imedi /  14 მარტი 2019, 17:41 / სანდო წყარო

ზალკალიანმა 2019-2022 წლების საგარეო პოლიტიკის სტრატეგიის პროექტი წარადგინა

დავით ზალკალიანი

დავით ზალკალიანი

საგარეო საქმეთა მინისტრმა დავით ზალკალიანმა დღეს საქართველოს პარლამენტში, საგარეო ურთიერთობათა კომიტეტში გამართული მოსმენისას, საქართველოს 2019-2022 წლების საგარეო პოლიტიკის სტრატეგიის პროექტი წარადგინა.

"ეს არის თვისობრივად ახალი, მაღალი ლეგიტიმაციის მქონე, ეროვნული დონის დოკუმენტი, რომელიც წინა სტრატეგიებისგან განსხვავებით, არ იქნება მხოლოდ უწყებრივი დოკუმენტი და ის დამტკიცდება საქართველოს მთავრობის მიერ. მასზე მუშაობის პროცესში ჩვენი მიზანი იყო რაც შეიძლება ფართო ჩართულობის უზრუნველყოფა და პირველად მოხდა, რომ სტრატეგიის შემუშავებაში მონაწილეობდნენ როგორც საგარეო საქმეთა სამინისტროს ცენტრალური აპარატი და საზღვარგარეთ ჩვენი დიპლომატიური მისიები, ისე სამთავრობო სტრუქტურების, პარლამენტისა და სამოქალაქო საზოგადოების წარმომადგენლები. ყველა ის სექტორული მიმართულება და მათთან დაკავშირებული ამოცანები, რომლებსაც სხვადასხვა უწყებები ახორციელებდნენ საგარეო პოლიტიკის კუთხით ერთიან დოკუმენტში გაერთიანდა“, - განაცხადა მინისტრმა.

მისივე თქმით, მნიშვნელოვანია, რომ დოკუმენტი შემუშავდა საქართველოს მთავრობის დადგენილებით შექმნილი უწყებათაშორისი საბჭოს მიერ, რომელიც 14 უწყების წარმომადგენლებისგან დაკომპლექტებული მაკოორდინირებელი მექანიზმია და რომელიც ზედამხედველობას გაუწევს სტრატეგიის განხორციელებას.

"სტრატეგია სრულ თანხვედრაშია საგარეო პოლიტიკის პრიორიტეტების შესახებ საქართველოს პარლამენტის 2016 წლის 29 დეკემბრის რეზოლუციასა და 2018-2020 წლების სამთავრობო პროგრამასთან „თავისუფლება, სწრაფი განვითარება, კეთილდღეობა“, - აღნიშნა ზალკალიანმა.

დავით ზალკალიანმა განსაკუთრებული ყურადღება გაამახვილა დოკუმენტის შემუშავებაში სამოქალაქო სექტორის ჩართულობის მნიშვნელობაზე. მისი თქმით, მოსამზადებელ პროცესში მონაწილეობა მიიღო 15-მდე არასამთავრობო ორგანიზაციამ და კვლევითმა ცენტრმა.

"დოკუმენტის მნიშვნელოვან სიახლეს წარმოადგენს საქართველოს აღმოსავლეთ ევროპა-შავი ზღვის რეგიონის ნაწილად პოზიციონირება. როგორც ცნობილია, გასული წლების სტრატეგიებში საქართველო მიკუთვნებული იყო სამხრეთ კავკასიის რეგიონს. ახალ სტრატეგიაში აქცენტი გაკეთებულია საქართველოს, როგორც ევროპის განუყოფელ ნაწილად წარმოჩენაზე და დოკუმენტში არაერთხელ არის აღნიშნული, რომ საქართველო არის ევროპული ქვეყანა როგორც გეოგრაფიული, ისე პოლიტიკური და კულტურული გაგებით. მიგვაჩნია, რომ აქტიურად უნდა ვიმუშაოთ აღნიშნული აღქმის დამკვიდრებაზე როგორც ქვეყნის შიგნით, ისე ქვეყნის გარეთ“, - განაცხადა დავით ზალკალიანმა.

მინისტრის თქმით, სტრატეგიის მიხედვით, ერთ-ერთ პრიორიტეტულ მიმართულებას წარმოადგენს შავი ზღვის ეკონომიკური როლის გაძლიერება, რადგან საქართველოს, როგორც აღმოსავლეთ-დასავლეთის დამაკავშირებელი ენერგო, სატრანსპორტო/სატრანზიტო და ციფრული ჰაბის ფუნქციის განმტკიცება წარმოუდგენელია შავი ზღვით სხვადასხვა აქტორების მზარდი დაინტერესების გარეშე.

თავის გამოსვლაში დავით ზალკალიანმა ასევე აღნიშნა, რომ წინა წლების დოკუმენტებში საგარეო პოლიტიკის მიზნად დასახული იყო დემოკრატიული განვითარება, ხოლო ახალ სტრატეგიაში აქცენტი კეთდება ინსტიტუციური დემოკრატიის კონსოლიდაციაზე, რაც ხაზს უსვამს საქართველოს პროგრესს და ქვეყნის კიდევ უფრო მაღალი დემოკრატიული სტანდარტებისკენ სწრაფვას.

მინისტრმა საგარეო ურთიერთობათა და ევროინტეგრაციის საპარლამენტო კომიტეტების გაერთიანებულ სხდომაზე, 2019-2022 წლის სტრატეგიის პრეზენტაციისას ასევე ილაპარაკა დოკუმენტის შინაარსობრივ ნაწილზე, რომელშიც ჩაშლილია ქვეყნის საგარეო პოლიტიკური ამოცანები ყველა პრიორიტეტული მიმართულებით.

ყველა სიახლე

რომან გოცირიძე

14 ნოემბერი 2019, 13:04

საქართველო

რომან გოცირიძე: პროპორციულის ჩავარდნის შემთხვევაში, გავრილოვის ღამე სანატრელი გაუხდებათ

„ამას გინდათ მუქარა უწოდეთ, გინდათ გაფრთხილება. გაფრთხილების ფორმით ვამბობ. დანარჩენს ხალხი გადაწყვეტს. დღეს ქართველი ხალხი არის ერთსულოვანი, სატელიტი პარტიებიც აღნიშნულ ცვლილებებთან დაკავშირებით ბიძინა ივანიშვილის წინააღმდეგები არიან“ ,- განაცხადა რომან გოცირიძემ.

თამარ ხულორდავა

14 ნოემბერი 2019, 12:45

საქართველო

საპარლამენტო უმრავლესობის უმეტესობას პროპორციულზე ოპოზიციის მხარდაჭერის იმედი აქვს

საპარლამენტო უმრავლესობის უმეტესობას პროპორციულ საარჩევნო სისტემასთან დაკავშირებით კანონპროექტის კენჭისყრაზე საპარლამენტო უმცირესობის მხარდაჭერის იმედი აქვს. როგორც თამარ ხულორდავამ განაცხადა, არის მოლოდინი, რომ უმრავლესობის ზოგიერთი წევრი პროპორციულ სისტემაზე გადასვლას ხმას არ მისცემს.

ხანძარი ავსტრალიაში

14 ნოემბერი 2019, 12:43

მსოფლიო

ავსტრალიის პოლიციის ვარაუდით ტყის მასშტაბური ხანძარი 16 წლის მოზარდმა გააჩინა

ავსტრალიის სამართალდამცველები ეჭვობენ, რომ ტყის მასშტაბური ხანძარი 16 წლის მოზარდმა გააჩინა. BBC-ის ინფორმაციით, არასრულწლოვანმა ცეცხლი ძალით გააჩინა და ამ ფაქტზე გამოძიება მიმდინარეობს. ადგილობრივი პოლიციის თქმით, მოზარდთან დაკავშირებით არსებულ საქმეს შტატის კანონების გათვალისწინებით მიუდგებიან. ასევე გამოცემის ცნობით, სტიქიის შედეგად უკვე მეოთხე ადამიანი გარდაიცვალა.

შაქარი

14 ნოემბერი 2019, 12:42

ტექნოლოგიები

მეცნიერებმა შაქრის კიდევ ერთი საშიში თვისება დაასახელეს

კანადელმა მეცნიერებმა დაადგინეს, რომ შაქრის მოხმარება კუჭ-ნაწლავის ანთებით დაავადებებს იწვევს. სპეციალისტებმა ჩაატარეს ექსპერიმენტი, რომლის დროსაც თაგვებს ძირითადად შაქრით კვებავდნენ. შედეგად, ცხოველებს ნაწლავის ქსოვილები დაუზიანდათ. როგორც გაირკვა, შაქარმა პათოგენური ბაქტერიების განვითარება გაააქტიურა.

მიხეილ ჩხენკელი

14 ნოემბერი 2019, 12:17

საქართველო

მიხეილ ჩხენკელი: კულტურის სამინისტრო ცალკე უნდა არსებობდეს

კულტურის სამინისტრო ცალკე უნდა არსებობდეს, - ამის შესახებ ახლადდანიშნულმა განათლების, მეცნიერების, კულტურისა და სპორტის მინისტრმა, მიხეილ ჩხენკელმა მთავრობის სხდომის შემდეგ განაცხადა. მისი თქმით, კულტურა საქართველოსთვის განსაკუთრებული დარგია და გამოყოფის შემთხვევაშიც ორივე უწყება ერთად აქტიურად ითანამშრომლებს.

დიმიტრი ხუნდაძე

14 ნოემბერი 2019, 12:15

საქართველო

დიმიტრი ხუნდაძე: გაიმარჯვა დემოკრატიამ, იქნება თავისუფალი კენჭისყრა

საპარლამენტო უმრავლესობის წევრის, დიმიტრი ხუნდაძის განცხადებით დემოკრატიამ გაიმარჯვა და იქნება "თავისუფალი კენჭისყრა". ამის შესახებ მან მმართველი პარტიის ცენტრალურ ოფისში გამართული შეხვედრის შემდეგ განაცხადა.

ტოჩინოშინი

14 ნოემბერი 2019, 12:14

სპორტი

ტოჩინოშინი ტრავმის გამო კიუშიუ ბაშოს გამოეთიშა

ტოჩინოშინი კიუშუ ბაშოს, ნეკნის ტრავმის გამო, ნაადრევად გამოეთიშა. შეჯიბრის ნაადრევად დასრულების გამო, ტოჩინოშინი სეკივაკეს წოდებასაც დაკარგავს და იანვრის ბაშოზე რიგითი მაეგაშირას რანგში გამოვა. ტრავმის მკურნალობის შემდეგ პირველი სუპერტურნირი, სადაც გორგაძე გამოვა, 2020 წლის 13 იანვრიდან 27 იანვრამდე გაიმართება.

პროპორციული არჩევნები

14 ნოემბერი 2019, 12:11

საქართველო

ოპოზიციას და დამოუკიდებელ დეპუტატებს „გამბედავი მაჟორიტარების“ არ სჯერათ

საპარლამენტო უმრავლესობაში აზრთა სხვადასხვაობის დამოუკიდებელ დეპუტატ ეკა ბესელიასაც არ სჯერა. როგორც ის ამბობს, "ოპტიმისტური მოლოდინი არ აქვს". ნაციონალური მოძრაობის წევრის, დეპუტატ რომან გოცირიძის განცხადებით კი მას არ სჯერა "მეფის წინააღმდეგ პაიკების ამხედრების".

კარლ ჰარცელი

14 ნოემბერი 2019, 12:08

საქართველო

კარლ ჰარცელი: პროპორციულზე უარის თქმა 2020 წლის არჩევნების წინ პოლარიზაციას გაზრდის

საქართველოში ევროკავშირი ელჩი კარლ ჰარცელი იმედოვნებს, რომ პროპორციულ საარჩევნო სისტემაზე გადასვლასთან დაკავშირებით არსებულ კონსენსუსზე პარლამენტი უარს არ იტყვის. მისი განცხადებით, „ამ ძალისხმევაზე უარის თქმა აღქმული იქნება, როგორც ნდობის შერყევა პოლიტიკურ პარტიებს შორის“.

ჩილე

14 ნოემბერი 2019, 12:04

მსოფლიო

ჩილეში დემონსტრანტებმა სპეცრაზმისთვის ხელის შეშლა ლაზერებით სცადეს

ჩილეს დედაქალაქში მიმდინარე ანტისახელისუფლებო აქციის მონაწილეებმა სპეცრაზმის წინააღმდეგ ლაზერები გამოიყენეს. საპროტესტო აქციები ქვეყანაში თითქმის 1 თვეა იმართება. სპეცრაზმი მომიტინგეების წინააღმდეგ სხვადასხვა საშუალებას, მათ შორის ცრემლმდენ გაზს იყენებს. ბოლო მონაცემებით, არეულობას სულ მცირე 23 ადამიანი ემსხვერპლა.

ზლატან იბრაჰიმოვიჩი

14 ნოემბერი 2019, 11:56

სპორტი

ზლატან იბრაჰიმოვიჩმა ამერიკული გუნდი დატოვა

შვედმა ცნობილმა ფეხბურთელმა, ზლატან იბრაჰიმოვიჩმა ამერიკის შეერთებული შტატები დატოვა, ამის შესახებ ინფორმაცია Twitter-ზე დაწერა. მან მადლობა ამერიკას და კლუბს გადაუხადა, სადაც იგი თამაშობდა, ასევე, ამერიკელ გულშემატკივარს დაემშვიდობა. ჯერჯერობით არ არის ცნობილი, სად გააგრძელებს იბრაჰიმოვიჩი თამაშს.

რობერტ ლევანდოვსკი

14 ნოემბერი 2019, 11:55

სპორტი

რობერტ ლევანდოვსკიმ კიდევ ერთი რეკორდი დაამყარა

პოლონელი თავდამსხმელი "რეკორდმაისტერის" თვის საუკეთესო ფეხბურთელად ზედიზედ მესამედ დასახელდა, რისთვისაც აქამდე "ბაიერნის" არც ერთ მოთამაშეს არ მიუღწევია. გასულ თვეში ჩატარებულ ექვს შეხვედრაში ლევანდოვსკიმ შვიდი ბურთი გაიტანა.

ვიქტორია ბექჰემი

14 ნოემბერი 2019, 11:45

ტაბლოიდი

ვიქტორია ბექჰემი პოლონური Vogue-ის გარეკანზე მოხვდა

ცნობილი ინგლისელი დიზაინერი, ვიქტორია ბექჰემი დეკემბრის თვის პოლონური Vogue-ის გარეკანზე მოხვდა. გამოცემა Mirror-ს ინფორმაციით, ეს ფაქტი 2019 წლის წარმატებულმა საქმიანობამ განაპირობა. დიზაინერმა თავისი ბრენდი კიდევ უფრო გააფართოვა და რამდენიმე თვის წინ 10 წლის იუბილეც აღნიშნა. ასევე მიმდინარე წელს ვიქტორიამ კოსმეტიკის ხაზი გამოუშვა და აქტიური ბლოგერობა დაიწყო.

ლელა აქიაშვილი

14 ნოემბერი 2019, 11:44

საქართველო

ადამიანის უფლებათა საკითხებში პრემიერის მრჩევლად ლელა აქიაშვილი დაინიშნა

ლელა აქიაშვილი წლების განმავლობაში სხვადასხვა თანამდებობაზე მუშაობდა. ის იყო გაეროს განვითარების პროგრამის (UNDP), გაეროს ერთობლივი პროგრამის - გენდერული თანასწორობისთვის პროექტის მენეჯერი; მკვლევარი საერთაშორისო არასამთავრობო ორგანიზაციებში, სამართლისა და მშვიდობის ინსტიტუტში, Texas A&M უნივერსიტეტში.

ღაზის სექტორი

14 ნოემბერი 2019, 11:37

მსოფლიო

BBC: ისრაელსა და ღაზას შორის ცეცხლის შეწყვეტაზე შეთანხმება ამოქმედდა

ისრაელსა და ღაზის სექტორს ორდღიანი ბრძოლების შემდეგ, მათ შორის ცეცხლის შეწყვეტის შესახებ შეთანხმება ამოქმედდა. ამის შესახებ ეგვიპტისა გაეროს წარმომადგენლები, ასევე „ისლამური ჯიჰადის“ მებრძოლები აცხადებენ. ისრაელს ცეცხლის შეწყვეტის შესახებ ცნობა ჯერ არ დაუდასტურებია.

კახეთი დაკავება

14 ნოემბერი 2019, 11:36

ძალოვნები

კახეთში ღვინის ქარხნებსა და მარცვლეულის საწარმოებში სასწორებით მანიპულაციის ბრალდებით 3 ადამიანი დააკავეს

გამოძიებით დადგინდა, რომ ბრალდებულებმა კახეთის რეგიონში მდებარე ღვინის ქარხნებსა და მარცვლეულის საწარმოებში არსებულ სასწორებზე ფარულად დაამონტაჟეს სპეციალური ელექტრომიკროსქემები და დისტანციური მართვის პულტების საშუალებით სასწორებზე მანიპულირებდნენ. მათ ამ საწარმოებსა და მოქალაქეებს მატერიალური ზიანი მიაყენეს.

პედაგოგები

14 ნოემბერი 2019, 11:23

საქართველო

საპენსიო ასაკს მიღწეული პედაგოგების პენსიაზე გასვლის მეორე ეტაპი იწყება

„პროექტის მეორე ეტაპი დასრულდება 2019 წლის ბოლომდე. ეს ძალიან მნიშვნელოვანი პროექტია და დარწმუნებული ვარ, რომ ის, რაც დაწყებული იყო ასევე იმ ძალზედ ეფექტურ, ღირსეულ და წარმატებულ გუნდთან ერთად, გაგრძელდება უახლოესი თვეებისა და წლების განმავლობაში“, - განაცხადა გიორგი გახარიამ.

მიხეილ დაუშვილი

14 ნოემბერი 2019, 11:19

საქართველო

პრემიერმა ბიზნესომბუდსმენად მიხეილ დაუშვილი დანიშნა

პრემიერმინისტრმა გიორგი გახარიამ ბიზნესომბუდსმენად მიხეილ დაუშვილი დანიშნა, რომელიც მანამდე შინაგან საქმეთა სამინისტროში საინფორმაციო-ანალიტიკურ დეპარტამენტს ხელმძღვანელობდ. მისი დანიშვნის შესახებ პრემიერმა გიორგი გახარიამ მთავრობის სხდომის დაწყებამდე განაცხადა.

ყალბი ანგარიში

14 ნოემბერი 2019, 11:09

ტექნოლოგიები

Facebook-მა წელს 5.4 მილიარდი ყალბი ანგარიში დახურა

Facebook-ის ეს განცხადება იმის მაგალითია, თუ რამხელა პრობლემა არსებობს ყალბ ანგარიშებთან დაკავშირებით, განსაკუთრებით კი იმ ფონზე, რომ აშშ საპრეზიდენტო არჩევნებისთვის ემზადება. კომპანიის ცნობით, შედარებისთვის მათ 2018 წელს 3.3 მილიარდი ყალბი ანგარიში დახურეს.

აქცია „ქართული ოცნების“ ოფისთან

14 ნოემბერი 2019, 10:58

საქართველო

უმრავლესობის სხდომის პარალელურად „ქართული ოცნების“ ოფისთან აქცია მიმდინარეობს

„სირცხვილიას“ წარმომადგენლები არჩევნების პროპორციული წესით ჩატარების საკითხზე კანონპროექტის მიღებას ითხოვენ. აქციის ერთ-ერთი ორგანიზატორის გიგა მაქარაშვილის განცხადებით, თუ კანონპროექტს ჩააგდებენ, „ქართულ ოცნებას“ ხელისუფლების დატოვება ბევრად ადრე და მტკივნეულად მოუწევს.