავთობობიექტის ტერიტორიაზე.

პოლიცია მკვლელობა

25 იანვარი 2020, 11:57

ძალოვნები

სოფელ კასრისწყალში მწყემსების დაპირისპირება მსხვერპლით დასრულდა

არსებული ინფორმაციით, მკვლელობას წინ ურთიერთდაპირისპირება უძღოდა, რომელიც მწყემსებს შორის გუშინ საღამოს მოხდა. ცნობილია, რომ კახა გრიგალაშვილმა 47 წლის დავით სვეტაძე მოკლა, რომელიც სოფელ ფშაველიდან იყო და კასრისწყალში მდებარე ერთ-ერთ ფერმაზე მუშაობდა.

თურქეთი პროტესტი

25 იანვარი 2020, 11:36

მსოფლიო

თურქეთში არასრულწლოვნებზე მოძალადეებისთვის სასჯელის გაუქმებაზე მსჯელობენ

თურქეთის მმართველმა ძალამ, „სამართლიანობისა და განვითარების პარტიამ“ წარუდგინა პარლამენტს კანონპროექტი, რომელიც არასრულწლოვნებთან კავშირში ბრალდებულ პირებს დაქორწინების შემთხვევაში სისხლის სამართლის პასუხისმგებლობისგან ათავისუფლებს. ინფორმაციას ამის შესახებ გამოცემა The Guardian-ი ავრცელებს.