imedi /  07 დეკემბერი 2017, 16:30 / სანდო წყარო

ომბუდსმენმა გახმაურებული საქმეების შესახებ ანგარიში წარადგინა

სახალხო დამცველი უჩა ნანუაშვილი, რომელსაც მუშაობის ვადა დღეს ეწურება, იმ გახმაურებული საქმეების შესახებ აკეთებს ანგარიშს, რომლებიც 2012 წლიდან დღემდე საკუთარი ინიციატივით შეისწავლა.

საქმეებს შორის მოხვდა: ბარბარე რაფალიანცის საქმე, ლაფანყურის სპეცოპერაცია, 2011 წლის 26 მაისის აქციის დაშლის საქმე, ფარული ჩანაწერების 26 ათასი ფაილის საქმე.

გთავაზობთ სახალხო დამცველის ანგარიშებს.

1. ბარბარე რაფალიანცის საქმე

სახალხო დამცველმა 2012 წლის სექტემბერში, საპარლამენტო არჩევნების წინა ღამით კახეთის რეგიონში გარდაცვლილ მცირეწლოვან ბარბარე რაფალიანცის ოჯახის წევრებთან შეხვედრის შემდეგ, საჯაროდ მოუწოდა საგამოძიებო უწყებას გამოძიების დაჩქარებისა და დამნაშავეთა დასჯის მიზნით.

მცირეწლოვან ბარბარე რაფალიანცის გარდაცვალების ფაქტზე ჩატარებული საგამოძიებო მოქმედებების მიუხედავად სისხლის სამართლის პასუხისგებაში მისაცემი პირი დადგენილი არ არის და გამოძიება დღემდე გრძელდება. აღსანიშნავია, რომ დაზარალებულის უფლებამონაცვლის სტატუსი ბავშვის დედას მიენიჭა.

2. სოლომონ ქიმერიძის საქმე

სახალხო დამცველმა მოუწოდა გამოძიების მწარმოებელ ორგანოს, ჩაეტარებინა ყოველმხრივი და ობიექტური გამოძიება, რათა დაედგინა 2012 წლის 27 თებერვალს ხაშურის პოლიციის რაიონული სამმართველოს შენობაში ბრალდებულ სოლომონ ქიმერიძეს, როგორც გარდაცვალების მიზეზი, ასევე, გარდაცვალებამდე ხომ არ დაექვემდებარა იგი არაადამიანურ ან სასტიკ მოპყრობას.

სოლომონ ქიმერიძის მიმართ პოლიციელების მხრიდან სამსახურებრივი უფლებამოსილების შესაძლო გადამეტების ფაქტზე ჩატარდა საგამოძიებო მოქმედებები, თუმცა, კონკრეტული პირი ბრალდებულად ცნობილი არ არის.

3. 2011 წლის 26 მაისის აქციის დაშლის საქმე

სახალხო დამცველმა გამოძიებას მოუწოდა 2011 წლის 26 მაისს რუსთაველის გამზირზე საპროტესტო აქციის დაშლისას ადამიანის უფლებათა მასობრივი დარღვევის ფაქტების დროული გამოძიება.

მოცემულ საქმეზე სისხლისსამართლებრივი დევნა დაიწყო შინაგან საქმეთა სამინისტროს 6 მაღალჩინოსნის მიმართ. შინაგან საქმეთა ყოფილი მინისტრის მიმართ გამოტანილია გამამტყუნებელი განაჩენი, დანარჩენი 5 პირის მიმართ სისხლის სამართლის საქმეს ჯერ კიდევ იხილავს სასამართლო. საქმეზე 250-მდე პირი ცნობილია დაზარალებულად, გამოძიება გრძელდება.

4. ფარული ჩანაწერების 26 ათასი ფაილის საქმე

2013 წელს ცნობილი გახდა ათასობით უკანონოდ მოპოვებული, ფარული ჩანაწერის არსებობის შესახებ, რომელიც ინახებოდა შინაგან საქმეთა სამინისტროში ან/და სამართალდამცავი ორგანოების განცხადებით, ცალკეულ შემთხვევებში, აღმოჩენილი იქნა სხვადასხვა სამალავებში. მთავრობის 2013 წლის 15 აგვისტოს №206 დადგენილებით შეიქმნა უკანონო მიყურადებისა და ფარული ჩანაწერების საკითხებზე მომუშავე დროებითი კომისია, რომელშიც საქართველოს სახალხო დამცველი წევრის სტატუსით იყო მიწვეული.

დროებითი კომისიის 2014 წლის 31 იანვრის ანგარიშის მიხედვით, ფარული ჩანაწერების (ფაილების) სრულმა რაოდენობამ 28 687 ათასი ფაილი შეადგინა. კომისიის გადაწყვეტილებით 2013 წლის 5 სექტემბერს განადგურდა პირადი, მათ შორის, ინტიმური ცხოვრების ამსახველი ვიდეო მასალა, ხოლო 2014 წლის 29 იანვარს დროებითმა კომისიამ დაასრულა მუშაობა და უკანონო ჩანაწერების ნაწილი გამოძიებისათვის საქართველოს მთავარ პროკურატურას გადაეცა. საქართველოს სახალხო დამცველის რეკომენდაციას  ფარული მიყურადებისა და თვალთვალის შედეგად მასალების მოპოვების ფაქტების ეფექტიანი გამოძიება და დამნაშავე პირების პასუხისგებაში მიცემა წარმოადგენდა.

მოცემულ ფაქტზე გამოძიება დღემდე მიმდინარეობს საქართველოს შინაგან საქმეთა სამინისტროს ცალკეული თანამშრომელთა მხრიდან სამსახურებრივი უფლებამოსილების გადამეტების ფაქტზე, ჩატარებული მრავალი საგამოძიებო და საპროცესო მოქმედების მიუხედავად სისხლისსამართლებრივი დევნა დაწყებული არ არის.

5. ლაფანყურის სპეცოპერაციის საქმე

საქართველოს სახალხო დამცველის ანგარიშებში გაცემული იქნა რეკომენდაციები[3] 2012 წლის აგვისტოს ბოლოს ჩატარებული ლაფანყურის სპეცოპერაციის საქმეზე ეფექტური, ობიექტური და დამოუკიდებელი გამოძიების ჩატარების მიზნით: სამართალდამცავთა მიერ ლეტალური ძალის გამოყენების მართლზომიერებისა და პროპორციულობის შესასწავლად გამოძიების დაწყება, სპეცოპერაციის დაგეგმვისა და განხორციელების გარემოებების გამოძიება, გამოძიების საქართველოს მთავარი პროკურატურის მიერ ჩატარება, გარდაცვლილთა ოჯახის წევრებისთვის დაზარალებულის უფლებამონაცვლის სტატუსის მინიჭება და გამოძიების პროცესში მათი ეფექტიანი მონაწილეობის უზრუნველყოფა.

საქართველოს სახალხო დამცველის აპარატისთვის წარმოდგენილი ინფორმაციის თანახმად, მოცემულ საქმეზე გამოძიებას საქართველოს სახელმწიფო უსაფრთხოების სამსახურის კონტრდაზვერვის დეპარტამენტი აწარმოებს საქართველოს მთავარი პროკურატურის ზედამხედველობით საქართველოს სისხლის სამართლის კოდექსის 144-ე მუხლით გათვალისწინებული დანაშაულის ნიშნებით. ჩატარდა ყველა საჭირო საგამოძიებო მოქმედება, მათ შორის, მოწმის სახით დაიკითხა 300-მდე პირი, ჩაინიშნა არაერთი სახის ექსპერტიზა, ჩატარდა გარდაცვლილ პირთა ექსჰუმაცია და ჩატარდა გვამების სასამართლო-სამედიცინო ექსპერტიზა, საერთაშორისო დახმარების ფარგლებში გამოთხოვილი და მიღებული იქნა მნიშვნელოვანი ინფორმაცია. სისხლისსამართლებრივი დევნა დაწყებული არ არის. ამასთან, მოცემული საქმიდან სამართალდამცავი ორგანოების თანამშრომელთა მხრიდან სავარაუდო დანაშაულის ფაქტზე ცალკე წარმოებად საქმე გამოყოფილი არ არის. დაზარალებულის უფლებამონაცვლის სტატუსი მინიჭებული არავის აქვს.

დღეს უჩა ნანუაშვილს უფლებამოსილების ვადა ეწურება. სახალხო დამცველის თანამდებობაზე ნანუაშვილი 2012 წლის 7 დეკემბერს დაინიშნა. მას ნინო ლომჯარია შეცვლის.

არქივი

21 სექტემბერი 2018, 09:34

კულტურა

პირველი ქალი Doctor Who-ს ტრეილერი გამოქვეყნდა

გასული წლის ივლისში ცნობილი გახდა, რომ პირველად არსებობის ისტორიაში, BBC-ს საკულტო სერიალის, Doctor Who-ში, მთავარ როლს ქალი მსახიობი, ჯოდი ვაიტეკერი შეასრულებდა. ერთი წლის შემდეგ კი სერიალის ტრეილერი გამოქვეყნდა.

ვიეტნამის პრეზიდენტი

21 სექტემბერი 2018, 09:17

მსოფლიო

ვიეტნამის პრეზიდენტი ჩან დაი კუანგი გარდაიცვალა

62 წლის ვიეტნამის პრეზიდენტი ჩან დაი კუანგი გარდაიცვალა. ინფორმაციას ამის შესახებ "ფრანს პრესი" ავრცელებს. ის ადგილობრივი დროით 10:05 საათზე გარდაიცვალა. გარდაცვალების ოფიციალური მიზეზი ჯერჯერობით უცნობია.

21 სექტემბერი 2018, 09:08

მსოფლიო

აშშ-მა ჩინეთს რუსული სამხედრო თვითმფრინავების შეძენისთვის სანქციები დაუწესა

ჩინეთმა ახლახანს რუსეთისან Су-35-ის C-400 სისტემები იყიდა, რის გამოც აშშ-მა სანქციები დააწესა ჩინეთის ჯარების მომზადების დეპარტამენტსა და ჩინეთის ცენტრალური სამხედრო საბჭოზე და მის ხელმძღვანელზე.

ნიკოლოზ ბასილაშვილი

21 სექტემბერი 2018, 08:58

სპორტი

ნიკოლოზ ბასილაშვილმა მეცის ტურნირზე მორიგი გამარჯვება მოიპოვა

საქართველოს ნომერ პირველმა ჩოგანმა მეორე წრეში ფრანგი უგო ჰუმბერტი მძიმე ბრძოლაში 6:7, 7:6 , 6:3 დაამარცხა. დაძაბული ბრძოლა 2 საათსა და 12 წუთს გაგრძელდა. საჭირო გახდა მესამე სეტის ჩატარება, სადაც ერთადერთი ბრეიკი ბასილაშვილმა შეასრულა და მეოთხედფინალში ასპარეზობის უფლება მოიპოვა.

21 სექტემბერი 2018, 08:49

მსოფლიო

სომხეთი დამოუკიდებლობის დღეს აღნიშნავს

1990 წლის 21 სექტემბერს, მაშინდელი უმაღლესი საბჭოს გადაწყვეტილებით, ქვეყანაში, საბჭოთა კავშირიდან გასვლისა და დამოუკიდებელი სახელმწიფოს გამოცხადების შესახებ რეფერენდუმი ჩატარდა. მოსახლეობის 94-მა პროცენტმა ამ ინიციატივას მხარი დაუჭირა.

21 სექტემბერი 2018, 08:45

საქართველო

ჰაერში ტყვიის შემცველობის დასადგენად სინჯებს სპეციალური მოწყობილობით აიღებენ

ამჯერად თბილისში, სინჯებს სპეციალური მოწყობილობით - ასპირატორის საშუალებით აიღებენ, აღებული სინჯები შედგომი ანალიზისთვის, გარემოს ეროვნული სააგენტოს ლაბორატორიაში გადაიგზავნება. მიღებული შედეგები კი, ყოველკვირეულად , სააგენტოს ვებგვერდზე გამოქვეყნდება.

ხორავას ქუჩა

21 სექტემბერი 2018, 08:30

საქართველო

ხორავას ქუჩის საქმის საგამოძიებო კომისიის დასკვნაზე სხდომას პარლამენტი დღეს განაახლებს

ხორავას ქუჩაზე მომხდარი მკვლელობის საქმის შემსწავლელი საგამოძიებო კომისიის დასკვნაზე მსჯელობას პარლამენტი დღეს, პლენარულ სხდომაზე განაახლებს. საპარლამენტო უმრავლესობის წევრთა თქმით, დასკვნას აკლია არგუმენტები.

პოლიცია

21 სექტემბერი 2018, 08:20

ძალოვნები

ფალიაშვილის ქუჩაზე 25 წლამდე ახალგაზრდები დაჭრეს

ფალიაშვილის ქუჩაზე ორი ახალგაზრდა კაცი ცეცხლსასროლი იარაღით დაჭრეს. შემთხვევა გვიან ღამით მოხდა. დაჭრილთა ასაკი 25 წლამდეა, ისინი საავადმყოფოში გადაიყვანეს.

21 სექტემბერი 2018, 08:15

საქართველო

საქართველოს ნატოს გენერალური მდივნის მოადგილე ეწვია

დღეს საქართველოს ნატოს გენერალური მდივნის მოადგილე როუზ გიოტმიოლერი ეწვევა. ჩრდილო-ატლანტიკური ალიანსის მაღალჩინოსანი საქართველოს პრეზიდენტს, ვიცეპრემიერს, შინაგან საქმეთა მინისტრს, საგარეო საქმეთა მინისტრის მოადგილესა და თავდაცვის მინისტრის მოადგილეს შეხვდება.

21 სექტემბერი 2018, 08:05

საქართველო

მამუკა ბახტაძე საერთაშორისო სავალუტო ფონდის დირექტორს შეხვდა

„ჩემთვის სასიამოვნო იყო მამუკა ბახტაძესთან შეხვედრა. მე მას მივულოცე საქართველოს კარგი პროგრესი საერთაშორისო სავალუტო ფონდის მიერ მხარდაჭერილ რეფორმებში და მისი ერთგულება, განაგრძოს ინფრასტრუქტურის გაუმჯობესება, კონკურენტუნარიანობა და განათლების განვითარება, ინკლუზიური ზრდის ხელშესაწყობად“, – წერს კრისტინ ლაგარდი.

მაიკ პომპეო და 
მამუკა ბახტაძე

21 სექტემბერი 2018, 01:09

საქართველო

მამუკა ბახტაძისა და მაიკ პომპეოს შეხვედრას აშშ-ს სახელმწიფო დეპარტამენტი ეხმაურება

მამუკა ბახტაძესა და მაიკ პომპეოს შორის გამართულ შეხვედრას აშშ-ს სახელმწიფო დეპარტამენტი ეხმაურება. შესაბამისი განცხადება სახელმწიფო დეპარტამენტში გამართულ ბრიფინგზე პრესსპიკერმა ჰიზერ ნოიერტმა გააკეთა.

დიდუბის ღვთისმშობლის შობის
სახელობის ტაძარი

21 სექტემბერი 2018, 00:53

საქართველო

მართლმადიდებელი სამყარო ღვთისმშობლის შობის დღეს აღნიშნავს

დღეს მართლმადიდებელი სამყარო ღვთისმშობლის შობის დღესასწაულს აღნიშნავს. ამასთან დაკავშირებით ტაძრებში სადღესასწაულო წირვა-ლოცვა შესრულდება. საქართველოს პატრიარქი ილია მეორე დიდუბის ღვთისმშობლის შობის სახელობის ტაძარში ლიტურგია 10.00 საათზე დაიწყებს.

ღამის ავტობუსი

21 სექტემბერი 2018, 00:37

საქართველო

დღეიდან თბილისში ღამის ავტობუსი იმოძრავებს

დღეიდან ყოველ პარასკევს და შაბათ ღამეს, ღამის 12 საათიდან დილის 6 საათამდე, მეტროსადგურ „ახმეტელის თეატრიდან“ ვარკეთილამდე“ ავტობუსი იმოძრავებს. მარშრუტი „ღამის ეკონომიკის“ პროექტის ფარგლებში შემუშავდა.

კალათბურთი

21 სექტემბერი 2018, 00:22

სპორტი

ფიბამ საკვალიფიკაციო ეტაპზე გამართული საქართველო-საბერძნეთის მატჩი გამოარჩია

ფიბა წერს, რომ ევროპის საკვალიფიკაციო ეტაპის თბილისური მატჩი დასწრების მხრივ მეორე იყო. პუბლიკაციაში ვკითხულობთ, რომ საქართველო-საბერძნეთის მატჩს 9,100 მაყურებელი დაესწრო, რაც კონტინენტზე გასულ კვირაში ჩატარებული მატჩებიდან მხოლოდ თურქეთისა და მონტენეგროს შეხვედრამ (9,500 მაყურებელი) დაჯაბნა.

მაიკ პომპეო

21 სექტემბერი 2018, 00:02

მსოფლიო

მაიკ პომპეომ „შავ სიაში“ რუსეთის კიდევ 27 მოქალაქე და 6 კომპანია შეიყვანა

აშშ-ის სახელმწიფო მდივანმა მაიკ პომპეომ „შავ სიაში“ რუსეთის კიდევ 27 მოქალაქე და 6 კომპანია შეიყვანა, რომლებიც თავდაცვის და დაზვერვის სფეროებთან არიან კავშირში. ამჟამად სიაში სულ რუსეთის 27 მოქალაქე და კომპანიაა. ამის შესახებ ინფორმაცია სახელმწიფო დეპარტამენტის ოფიციალურ ვებგვერდზე ვრცელდება.

პოლიცია

20 სექტემბერი 2018, 23:31

მსოფლიო

მერილენდში, სასაწყობე სადისტრიბუციო ცენტრზე თავდამსხმელი დაიღუპა

თავდამსხმელმა ცეცხლსასროლი იარაღით თვითდაზიანება განგებ მიიყენა, რის გამოც მოგვიანებით დაიღუპა. ბოლო ინფორმაციით, თავდასხმას 4 ადამიანი ემსხვერპლა. მათ შორის არის თავდამსხმელი. დაშავებულია 7 ადამიანი. პოლიციის ინფორმაციით, თავდასხმის მოტივი ჯერ უცნობია.

Vespa Velutina

20 სექტემბერი 2018, 23:11

მსოფლიო

ტროპიკული კრაზანების ევროპაში შეღწევას მსხვერპლი მოჰყვა

საფრანგეთის ნორმანდიაში ტროპიკული კრაზანების Vespa Velutina Nigrithorax-ების თავდასხმის შედეგად 57 წლის კაცი გარდაიცვალა. ის აგრესიული მწერებისგან დაკბენისთანავე ადგილზე გარდაიცვალა.

მაიკ პომპეო და მამუკა ბახტაძე

20 სექტემბერი 2018, 22:52

საქართველო

მამუკა ბახტაძე მაიკ პომპეოს შეხვდა

თავდაცვისა და უსაფრთხოების სფეროში აშშ-საქართველოს თანამშრომლობის განვითარება და ორმხრივი ეკონომიკური კავშირების გაღრმავება იყო საქართველოს პრემიერმინისტრ მამუკა ბახტაძისა და ამერიკის შეერთებული შტატების სახელმწიფო მდივან მაიკლ პომპეოს დღევანდელი შეხვედრის მთავარი თემები.

მამუკა ბახტაძე

20 სექტემბერი 2018, 22:40

საქართველო

პრემიერმინისტრმა თავისი ხელმოწერის შესაძლო გაყალბებაზე კომენტარი გააკეთა

პრემიერმინისტრი ოპოზიციის მიერ მისი ხელმოწერის შესაძლო გაყალბებასთან დაკავშირებით პირველ კომენტარს აკეთებს. ის ოპოზიციის ქმედებას უმსგავსობას და უპასუხისმგებლობას უწოდებს.

ნავი

20 სექტემბერი 2018, 22:24

მსოფლიო

ტანზანიაში ნავის ამობრუნებას მსხვერპლი მოჰყვა

ადგილობრივი მთავრობის წარმომადგენელმა განაცხადა, რომ შედეგად 42 ადამიანი დაიღუპა. 102 ადამიანის სამძებრო სამუშაოები კი გრძელდება. დანარჩენები აცხადებენ, რომ ნავი გადატვირთული იყო, რადგან მას 400-ზე მეტი ადამიანი გადაჰყავდა. ნავი კუნძულ უკორასა და ბუგოლორას შორის, სანაპიროსთან ამობრუნდა.