ეკატერინე ტიკარაძემ განმარტა, რა ზომებს მიიღებს საქართველო საერთაშორისო ტურისტების დასახვედრად

ტურიზმის კუთხითაც ჩვენ საკმაოდ თანმიმდევრულები ვართ. არ არის შემთხვევითი ის ფაქტი, რომ ჩვენ ჯერ შიდა ტურიზმი გავხსენით. ამით ჩვენ ვახდენთ მონიტორინგს, თუ როგორ არის ჩვენი სასტუმროების ქსელი იმისთვის, რომ მართოს პრევენციულად სავარაუდო ინფექციის დაფიქსირება და ეს გარკვეულწილად მათი გამოცდაცაა - ამის შესახებ ჯანდაცვის მინისტრმა იმედის გადაცემა „ღია ეთერში“ განაცხადა.

ეკატერინე ტიკარაძემ საერთაშორისო ტურიზმზე საუბრისას აღნიშნა, რომ ამ შემთხვევაში მღელვარების საფუძველი ნაკლებია.

„რაც შეეხება ჩვენს მზაობას, ჩვენ გვაქვს რამდენიმე ვერსია, რითაც ჩვენ შეიძლება გადავაზღვიოთ ინფექციის გამვრცელებლის საზღვარზე შემოსვლა და შემდეგ მისი მართვა. ჩვენ ვმუშაობთ გარკვეულ ტურისტულ დაზღვევა, რომელიც ვთვლით, რომ მნიშვნელოვანია ტურისტს ჰქონდეს. ასევე იყო გლობალური ვერსია, რომ ტურისტს თან უნდა ჰქონდეს PCR-ტესტირების საბუთი. ასევე ჩვენ განვიხილეთ ჩვენი ლაბოტრატორიების მზაობა იმ კომპონენტით, რომ დავთვალეთ იმ ტურისტების რაოდენობა, რომელიც შეიძლებოდა პოტენციურად ჩამოსულიყო საქართველოში და იმ რაოდენობის მიხედვით, რამდენად შეგვწევდა უნარი და რომელიც ლოკაციებზე შეგვეძლო ამ ტურისტებისთვის ტესტების ჩატარება. შესაბამისად მათტვის 24-საათიანი დაყოვნების სასტუმროების უზრუნველყოფა იმისათვის, რომ ტესტის პასუხებს დავლოდებოდით და თუ ტურისტს აღმოაჩნდებოდა ვირუსი, რას ვაკეთებდით სემდომ“- განაცახადა ეკატერინე ტიკარაძემ.

მისი თქმით, ამ კუთხით საქართველო მზადაა და გვაქვს ყველა ამ ნაბიჯზე პასუხი.

„მაგრამ არის სხვა საკითხი. რამდენად არის მეორე მხარე მზად იმისთვის, რომ საქართველოში გამოუშვას ტურისტი, რომელსაც აქვს პირობითად 72-საათიანი PCR ტესტი ან ტურისტი, რომელიც აანაზღაურებს ტესტის ღირებულებას, რომელიც საქართველოში უნდა ჩაიტაროს. ასევე სასტუმროს ღირებულება 24-საათიანი დაყოვნებისთვის და ა.შ“- განაცხადა ეკატერინე ტიკარაძემ.

მისივე თქმით, ქვეყნების ვერსია არის შემდეგი: თუ ჩვენ განვიხილავთ, რომ საზღვრები იხსნება მხოლოდ ე.წ. „მწვანე ქვეყნებს“ შორის, მაშინ ის პოტენციური რისკი, რომ ამ ქვეყნებიდან შეიძლება ვირუსი გავრცელდეს, წყდება.

„ან მეორე შემთხვევაა, რომელსაც განვიხილავთ: თუ ქვეყანა შემთხვევით გახსნის საზღვარს ისეთ ქვეყანასთან, რომელიც არ არის მწვანე ქვეყანად აღიარებული, ამ შემთხვევაში ის ამ მოლაპარაკებების ჯაჭვს გამოეთიშება. ეს გარკვეულ ვალდებულებებს სძენს ქვეყნებს. დღესდღეობით საბოლოო შეთანხმება ამ ქვეყნებთან არ არის მიღწეული. ეს არის პროცესი. აქედან გამომდინარე, მნიშვნელოვანია, რომ ჩვენ კიდევ 1 კვირა დავიცადოთ იმისთვის, რომ მთავრობას ჰქონდეს საშუალება, ჩვენს მოქალაქეებს გავცეთ უკვე კონკრეტული პასუხები თუ როგორ წარიმართება ეს პროცესები. ის, რომ საქართველო არის გარკვეული პროცესების მართვისთვის მზად, ეს არ ნიშნავს იმას, რომ ამ მოლაპარაკებებში განიხილება ყველა ის საჭირო მზაობა, რომელიც სხვა ქვეყნებიდანაა შემოთავაზებული“- აღნიშნა ჯანდაცვის მინისტრმა.