imedi /  05 თებერვალი 2019, 13:40 / სანდო წყარო

ირაკლი კობახიძე პარლამენტში 2018 წლის მუშაობის ანგარიშს წარადგენს. Live

ირაკლი კობახიძე

ირაკლი კობახიძე

საქართველოს მეცხრე მოწვევის პარლამენტის საგაზაფხულო სესიის გაიხსნა. საქართველოს პარლამენტის თავმჯდომარე ირაკლი კობახიძე პარლამენტის ახალი რეგლამენტის თანახმად, პარლამენტის საქმიანობის ყოველწლიურ ანგარიშს და მომდევნო წლის სამოქმედო გეგმას წარადგენს.

კანონშემოქმედების თვალსაზრისით 2018 წელი ნაყოფიერი იყო, -  ამის შესახებ საქართველოს პარლამენტის თავმჯდომარე ირაკლი კობახიძემ განაცხადა.

„პარლამენტის ახალი რეგლამენტის თანახმად, მე დღეს თქვენს წინაშე და საქართველოს მოსახლეობის წინაშე წარვდგები პარლამენტის 2018 წლის ანგარიშით და ვისაუბრებ 2019 წლის გეგმებზე. ამ ტრადიციით, რომელსაც ჩვენ ჩავუყარეთ საფუძველი, საზოგადოებას ექნება შესაძლებლობა, უკეთ გაეცნოს უმაღლესი საკანონმდებლო ორგანოს საქმიანობას“, – განაცხადა ირაკლი კობახიძემ.

მან პარლამენტის კანონშემოქმედებითი და საზედამხედველო საქმიანობა შეაჯამა.ირაკლი კობახიძის თქმით, პარლამენტის ერთ-ერთ მთავარ ფუნქციას სწორედ კანონშემოქმედება წარმოადგენს.

„ამ თვალსაზრისით, 2018 წელი ნაყოფიერი გახლდათ. კერძოდ, ამ პერიოდში საქართველოს პარლამენტის მიერ მიღებულ იქნა 705 კანონი, მათ შორის 294 ინიცირებული იყო პარლამენტის შესაბამისი სუბიექტების მიერ. თუმცა, დღეს ამ დარბაზში არ აქვს გადამწყვეტი მნიშვნელობა, ვინ იყო ამა თუ იმ კანონპროექტის წარმდგენი. მთავარია, რომ თითოეული კანონი იქმნებოდა ქვეყანაზე, საქართველოს მოქალაქეებზე ზრუნვის, თითოეულ ოჯახში კეთილდღეობის შეტანის სულისკვეთებით“, - განაცხადა ირაკლი კობახიძემ.

პარლამენტის თავმჯდომარემ საქართველოს პრემიერ-მინისტრს მამუკა ბახტაძეს, მინისტრებსა და სტუმრებს სხდომაზე დასწრებისთვის მადლობა გადაუხადა და აღნიშნა, რომ ამით ძალიან კარგ და მნიშვნელოვან ტრადიციას ჩაეყარა საფუძველი.

„მადლობას გიხდით პარლამენტში მობრძანებისთვის, დღეს თქვენი მობრძანებით თქვენ საფუძველი ჩაუყარეთ ძალიან კარგ და მნიშვნელოვან ტრადიციას, რაც დადებითად აისახება სამომავლოდ პარლამენტსა და აღმასრულებელ ხელისუფლებას შორის პროდუქტიულ თანამშრომლობის გაღრმავებაზე“, – განაცხადა ირაკლი კობახიძემ.

პარლამენტის თავმჯდომარემ საკანონმდებლო ორგანოს კანონშემოქმედებით საქმიაობაზე გაამახვილა ყურადღება და საკონსტიტუციო რეფორმა გამოყო.

„საკონსტიტუციო რეფორმა, რომელიც 2018 წლის მარტში დასრულდა და რომლის შედეგადაც შეიქმნა ეროვნულ სამართლებრივ რეალობაში ერთ-ერთი ყველაზე დახვეწილი დოკუმენტი, წარმოადგენს ჩვენი სახელმწიფოს გრძელვადიანი დემოკრატიული განვითარების მყარ საფუძველს. კონსტიტუციის ახალი რედაქცია აყალიბებს ხელისუფლების დანაწილების პრინციპზე დაფუძნებულ დახვეწილ საპარლამენტო მმართველობის სისტემას, რომლის ძირითადი ელემენტებია ძლიერი პარლამენტი, ქმედითი მთავრობა, დამოუკიდებელი სასამართლო და ზეპარტიული პრეზიდენტი“, – განაცხადა ირაკლი კობახიძემ.

პარლამენტის თავმჯდომარის განცხადებით, დადგინდა უცხოელებისთვის საქართველოს მოქალაქეობის მიღებისა და ქვეყანაში მუდმივად ყოფნის ახალი რეგულაციები, რომლებიც საქართველოს ეროვნულ ინტერესებს ეფუძნება.

პარლამენტის თავმჯდომარე ჭარბვალიანობის პრობლემასაც შეეხო. მისი თქმით, ამის დასაძლევად, მთავრობის ინიციატივის საფუძველზე განხორციელდა საკანონმდებლო ცვლილებები, რომელიც  მოსახლეობის ფართო ფენებზე იმოქმედებს.

„მსესხებელს შესაძლებლობა ექნება, აიღოს იმ რაოდენობის სესხი, რის მომსახურებასაც შეძლებს. ის გარემოება, რომ მსესხებელი თავისი შემოსავლებით და ლიკვიდური აქტივებით მოემსახურება სესხს, უზრუნველყოფს პასუხისმგებლიანი დაკრედიტების სისტემის შექმნას. ამ ყველაფრის ფონზე, ნიშანდობლივია, რომ 2019 წლის სახელმწიფო ბიუჯეტი კვლავ რჩება სოციალურად ორიენტირებულ მთავარ ფინანსურ დოკუმენტად, რომლის პრიორიტეტია ეკონომიკის ზრდა“, – განაცხადა ირაკლი კობახიძემ.

მან სახელმწიფო ფინანსების მართვის მხრივ პარლამენტის როლზეც გაამახვილა ყურადღება.

„მინდა, გამოვყო პარლამენტის, როგორც სახელმწიფო ფინანსების მართვის სისტემის ერთ-ერთი კომპონენტის როლი. უპირველეს ყოვლისა, ამ მიმართულებით უნდა აღინიშნოს, რომ სახელმწიფო ხარჯების ფინანსური ანგარიშვალდებულების ეფექტიანობის შესრულების ანგარიშში, რომელიც აფასებს საკანონმდებლო ორგანოს მიერ ბიუჯეტის განხილვის მასშტაბსა და მახასიათებლებს, საქართველოს პარლამენტმა წინა, 2013 წლის შეფასების მსგავსად, უმაღლესი შეფასება A დაიმსახურა. ამასთან, წინა შეფასებისგან გაუმჯობესებული შეფასება გამოვლინდა აუდიტის ანგარიშების საკანონმდებლო შემოწმების კომპონენტში“, – განაცხადა კობახიძემ.

ყველა სიახლე

23 აპრილი 2019, 18:40

მსოფლიო

შრი-ლანკაზე მომხდარ ტერაქტში ეჭვმიტანილის ვიდეო გავრცელდა

საერთაშორისო მედიის ცნობით, სათვალთვალო კამერებით გადაღებულ ვიდეოში ასახული პირი ერთ-ერთი ტერორისტია. ვიდეოში ჩანს, რომ კაცი ზურგჩანთით მოძრაობს და წმ.სებასტიანის ეკლესიაში შედის.

აფხაზეთი

23 აპრილი 2019, 18:40

საქართველო

ოკუპირებულ აფხაზეთში სამხედრო წვრთნებში 3000-მდე რუსი და აფხაზი ჯარისკაცი მონაწილეობს

ოკუპირებულ აფხაზეთში რუსი და აფხაზი სამხედროების მონაწილეობით სამხედრო სწავლება დაიწყო. სწავლებაში 3000-მდე ჯარისკაცი და 400-მდე სამხედრო ტექნიკა მონაწილეობს. სამხედრო სწავლება აფხაზეთის დეფაქტო თავდაცვის სამინისტროს ერთეულებთან, საერთო ჯგუფის საბრძოლო მომზადების გეგმის ფარგლებში მიმდინარეობს.

ფრონტის ხაზი

23 აპრილი 2019, 18:24

საქართველო

ვეტერანთა სამსახური წიგნის გამოსაცემად მოქალაქეებს ფრონტიდან გამოგზავნილ წერილებს სთხოვს

ვეტერანთა სამსახურის ცნობით, უწყება მოქალაქეებს სთხოვს რომ მიაწოდონ ოჯახებში შემორჩენილი ის წერილები, მისალოცი ბარათები და ფოტოები, რომლებშიც აღწერილია ომის ამბები. უწყების თქმით, ეს წერილები, თუ ბარათები, ყველაზე ნათლად გადმოსცემენ ჯარისკაცის ემოციებს, ომში განცდილ ტკივილს, თუ სიხარულს.

როს უილსონი

23 აპრილი 2019, 18:22

საქართველო

როს უილსონი: გულდაწყვეტილები ვართ რომ რეკომენდაციები სრულად არ იყო გათვალისწინებული

აშშ-ის ელჩის მოვალეობის შემსრულებელმა როს უილსონი სასამართლო რეფორმასთთან დაკავშირებით კომენტარი გააკეთა. „ბოლოს მიღებულ კანონმდებლობასთან დაკავშირებით ცოტა არ იყოს გულდაწყვეტილები ვართ, რადგან არ მოხდა ადეკვატურად და სრულად რეკომენდაციების გათვალისწინება“, - განაცხადა უილსონმა.

შახტის ჩამოშლა

23 აპრილი 2019, 18:12

მსოფლიო

მიანმარში შახტის ჩამოშლის შედეგად ნანგრევების ქვეშ 54 ადამიანი მოჰყვა

მიანმარის ჩრდილოეთში, კაჩინის შტატში შახტის ჩამოშლის შედეგად სამი ადამიანი დაიღუპა და კიდევ 51 ნანგრევების ქვეშ არის მოყოლილი. ამის შესახებ სააგენტო Reuters-ი წერს. ინციდენტი დასახლება მავ ვუნ კალაის მახლობლად დილით მოხდა. ნანგრევების ქვეშ 54 მეშახტე და 40-მდე ერთეული ტექნიკა მოყვა.

23 აპრილი 2019, 18:12

ეკონომიკა

Reuters: ირანის წინააღმდეგ აშშ-ის სანქციებმა ნავთობი გააძვირა

ნავთობის ფასი წლის მაქსიმუმს გაუტოლდა.ფასის ცვლილება სასაქონლო ბირჟებზე ვაშინგტონის განცხადებას მოჰყვა, რომლის თანახმადაც, აშშ-მა ირანული ნავთობის იმპორტიორებისთვის შეღავათები გააუქმა. იმპორტიორები იძულებული არიან, რომ თეირანისგან ნავთობი აღარ იყიდონ.

წიგნები

23 აპრილი 2019, 18:04

საქართველო

წიგნისა და საავტორო უფლებების დღეზე პოლიტიკოსები სკოლებს ეწვივნენ და წიგნები აჩუქეს

ამ დღესთან დაკავშირებით, პრემიერმინისტრი მამუკა ბახტაძე წეროვნის მესამე საჯარო სკოლის მოსწავლეებს ესტუმრა. მთვარობის ხელმძღვანელის სახელით სკოლის ბიბლიოთეკას შემეცნებითი, კლასაგარეშე საკითხავი და მხატვრული ლიტერატურა გადაეცა.

23 აპრილი 2019, 17:57

მსოფლიო

ევროკავშირი მსოფლიოში ერთ-ერთ ყველაზე დიდ ბიომეტრიულ მონაცემთა ბაზას შექმნის

ახალი ბაზა ევროკავშირის აქამდე არსებულ ყველა მონაცემთა სისტემას გააერთიანებს. მასში ევროკავშირის 350 მილიონი მოქალაქისა და არამოქალაქის საიდენტიფიკაციო ინფორმაცია, მათ შორის პასპორტის ნომერი და დაბადების თარიღი, შევა.

23 აპრილი 2019, 17:52

კულტურა

ახალი „გოძილას“ ტრეილერი გამოქვეყნდა

სტუდია Warner Bros. Pictures-მა ფანტასტიკური ფილმის „გოძილა 2: მონსტრების მეფე“ ახალი ტრეილერი გამოაქვეყნა. მთავარ როლს ბილმში მილი ბობი ბრაუნი ასრულებს, რომელიც საზოგადოებისთვის ცნობილია სერიალიდან „უცნაური ამბები“.

ივანე მაჭავარიანი

23 აპრილი 2019, 17:40

ეკონომიკა

პარლამენტში ფინანსთა მინისტრის საკომიტეტო მოსმენა ხმაურის ფონზე წარიმართა. მთავარი

პარლამენტის საფინანსო-საბიუჯეტო კომიტეტის სხდომაზე ფინანსთა მინისტრის, ივანე მაჭავარიანის მოსმენა დასრულდა. მოსმენა ცხარე კამათის ფონზე მიმდინარეობდა. ვანო მაჭავარიანი პარლამენტში "ევროპული საქართველოს მოწვევით" იყო მისული.

ლევან სურგულაძე

23 აპრილი 2019, 17:35

ეკონომიკა

პარლამენტში საპენსიო სააგენტოს ხელმძღვანელს მოუსმინეს. მთავარი

პარლამენტში დარგობრივი ეკონომიკისა და ეკონომიკური პოლიტიკის კომიტეტის სხდომაზე საპენსიო სააგენტოს ხელმძღვანელს, ლევან სურგულაძეს მოუსმინეს. როგორც ლევან სურგულაძემ განაცხადა, 1 აპრილის შემდეგ, საპენსიო სისტემაზე 40 წელს გადაცილებულმა 2 915-მა ადამიანმა თქვა უარი.

ლაირა მაკქი

23 აპრილი 2019, 17:29

მსოფლიო

ჩრდილოეთ ირლანდიაში ჟურნალისტის მკვლელობასთან კავშირის ბრალდებით ქალი დააკავეს

The Independent-ის ცნობით, ეს დაკავება ტერორისტული დაჯგუფება „ირლანდიის რესპუბლიკური არმიის“ მიერ მკვლელობაზე პასუხისმგებლობის აღებას მოჰყვა. პოლიცია დაკავების შესახებ დამატებით დეტალებზე ინფორმაციას არ ავრცელებს.

ბათუმის ბულვარი

23 აპრილი 2019, 17:24

საქართველო

ბათუმის ბულვარში ელექტრომობილი ტურისტს დაეჯახა

ბათუმის ბულვარის ადმინისტრაციის ცნობით, დღეს ბულვარში ელექტრომობილი ქვეითად მოსიარულე უცხოელ ტურისტს დაეჯახა. შემთხვევა ანბანის კოშკთან მოხდა. ბათუმის ბულვარის ცნობით, ტურისტს აღენიშნებოდა მარცხენა ფეხის მოტეხილობა.

სპეცრაზმი

23 აპრილი 2019, 17:16

მსოფლიო

საფრანგეთში შეიარაღებულმა კაცმა მძევლები აიყვანა

საფრანგეთის სამხრეთში, ქალაქ ლურდში შეიარაღებულმა კაცმა მძევლები აიყვანა. თვითმხილველების ინფორმაციით, კაცი მოცარტის მდებარე ერთ-ერთ სახლში შეიჭრა და იქ მცხოვრები 3 ადამიანი - ცოლ-ქმარი და მათი სრულწლოვანი ქალიშვილი აიყვანა მძევლად. ერთ-ერთი თვითმხილველის მტკიცებით, შეიარაღებული პირი ახალგაზრდა ქალის ნაცნობია.

კიმ ჩენ ინი

23 აპრილი 2019, 17:08

მსოფლიო

კიმ ჩენ ინი და პუტინი ერთმანეთს 25 აპრილს ვლადივოსტოკში შეხვდებიან

რუსეთის პრეზიდენტი ვლადიმერ პუტინი და ჩრდილოეთ კორეის ლიდერი კიმ ჩენ ინი ერთმანეთს 25 აპრილს, ვლადივოსტოკში შეხვდებიან. ამის შესახებ ინფორმაციას კრემლში ადასტურებენ. მანამდე ოფიციალური ინფორმაცია ამის შესახებ არ ვრცელდებოდა.

ივანე მაჭავარიანი

23 აპრილი 2019, 17:07

საქართველო

ივანე მაჭავარიანი „ომეგას“: კაპიკის გადამხდელი რომ არ ხართ ამიტომ იგონებთ ყველაფერს

საფინანსო-საბიუჯეტო კომიტეტის სხდომაზე ფინანსთა მინისტრის, ივანე მაჭავარიანის მოსმენა ცხარე კამათის ფონზე მიმდინარეობს ივანო მაჭავარიანი პარლამენტში "ევროპული საქართველოს" მოწვევით იმყოფება. საკომიტეტო მოსმენას ესწრება "ომეგა ჯგუფის" წარმომადგენელიც.

23 აპრილი 2019, 16:56

ეკონომიკა

ცნობილია რომელ პროფესიებზეა ვაკანსიები გერმანიაში უცხოელებისთვის

გერმანაში კომპანიებს შეულიათ უცხო ქვეყნების მოქალაქეების დასაქმება, რომლებსაც აქვთ პროფესიული განათლება. აუცილებელი არ არის, რომ ისინი ევროკავშირის მოქალაქეები იყვნენ, თუმცა აღნიშნული პროფესია უნდა იყოს დასაქმების ფედერალური სააგენტოს პოზიტიურ სიაში. ვის აქვს გერმანიაში დასაქმების შანსი? ამ თემაზე ინფორმაცია გამოცემა Deutsche Welle -მ გაავრცელა.

მიანმარი

23 აპრილი 2019, 16:49

მსოფლიო

მიანმარის უზენაესმა სასამართლომ Reuters-ის ჟურნალისტები პატიმრობაში დატოვა

ჟურნალისტებს გასული წლის სექტემბერში სასამართლომ 7 წლით თავისუფლების აღკვეთა მიუსაჯა. ჟურნალისტებმა საგამოძიებო მასალის მომზადებისას აღმოაჩინეს, რომ მიანმარის ხელისუფლებამ 10 როჰინჯა მუსლიმი 2017 წლის სამხედრო ოპერაციის დროს სიკვდილით დასაჯა.

23 აპრილი 2019, 16:44

საქართველო

The New Yorker ქართულ სამზარეულოზე: კავკასიის კულინარიული მუზა

ლორენ კოლინსის სტატიაში სათაურით "კავკასიის კულინარიული მუზა" ამერიკის მასშტაბით ქართული კერძების პოპულარობის ზრდასა და ქართული ტრადიციული სამზარეულოს თავისებურებებზეა საუბარი.

თორნიკე ნაგლიაშვილი

23 აპრილი 2019, 16:40

ძალოვნები

ცოლზე ძალადობაში ბრალდებული ძიუდოისტი გირაოს სანაცვლოდ გაათავისუფლეს

საქართველოს ძიუდოს ეროვნული ნაკრების წევრი თორნიკე ნაგლიაშვილი, რომელიც ცოლზე მუქარასა და ძალადობაშია ბრალდებული, სასამართლომ გირაოს სანაცვლოდ გაათავისუფლა. სპორტსმენის ადვოკატის თქმით, ბოლნისის რაიონულმა სასამართლომ მას 5 000-ლარიანი გირაო შეუფარდა.