10 ივლისი 2020, 12:49 / სანდო წყარო

კახა ბექაური: აღსრულების ეფექტური მექანიზმი სახელმწიფოს არათუ უფლება, არამედ პირდაპირი ვალდებულება და პასუხისმგებლობაა

კომუნიკაციების კომისიის თავმჯდომარე კახა ბექაურმა დღეს დარგობრივი კომიტეტის სხდომაზე „ელექტრონული კომუნიკაციების“ შესახებ საქართველოს კანონში შესატანი ცვლილებების პაკეტი წარადგინა. კომისიის თავმჯდომარემ ცვლილების საჭიროებებსა და მნიშვნელობაზე გაამახვილა ყურადღება. ამასთან კახა ბექაურმა კანონპროექტთან დაკავშირებით გაკეთებულ ინტერპრეტაციებსა და ცრუ ინფორმაციის გავრცელების მცდელობაზე განცხადა, რომ აღნიშნული საზოგადოების შეცდომაში შეყვანას და მთავარი თემიდან ყურადღების გადატანას ემსახურება, ვინაიდან ცვლილებები უნდა შევიდეს მხოლოდ ელექტრონული კომუნიკაციების შესახებ კანონში და მას არანაირი კავშირი არ აქვს „მაუწყებლობის შესახებ“ საქართველოს კანონთან.

„ელექტრონული კომუნიკაციების შესახებ“ საქართველოს კანონში ცვლილებების წარმოდგენილი პროექტი თავისი არსით წმინდა სამართლებრივი საკითხია და სწორედ ამ ჭრილში უნდა იქნას განხილული. სამართლებრივი მოცემულობა კი ასეთია: მოქმედი კანონმდებლობით საქართველოს კომუნიკაციების ეროვნულ კომისიას აქვს უფლებამოსილება, რომ ელექტრონული კომუნიკაციების სფეროში ავტორიზებული, ან ლიცენზიის მფლობელი ნებისმიერი პირის მიმართ კანონმდებლობის და კომისიის გადაწყვეტილებების შეუსრულებლობის შემთხვევაში გამოიყენოს შემდეგი ტიპის სანქციები: 1. გაფრთხილება; 2. ჯარიმა - არანაკლებ 3 000 და არაუმეტეს 30 000 ლარის ოდენობით; 3. დარღვევის აღმოუფხვრელობის შემთხვევაში განმეორებითი ჯარიმა - არანაკლებ 9 000 და არაუმეტეს 90 000 ლარის ოდენობით; 4. დარღვევის კვლავ აღმოუფხვრელობის შემთხვევაში - ჯარიმა არანაკლებ 27 000 და არაუმეტეს 270 000 ლარის ოდენობით; 5. ავტორიზაციის შეჩერება/ლიცენზიის გაუქმება. ამასთან, კანონის თანახმად კომუნიკაციების კომისიას ავტორიზაციის შეჩერება/ლიცენზიის გაუქმება შეუძლია ავტორიზებული პირის პირველად დაჯარიმების შემდეგ. ანუ ისე, რომ არ დაელოდოს შემდეგ ჯარიმებს. კიდევ ერთი მნიშვნელოვანი ფაქტორია დრო. კერძოდ, ავტორიზებულ პირებს დარღვევის აღმოსაფხვრელად და კომისიის გადაწყვეტილების შესასრულებლად ყოველთვის ეძლევათ გონივრული ვადა და ის დამოკიდებულია შესასრულებელი გადაწყვეტილების შინაარსზე. შესაბამისად, კომუნიკაციების კომისიის მიერ ავტორიზებული პირის მიმართ გაფრთხილების და სამივე ჯარიმის გამოყენება დროში საკმაოდ გაწელილი პროცესია და ავტორიზებულ პირებს აქვთ საკმარისზე მეტი დრო დაკისრებული ვალდებულებების შესასრულებლად“, - განაცხადა კომუნიკაციების კომისიის თავმჯდომარე კახა ბექაურმა დარგობრივი კომიტეტის სხდომაზე.

კომისიის თავმჯდომარის განცხადებით, ცვლილებების პაკეტი არ მოიცავს სანქციის ახალი სახეს, რადგან დღეს მოქმედი კანონმდებლობით კომისიას სანქციების დაკისრება ისედაც შეუძლია, მათ შორის ისეთი მძიმე სანქციის როგორიც ავტორიზაციის შეჩერებაა.

„შემოთავაზებული მექანიზმი არ არის სანქციის ახალი სახე. ეს არის კომუნიკაციების კომისიის მიერ მიღებული გადაწყვეტილების აღსრულების მექანიზმი. დღეს არსებული კანონმდებლობაც (მაგ. საქართველოს ზოგადი ადმინისტრაციული კოდექსი) იცნობს ადმინისტრაციული ორგანოების მიერ მიღებული გადაწყვეტილების აღსრულების ისეთ მექანიზმებს, როგორიც არის: აღსრულება მესამე პირის მეშვეობით, ჯარიმა და უშუალო იძულება. კანონპროექტით შემოთავაზებული აღსრულების მექანიზმი სამართლებრივად წარმოადგენს უშუალო იძულების ერთ-ერთ სპეციფიკურ სახეს. როგორც აღვნიშნე, არსებული კანონმდებლობა ისედაც იცნობს აღსრულების ამ მექანიზმს. უბრალოდ, ზოგადი ადმინისტრაციული კოდექსის 172-ე მუხლი ადგენს მხოლოდ ზოგადად ინსტიტუტს და არ შეიცავს მისი პრაქტიკაში გამოყენების მექანიზმებს, ვინაიდან იგი დათქმას აკეთებს სპეციალურ კანონმდებლობაზე, სადაც უნდა გაიწეროს ამ მექანიზმის პრაქტიკაში გამოყენების დეტალები. სწორედ ამ კანონისმიერი დათქმიდან გამომდინარე, წარმოდგენილი კანონპროექტი „ელექტრონული კომუნიკაციების შესახებ“ საქართველოს კანონში აღსრულების კუთხით არსებული ვაკუუმის შევსებას ისახავს მიზნად.

კანონპროექტის თანახმად, აღსრულების ისეთი მექანიზმის გამოყენება, როგორიც არის, სპეციალური მმართველის დანიშვნა, შეიძლება მოხდეს მხოლოდ და მხოლოდ იმ შემთხვევაში, როცა ავტორიზებული პირი კომისიის მიერ მინიმუმ ოთხჯერაა სანქცირებული (გაფრთხილება და 3 ჯარიმა). აღსრულების შემდგომმა გადადებამ ან მეორეს მხრივ, ავტორიზაციის შეჩერებამ/ლიცენზიის ჩამორთმევამ შეიძლება ზიანი მიაყენოს სახელმწიფო ან საზოგადოებრივ უსაფრთხოებას, ქვეყნის ეკონომიკურ ინტერესს, ელექტრონული კომუნიკაციების სფეროში ავტორიზებული/ლიცენზიის მფლობელი პირების, მომხმარებლების კანონიერ ინტერესებს ან ბაზარზე არსებულ კონკურენტულ გარემოს. სპეციალური მმართველის დანიშვნა შესაძლებელია მხოლოდ ყველა ამ მოცემულობის კუმულატიურად არსებობის შემთხვევაში“,- განაცხადა კომუნიკაციების კომისიის თავმჯდომარემ კანონპროექტის წარდგენისას.

კახა ბექაურის განცხადებით, კომისიისთვის გადაწყვეტილებების აღსრულების ამ მექანიზმის არარსებობა ნიშნავს იმას, რომ რისკის ქვეშ დგება მთელი საკომუნიკაციო ბაზარი.

„კომუნიკაციების კომისია კანონის საფუძველზე შექმნილ მარეგულირებელ ორგანოს წარმოადგენს, რომელიც ეკონომიკურ აგენტებს არეგულირებს. აქ აღსანიშნავია ისიც, რომ საქმე გვაქვს რეგულირებად სექტორთან, რაც თავისთავად ხაზს უსვამს ამ სფეროს უაღრესად დიდ მნიშვნელობას. სხვა შემთხვევაში საბაზრო ეკონომიკის პირობებში, როგორც წესი ეკონომიკური სექტორების რეგულირება არ ხდება. რეგულირება მაშინ არის ეფექტური, თუ არსებობს მარეგულირებელი გადაწყვეტილებების აღსრულების ქმედითი მექანიზმი. დღეს, აღსრულების არაეფექტური მექანიზმის გამო, რისკის ქვეშ დგას მთელი სატელეკომუნიკაციო სექტორი და აქედან გამომდინარე ყველა ის სფერო, რომელიც ელექტრონულ კომუნიკაციებს იყენებს.

დღეს კი, 21-ე საუკუნეში ყველა სფერო ასეთია. თუ ავტორიზებული პირის მიერ არ მოხდება კომისიის გადაწყვეტილების აღსრულება და აღსრულებისთვის ჯარიმის გარდა არ გვექნება სხვა ბერკეტი, დღეს არსებული კანონმდებლობით გვრჩება მხოლოდ ავტორიზაციის შეჩერება/ლიცენზიის გაუქმება, რაც ზოგ შემთხვევაში, განსაკუთრებით კრიტიკული ინფრასტრუქტურის მფლობელი ავტორიზებული პირების შემთხვევაში, კატასტროფული შეიძლება აღმოჩნდეს ქვეყნისთვის, რადგან ავტორიზაციის შეჩერება/ლიცენზიის გაუქმება იწვევს ავტორიზებული პირის საქმიანობის შეჩერებას, რაც ნიშნავს სატელეკომუნიკაციო სერვისების გარეშე დარჩენილ ასიათასობით და მილიონობით ადამიანს, ასობით იურიდიულ პირს და ორგანიზაციას, მათ შორის ჯანდაცვის ობიექტებს, სატრანსპორტო ინფრასტრუქტურას, სახელმწიფო უწყებებს, ასევე უმუშევრად დარჩენილ ათასობით ადამიანს, ანუ სრულ კოლაფსს. აქედან გამომდინარე, რიგ შემთხვევებში უბრალოდ შეუძლებელია ავტორიზაციის შეჩერება/ლიცენზიის გაუქმება, ხოლო თუ ჯარიმის გარდა გადაწყვეტილების აღსრულების სხვა მექანიზმი არ გვექნება, ეს ნიშნავს სრულ ქაოსს ბაზარზე. გასათვალისწინებელია ისიც, რომ ჯარიმის გამოყენებაც უნდა იყოს რაციონალური, სხვა შემთხვევაში ჯარიმის უსაზღვროდ გამოყენება გამოიწვევს ავტორიზებული პირის გაკოტრებას, რაც ზუსტად იგივე შედეგს დააყენებს, რასაც ავტორიზაციის შეჩერება. სახელმწიფოს და ამ დარგის მარეგულირებლის მიზანი არ შეიძლება იყოს და ვერ იქნება ავტორიზებული პირის გაჩერება. მარეგულირებლები სწორედ იმისთვის არიან შექმნილი მთელ მსოფლიოში, რომ უზრუნველყონ დარგის გამართული ფუნქციონირება იმისთვის, რომ 21-ე საუკუნეში ქვეყნის მოსახლეობა კრიტიკულად მნიშვნელოვანი ელექტრონული საკომუნიკაციო სერვისების გარეშე არ დარჩეს. აქედან გამომდინარე, კომისიის გადაწყვეტილებების აღსრულების ეფექტური მექანიზმის არსებობა სახელმწიფოს და კომუნიკაციების კომისიის არათუ ლეგიტიმური უფლება, არამედ პირდაპირი ვალდებულება და პასუხისმგებლობაა.

საქართველოს ზოგადი ადმინისტრაციული კოდექსი განსაზღვრავს, რომ თუ ჯარიმა ვერ უზრუნველყოფს გადაწყვეტილების აღსრულებას, მაშინ ადმინისტრაციული ორგანო უფლებამოსილია მისი აქტის აღსრულება უზრუნველყოს უშუალო იძულების მექანიზმით. სწორედ უშუალო იძულების მექანიზმის დაკონკრეტება ხდება წარმოდგენილი ცვლილებით და ეს რაიმე სახის ნოვაციას არ წარმოადგენს“, - განაცხადა კახა ბექაურმა.

ყველა სიახლე

03 აგვისტო 2020, 16:22

საზოგადოება

„საბურთალოს“ აკადემიის ერთ-ერთ სტადიონს გიორგი შაქარაშვილის სახელი მიენიჭა

იოსებიძის ქუჩაზე არსებულ „საბურთალოს“ აკადემიის ერთ-ერთ სტადიონს გიორგი შაქარაშვილის სახელი მიენიჭა. ღონისძიებას გარდაცვლილი 19 წლის ფეხბურთელის ოჯახის წევრები, მეგობრები და კლუბის წარმომადგენლები ესწრებოდნენ. კლუბის ხელმძღვანელების გადაწყვეტილებით „საბურთალო“ ყველა ასაკობრივ გუნდში შაქარაშვილის 21-ნომრიან მაისურს ხმარებიდან ამოიღებს.

საქართველოს საპატრიარქო

03 აგვისტო 2020, 16:20

საზოგადოება

თამარ ბაჩალიაშვილის ოჯახის წევრები საპატრიარქოში შეხვედრაზე იმყოფებიან

გარდაცვლილი 23 წლის თამარ ბაჩალიაშვილის ოჯახის წევრები საპატრიარქოში შეხვედრაზე იმყოფებიან. საპატრიარქოში მეუფე შიოსთან და მღვდელმთავრებთან შესახვედრად ბაჩალიაშვილის მშობლები, ძმასთან ერთად რამდენიმე წუთის წინ მივიდნენ.

03 აგვისტო 2020, 16:16

COVID19

კორონავირუსის მართვისა და პანდემიის გავლენის შესახებ კვლევის პირველი სამუშაო შეხვედრა გაიმართა

მთავრობის ადმინისტრაციამ საერთაშორისო პარტნიორების და ექსპერტების მონაწილეობით, კოვიდ-19-ის მართვისა და პანდემიის გავლენის შესახებ კვლევის პირველი სამუშაო შეხვედრა გამართა. სამუშაო შეხვედრაზე მთავრობის ადმინისტრაციის უფროსმა ნათია მეზვრიშვილმა კიდევ ერთხელ გაუსვა ხაზი კვლევის მნიშვნელობას საქართველოს მთავრობისთვის.

ირმა ნადირაშვილი

03 აგვისტო 2020, 16:16

პოლიტიკა

ირმა ნადირაშვილი: მე ვიქნები „ევროპული საქართველოს“ სახელით ბრძოლის ველზე რუსთავში

„ყველა ხალხის ისტორიაში დგება მომენტი, როდესაც ჩვენი არჩევანი განაპირობებს როგორ ვიცხოვრებთ მომავალ ათწლეულებში, როგორ იცხოვრებენ ჩვენი შვილები - ამის შესახებ „ევროპული საქართველოს“ წევრმა და რუსთავის მაჟორიტარობის კანდიდატმა ირმა ნადირაშვილმა განაცხადა.

03 აგვისტო 2020, 16:11

კულტურა

ცნობილი ამერიკელი პიანისტი, ლეონ ფლეიშერი გარდაიცვალა

ცნობილი ამერიკელი პიანისტი, ლეონ ფლეიშერი, რომელმაც სახელი კომპოზიციების მხოლოდ მარცხენა ხელით შესრულებით გაითქვა, გარდაიცვალა. ფლეიშერმა ფორტეპიანოზე დაკვრა 4 წლის ასაკში დაიწყო, თუმცა მარჯვენა ხელის ტრავმის გამო, იძულებული გახდა, კომპოზიციები ცალი ხელით შეესრულებინა.

ტედროს ადჰანომ გებრეიესუსი

03 აგვისტო 2020, 16:10

COVID19

ჯანმოს დირექტორი: ამ დროისთვის კოვიდ-19-ის წინააღმდეგ ჯადოსნური საშუალება არ არსებობს და შესაძლოა, არც არასდროს იარსებოს

ჯანდაცვის მსოფლიო ორგანიზაციის გენერალური დირექტორის, ტედროს ადჰანომ გებრეიესუსის განცხადებით, კოვიდ-19-ის წინააღმდეგ ჯადოსნური საშუალება არ არსებობს და შესაძლოა, არც არასდროს იარსებოს.

რამაზ საყვარელიძე

03 აგვისტო 2020, 16:10

პოლიტიკა

რამაზ საყვარელიძე: სააკაშვილი თავისი გამოჩენით, რიტორიკითა და ყველაფრით მოსახლეობას პრეზიდენტობის 9 წელს ახსენებს

წინა არჩევნებზე „ევროპული საქართველოდან“ ზოგიერთი ჩიოდა, რომ საარჩევნო პროცესში სააკაშვილის ხშირად ჩართვამ ამომრჩეველი დააფრთხო და კიდევ უფრო ნაკლები დაუტოვა, ვიდრე ელოდნენ, - ამის შესახებ ანალიტიკოსმა, რამაზ საყვარელიძემ „POSTV“-ის ეთერში განაცხადა.

გიორგი ვოლსკი

03 აგვისტო 2020, 16:03

პოლიტიკა

გიორგი ვოლსკი: სააკაშვილმა მოიხმარა გაერთიანებულ ოპოზიციაში შესული სხვადასხვა პოლიტიკური სუბიექტი, ახლა მათ გარეშე სურს გზის გაგრძელება

„არავის უთქვამს, რომ სააკაშვილი არ ყოფილა ან არ არის „ნაციონალური მოძრაობის“ ლიდერი. რაღაც ერთი პერიოდი თითქოს ჩრდილში გადაიტანეს, როდესაც ფიქრობდნენ, რომ თავისი ინტელექტუალური რესურსი წინ წამოეწიათ და ჩამოსცილებოდნენ იმ სისხლიან წარსულს, რომელიც სააკაშვილის პერიოდში იყო. დღეს უკვე მოვიდა წინასაარჩევნო პერიოდი და სააკაშვილს ეს აღარ აინტერესებს, წასულია ვაბანკზე და რასაკვირველია მას აღარ სჭირდება დამატებითი ზოგი ბალასტი, რომელსაც ის ბალასტად მიიჩნევს, პოლიტიკურ - იდეური მოწინააღმდეგე. უმრავლესობის შექმნის რესურსი „ნაციონალურ მოძრაობას“ ცალკე, ან „ევროპულ საქართველოს“ ცალკე, ან ნებისმიერს ცალკე, ან ერთად არ გააჩნიათ და ღმერთმა ნუ ქნას, რომ ესეთი რესურსი მიეცეს ამ გაერთიანებას. ვინაიდან, განსხვავებაა მათ შორის და თვითონ ეკლექტიკა პოლიტიკური გაერთიანებისა, არაფერ სიკეთეს ამ ქვეყანას არ უქადის. მაგრამ პერსპექტივა არც ერთად და არც ცალცალკე აქვთ“, - განაცხადა გიორგი ვოლსკიმ.

გიორგი ვოლსკი

03 აგვისტო 2020, 15:59

პოლიტიკა

გიორგი ვოლსკი: ვანო მერაბიშვილი იმ პიროვნებათა რიცხვს განეკუთვნება, რომლებსაც მიაჩნიათ, რომ მმართველობა სადისტური მეთოდების გამოყენებით, მართებული იყო

ვანო მერაბიშვილი იმ პიროვნებათა რიცხვს განეკუთვნება, რომლებსაც მიაჩნიათ, რომ მმართველობა სადისტური მეთოდების გამოყენებით, მართებული იყო და ის დანაშაულებები რაც ხდებოდა იმისთვის იყო საჭირო, რომ წესრიგი ყოფილიყო ქვეყანაში, - ამის შესახებ პარლამენტის თავმჯდომარის პირველმა მოადგილემ, გიორგი ვოლსკიმ ვანო მერაბიშვილის განცხადებაზე კომენტირებისას განაცხადა, მისი თქმით, ვამო მერაბიშვილი მის მიერ ჩადენილ საქმეებზე უნდა დაფიქრდეს.

03 აგვისტო 2020, 15:34

COVID19

ივნისში ესპანეთში საერთაშორისო ტურისტების რაოდენობა 97.7%-ით შემცირდა

ესპანეთის სტატისტიკის ეროვნული ინსტიტუტის მონაცემებით, მიმდინარე წლის ივნისში ესპანეთს 204 926 საერთაშორისო ტურისტი ეწვია, რაც წინა წლის ანალოგიურ პერიოდთან შედარებით 97.7%-ით ნაკლებია.

თაკო ჩარკვიანი

03 აგვისტო 2020, 15:31

პოლიტიკა

თაკო ჩარკვიანი სააკაშვილზე: თუ ვაშაძესთან გავერთიანდი, ბნელ მხარეს ვდგავარ? უდიდესი შეურაცხყოფაა

„ნაციონალური მოძრაობის“ სასარგებლოდ გაკეთებული განცხადების დროს, სააკაშვილმა შეცდომა დაუშვა და ეს არის შეურაცხყოფა, რომელიც არავის ეპატიება - ამის შესახებ პარტია „კანონის და სამართალის“ თავმჯდომარემ, თაკო ჩარკვიანმა „რუსთავი2“-ს განუცხადა. „არ იყო კარგი განცხადება. საქართველოში შავ-თეთრი არ არის. ფერადად აზროვნებს ხალხი. არის ხალხი, რომელსაც პოლარიზებულ არჩევნებში მონაწილეობის მიღება არ სურს და აქვს კიდევ რაღაც სხვა პოზიცია. არ შეიძლება ეს მენშევიკურ-ბოლშევიკური დამოკიდებულება. ეს არის ის, რამაც წაგვაგებინა ჩვენ მეორე ტური.

დავით მათიკაშვილი

03 აგვისტო 2020, 15:27

პოლიტიკა

დავით მათიკაშვილი: 2020 წლის ოქტომბერში ოპოზიცია განწირულია და „ქართული ოცნება“ დამაჯერებლად გაიმარჯვებს

საზოგადოება არ ენდობა „ნაციონალურ მოძრაობას“ და მით სატელიტებს, მათ შორის, რა თქმა, უნდა „ევროპულ საქართველოს“, - ამის შესახებ საპარლამენტო უმრავლესობის წევრმა, დავით მათიკაშვილმა ჟურნალისტებს განუცხადა. მისი თქმით, ოპოზიციამ სადაც არ უნდა წარადგინოს კანდიდატები, მათი საარჩევნო შედეგი განწირულია.

ზაალ უდუმაშვილი

03 აგვისტო 2020, 15:23

პოლიტიკა

ზაალ უდუმაშვილი: ამ არჩევნებში გადამწყვეტი ოპოზიციური ხმების საერთო რაოდენობა იქნება

ამ არჩევნებში გადამწყვეტი ოპოზიციური ხმების საერთო რაოდენობა იქნება, - ამის შესახებ „ნაციონალური მოძრაობის“ ერთ-ერთმა ლიდერმა, ზაალ უდუმაშვილმა ჟურნალისტებს განუცხადა, რომელმაც კომენტარი „ევროპული საქართველოს“ მიერ დასახელებულ მაჟორიტარ კანდიდატებთან დაკავშირებით გააკეთა.

03 აგვისტო 2020, 15:15

პოლიტიკა

ოთარ დანელია „აგროტურიზმის“ შესახებ კანონპროექტთან დაკავშირებით შეხვედრებს მართავს

აგროტურიზმის ხელშეწყობა არსებული რეალობის გათვალისწინებით განსაკუთრებით მნიშვნელოვანია, - ამის შესახებ აგრარულ საკითხთა კომიტეტის თავმჯდომარემ, ოთარ დანელიამ ახალი საკანონმდებლო ინიციატივის არასამთავრობო, საჯარო და კერძო სექტორის წარმომადგენლებისთვის გაცნობისას განაცხადა, - ამის შესახებ ინფორმაიას საქართველოს პარლამენტი ავრცელებს.

სოფო გორგოძე

03 აგვისტო 2020, 15:09

რეგიონი

ბათუმში საერთო სამაგისტრო გამოცდები გრძელდება

ბათუმში, საერთო სამაგისტრო გამოცდები მშვიდ ვითარებაში მიმდინარეობს. დაცულია ჯანდაცვის სამინისტროს რეკომენდაციები. აპლიკანტებს უტარდებათ თერმოსკრინინგი და უკეთიათ პირბადეები. საგამოცდო ოთახებში სამუშაო მაგიდები შესაბამისი დისტანციის დაცვითაა განლაგებული. მეათე სკოლაში, სადაც გამოცდები მიმდინარეობს, შეფასების და გამოცდების ეროვნული ცენტრის დირექტორი, სოფო გორგოძე იმყოფება. მისი განცხადებით, პარალელურად მიმდინარეობს აბიტურიენტების ნაშრომების გასწორება. საღამოს 16:00 საათის შემდეგ კი გამოქვეყნდება აბიტურიენტების ნაშრომები და შედეგები მათემატიკასა და სახვით და გამოყენებით ხელოვნებაში.

ნიკოლოზ კვაჭაძე

03 აგვისტო 2020, 14:59

სამართალი

ექიმის ინფორმაციით, ლევან თოფაძისა და ბუსა ჟვანიას ჯანმრთელობას საფრთხე არ ემუქრება

ხეჩინაშვილის სახელობის საუნივერსიტეტო კლინიკის კლინიკური მენეჯერის, ნიკოლოზ კვაჭაძის განმარტებით, ბიზნესმენ გოგი თოფაძის შვილიშვილისა და ბუსა ჟვანიას ჯანმრთელობის მდგომარეობას საფრთხე არ ემუქრება. მისი თქმით, ორივე პაციენტი რჩება კლინიკაში და სტაციონარულ რეჟიმში აგრძელებენ მკურნალობას. „არც ერთის ჯანმრთელობას საფრთხე არ ემუქრება. ორივეს ჩაუტარდა ოპერაცია. დეტალებზე საუბრის უფლება არ მაქვს. ორივე პაციენტი რამდენიმე დღე დარჩება ხეჩინაშვილის კლინიკაში. ერთ-ერთი შესაძლოა, რამდენიმე დღეში გაეწეროს, თუმცა დღეს არ იგეგემება. ის ქირურგიულ განყოფილებაშია. ხოლო მეორე პაციენტი რეანიმაციულ განყოფილებაში რჩება. ორივეს მუდმივი მეთვალყურეობა გრძელდება. ამ დროისთვის დამატებითი ქირურგიული ჩარევის საჭიროება არ დგას“, - განაცხადა ნიკოლოზ კვაჭაძემ.

სახელმწიფო უსაფრთხოების სამსახური

03 აგვისტო 2020, 14:47

სამართალი

სუსმა თაღლითობის ბრალდებით ოთხი ადამიანი დააკავა

„გამოძიებით დგინდება, რომ აღნიშნული პირები, ქობულეთში სასტუმროს მშენებლობით დაინტერესებულ ინვესტორს, აჭარის ავტონომიური რესპუბლიკის საკუთრებაში არსებული 11 235 კვ.მ მიწის ნაკვეთის აუქციონის წესით შეძენასა და შესაბამისი სამშენებლო ნებართვების მიღებაში დახმარებას შეჰპირდნენ, სანაცვლოდ კი 350 000 აშშ დოლარის გადახდა მოსთხოვეს. დანაშაულებრივი ჯგუფის წევრები ინვესტორს არწმუნებდნენ, რომ თანხიდან 100 000 აშშ დოლარი აჭარის ავტონომიური რესპუბლიკის ფინანსთა და ეკონომიკის მინისტრისთვის იყო განკუთვნილი, რომელიც მისი გავლენების გამოყენებით, ინვესტორის სასარგებლოდ, შემჭიდროებულ ვადებში წყვეტდა მიწის აუქციონზე გატანის საკითხს და უზრუნველყოფდა შემდგომი პროცედურების სამსახურებრივ მფარველობას. ინვესტორმა დანაშაულებრივი ჯგუფის წევრებს გადასცა მოთხოვნილი თანხის ნაწილი 15 000 ლარი, რა დროსაც მოხდა მათი დაკავება", - აცხადებენ სამსახურში.

ჰუბერტ ქნირში

03 აგვისტო 2020, 14:37

პოლიტიკა

ჰუბერტ კნირში: მნიშვნელოვანია იმის დანახვა, თუ რამდენად დიდი მხარდაჭერა აქვს გარემოს დაცვის საკითხებს პარლამენტისა და გარემოს დაცვის კომიტეტის მიერ

გერმანიის ფედერაციული რესპუბლიკის საგანგებო და სრულუფლებიანმა ელჩმა საქართველოში, ჰუბერტ კნირშმა გარემოს დაცვისა და ბუნებრივი რესურსების კომიტეტის საქმიანობა დადებითად შეაფასა და მის მიერ მიღწეული წარმატებები აღნიშნა.

03 აგვისტო 2020, 14:34

საზოგადოება

როგორი ამინდია მოსალოდნელი უახლოეს დღეებში საქართველოში

გარემოს ეროვნული სააგენტოს ინფორმაციით, 3 აგვისტოს, დღის მეორე ნახევრიდან საქართველოს ტერიტორიის უმეტეს ნაწილზე გამოიდარებს. 9 აგვისტომდე მხოლოდ ცალკეულ რაიონში შესაძლოა მცირე ხანმოკლე წვიმა აღინიშნოს. სააგენტოს ცნობით, ჰაერის ტემპერატურა დაბლობსა და ბარში 4 - 6 აგვისტოს +27, +32 გრადუსი იქნება, ხოლო 7 - 8 აგვისტოს +30, +35 გრადუსამდე მოიმატებს. ქ. თბილისში უმეტესად უნალექო ამინდია მოსალოდნელი. ჰაერის ტემპერატურა 4 – 6 აგვისტოს +29, +31 გრადუსი იქნება, ხოლო 7 – 8 აგვისტოს +32, +34 გრადუსამდე მოიმატებს.

არჩილ თალაკვაძე

03 აგვისტო 2020, 14:32

პოლიტიკა

არჩილ თალაკვაძე: რასაც მიხეილ სააკაშვილი აკეთებს, ეს უკვე წარსულია

რასაც მიხეილ სააკაშვილი აკეთებს, ეს არის უკვე წარსული და გასაკვირი არ არის, რომ ეს ოპოზიციურ პარტიებს შორის სამართლიან გაღიზიანებას იწვევს, - ამის შესახებ პარლამენტის თავმჯდომარემ, არჩილ თალაკვაძემ, ყოფილ პრეზიდენტ მიხეილ სააკაშვილზე საუბრისას განაცხადა. მისივე თქმით, რაც შეეხება იმას, ვინ უფრო ნათელ მხარეს დგას – ვაშაძე თუ სააკაშვილი, ამის შეფასება საზოგადოებასა და პოლიტიკოსებს არ გაუჭირდებათ.