imedi /  02 მარტი 2019, 20:32 / სანდო წყარო

საქართველოში კამპანია „არა ინტელექტის ოკუპაციას!“ დაიწყო

საქართველოს საავტორო უფლებათა ასოციაცია, ბრავო რექორდსთან და GMI Rights Management-თან ერთად იწყებს საინფორმაციო კამპანიას: არა ინტელექტის ოკუპაციას! რუსული საფრთხეების შესახებ კი განცხადებას ასოციაცია ავრცელებს.

„ისტორია დაიწყო 2017 წლის აგვისტოში, როდესაც რუსეთის ავტორთა საზოგადოებამ (RAO http://rao.ru) დააფუძნა ევრაზიის უფლების მფლობელთა საზოგადოებების კონფედერაცია (EACOP http://eacop.org). რუსეთმა კონფედერაციაში შეიყვანა ხუთი ქვეყანა: აზერბაიჯანი, სომხეთი, ყაზაზახეთი, ყირგიზეთი და ბელორუსი. პარალელურ რეჟიმში, იგივე RAO-ს მიერ შეიქმნა ინტელექტუალური საკუთრების ობიექტებთან დაკავშირებული ტრანზაქციების საკოორდინაციო ცენტრი (IP CHAIN https://ipchain.ru) რომელმაც დაიწყო კონფედერაციის წევრ ქვეყნებში შეგროვებული ჰონორარის და ამ ჰონორარის მფლობელთა შესახებ ინფორმაციის გაკონტროლება.  ევრაზიული კავშირი, EACOP-ი, დაფუძნდა ავტორთა და კომპოზიტორთა საზოგადოებების საერთაშორისო კონფედერაციის (CISAC http://www.cisac.org) საპირწონედ და კონკურენტად. CISAC-ი წარმოადგენს მუსიკის სფეროში მსოფლიო გაერთიანებას, რომელშიც გაწევრიანებულია 239 ორგანიზაცია და საქართველოც მისი წევრია. 

EACOP-ის დაფუძნების შემდეგ, რუსეთმა, მასში გაწევრიანების მიზნით, დაიწყო ზეწოლა საქართველოს საავტორო უფლებათა ასოციაციაზეც (GCA). რუსეთის ინტერესს წარმოადგენდა საქართველოს, როგორც რეგიონში ლიდერი პოზიციის მქონე ქვეყნის ამ კავშირში შეყვანა, რითაც ერთი მხრივ შესუსტდებოდა საქართველოს როლი მსოფლიო არენაზე და მეორე მხრივ მოხდებოდა განვითარების არსებული დინამიკის შეფერხება და უკუსვლა. 

არაერთი მცდელობის მიუხედავად, რუსეთმა მიზანს ვერ მიაღწია და GCA არ გახდა ევრაზიული კავშირის წევრი, რამაც, ბუნებრივია, რუსეთის გაღიზიანება გამოიწვია, რის შემდეგაც მან მიმართა უკვე მრავალგზის ნაცად მეთოდს. დასაყრდენად გამოიყენა კიდევ ერთი, RAO-ს ქუდქვეშ შექმნილი ორგანიზაცია (FONMIX http://fonmix.ru) და ამ კომპანიის წარმომადგენელ ვინმე, ალექსანდრე (ბაკუნა) გვარიშვილთან ერთად მოძებნა რუსეთში მოღვაწე ქართველი მომღერლები, დავით ხუჯაძე და აჩი ფურცელაძე, რომელთა მეშვეობითაც ცდილობს საქართველოს საავტორო უფლებათა ასოციაციის დისკრედიტაციას, ქართველი ხელოვანების თვალში მისი იმიჯის შელახვას და ამ გზით საავტორო უფლებების სფეროში არეულობის შეტანას“, - აცხადებენ ასოციაციაში. მათი თქმით, დავით ხუჯაძის და აჩი ფურცელაძის მიერ შეიქმნა საინიციატივო ჯგუფი და  დაფუძნდა ორგანიზაცია, რომელმაც თითქოს უნდა უზრუნველყოს ქართველი მუსიკოსების საავტორო უფლებების მართვა და მათთვის ჰონორარის გადახდა.

„დაიწყო ინფორმაციის გავრცელება, რომ თითქოს არსებული ასოციაცია არ მუშაობს გამართულად, არ არის გამჭვირვალე და ასე შემდეგ. ასოციაციის საქმიანობა უკვე წლებია საზოგადოებისთვის სრულიად გამჭვირვალეა და აკმაყოფილებს CISAC-ის მიერ დადგენილ სტანდარტებს. ყველა წევრს შეუფერხებლად მიეწოდება დეტალური ინფორმაცია შეგროვებული და განაწილებული ჰონორარის შესახებ. გარდა ამისა, ეს ინფორმაცია გამოიცემა ბეჭდური სახით და რიგდება წევრებს შორის, ქვეყნდება ასოციაციის ვებ გვერდზე, ეგზავნება CISAC-ს და ინტელექტუალური საკუთრების ეროვნულ ცენტრს, საქპატენტს. სწორედ გამჭვირვალობა არის ერთ-ერთი ძირითადი კომპონენტი, რის გამოც ასოციაცია დღესდღეობით პოსტ საბჭოთა ქვეყნებს შორის იკავებს ლიდერის პოზიციას და ბევრი კომპონენტით არ ჩამოუვარდება ევროპის მრავალ ქვეყანასაც“, - წერს ორგანიზაცია.

„საავტორო უფლებების სფეროში რუსული ინტერესების გატარება ნიშნავს უკვე არსებული სისტემისთვის გამოუსწორებელი დარტყმის მიყენებას და პირველ რიგში ქვეყნის იმიჯის შელახვას. განსაკუთრებით იმ პირობებში, როდესაც ევროკავშირთან ასოცირების ხელშეკრულების მიხედვით ინტელექტუალური საკუთრების დაცვა ჩვენი სახელმწიფოს ერთ-ერთ მნიშვნელოვან პრიორიტეტს წარმოადგენს. გარდა ამისა, ეს ყველაფერი უარყოფითად აისახება ჰონორარის შეგროვების პროცესზე და ხელოვანი ადამიანების კუთვნილი ჰონორარის დრამატულად შემცირებას გამოიწვევს. რუსეთმა ეს, 2013 წელს, უკვე გააკეთა უკრაინაში, რაც სამწუხაროდ გამოუვიდა და უკრაინა დღემდე იმკის ამის შედეგებს. უკრაინის საავტორო უფლებების ორგანიზაცია (UACRR http://www.uacrr.org) 2013 წლამდე რეგიონში ლიდერის პოზიციაზე იყო. რუსეთმა, ზუსტად იგივე მეთოდების გამოყენებით, უკვე არსებული ორგანიზაციის დასუსტების მიზნით, შეძლო შეექმნა თავდაპირველად ორი, ხოლო საბოლოო ჯამში 19 დამატებითი ორგანიზაცია, რამაც სიტუაციის უკიდურესად გაუარესება და შეგროვებული ჰონორარის ათჯერ შემცირება გამოიწვია. შედეგად, უკრაინამ არათუ დაკარგა ლიდერის პოზიცია, არამედ აღმოჩნდა ყველაზე ჩამორჩენილ ქვეყანათა შორის“, - აცხადებენ საქართველოს საავტორო უფლებათა ასოციაცაში

ყველა სიახლე

კახა კალაძე

19 ოქტომბერი 2019, 15:15

საქართველო

კალაძე გურამიშვილის გამზირზე მომხდარი აფეთქების შედეგად დაზარალებულებს შეხვდა

თბილისის მერი გურამიშვილის გამზირზე საცხოვრებელ კორპუსში მომხდარი აფეთქების შედეგად დაზარალებულებს შეხვდა. კახა კალაძის განცხადებით, მერიამ დროებითი საცხოვრებლებით უზრუნველყო 15 ოჯახი და ისინი სხვადასხვა სასტუმროებში გადანაწილდნენ. გამგებლის ინფორმაციით, კორპუსი სადაც აფეთქება მოხდა საცხოვრებლად სულ მცირე 1 კვირა ვერ გამოდგება.

გოდერძობა

19 ოქტომბერი 2019, 15:12

კულტურა

სოფელ ჩოხში სახალხო დღესასწაული „გოდერძობა“ აღინიშნება

სოფელ ჩოხში გამოჩენილი გუდამაყრელი მწერლის გოდერძი ჩოხელის დაბადების დღისადმი მიძღვნილი სახალხო დღეობა „გოდერძობა“ აღინიშნება. დღესასწაულთან დაკავშირებით სოფელში მწერლის სახლ-მუზეუმი გაიხსნა. გარდა ამისა, დაგეგმილია სხვადასხვა საზეიმო ღონისძიება.

ვახტანგ გომელაური

19 ოქტომბერი 2019, 15:01

ძალოვნები

გომელაური ატოცში მიმდინარე პროცესებზე: სიტუაციას სრულად ვაკონტროლებთ

შინაგან საქმეთა მინისტრი ვახტანგ გომელაური ქარელის მუნიციპალიტეტის სოფელ ატოცში ოკუპანტების მიერ მავთულხლართების გავლების პროცესს გამოეხმაურა და განაცხადა, რომ სიტუაცია კონტროლს ექვემდებარება და ესკალაციის საფრთხე არ არსებობს.

ატოცი

19 ოქტომბერი 2019, 14:50

საქართველო

საგარეო უწყება რუსეთს დესტრუქციული ქმედებების დაუყოვნებლივ შეწყვეტისკენ მოუწოდებს

სამინისტრო აღნიშნავს, რომ ბოლო დროს ადგილზე უკიდურესად გამწვავებული მდგომარეობის ფონზე, საოკუპაციო ძალების აღნიშნული ქმედება წარმოადგენს მიზანმიმართულ პროვოკაციას, რაც მიზნად ისახავს ქვეყანაში ვითარების დესტაბილიზაციას“. ატოცში ბორდერიზაციის პროცესი გრძელდება. ოკუპანტებმა მავთულხლართების მონტაჟი გაახლეს.

გიორგი გახარია

19 ოქტომბერი 2019, 14:39

საქართველო

გახარია: პირდაპირ მითხარით, რა არის გასაკეთებელი სპორტის განვითარებისთვის

პრემიერმინისტრი გიორგი გახარია გორში მედიკოსებს და სპორტსმენებს შეხვდა. ორივე სფეროს წარმომადგენლები აცხადებენ, რომ მთავარი გამოწვევა არის ინფრასტრუქტურა, და ამ მიმართულებით პრემიერს დახმარებას სთხოვენ. მანამდე პრემიერმინისტრი გორში პედაგოგებს შეხვდა და მათგან განათლების სისტემაში არსებული გამოწვევების შესახებ ინფორმაცია მიიღო.

გურამიშვილის გამზირი

19 ოქტომბერი 2019, 14:33

ძალოვნები

გამგებელი: კორპუსი სადაც აფეთქება მოხდა საცხოვრებლად სულ მცირე 1 კვირა ვერ გამოდგება

16-სართულიან საცხოვრებელ კორპუსში აფეთქება სავარაუდოდ გაზის დაგროვებამ გამოიწვია. მეხანძრე-მაშველებმა კორპუსიდან მოსახლეობის სრული ევაკუაცია განახორციელეს. სხვადასხვა სამკურნალო დაწესებულებაში 4 ადამიანია გადაყვანილი.

გაზის გაჟონვა

19 ოქტომბერი 2019, 14:29

საქართველო

მოსახლეობას გაზგამანაწილებელი კომპანიის მითითებების შესრულება დაევალება

პარლამენტში მალე დაიწყება ახალი კანონპროექტის განხილვა, რომელიც მოსახლეობას საკუთარი ტექნიკური მოწყობილობების შემოწმებას დაავალდებულებს. ადმინისტრაციულ სამართალდარღვევათა კოდექსში ცვლილებების პირველი ეტაპი ნოემბრიდან უნდა ამოქმედდეს.

დიმიტრი საძაგლიშვილი გიორგი გაბუნია

19 ოქტომბერი 2019, 14:27

ძალოვნები

ტელეწამყვანი გიორგი გაბუნია პროკურატურაში გამოკითხეს

გაბუნიამ უწყების დატოვების შემდეგ თქვა, რომ გამოძიებისთვის საჭირო ინფორმაცია ვერ მიაწოდა პროკურატურას, რადგან სისხლის სამართლის დანაშაული არ იკვეთება. მან გაუთქმელობის შეთანხმებას მოაწერა ხელი. „მთავარი არხის“ ტელეწამყვანი გამოკითხვებს მის საქმიანობას უკავშირებს. 11 აგვისტოს სასამართლომ ნიკა გვარამიას 40 000 ლარის გირაო შეუფარდა. 6 სექტემბერს ნიკა გვარამიას ახალი ბრალი წარედგინა.

დიმიტრი მედვედევი

19 ოქტომბერი 2019, 14:02

მსოფლიო

მედვედევი: ჩვენს ირგვლივ ნატოს ბაზების განთავსებაზე დადებითი რეაქცია ვერ გვექნება

რუსეთი ბირთვული ქვეყანაა და ჩვენს სამეზობლოში ნატოს ბაზების განთავსების მცდელობებს დადებითად ვერ შევხვდებით, ამიტომ ნატოში შემავალი ქვეყნები ასჯერ უნდა დაფიქრდნენ, სანამ ასეთ გადაწყვეტილებას მიიღებენ, - ამის შესახებ რუსეთის პრემიერმინისტრმა დიმიტრი მედვედევმა სერბულ გამოცემა Večernje novosti-სთან ინტერვიუში განაცხადა.

ასტეროიდი

19 ოქტომბერი 2019, 13:43

ტექნოლოგიები

დედამიწას 440-დან 990 მეტრამდე დიამეტრის ასტეროიდი უახლოვდება

დედამიწას 440-დან 990 მეტრამდე დიამეტრის ასტეროიდი უახლოვდება. ინფორმაციას ამის შესახებ აშშ-ის აერონავტიკის და კოსმოსური სივრცის კვლევის ეროვნული სამმართველო (NASA) ავრცელებს. ორგანიზაციის ინფორმაციით, 25 ოქტომბერს ასტეროიდი 162082 (1998 HL1) დედამიწას 6,2 მილიონი კილომეტრის მანძილზე, 11,2 კმ/სთ სიჩქარით ჩაუვლის.

ანდრეს მანუელ ლოპეს ობრადორი

19 ოქტომბერი 2019, 13:01

მსოფლიო

მექსიკის პრეზიდენტმა ნარკობარონ „ელ ჩაპოს“ შვილის გათავისუფლება გაამართლა

მექსიკის პრეზიდენტმა ანდრეს მანუელ ლოპეს ობრადორმა ნარკობარონ „ელ ჩაპოს“ შვილის ოვიდიო გუზმანის გათავისუფლება გაამართლა. ინფორმაციას ამის შესახებ BBC ავრცელებს. მისი განცხადებით, ამ გადაწყვეტილებამ ადამიანების სიცოცხლე გადაარჩინა.

გიორგი გახარია

19 ოქტომბერი 2019, 12:37

საქართველო

პრემიერი ატოცში მავთულხლართების გავლებაზე: გავერკვევით და გიპასუხებთ

საქართველოს პრემიერმინისტრი გიორგი გახარია ქარელის მუნიციპალიტეტის სოფელ ატოცში ოკუპანტების მიერ მავთულხლართების გავლების პროცესს გამოეხმაურა. „წყნარად, მშვიდად. ინფორმაცია გვექნება და გიპასუხებთ. დღეს, მთელი დღე ვართ გორში და კიდევ შევხვდებით. გავერკვევით და გიპასუხებთ”, - აღნიშნა პრემიერმა ჟურნალისტებთან საუბარში.

გიორგი გახარია

19 ოქტომბერი 2019, 11:48

საქართველო

გახარია: ფუნდამენტური მეცნიერების განვითარებაში არსებული ჩავარდნა გადასალახია

ჩვენ ყველას კარგად გვესმის, რომ ის ჩავარდნა, რომელიც ბოლო 30 წლის განმავლობაში ფუნდამენტური მეცნიერების განვითარებაში ჩვენ გვაქვს, არის გადასალახი, - ამის შესახებ გორში პედაგოგებთან შეხვედრაზე საქართველოს პრემიერმინისტრმა გიორგი გახარიამ განაცხადა.

ატოცი

19 ოქტომბერი 2019, 11:40

საქართველო

ოკუპანტებმა ატოცში მავთულხლართების მონტაჟი განაახლეს

ატოცში ბორდერიზაციის პროცესი გრძელდება. ოკუპანტებმა მავთულხლართების მონტაჟი გაახლეს. ამის შესახებ ინფორმაცია Imedinews-ს სახელმწიფო უსაფრთხოების პრესსამსახურში დაუდასტურეს. „უკანონო ბორდერიზაციის პროცესს ახორციელებენ ქარელის მუნიციპალიტეტის სოფელ ატოცში, რაც მნიშვნელოვნად აზიანებს ადგილზე არსებულ უსაფრთხოების გარემოს“.

Saudi Aramco

19 ოქტომბერი 2019, 11:33

ეკონომიკა

Financial Times: მსოფლიოში ყველაზე მსხვილი შეთანხმება ისევ გადაიდო

საუდის არაბეთის სახელმწიფო ნავთობკომპანიამ Saudi Aramco-მ აქციების პირველადი განთავსების (IPO) დაწყება გადადო. ამის შესახებ საკუთარ წყაროებზე დაყრდნობით გამოცემა Financial Times-ი წერს. მისი ცნობით, ეს გადაწყვეტილება სექტემბერში კომპანიის ინფრასტრუქტურულ ობიექტებზე დრონების თავდასხმას უკავშირდება.

ვახტანგ გომელაური

19 ოქტომბერი 2019, 11:25

ძალოვნები

გომელაური: გურამიშვილის გამზირზე გამათბობელი სავარაუდოდ კუსტარულად დაამონტაჟეს

გურამიშვილის გამზირზე, სადაც დღეს სავარაუდოდ გაზის დაგროვების გამო მოხდა აფეთქება, შს მინისტრი ვახტანგ გომელაური მივიდა. მინისტრის თქმით, წინასწარი ინფორმაციით, შემთხვევა სავარაუდოდ, კუსტარულად დამონტაჟებული გამათბობელის აფეთქებამ გამოიწვია. გომელაურის განცხადებით, ოჯახი გაფრთხილებულიც იყო. სხვადასხვა სამკურნალო დაწესებულებაში 4 ადამიანია გადაყვანილი.

მარკ ცუკერბერგი

19 ოქტომბერი 2019, 11:18

ტექნოლოგიები

მარკ ცუკერბერგმა Facebook-ის შექმნის ისტორია გადაწერა

Facebook-ის ​ხელმძღვანელი მარკ ცუკერბერგი ჯორჯტაუნის უნივერსიტეტში სიტყვით გამოვიდა, რომელშიც თვითგამოხატვის თავისუფლების მნიშვნელობაზე, ჩინური ცენზურის საფრთხეზე, პოლიტიკურ რეკლამასა და დაუდასტურებელი ინფორმაციის გავრცელებაზე ისაუბრა. 40-წუთიანი გამოსვლა როგორც ჟურნალისტებმა, ასევე სოცქსელის რიგითმა მომხმარებლებმა გააკრიტიკეს.

ლიონელ მესი

19 ოქტომბერი 2019, 10:34

სპორტი

მესი: მსურს კარიერა „ბარსელონაში“ დავასრულო, თუმცა უვადო კონტრაქტი არ მჭირდება

„ბარსელონას“ კაპიტანმა, არგენტინელმა ფორვარდმა ლიონელ მესიმ კატალონიელ კლუბთან უვადო კონტრაქტზე საკუთარი მოსაზრება გამოთქვა. მედიაში გავრცელდა ინფორმაცია, რომ „ბარსელონა“ მესის უვადო კონტრაქტს შესთავაზებს და არგენტინელი ფეხბურთელი კლუბში იქამდე შეძლებს თამაშს, სანამ თავად ჩათვლის საჭიროდ.

შინაგან საქმეთა სამინისტრო

19 ოქტომბერი 2019, 10:30

ძალოვნები

გურამიშვილის გამზირზე აფეთქების ფაქტზე გამოძიება დაიწყო

პირველადი ინფორმაციით, 16-სართულიან საცხოვრებელ კორპუსში აფეთქება გაზის დაგროვებამ გამოიწვია. მეხანძრე-მაშველებმა კორპუსიდან მოსახლეობის სრული ევაკუაცია განახორციელეს. ამ დროისთვის არსებული ინფორმაციით, სხვადასხვა სამკურნალო დაწესებულებაში 4 ადამიანია გადაყვანილი.

თემთა პალატა

19 ოქტომბერი 2019, 10:11

მსოფლიო

დიდი ბრიტანეთის თემთა პალატაში Brexit-ის საკითხზე შეთანხმებას უყრიან კენჭს

მანამდე ბრიტანელმა დეპუტატებმა სამჯერ ჩააგდეს შეთანხმების პროექტი, რომელზეც ევროკავშირთან მოლაპარაკებებს ჯონსონის წინამორბედი ტერეზა მეი აწარმოებდა. თუმცა გამოცემა აღნიშნავს, რომ ჯონსონის მიერ მიღწეულ შეთანხმებაში გაწერილ პირობებს დეპუტატმა მხარდაჭერის მოპოვების უფრო დიდი შანსი აქვს.