imedi /  05 მარტი 2019, 19:55 / სანდო წყარო

იონაჰეს ჰანი: საქართველო უსაფრთხო ქვეყანაა, ამიტომ ქართველები ევროკავშირში თავშესაფარს ვერ მიიღებენ

ევროკავშირი

მამუკა ბახტაძე
ფედერიკა მოგერინი
იოჰანეს ჰანი

ბრიუსელში საქართველო-ევროკავშირის ასოცირების საბჭოს მეხუთე სხდომა დასრულდა, რომლის შემდეგაც საქართველოს პრემიერმინისტრმა მამუკა ბახტაძემ, უსაფრთხოებისა და საგარეო პოლიტიკის საკითხებში ევროკავშირის უმაღლესმა წარმომადგენელმა ფედერიკა მოგერინიმ და ევროკავშირის სამეზობლო პოლიტიკისა და გაფართოების შესახებ მოლაპარაკებების საკითხებში, ევროკომისარმა იოჰანეს ჰანმა ერთობლივი პრესკონფერენცია გამართა. 

"იმედის" შეკითხვის პასუხად ფედერიკა მოგერინმა განაცხადა, რომ საქართველოს მთავრობის მიერ წარდგენილი ევროკავშირთან ინტეგრაციის საგზაო რუკა ძალიან თანმიმდევრულია და მნიშვნელოვანია, რუკის მთავარი აქცენტი გაკეთებულია ასოცირების შეთანხმების განხორციელებაზე. 

"20 შედეგი უნდა დაიდოს 2020 წლის სამიტისთვის. ჩვენ განვიხილეთ ის კონკრეტული ნაბიჯები, რომლებიც ერთად შეიძლება გადავდგათ. აქედან გამომდინარე ამბიციური, მნიშვნელოვანი დღის წესრიგი გვაქვს. მიმაჩნია, რომ ასე გაგრძელდება და პოზიტიური შედეგები იქნება, რომელსაც საქართველოს მოსახლეობა იგრძნობს", - განაცხადა ფედერიკა მოგერინიმ.

იოჰანეს ჰანის განცხადებით, საქართველომ თქვა, რომ მას აინტერესებს ევროკავშირში ყოფნა და ღრმა და ყოვლისმომცველი ვაჭრობის სივრცე იძლევა იმის საშუალებას, რომ ეკონომიკური განვითარება და უკეთესი საცხოვრებელი პირობები მოკლე და საშუალოვადიან პერიოდში თვალხილული და ხელშესახები იყოს.

"ვიზალიბერალიზაცია იყო ერთ-ერთი კონკრეტული მიღწევა და ვერ ვხედავ რაიმე რისკს თუ საქართველოს ხელისუფლება და საზოგადოება ზოგიერთ ხარვეზს გამოასწორებს ამ კუთხით. ძალიან მნიშვნელოვანია ამ მიმართულებით მედიის როლი, იმიტომ რომ მედიამ უნდა მოახდინოს საზოგადოების ინფორმირება. საქართველო მიიჩნევა უსაფრთხო ქვეყნად და საქართველოს ჩვენ ამ პრიზმაში ვუყურებთ. მე მითხრეს, რომ ვიზალიბერალიზაციის ფარგლებში 600 ათასი ადამიანი შემოვიდა ჩვენს ტერიტორიაზე და მხოლოდ რამდენიმე ათასი აკეთებდა განაცხადს თავშესაფარზე, ეს მასშტაბები თავისას ამბობს, მაგრამ მინდა მოგიწოდოთ რომ მედიამ თქვენი შესაძლებლობები გამოიყენოთ და საზოგადოებას აცნობოთ, რომ ისინი ევროპაში თავშესაფარს ვერ მოიპოვებენ, რადგან საქართველო უსაფრთხო ქვეყნად მიიჩნევა", - განაცხადა იოჰანეს ჰანმა.

საქართველოს პრემიერმინისტრის მამუკა ბახტაძის განცხადებით, მთავრობის მიერ წარდგენილი ევროკავშირთან ინტეგრაციის საგზაო რუკა დაგვეხმარება იმაში, რომ საქართველოში დემოკრატიის კონსოლიდაცია მოხდეს: 

"რომ ავიყვანოთ ჩვენი წარმატება ახალ დონეზე, გავუმკლავდეთ იმ ეკონომიკურ გამოწვევებს, რომლებიც არსებობს საქართველოს წინაშე, წარმატებით მივიყვანოთ რეფორმები, მათ შორის ძირეული და სტრუქტურული რეფორმები რომლებიც დავიწყეთ და განსაკუთრებით მინდა განათლების სექტორი გამოვყო. ვფიქრობ, რომ ეს დოკუმენტი დაგვეხმარება იმაში, რომ საზოგადოებას ჰქონდეს კონკრეტული ორიენტირი თუ როგორ ვითარდება და როგორ პროგრესირებს საქართველო ევროპული მიმართულებით", - განაცხადა საქართველოს პრემიერმინისტრმა.

ბრიუსელში მყოფმა საქართველოს საგარეო საქმეთა მინისტრმა დავით ზალკალიანმა განმარტა რას გულისხმობს ევროკავშირთან ინტეგრაციის საგზაო რუკა.

ყველა სიახლე

ფინეთის ნაკრები

27 მაისი 2019, 00:56

სპორტი

ფინეთი ჰოკეიში მსოფლიო ჩემპიონი გახდა

ფინეთის ნაკრებმა ჰოკეიში მსოფლიო ჩემპიონატის ფინალში კანადის ნაკრებს 3:1 სძლია და ჩემპიონის ტიტული მოიპოვა. ფინელთა რიგებში თავი დუბლით გუნდის კაპიტანმა მარკო ანტილამ გამოიჩინა, კიდევ ერთი გოლი კი თავდამსხმელის იანე პესონენის ანგარიშზეა, კანადელების ერთადერთი გოლი ჟოზე ტეოდორმა გაიტანა.

სალომე ზურაბიშვილი

27 მაისი 2019, 00:53

საქართველო

ზურაბიშვილი გიტანას ნაუსედას ლიეტუვას საპრეზიდენტო არჩევნებში გამარჯვებას ულოცავს

საქართველოს პრეზიდენტი სალომე ზურაბიშვილი გიტანას ნაუსედას ლიეტუვას საპრეზიდენტო არჩევნებში გამარჯვებას ულოცავს. პრეზიდენტის შეფასებით, საქართველოს და ლიეტუვას მტკიცე პარტნიორობა აკავშირებთ. ლიეტუვაში საპრეზიდენტო არჩევნების მეორე ტურში ცენტრალური ბანკის ბორდის ყოფილი წევრი, ეკონომისტი გიტანას ნაუსედა 74%-ით იმარჯვებს. ნაუსედას მეტოქემ, ფინანსთა ყოფილმა მინისტრმა ინგრიდა შიმონიტეამ 26% მოაგროვა.

ლაგოდეხის პოლიცია

27 მაისი 2019, 00:37

ძალოვნები

ლაგოდეხში მდინარეში გადავარდნილი მოსწავლის პოვნას სავარაუდოდ მყვინთავები შეეცდებიან

სამაშველო ოპერაციაში ხვალ დილიდან შესაძლოა, მყვინთავებიც ჩართონ. ამ დრომდე შემთხვევის ადგილზე სამაშველო ბრიგადები და პოლიცია რჩება. ლაგოდეხში, „ნინოსხევის ჩანჩქერის“ მიმდებარე ტერიტორიაზე, ექსკურსიაზე მყოფი სკოლის მოსწავლეებიდან ერთ-ერთი მდინარეში გადავარდა. Imedinews-ს შსს-ში განუცხადეს, რომ ექსკურსიაზე მყოფთა ნაწილი შესაძლოა, თბილისში გამოკითხონ.

27 მაისი 2019, 00:21

მსოფლიო

კონგოს ტბაში ნავის ჩაძირვას 30 ადამიანი ემსხვერპლა

კონგოში, ტბაში მაი-ნდომბე გემის ჩაძირვას 30 ადამიანი ემსხვერპლა, 200 კი დაკარგულად ითვლება. ამის შესახებ Associated Press-ი ქვეყნის ხელისუფლების ინფორმაციაზე დაყრდნოით იტყობინება. პროვინცია მაი-ნდომბეს დედაქალაქის, ირონგოს მერის სიმონ მბოოს განცხადებით, ბორტზე მყოფთაგან უმრავლესობა მასწავლებელია. მისივე განმარტებით, გადაადგილდებოდნენ გემით, რადგან რეგიონში ძალიან ცუდი გზებია.

ილონ მასკი

27 მაისი 2019, 00:07

ეკონომიკა

ილონ მასკი აშშ-ში კომპანიის ყველაზე მაღალანაზღაურებადი ხელმძღვანელი გახდა

კომპანია Tesla-ს გენერალური დირექტორი ილონ მასკი ამერიკულ კომპანიებს შორის ყველაზე მაღალანაზღაურებადი ხელმძღვანელი გახდა. ამის შესახებ გამოცემა The New York Times-ი წერს. 2018 წელს ელექტრომობილების მწარმოებელ კომპანიაში მასკის ანაზღაურებამ 2,28 მილიარდი დოლარი შეადგინა.

გიტანას ნაუსედა

26 მაისი 2019, 23:33

მსოფლიო

ლიეტუვას საპრეზიდენტო არჩევნების მეორე ტურში გიტანას ნაუსედა იმარჯვებს

ლიეტუვაში საპრეზიდენტო არჩევნების მეორე ტურში ცენტრალური ბანკის ბორდის ყოფილი წევრი, ეკონომისტი გიტანას ნაუსედა 74%-ით იმარჯვებს. ამის შესახებ Reuters-იტყობინება საარჩევნო კომისიის მონაცემებზე დაყრდნობით, რომელმაც ხმების მეოთხედი დათვალა. ნაუსედას მეტოქემ, ფინანსთა ყოფილმა მინისტრმა ინგრიდა შიმონიტეამ 26% მოაგროვა.

26 მაისი 2019, 22:54

მსოფლიო

ევროპარლამენტის არჩევნების ეგზიტპოლების შედეგები ვრცელდება

ეგზიტპოლების შედეგების თანახმად, ავსტრიაში ევროპარლამენტის არჩევნებში ფედერალური კანცლერის სებასტიან კურცის „ავსტრიის სახალხო პარტია“ ლიდერობს. ორგანიზაციების SORA-ს და ARGE Wahlen-ის მონაცემებით, კურცის პარტია ხმათა 34,5%-ს მიიღებს. მეორე ადგილზე სოციალ-დემოკრატიული პარტია (23,5%), მესამეზე კი მემარჯვენე პოპულისტური „თავისუფლების პარტია“ (17,5%) გადის.

უაგადუგუ

26 მაისი 2019, 22:41

მსოფლიო

ბურკინა-ფასოში ეკლესიაზე თავდასხმას ოთხი ადამიანი ემსხვერპლა

ბურკინა-ფასოს ჩრდილოეთში კათოლიკურ ეკლესიაზე შეიარაღებული პირების თავდასხმას ოთხი ადამიანი ემსხვერპლა. ამის შესახებ საფრანგეთის საერთაშორისო რადიოს (RFI) აფრიკული ფილიალი იუწყება. მისი ინფორმაციით, თავდასხმა ლორუმის პროვინციის სოფელ ტულფეში მოხდა, კიდევ ორი ადამიანი მძიმედ დაიჭრა.

საპატრულო პოლიცია

26 მაისი 2019, 21:12

ძალოვნები

ლაგოდეხში ექსკურსიაზე მყოფი მოსწავლე მდინარეში გადავარდა

ლაგოდეხში, „ნინოსხევის ჩანჩქერის“ მიმდებარე ტერიტორიაზე, ექსკურსიაზე მყოფი სკოლის მოსწავლეებიდან ერთ-ერთი მდინარეში ჩავარდა. „ადგილზე გამოცხადდნენ რეინჯერები და საგანგებო სიტუაციების მართვის სამსახურის ლაგოდეხისა და გურჯაანის სამაშველო ჯგუფები, რომლებიც საძიებო სამუშაოებში დაუყოვნებლივ ჩაერთნენ“.

ნენსი პელოსი

26 მაისი 2019, 20:40

ტექნოლოგიები

Facebook-ი ნენსი პელოსის დამონტაჟებულ ვიდეოს არ შლის

22 მაისს სოციალურ ქსელებში გავრცელდა დამონტაჟებული ვიდეოჩანაწერი, რომელზეც წარმომადგენელთა პალატის სპიკერის ნენსი პელოსის საუბარი ისეა შეცვლილი, რომ იქმნება შთაბეჭდილება, თითქოს ის მთვრალია. გვერდ Politics WatchDog-ზე გავრცელებულმა ვიდეომ 2,7 მილიონზე მეტი ნახვა და თითქმის 50 ათასი გაზიარება დააგროვა.

ევერესტი

26 მაისი 2019, 20:39

მსოფლიო

ნეპალის ხელისუფლება ევერესტზე მთამსვლელების დაღუპვის მიზეზს განმარტავს

ნეპალის ხელისუფლება უარყოფს ბრალდებებს იმის შესახებ, რომ ევერესტზე მთამსვლელების დაღუპვის ფაქტების გაზრდა მათ მიერ მთაზე ასასვლელად საჭირო რეკორდული ლიცენზიის გაცემას უკავშირდება. ბრიტანული მედიის ცნობით, ტურიზმის დეპარტამენტი სხვა ფაქტორებზე მიუთითებს.

პერუ

26 მაისი 2019, 20:05

მსოფლიო

პერუში მიწისძვრას მსხვერპლი მოჰყვა

პერუში მიწისძვრას 1 ადამიანი ემსხვერპლა, 11 დაშავდა, 50 სახლი კი განადგურდა. ქვეყნის საგანგებო სიტუაციების ცენტრის ინფორმაციით, ასევე დაზიანდა რამდენიმე სკოლა, ეკლესია და საავადმყოფო. პერუში 7,5 მაგნიტუდის მიწისძვრა მოხდა, წერს Reuters-ი ამერიკის შეერთებული შტატების გეოლოგიური სამსახურზე დაყრდნობით.

ალბინოსი პანდა

26 მაისი 2019, 19:54

ტაბლოიდი

ჩინეთში ალბინოს პანდას ფოტო პირველად გადაუღეს

ჩინეთში, ვოლონგის ნაკრძალში ინფრაწითელმა კამერამ ალბინოსი პანდას ფოტო გადაიღო. ინფორმაციას ამის შესახებ სააგენტო „სინჰუა“ ავრცელებს. მისი ინფორმაციით, ფოტო მიმდინარე წლის აპრილში, ზღვის დონიდან 2000 მეტრის სიმაღლეზე არის გადაღებული.

ამინდი

26 მაისი 2019, 19:45

საქართველო

ცნობილია რამდენ დღეს გაგრძელდება უამინდობა საქართველოში

დღეს თბილისში დროგამოშვებით იწვიმებს. საქართველოს უმეტეს რაიონებში მოსალოდნელია წვიმა, ზოგიერთ რაიონში ელჭექთან ერთად. როგორც გარემოს ეროვნულ სააგენტოში ამბობენ, 27 მაისს აღმოსავლეთ საქართველოში სეტყვაა მოსალოდნელი. საქართველოში 29 მაისიდან გამოიდარებს

ლუის ჰემილტონი

26 მაისი 2019, 19:36

სპორტი

ჰემილტონმა მონაკოს გრანპრი მოიგო

მეორე ადგილზე „რედ ბულის“ პილოტი მაქს ფერსტაპენი გავიდა, თუმცა მის დროს ფინიშზე პიტსტოპის შემდეგ ბოქსებიდან სახიფათო გასვლის გამო 5 წამი დაემატა, რის გამოც ფერსტაპენმა მეოთხე პოზიციაზე გადაინაცვლა, მეორე და მესამე ადგილებზე კი სებასტიან ფეტელი („ფერარი“) და ვალტერი ბოტასი („მერსედესი“) აღმოჩნდნენ.

ტორნადო ოკლაჰომაში

26 მაისი 2019, 19:23

მსოფლიო

ოკლაჰომაში ტორნადოს მსხვერპლი მოჰყვა

ამერიკის შეერთებული შტატების ჩრდილოეთ ნაწილში ტორნადო რამდენიმე დღეა მძვინვარებს. ადგილობრივი მთავრობის განმარტებით, სტიქიამ სასტუმრო და სახლები დააზიანა. არიან დაშავებულებიც. რამდენიმე ადამიანი საავადმყოფოში გადაიყვანეს სამკურნალოდ.

რობოტი Digit -ი

26 მაისი 2019, 19:08

ტექნოლოგიები

Ford-მა ამანათების დამრიგებელი რობოტი შექმნა

ავტოგიგანტმა Ford-მა კომპანია Agility Robotics - თან ერთად შექმნა რობოტი Digit -ი, რომელიც 18 კილოგრამამდე წონის ამანათებს დაარიგებს. რობოტს შეუძლია გადაადგილება არასწორ ზედაპირზე, წინააღმდეგობის გადალახვა, კიბეზე ასვლა-ჩამოსვლა და ასევე გაუთვალისწინებელი შეჯახების დროს ვერტიკალური მდგომარეობის შენარჩუნება.

„მანეკენ პისი“

26 მაისი 2019, 19:05

საქართველო

ჩოხაში გამოწყობილ ბრიუსელის სიმბოლოს მრავალჟამიერი უმღერეს

ბელგიელებმა ჩოხაში გამოწყობილ ბელგიის სიმბოლოს „მანეკენ პისის“ სიმღერა, ანსამბლმა „მამულმა“ კი მრავალჟამიერი უმღერა. „მანეკენ პისი“ ბრიუსელში 1618 წელს განათავსეს და მას არაერთი ლეგენდა უკავშირდება.

26 მაისი 2019, 19:04

ვიდეო

✔ 1919 წელი. 26 მაისი. თბილისში დამოუკიდებლობის 1 წელი იზეიმეს

26 მაისი 2019, 19:01

ვიდეო

ჩოხაში გამოწყობილ ბრიუსელის სიმბოლოს მრავალჟამიერი უმღერეს