imedi /  05 თებერვალი 2019, 20:59 / სანდო წყარო

დავით ზალკალიანი ოკუპირებულ ტერიტორიებზე საბაჟო-გამშვები პუნქტების გახსნას უარყოფს

დავით ზალკალიანი

დავით ზალკალიანი

საგარეო უწყების ხელმძღვანელი ბოლო დროს გავრცელებულ დეზიინფორმაციას გამოეხმაურა, რომლის მიხედვითაც საქართველოს ოკუპირებულ ტერიტორიებზე საბაჟო-გამშვები პუნქტების გახსნა იგეგმება. მისი განმარტებით, ეს ინფორმაცია არის მცდარი. ინფორმაციას უწყების პრესსამსახური ავრცელებს.
 
„ეს არის მორიგი დეზინფორმაცია, რომელსაც ავრცელებს რუსული მედია და მას მხარს უჭერენ ჩვენი ოპონენტები, ოპოზიციონერები და საქართველოს ყოფილი პრეზიდენტი. კატეგორიულად მიუღებელია ასეთი მსჯელობა, რადგანაც მას არაფერი აქვს საერთო რეალობასთან და სინამდვილესთან“ - განმარტა მინისტრმა დავით ზალკალიანმა
 
დავით ზალკალიანმა ასევე განაცხადა, რომ 2011 წელს საქართველო-რუსეთს შორის გაფორმებული ორმხრივი შეთანხმების დეტალები, რომელიც ითვალისწინებს კერძო შვეიცარულ კომპანიის მიერ საქართველოსა და რუსეთს შორის ტვირთბრუნვის მონიტორინგს და აღნიშნა, რომ აღნიშნულ შეთანხმებას არანაირი კავშირი არ აქვს რაიმე სახის საბაჟო ტერმინალების განთავსებასთან.
 
„მოგეხსენებთ, რომ შეთანხმება გაფორმდა 2011 წელს და წარმოადგენს, მხოლოდ ორ მხარეს შორის - რუსეთსა და საქართველოს შორის შეთანხმებას. ის ითვალისწინებს სატრანზიტო კორიდორების მონიტორინგს. არანაირი საუბარი არ არის რაიმე სახის საბაჟო ტერმინალების განთავსების თაობაზე. ყველაფერი არის ხსენებულ შეთანხმებასთან შესაბამისობაში, ისევე, როგორც ეს იყო ხელმოწერილი 2011 წელს და დანარჩენი ყველაფერი არის სიცრუე და სპეკულაციები“.
 
მინისტრის განმარტებით, აღნიშნულ საკითხზე გაგრძელდება შეხვედრები ქართულ და რუსულ მხარეებს შორის.

დავით ზალკალიანისვე განმარტებით, ამ დრომდე არ მომხდარა და არ იგეგმება ასევე ზემოაღნიშნული შეთანხმების რევიზია ან გადახედვა.

ზურაბ აბაშიძე და გრიგორი კარასინი საბაჟო დერეფნების პრაქტიკულ ამოქმედებაზე 2017 წლის 8 თებერვალს პრაღაში შეხვედრისას შეთანხმდნენ. სავაჭრო დერეფნებს საერთაშორისო ტენდერით შერჩეული შვეიცარიული კომპანია გაუწევს მონიტორინგს.

6 თებერვალს ჟენევაში ტვირთების საბაჟო მონიტორინგის თემაზე ქართულ-რუსულ-შვეიცარიულიერთობლივი კომისიის პირველი სამუშაო შეხვედრა გაიმართება. ქართული მხრიდან შეხვედრაში შემოსავლების სამსახურის, საგარეო საქმეთა, შინაგან საქმეთა და იუსტიციის სამინისტროების წარმომადგენლები მიიღებენ მონაწილეობას.

ყველა სიახლე

ენტონი უინერი

18 თებერვალი 2019, 13:08

მსოფლიო

არასრულწლოვანთან სექსტინგის გამო გასამართლებულმა კონგრესმენმა ციხე დატოვა

აშშ-ის კონგრესის წარმომადგენელთა პალატის ყოფილმა წევრმა ენტონი უინერმა, რომელიც არასრულწლოვნისთვის სექსუალური ხასიათის მესიჯების გამო მსჯავრდებული იყო, 15-თვიანი პატიმრობის შემდეგ ფედერალური ციხე დატოვა. ვაინერი სასჯელის დანარჩენ დროს ბრუკლინის ნახევრად ღია ტიპის დაწესებულებაში მოიხდის.

სოფო კილაძე

18 თებერვალი 2019, 12:56

საქართველო

კილაძე დეკანოზის შეწყალებაზე: პრეზიდენტის გადაწყვეტილებაში ვერ ჩავერევით

"ერთხელ მისივე მოთხოვნის საფუძველზე მამა გიორგის შევხვდი, მისი არგუმენტები მოვისმინე. თუ საჭირო იქნება, მამა გიორგი მამალაძეს მოვინახულებ საავადმყოფოშიც. ამ საქმეზე საუბარი ძალიან რთულია, მით უფრო, როდესაც ეს ისეთ მნიშვნელოვან თემას ეხება, როგორიც საპატრიარქოა“, - განაცხადა სოფო კილაძემ.

კამერა

18 თებერვალი 2019, 12:49

ძალოვნები

რეგიონებში სიჩქარის კონტროლის 8 ახალი სექცია ამოქმედდა

მიმდინარე წელს მთელი საქართველოს მასშტაბით კიდევ 669 ახალი ვიდეოკამერა ჩაირთო, მათ შორის 550 ზოგადი ხედვის და 119 კი ნომრის ამომცნობი. ამ დროისთვის ქვეყნის ტერიტორიაზე სულ 2086 ვიდეოკამერა ფუნქციონირებს.

პარლამენტი

18 თებერვალი 2019, 12:35

საქართველო

უმრავლესობიდან 7 დეპუტატის წასვლის შემთხვევაში, „ევროპული საქართველოს“ ფრაქცია შეიძლება დაიშალოს

დავით ჭიჭინაძის განმარტებით, უმრავლესობიდან 7 დეპუტატის გამოსვლის შემთხვევაში უმცირესობა დაიშლება, რადგან უმცირესობაში მყოფი დეპუტატების რაოდენობა უმცირესობის გარეთ მყოფთა რაოდენობას გადააჭარბებს. ევროპელები ამასთან დაკავშირებით პრობლემას ვერ ხედავენ.

18 თებერვალი 2019, 12:27

მსოფლიო

ინტერნეტში ჩინეთის პოლიციის მიერ უიღურებზე თვალთვალის მონაცემები გავრცელდა

კიბერუსაფრთხოების ჰოლანდიელმა ექსპერტმა და არაკომერციული ორგანიზაცია GDI Foundation-ის დამფუძნებელმა ვიქტორ გავერსმა თქვა, რომ ინტერნეტში იპოვა ღია ბაზა, რომელიც თითქმის 2,6 მილიონი ადამიანის პერსონალური ინფორმაციას მოიცავს.

დეკანოზი მამალაძე

18 თებერვალი 2019, 12:18

საქართველო

საინიციატივო ჯგუფი პატრიარქს მოუწოდებს, პრეზიდენტს დეკანოზის შეწყალება სთხოვოს

დეკანოზ გიორგი მამალაძის ადვოკატებმა მედიას დეკანოზის საქმეზე საინიციატივო ჯგუფის მიერ მომზადებული წერილი გააცნეს, რომლითაც ილია მეორეს და პრეზიდენტს მამალაძის შეწყალების თხოვნით მიმართავენ. ადვოკატ გიორგი ფანცულაიას თქმით, მათ იმედი აქვთ, რომ პატრიარქის მხრიდან შესაბამისი ნაბიჯები გადაიდგმება.

დეკანოზი გიორგი მამალაძე

18 თებერვალი 2019, 11:56

საქართველო

ჭიათურის მიტროპოლიტი: საპატრიარქო დეკანოზის შეწყალებას მიესალმება

ჭიათურისა და საჩხერის მიტროპოლიტის, მეუფე დანიელის განცხადებით, ექსპრეზიდენტი გიორგი მარგველაშვილი დეკანოზ გიორგი მამალაძის შეწყალებას აპირებდა, თუმცა ხელისუფლებამ ამ ნაბიჯისგან თავი შეიკავა. მისი თქმით, საპატრიარქო დეკანოზის შეწყალებას მიესალმება.

ბავშვთა უფლებები

18 თებერვალი 2019, 11:39

საქართველო

ევროკავშირი ბავშვთა დაცვის გასაძლიერებლად საქართველოში 3-წლიან პროექტს იწყებს

პროექტი არსებული კანონმდებლობისა და პრაქტიკის დახვეწას, სოციალურ მუშაკთა სახელმწიფო სისტემის გაძლიერებას ბავშვზე ზრუნვის დაწესებულებების სახელმწიფო რეგულირების ჩარჩოში მოქცევას და მინდობით აღზრდის პრაქტიკის გაუმჯიბესებას ისახავს მიზნად.

18 თებერვალი 2019, 11:32

საქართველო

მაგთიკომის აბონენტებისთვის დღეიდან ნომრის მომსახურების საფასური ამოქმედდა

მაგთიკომი სატარიფო პოლიტიკას დღეიდან ცვლის, თუმცა გარკვეული შესწორებით. კერძოდ კომპანიის ვებგვერდზე ვკითხულოთ, რომ 18.02.2019-დან ანგარიშზე დადებითი ბალანსის შემთხვევაში თქვენი ნომერი მუდმივად აქტიური იქნება, ნომერი არ გაუქმდება და მომსახურებას მიიღებთ შეუზღუდავად.

ანდრეი პლენკოვიჩი

18 თებერვალი 2019, 11:26

საქართველო

ანდრეი პლენკოვიჩი ოკუპირებული რეგიონების რეინტეგრაციისთვის საქართველოს ხორვატიის მოდელს ურჩევს

ხორვატიის პრემიერმინისტრის ანდრეი პლენკოვიჩის თქმით, საქართველოს და უკრაინას ოკუპირებული ტერიტორიების რეინტეგრაციისთვის ხორვატიის გამოცდილების გამოყენება შეუძლიათ. ამის შესახებ პლენკოვიჩმა მიუნხენის კონფერენციის ფარგლებში განაცხადა.

18 თებერვალი 2019, 11:17

ტაბლოიდი

ადრე ინგლისის სასამართლო მოქმედებდა ისე, როგორც „სამეფო კარის თამაშებში“. ისტორია

არსებობდა ორი სახის გამოცდა - წყლის და ცეცხლის. მიიჩნეოდა, რომ შედეგი ღმერთის ჩარევით მიიღებოდა. ცეცხლით გამოცდის დროს, ბრალდებულ ცეცხლისგან გაწითლებული რკინა 3 მეტრ სიგრძეზე უნდა გაეტარებინა. თუ დამწვრობა სამ დღეში შეხორცდებოდა, ბრალდებული უდანაშაულო იყო, მაგრამ თუ ჭრილობა გართულდებოდა, ბრალდებული საქმე ცუდად იყო.

ეკა ბესელია

18 თებერვალი 2019, 11:12

საქართველო

ეკა ბესელია მოსამართლეების შესახებ ინიციატივის დაჩქარებული წესით განხილვას მოითხოვს

ინიციატივა რამდენიმე დღის წინ დარეგისტრირდა, თუმცა როგორც ბესელიას თანამოაზრემ, გედევან ფოფხაძემ განაცხადა, მოსამართლეების უვადოდ დანიშვნა კვლავ გრძელდება, აქედან გამომდინარე, მიიჩნევს რომ აუცილებელია პარლამენტმა შესაბამისი კანონპროექტი რაც შეიძლება მალე მიიღოს.

18 თებერვალი 2019, 11:08

მსოფლიო

მედია: ტრამპმა ჩრდილოეთ კორეის რაკეტების შესახებ დაუჯერა პუტინს და არა თავის სპეცსამსახურებს

აშშ-ის პრეზიდენტმა დონალდ ტრამპმა სპეცსამსახურებს არ დაუჯერა, რომ ჩრდილოეთ კორეას აქვს რაკეტები, რომლებსაც შეუძლიათ ამერიკის კონტინენტს დაარტყას. ამის შესახებ FBI-ის ხელმძღვანელის მოვალეობის ყოფილმა შემსრულებელმა ენრდიუ მაკეიბმა CBS-სთან ინტერვიუში ილაპარაკა.

დოკუმენტი

18 თებერვალი 2019, 11:07

ძალოვნები

ყალბი სერტიფიკატებისა და ბარათების დამზადება-გასაღების გამო 1 კაცი დააკავეს

"გამოძიება მიმდინარეობს საქართველოს სისხლის სამართლის კოდექსის 362-ე მუხლის პირველი და 180-ე მუხლის პირველი ნაწილებით, რაც სასჯელის სახით ითვალისწინებს თავისუფლების აღკვეთას 2-დან 4-წლამდე ვადით“,- აღნიშნულია ფინანსთა სამინისტროს საგამოძიებო სამსახურის მიერ გავრცელებულ ინფორმაციაში.

ჯასი სმოლეტი

18 თებერვალი 2019, 10:42

მსოფლიო

ტრამპის უფროსი შვილი ჯასი სმოლეტს საკუთარ თავზე თავდასხმის ინსცენირებაში ადანაშაულებს

CNN-მა წყაროებზე დაყრდნობით დაწერა, რომ პოლიციის მოსაზრებით ჯასი სმოლეტს თავდამსხმელებისთვის თანხის გადახდა და თავდასხმის ინსცენირების მოწყობა შეეძლო. ისმა ადვოკატებმა CNN-სა და მედიაში გასული ეს ინფორმაცია უარყვეს, თუმცა დაადასტურეს, რომ მსახიობს თავდამსხმელებთან შესაძლოა ნაცნობობა აკავშირებდეს.

18 თებერვალი 2019, 10:40

ტექნოლოგიები

ირანმა ახალი წყალქვეშა ხომალდი წარადგინა

„ფათეჰი“ 600 ტონას იწონის და მწარმოებელთა თქმით, ყველაზე თანამედროვე შეიარაღებით არის აღჭურვილი, მათ შორის ტორპედოთი, საზღვაო ნაღმებითა და ფრთოსანი რაკეტებით, რომელთა სამიზნეც წყალქვეშა ობიექტებიც შესაძლოა, გახდეს.

18 თებერვალი 2019, 10:10

ტაბლოიდი

კალიფორნიაში მეხანძრეებმა მთის ლომი გადაარჩინეს

კალიფორნიაში მთის ლომი გადაარჩინეს, რომელიც მებაღემ დაინახა. ამერიკელი მეხანძრეები სან-ბერნარდინოში მივიდნენ, როდესაც გაიგეს, რომ 15 მეტრი სიმაღლის ხეზე შენიშნეს მთის ლომი (ან პუმა). ცხოველი დააწყნარეს და მიწაზე ჩამოუშვეს.

დონალდ ტრამპი

18 თებერვალი 2019, 10:09

მსოფლიო

ტრამპმა შესაძლოა თავისი პრეზიდენტობისას ვეტო პირველად გამოიყენოს

მექსიკის საზღვარზე კედლის მშენებლობის შესახებ დონალდ ტრამპმა დაპირება ჯერ კიდევ 2016 წლის წინასაარჩევნო კამპანიის დროს გასცა. გეგმის მიზანი არალეგალი მიგრანტებისგან აშშ-ის დაცვაა.

დონალდ ტრამპი

18 თებერვალი 2019, 09:43

მსოფლიო

დონალდ ტრამპის წინააღმდეგ შეთქმულებაზე შესაძლოა გამოძიება დაიწყოს

გარდა ამისა, New York Times-ის ცნობით, როდ როზენშტეინი კონსტიტუციის 25-ე შესწორების ამოქმედებას გეგმავდა, რომლის თანახმადაც, ტრამპის თანამდებობიდან გადაყენების შემდეგ უფლებამოსილებას ვიცეპრეზიდენტი გადაიბარებდა. მოგვიანებით, როზენშტეინმა ამ ცნობას ცრუ უწოდა.

ვატიკანი

18 თებერვალი 2019, 09:30

მსოფლიო

ვატიკანში სექსუალური ძალადობის პრევენციაზე ეპისკოპოსები შეიკრიბებიან

"ჩვენ ამ პრობლემის ფესვებს უნდა ჩავწვდეთ და ვაჩვენოთ, რომ გვაქვს უნარი განვიკურნოთ როგორც ეკლესია, რომელიც მასწავლებელი უნდა იყოს, წინააღმდეგ შემთხვევაში აჯობებს, სხვა საქმით დავკავდეთ“, - განაცხადა მამა ფედერიკო ლომბარდიმ, რომელიც რომის პაპმა ამ შეხვედრების მედიატორად დანიშნა.