imedi /  14 იანვარი 2020, 13:20 / სანდო წყარო

ზურაბიშვილი: ჩვენ ამ დროშის ღირსი არ ვიქნებით, თუ საზოგადოებას ვერ გავაერთიანებთ

სალომე ზურაბიშვილი

საქართველოს პრეზიდენტის სალომე ზურაბიშვილის განცხადებით, დროშა საქართველოს სახელმწიფოს და ერთიანობის სიმბოლოა.

პრეზიდენტმა საქართველოს მოსახლეობას სახელმწიფო დროშის დღე გურიიდან მიულოცა. ქართული დროშის აღმართვის ცერემონია ჩოხატაურში, სოფელ გორაბერეჟოულში, ერისთავების სასახლეში გაიმართა.

„ჩემო თანამემამულეებო, მინდა, ყველას მოგილოცოთ დღევანდელი დღე, სახელმწიფო დროშის დღე. მინდა, მოგილოცოთ ეს დღე გურიიდან, რამეთუ გურია არის ის მხარე, რომელმაც პირველმა გამოაცხადა თავის დროზე დამოუკიდებლობა. ასე რომ, ერთგვარი სიმბოლოა, გურიიდან მოგილოცოთ ღევანდელი ძალიან მნიშვნელოვანი დღე, “ - განაცხადა ზურაბიშვილმა. 

პრეზიდენტმა დროშის დღე პირველ რიგში თავდაცვის ძალების წარმომადგენლებს მიულოცა: 

„ჩვენს ჯარისკაცებს, ასევე, მათ ვინც, არიან საზღვრებს გარეთ და სამშვიდობო მისიებშიც წარმოადგენენ საქართველოს, საქართველოს დროშის ქვეშ დგანან. ჩვენი დროშა ეს არის პირველ რიგში სიმბოლო სახელმწიფოსი, მისი ერთიანობის, ეს არის სიმბოლო ჩვენი ისტორიის. ამიტომ ავირჩიეთ ამ წელს ეს ისტორიული ადგილი, ერისთავების ციხე-სიმაგრე, რათა  აქ აღგვემართა დროშა. ვაპირებ, ყოველ წელს სხვადასხვა მხარეში, სხვადასხვა რეგიონში ჩავიდეთ ამ დღეს, ეს იყოს ნიშანი იმისა, რომ სახელმწიფო დროშა ყველას  გვაერთიანებს,  ერთიანობის ნიშანი ჩვენი დროშის შუაგულშია – მთავარი ჯვარი არის ერთიანობის ჯვარი. ამ დროშაზე დატანილია ყველაფერი, რაც არის საქართველო, მისი ქრისტიანობა, მისი წარსული. ეს არის ერთ-ერთი ყველაზე ძველი სახელმწიფო დროშა. ამ დროშით ჩვენ ევროპაში კიარ შევდივართ, ჩვენ ევროპაში უკვე ვრთ. სიმბოლოები, რაცაა დაკავშირებული დროშასთან, დროშის ფერებთან, აქ არის სამართლიანობაც და სიმამაცეც, ეს არის ის ფასეულობები, რითაც მოდიოდა საქართველო და მოდის. ეს დროშა ჩვენი ერთიანობის დროშაა და იმ დროს, როცა მძიმე მოვლენებია აფხაზეთში, ძალიან ყურადღებით ვადევნებთ თვალს ამ მოვლენებს, მნიშვნელოვანია, იქ ჩვენი მოქალაქეების სიმშვიდე და უსაფრთხოება იყოს დაცული. დღეს ჩვენ არ გვაქვს იმის ბერკეტები, რომ დავიცვათ ჩვენი მოქალაქეები, მაგრამ ეს დროშა არის იმის იმედი, რომ საქართველო იქნება გამთლიანებული, რომ ეს დროშა მთელი, სრულიად საქართველოს დროშა არის დღეს და იქნება მომავალშიც. ამ დროშის ქვეშ ძალიან ბევრი ისეთი საქმე კეთდება, რომელიც არის სახელმწიფოებრივი საქმე, ამ დროშის ქვეშ დგანან ჩვენი ჯარისკაცები, ამ დროშის ქვეშ ჩვენი დიპლომატიური სამსახურები უცხოეთში, ჩვენ გავდივართ უცხოეთში და ვართ ცნობილი ამ დროშით, ყველა პატივს გვცემს ამ დროშის ქვეშ. ამ დროშის ქვეშ, ასევე ჩვენი სპორტსმენები იმარჯვებენ უცხოეთში და ძალიან ბევრი მედლით დაბრუნდნენ, ბევრჯერ აღიმართა საქართველოს დროშა უცხოეთში. ახლა იწყება 2020 წელი, ოლიმპიური თამაშების წელი და დარწმუნებული ვარ, ეს დროშა ძალიან ხშირად აღიმართება სწორედ ამ თამაშების დროს“, - განაცხადა სალომე ზურაბიშვილმა.

ზურაბიშვილის განცადებით, დროშის პატივისცემა არის საკუთარი თავის პატივისცემა: 

„ჩვენ ამ დროშის ღირსი არ ვიქნებით, თუ ვერ შევძლებთ, გავერთიანდეთ ჯერ ჩვენს შორის, საზოგადოებაში. ეს დროშა მოგვეცა, რამდენი საუკუნეა, რომ ამ დროშის ქვეშ ჩვენი გმირები იბრძვიან, ძალიან ბევრი დაიღუპა ამ დროშის ქვეშ, შემდეგ სხვა დროშის ქვეშ, მაგრამ ეს არის რეალურად ერთიანი დროშა ჩვენი ისტორიისა. ჩვენ რომ ვიყოთ ამის ღირსი, უნდა დავიბრუნოთ ის მთავარი ღირებულება, რაც დგას ამ დროშის უკან, ეს არის ქრისტიანობა თავისი სიყვარულით. ჩვენ თუ ეს ვერ შევძელით, ვიქნებით დაპირისპირებული და დაყოფილი ბანაკებად, არც ამ დროშის, არც ამ ქვეყნის ღირსი არ ვიქნებით,“ - განაცხადა ზურაბიშვილმა. 

პრეზიდენტმა საქართველოს მოსახლეობას სიმშვიდე, ბედნიერი და წარმატებული წელი უსურვა.

ყველა სიახლე

პრინცი მულტფილმი

23 იანვარი 2020, 01:04

კულტურა

HBO ბრიტანეთის სამეფო ოჯახზე მულტფილმს გადაიღებს

პროექტის მთავარი გმირი პრინც უილიამის ვაჟი - ჯორჯი იქნება. პროექტის სცენარისტი პროდიუსერი გარი ჯანეტი იქნება. სერიალის სიუჟეტი მის Instagram-ანგარიშზე იქნება დაფუზვნებული, რომელზეც ის სამეფო ოჯახში მიმდინარე მოვლენებს ჯორჯის სახელით აფასებს.

Brexit

23 იანვარი 2020, 00:56

მსოფლიო

ბრიტანეთის პარლამენტმა Brexit-ის კანონპროექტი დაამტკიცა

ბრიტანეთის პარლამენტის ორივე პალატამ ევროკავშირიდან ქვეყნის გამოსვლის შესახებ კანონპროექტს მხარი დაუჭირა.ბრიტანეთი ევროკავშირს 2020 წლის 31 იანვარს დატოვებს. BBC ცნობით, დოკუმენტი ხელმოსაწერად დედოფალ ელზაბეტ მეორეს გადეგზავნა. ბრიტანეთის ევროკავშირიდან გამოსვლა 2019 წლის მარტში იყო დაგეგმილი, თუმცა პარლამენტი და მთავრობა ევროკავშირიდან გამოსვლის პირობებზე ამ დრომდე ვერ შეთანხმდა.

მარსმავალი ნასა

23 იანვარი 2020, 00:15

ტაბლოიდი

NASA-მ ახალი მარსმავალისთვის სახელის შესარჩევად კონკურსი გამოაცხადა

სასურველი ვარიანტის არჩევა ნებისმიერ მსურველს 27 იანვრამდე შეუძლია. თითოეულ სახელს იმ მოსწავლის ესე აქვს დართული, ვინც ეს სახელი წარადგინა, გამარჯვებული კი მარტში გამოვლინდება. გამარჯვებული სახელწოდების ავტორი კი 2020 წლის ივლისში მარსმავლის გაშვებას დაესწრება.

მიშელ პლატინი

22 იანვარი 2020, 23:56

სპორტი

მიშელ პლატინი საფეხბურთო საქმიანობას უბრუნდება

უეფას ყოფილი პრეზიდენტი მიშელ პლატინი საფეხბურთო საქმიანობას უბრუნდება. ფრანგი ფუნქციონერი პროფესიონალ ფეხბურთელთა საერთაშორისო ასოციაციის პრეზიდენტის, ფილიპ პიას მრჩევლად დაინიშნა. 2015 წელს ფიფას ეთიკის კომიტეტმა პლატინი საფეხბურთო საქმიანობას იოზეფ ბლატერთან ერთად ჩამოაშორა.

კორონავრუსი

22 იანვარი 2020, 23:27

მსოფლიო

ჩინეთის მთავრობამ კორონავირუსის გამო უხანში კარანტინი გამოაცხადა

სოციალურ ქსელში გავრცელებული ინფორმაციით, ქალაქ უხანში ჩინეთის მთავრობამ კარანტინი გამოაცხადა. BBC ცნობით, 23 იანვარს ასევე იგეგმება აეროპორტის დახურვა და საზოგადოებრივი ტრანსპორტის ფუნქციონირების შეჩერება. უხანში დაახლოებით 9 მილიონი ადამიანი ცხოვრობს. მოსახლეობას ქალაქის დატოვება აეკრძალა.

General Motors

22 იანვარი 2020, 23:06

ტექნოლოგიები

General Motors-მა პირველი უპილოტო ავტომობილი წარმოადგინა

ამერიკული ავტომწარმოებლის General Motors-ის შვილობილმა კომპანია Cruise-მა კომპანია Honda-თან შექმნილი პირველი უპილოტო ავტომობილი წარმოადგინა. ავტომობილი Cruise Origin ელექტრონული მიკროავტობუსია, რომელსაც არ აქვს საჭე და პედლები. ავტომობილში 6 ადამიანს შეუძლია მოთავსდეს.

კახა კუჭავა, კრისტიან ტერეში, ირაკლი ბერაია

22 იანვარი 2020, 22:41

საქართველო

ევროპარლამენტარი ტერეში: საქართველო ევროპის სახალხო პარტიისა და სხვა პოლიტიკური ჯგუფების ბრძოლის ველად იქცა

ტერეშმა და ქართველმა დეპუტატებმა საქართველოში მიმდინარე შიდა პროცესებიც განიხილეს. ევროპარლამენტის ვიცეპრეზიდეტმა კიდევ ერთხელ გაუსვა ხაზი იმას, რომ მისთვის მიუღებელია ის, რაც ევროპარლამენტის საგარეო საქმეთა კომიტეტის სხდომაზე ხდებოდა. მან საქართველოს მოსახლეობას ერთიანობისკენ მოუწოდა.

ანდრია ჯაღმაიძე

22 იანვარი 2020, 22:21

საქართველო

ჯაღმაიძემ განმარტა რატომ აუკრძალეს ანდრია სარიას მღვდელმსახურება

საპატრიარქოს საზოგადოებასთან ურთიერთობის სამსახურის ხელმძღვანელმა დეკანოზმა ანდრია ჯაღმაიძემ განმარტა მიზეზები, რატომო აუკრძალეს მღვდელმსახურება მღვდელ ანდრია სარიას. მღვდელმონაზონი ანდრია სარია ჭყონდიდის ეპარქიიდან 2019 წლის 13 დეკემბერს გაათავისუფლეს.

ემანუელ მაკრონი

22 იანვარი 2020, 22:03

მსოფლიო

ემანუელ მაკრონი იერუსალიმში პოლიციელებს დაუპირისპირდა

ინციდენტი წმინდა ანას ეკლესიაში მოხდა, რომელიც საფრანგეთს ეკუთვნის. მაკრონის შეშფოთება იმ ფაქტმა გამოიწვია, რომ სამართალდამცველები ეკლესიაში მასზე ადრე შევიდნენ. დაპირისპირების ამსახველი ვიდეო მოგვიანებით სოციალურ ქსელებში გავრცელდა.

კორონავირუსი

22 იანვარი 2020, 21:43

მსოფლიო

ჩინეთში ერთ დღეში კორონავრუსით დაღუპულთა რაოდენობა გაორმაგდა

ინეთში ახალი კორონავირუსით დაღუპულთა რაოდენობა17-მდე გაიზარდა.China Daily ხუბეის პროვინციის ხელისუფლების მიერ გავრცელებულ ინფორმაციას ეყრდნობა. გამოცემის ცნობით, პროვინციაში უკვე 444 ადამიანი დაავადდა. 12 საათის წინ 440 ინფიცირებულის შესახებ იყო ცნობილი.

ჯეფ ბეზოსი მოჰამედ იბნ სალმანი

22 იანვარი 2020, 21:23

მსოფლიო

გაეროს ექსპერტები ჯეფ ბეზოსის ტელეფონის გატეხვის ფაქტზე გამოძიების დაწყებას ითხოვენ

„ჩვენს მიერ მიღებული ინფორმაციის მიხედვით, შესაძლოა პრინცი ბატონ ბეზოსზე თვალთვალში იყო ჩართული, რომლის მიზანიც Washington Post-ის მიერ საუდის არაბეთში მიმდინარე მოვლენების გაშუქებაზე გავლენის ქონა იყო“, - ნათქვამია ექსპერტების მიერ გავრცელებულ განცხადებაში.

პროკურატურა

22 იანვარი 2020, 20:43

ძალოვნები

საქართველოს გენერალური პროკურორობის კანდიდატთა რაოდენობა შემცირდა

ადვოკატმა გრიგოლ გაგნიძემ კანდიდატურა მოხსნა და ირაკლი შოთაძეს მხარდაჭერა გამოუცხადა. შესაძლოა ანალოგიური გადაწყვეტილება მიიღოს იურისტმა გელა ჩივაძემაც. გენერალური პროკურორის პოსტზე 17 კანდიდატი იყო წარდგენილი.

კორონავირუსი

22 იანვარი 2020, 20:38

საქართველო

ჩინეთში მყოფ საქართველოს მოქალაქეებს საელჩო მოუწოდებს უხანში არ ჩავიდნენ

ჩინეთის სახალხო რესპუბლიკაში საქართველოს საელჩო საქართველოს მოქალაქეებს მოუწოდებს, თავი შეიკავონ ქალაქ უხანში გამგზავრებისაგან, ვინაიდან ეს ქალაქი წარმოადგენს ინფექციის კერას. ბოლო მონაცემებით, ჩინეთში ახალი კორონავირუსის დიაგნოზი 440 პაციენტს დაუსვეს. დაავადებას 17 ადამიანი ემსხვერპლა. ვირუსის შემთხვევები ასევე დაფიქსირდა ტაილანდში, ტაივანში, ჰონგ-კონგში, იაპონიაში, სამხრეთ კორეასა და აშშ-შიც.

კონგრესმენების წერილი

22 იანვარი 2020, 20:33

საქართველო

მთავრობის ადმინისტრაციამ ამერიკელი კონგრესმენების წერილი გამოაქვეყნა

წერილში, რომელიც ჯერი კონოლიმ, ადამ კინზინგერმა, მაიკლ მაკკაულმა და ელიოტ ენჯელიმ გიორგი გახარიას მისწერეს, კონგრესმენები საქართველოში მიმდინარე პროცესებს კრიტიკულად აფასებენ.

ინოვაციებისა და რეფორმების ცენტრი

22 იანვარი 2020, 20:10

საქართველო

საქართველოში საჯარო მმართველობის რეფორმის მონიტორინგის სისტემა იქმნება

„ინოვაციებისა და რეფორმების ცენტრი“ (IRC) ახალ პროექტს იწყებს. ევროკავშირის მხარდაჭერით „საჯარო მმართველობის რეფორმის მონიტორინგის სისტემა შემუშავდება. პროექტის პრეზენტაცია დღეს თბილისში, სასტურმო „რუმსში“ შედგა. ღონისძიებას საჯარო მმართველობის მიმართულებით მომუშავე ადგილობრივი არასამთავრობო, საერთაშორისო და სახელმწიფო ორგანიზაციების წარმომადგენლები ესწრებოდნენ.

გიორგი გახარია ილჰამ ალიევი

22 იანვარი 2020, 20:04

საქართველო

გიორგი გახარია დავოსში ილჰამ ალიევს შეხვდა

ლიდერებმა საქართველოსა და აზერბაიჯანის სტრატეგიულ პარტნიორობასა და რეგიონული მნიშვნელობის სატრანსპორტო-ენერგეტიკულ პროექტებზე ისაუბრებს, რომლებსაც თბილის და ბაქო ერთობლივად ახორციელებენ. ისინი ინტენსიური კომუნიკაციის მომავალში გაგრძელებაზე შეთანხმდნენ.

კუპატა

22 იანვარი 2020, 19:41

ტაბლოიდი

პოპულარულ ქუჩის ძაღლ კუპატას ბათუმში ვარსკვლავი გაუხსნეს

აჭარის ტურიზმის დეპარტამენტის ინფორმაციით, ბათუმში პოპულარულ ქუჩის ძაღლ კუპატას უკვე თავისი კერა აქვს. „მიზნად მხოლოდ ბავშვების უსაფრთხოდ ქუჩაზე გადასვლა ჰქონდა, მაგრამ აშკარად უფრო მეტი გამოუვიდა 😊დეპარტამენტის თანამშრომლებმა ვუყიდეთ კერა წარწერით „ხალხის რჩეული“, რაც ნამდვილად დაიმსახურა❤️“, -წერს უწყება სოციალურ ქსელში. ბათუმელი ქუჩის ძაღლი საერთაშორისო მედიის ყურადღების ცენტრში მოექცა. ABC News-მა გამოაქვეყნა ძაღლის ვიდეო სათაურით „ქუჩის ძაღლი აცილებს ბავშვებს გადასასვლელზე აღმოსავლეთ ევროპის ქვეყანა საქართველოში.“

Tesla

22 იანვარი 2020, 19:31

ეკონომიკა

Tesla-ს კაპიტალიზაციამ $100 მილიარდს პირველად გადააჭარბა

21 იანვარს Tesla-ს ერთი აქციის ღირებულებამ $555,1 დოლარი შეადგინა, კომპანიის კაპიტალიზაცია კი 110,1 მილიარდ დოლარს მიაღწია. მეორე დღეს აქციის ღირებულება 547,2 დოლარამდე შემცირდა, კაპიტალიზაცია კი 98,6 მილიარდამდე. აქციების ფასის ზრდა 2019 წლის მესამე კვარტალში კომპანიის ფინანსურმა წარმატებამ და ჩინეთში ქარხნის გახსნას უკავშირდება.

წყნეთის აგარაკები

22 იანვარი 2020, 19:11

ეკონომიკა

წყნეთის სამთავრობო აგარაკებზე გამოცხადებული აუქციონი ჩაიშალა

წყნეთის სამთავრობო აგარაკებს მყუდველი არ გამოუჩნდა. 23 დეკემბერს გამოცხადებული აუქციონი ცოტა ხნის წინ დასრულდა. სახელმწიფო ქონების ეროვნულ სააგენტოში ჯერ არ ამბობენ, როდის და რა პირობებით გამოცხადდება ახალი აუქციონი.

სასამართლო

22 იანვარი 2020, 18:48

ძალოვნები

ზუგდიდში, პოლიციელზე თავდასხმის მცდელობაში ბრალდებულს პატიმრობა შეეფარდა

ზუგდიდში, პოლიციელზე თავდასხმის მცდელობაში ბრალდებულ 51 წლის გელა ქანთარიას, რაიონულმა სასამართლომ აღკვეთ ღონისძიებად პატიმრობა შეუფარდა. გადაწყვეტილება მოსამართლე ნატრული აკობიამ მიიღო. შსს-ს ინფორმაციით, გელა ქანთარიამ მიმდინარე წლის 17 იანვარს ზუგდიდში, ჭავჭავაძის ქუჩაზე სამართალდამცველების მისამართით გაისროლა და შემთხვევის ადგილიდან მიიმალა.