imedi /  14 აგვისტო 2020, 09:08 / სანდო წყარო

იუსტიციისა და განათლების სამინისტროებმა თსუ-ში „ევროპული საჯარო სამართლის ორგანიზაციის“ სამხრეთ კავკასიის ფილიალი დააარსეს

იუსტიციის სამინისტროში ხელი მოეწერა მემორანდუმს, რომლის თანახმადაც, საქართველოში ფუძნდება „ევროპული საჯარო სამართლის ორგანიზაციის“ (EPLO) სამხრეთ კავკასიის წარმომადგენლობა.

მემორანდუმს ხელი მოაწერეს ვიცეპრემიერმა, იუსტიციის მინისტრმა თეა წულუკიანმა; განათლების, მეცნიერების, კულტურისა და სპორტის მინისტრმა მიხეილ ჩხენკელმა; ივანე ჯავახიშვილის სახელობის თბილისის სახელმწიფო უნივერსიტეტის რექტორმა გიორგი შარვაშიძემ და „ევროპის საჯარო სამართლის ორგანიზაციის“ დირექტორმა, დირექტორთა საბჭოს პრეზიდენტმა, პროფესორმა სპირიდონ ფლოგაიტისმა (ელექტრონულად).

იუსტიციის სამინისტროს ინფორმაციით, „ევროპული საჯარო სამართლის ორგანიზაცია“ (EPLO) საერთაშორისო ორგანიზაციაა, რომლის მიზანი საჯარო სამართლისა და მმართველობის მეშვეობით ევროპული ღირებულებების გავრცელებაა.

„მნიშვნელოვანია, რომ, შეთანხმების თანახმად, საქართველოში ფუძნდება „ევროპული საჯარო სამართლის ორგანიზაციის“ სამხრეთ კავკასიის წარმომადგენლობა, რომელიც საქართველოს იუსტიციის სამინისტროს, განათლების სამინისტროსა და თსუ-თან თანამშრომლობის გზით ხელს შეუწყობს საგანმანათლებლო და კვლევით აქტივობებსა და პროექტების განხორციელებას. რაც შეეხება საქართველოს იუსტიციის სამინისტროს, შესაძლებელი გახდება საგანმანათლებლო და კვლევითი პროექტების განხორციელება, აგრეთვე, იუსტიციის სამინისტროს თანამშრომლებისთვის სტაჟირებები ისეთი მიმართულებებით, როგორიცაა: ევროპული საჯარო სამართალი, ევროკავშირის სამართალი, საერთაშორისო სამართალი, ადამიანის უფლებათა საერთაშორისო სამართალი, სისხლის სამართლის პოლიტიკა და სამართლებრივი რეფორმები.

„EPLO“-ს სამხრეთ კავკასიის რეგიონული წარმომადგენლობა, ასევე, უზრუნველყოფს ამ სფეროში საგანმანათლებლო, კვლევითი სამუშაოებისა და საერთაშორისო ტრენინგების ჩატარებას. გარდა ზოგადსაგანმანათლებლო, კვლევითი, სასწავლო და საერთაშორისო თანამშრომლობის ღონისძიებებისა, „EPLO“ თბილისში დააფუძნებს ევროპული სამართლისა და მმართველობის სკოლას (ELGS), უხელმძღვანელებს და განახორციელებს ეროვნულ და საერთაშორისო დონეზე „EPLO“-ს სასწავლო, საგანმანათლებლო, სამეცნიერო და ანალიტიკურ პროექტებს.

„EPLO“-ს რეგიონულ ფილიალს საქართველოში ექნება წვდომა „EPLO“-ს ყველა სამეცნიერო პუბლიკაციასა და საგანმანათლებლო რესურსზე, რითაც ის რეგიონში ყველა სტუდენტს, პროფესორსა თუ ფართო საზოგადოებას ამ რესურსით სარგებლობის შესაძლებლობას მისცემს. „EPLO“-ს სამხრეთ კავკასიის რეგიონული ფილიალი თანამედროვე სამეცნიერო დისკუსიების მეშვეობითა და საუკეთესო ინტელექტუალური რესურსების გაერთიანებით ხელს შეუწყობს აღნიშნულ საკითხებზე ცოდნის გაღრმავებას და ამ პროცესში ევროპული სამართლისა და ევროპული მართვის საუკეთესო გამოცდილებების გაზიარებას.

განსაკუთრებული მნიშვნელობა „EPLO“-ს სამხრეთ კავკასიის რეგიონული ფილიალის საქართველოში შექმნას იმ მხრივაც აქვს, რომ თვალნათელია ქვეყნის როლი რეგიონში ევროპული ღირებულებების, საჯარო სამართლისა და მმართველობის კუთხით გატარებული რეფორმების საკითხებში. „EPLO“ ითვალისწინებს, რომ საქართველო მუდმივად უწყობს ხელს და მნიშვნელოვან შედეგებს აღწევს ევროპული ფასეულობებისა და პრინციპების ფართო მასშტაბით პოპულარიზაციის საქმეში.

ფილიალის შექმნა საქართველოში ევროპულ სამართალსა და მმართველობაზე ცოდნის გაღრმავებისა და ხელმისაწვდომობის კუთხითაც ღირებულია არა მხოლოდ ჩვენი ქვეყნისთვის, არამედ მთლიანად სამხრეთ კავკასიის რეგიონისთვის“- აღნიშნულია უწყების მიერ გავრცელებულ ინფორმაციაში.

ყველა სიახლე

29 სექტემბერი 2020, 11:45

საზოგადოება

ISFED-მა წინასაარჩევნო მონიტორინგის მეოთხე შუალედური ანგარიში წარადგინა

მთავარ გამოწვევად ამომრჩეველზე, აქტივისტებზე, ოპოზიციონერ პოლიტიკოსებზე განხორციელებული ზეწოლის, მუქარისა და ხელის შეშლის ფაქტები წარმოადგენს. ამგვარი შემთხვეევბის რაოდენობის მკვეთრი ზრდა, კენჭისყრის დღის მოახლოებასთან ერთად, მნიშვნელოვან გამოწვევას წარმოადგენს და აზიანებს საარჩევნო პროცესის მიმდინარეობას.

29 სექტემბერი 2020, 11:42

COVID19

ზუგდიდის საჯარო სკოლების ეგრეთ წოდებული კლასტერი გაფართოვდა

ზუგდიდის ინფექციურ საავადმყოფოში 652 ბიოლოგიური ნიმუში გაიტესტა, მათგან 15 დადებითია. რეგიონის სახელმწიფო რწმუნებულის მოვალეობის შემსრულებლის მალხაზ თორიას ინფორმაციით, მათგან 5 კოვიდინფიცირებული ადგილობრივია. აქედან 1 ოქროს ბირჟის ე.წ. კლასტერს განეკუთვნება, ხოლო 4 გუშინ დაინფიცირებულ რეპეტიტორთან მყოფი მოსწავლეა. არასრულწლოვნები ქალაქის საჯარო სკოლების მოსწავლეები არიან. მალხაზ თორიას ინფორმაციით, ქალაქის სკოლებში სწავლების დისტანციურ რეჟიმში მიმდინარეობს, შესაბამისად სხვა მოსწავლეებთან მათი კონტაქტი მინიმალურია.

29 სექტემბერი 2020, 11:41

პოლიტიკა

დავით სერგეენკო ამომრჩევლებზე: საბედნიეროდ, საერთო ენას მარტივად ვპოულობთ და ვთანხმდებით აქტუალური საკითხების გადაჭრის გზებზე

ძალიან თბილი შეხვედრები მქონდა საბურთალოს რაიონის ამომრჩევლებთან, - ამის შესახებ „ქართული ოცნების“ საბურთალოს მაჟორიტარობის კანდიდატი, დავით სერგეენკო Facebook-ზე წერს. მისი თქმით, დიდი მოტივაციაა, როდესაც მოქალაქეებისგან მხარდაჭერას გრძნობს.

მარინა ენდელაძე

29 სექტემბერი 2020, 11:38

COVID19

მარინა ენდელაძის თქმით, საქართველო ინარჩუნებს მწვანე ზონის სტატუსს

„უნდა ვიყოთ ყურადღებით, ვითარება საგანგაშო არ არის, მაგრამ ძალიან საყურადღებოა, საქართველოს ყველა რეგიონში, სიტუაციის სამართავად, ჯანდაცვა მზადაა“, - განაცხადა მარინა ენდელაძემ.

29 სექტემბერი 2020, 11:33

COVID19

მოსკოვის სკოლებში COVID-19-ის შემთხვევების ზრდის გამო ორკვირიანი არდადეგები გამოცხადდა

მოსკოვში ახალი კორონავირუსით დაინფიცირებულია ყველაზე მეტი ბავშვია, რომელთაც დაავადების სიმპტომები არ აქვთ. რუსული მედიის ცნობით, ამის გამო 5-დან 18 ოქტომბრამდე მოსკოვის სკოლებში არდადეგები გამოცხადდა. ამის შესახებ მოსკოვის მერმა სერგეი სობიანინმა თავის ბლოგში დაწერა.

29 სექტემბერი 2020, 11:26

COVID19

ბათუმის მოხუცთა თავშესაფარში 25 ბენეფიციარსა და 10 თანამშრომელს კორონავირუსი დაუდასტურდა

ბათუმის მოხუცთა თავშესაფარი 25 ბენეფიციარსა და 10 თანამშრომელს კორონავირუსი დაუდასტურდა. საქართველოში კორონავირუსის 314 ახალი შემთხვევიდან უმრავლესობა აჭარაში გამოვლინდა. ამ დროისთვის ქვეყანაში კორონავირუსის 5 866 შემთხვევაა დადასტურებული, გამოჯანმრთელებულია 2 324 ადამიანი. უცხოეთიდან სამკურნალოდ გადმოყვანილია საქართველოს 41 მოქალაქე. გარდაიცვალა 33 პაციენტი. ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

ნონა ეფაძე

29 სექტემბერი 2020, 11:24

COVID19

ამ დროისთვის აჭარის კლინიკებში 463 კოვიდინფიცირებულ პაციენტი რჩება

ამ დროისთვის აჭარის კლინიკებში მკურნალობს 463 პაციენტი გადის, აქედან 32 ბავშვია, 10 კი ორსული, - ამის შესახებ აჭარის საზოგადოებრივი ჯანდაცვის ცენტრის დირექტორის მოადგილემ, ნონა ეფაძემ ჟურნალისტებს განუცხადა. მისივე თქმით, კოვიდ-კარანტინებში მეთვალყურეობის ქვეშ 900-ზე მეტი კოვიდინფიცირებულია, აქედან 60-მდე ბავშვია.

29 სექტემბერი 2020, 11:23

საზოგადოება

შინაგან საქმეთა სამინისტროს თანამშრომლებს არჩევნების უსაფრთხო, თავისუფალ, სამართლიან და მშვიდ გარემოში ჩატარების უზრუნველსაყოფად ტრენინგი უტარდებათ

შინაგან საქმეთა სამინისტროს აკადემიაში, საქართველოს პარლამენტის 2020 წლის არჩევნების უსაფრთხო, თავისუფალ, სამართლიან და მშვიდ გარემოში ჩატარების უზრუნველსაყოფად, სამინისტროს სტრუქტურული ერთეულების, ტერიტორიული ორგანოებისა და სხვა საპოლიციო ქვედანაყოფების მოსამსახურეებისთვის ონლაინ ტრენინგი დაიწყო, - ამის შესახებ ინფორმაციას შინაგან საქმეთა სამინისტრო ავრცელებს.

29 სექტემბერი 2020, 11:18

COVID19

მარინა ენდელაძის თქმით, ქვეყნის მასშტაბით 25 კრიტიკულად მძიმე პაციენტია

მისივე თქმით, თბილისის ინფექციურში 28 კოვიდინფიცირებული მკურნალობს, აქედან 2 მძიმე და ერთი კრიტიკული პაციენტია.

29 სექტემბერი 2020, 11:14

COVID19

ზუგდიდის მუნიციპალიტეტის სოფელ რუხისა და ინგირის პირველი საჯარო სკოლები დღეიდან სწავლების ონლაინ რეჟიმზე გადავიდნენ

ზუგდიდის მუნიციპალიტეტის სოფელ დიდინეძის საჯარო სკოლა სწავლის პროცესს ჩვეულ რეჟიმში გააგრძელებს, ხოლო რუხისა და ინგირის პირველი საჯარო სკოლები დღეიდან სწავლების ონლაინ რეჟიმზე გადავიდნენ. აღნიშნული გადაწყვეტილება მას შემდეგ მიიღეს, რაც ზუგდიდში 14 მოსწავლეს ახალი კორონავირუსი დაუდგინდა. ინფიცირებული მოზარდებიდან ერთი რუხის სკოლის, ხოლო სამი ინგირის პირველი საჯარო სკოლის მოსწავლეები არიან.

29 სექტემბერი 2020, 11:12

ეკონომიკა

„მსოფლიო მმართველობის ინდიკატორები 2019 - „მთავრობის ეფექტურობით“ საქართველო ისტორიულ მაქსიმუმზეა, „კორუფციის კონტროლით“ კი ევროპის საუკეთესო 20-ეულში ზედიზედ მესამედ მოხვდა

საყურადღებოა მსოფლიო ბანკის კვლევა „მსოფლიო მმართველობის ინდიკატორები“ რომელიც ათეულობით კვლევითი ცენტრის და საერთაშორისო ორგანიზაციის შემაჯამებელ ანალიზს უყრის თავს. კვლევა ყოველი წლის შემოდგომაზე ქვეყნდება.

29 სექტემბერი 2020, 11:10

COVID19

კორონავირუსით გარდაცვლილი 33-ე პაციენტი 55 წლის ქალია

საქართველოში გარდაცვლილი 33-ე პაციენტი 55 წლის ქალია, რომელიც ბათუმის რესპუბლიკურ კლინიკურ საავადმყოფოში რამდენიმე დღის წინ მოათავსეს - ამის შესახებ აჭარის საზოგადოებრივი ჯანდაცვის ცენტრის დირექტორის მოადგილემ, ნონა ეფაძემ განაცხადა. მისი თქმით, პაციენტის მდგომარეობა რთული იყო და მას გულ-სისხლძარღვთა მხრივ სერიოზული თანმდევი დაავადებები ჰქონდა.

29 სექტემბერი 2020, 11:04

მსოფლიო

სომხეთის უსაფრთხოების საბჭოს საგანგებო სხდომაზე აზერბაიჯანისთვის პროპორციული დარტყმის მიყენება განიხილეს

სომხეთის პრემიერ-მინისტრმა ნიკოლ ფაშინიანმა უსაფრთხოების საბჭოს საგანგებო სხდომა გამართა. შეხვედრაზე მთიან ყარაბაღში შექმნილ ვითარება განიხილეს, - ამის შესახებ ფაშინიანის პრესსამსახური იუწყება. „შეხვედრაზე განიხილეს ოპერატიული სიტუაცია ყარაბაღ-აზერბაიჯანის საზღვარზე და მოქმედებები, რომლებიც მიზნად ისახავდა სომხეთის შეიარაღებული ძალების მიერ მტრისთვის შესაბამისი საპასუხო პროპორციული დარტყმის მიყენებას”, - წერია გავრცელებულ ინფორმაციაში.

29 სექტემბერი 2020, 11:04

COVID19

კოვიდინფიცირების ახალი შემთხვევებიდან 225 აჭარაში, 35 კი თბილისში დაფიქსირდა

საქართველოში კორონავირუსის 314 ახალი შემთხვევიდან უმრავლესობა აჭარაში გამოვლინდა. ამის შესახებ ჟურნალისტებს თბილისის ინფექციური საავადმყოფოს ბოქსირებული განყოფილების დირექტორმა, მარინა ენდელაძემ განუცხადა.

29 სექტემბერი 2020, 11:01

სპორტი

ლანჩხუთის მუნიციპალიტეტის სოფელ გვიმბალაურში საქართველოს ფეხბურთის ფედერაციის აკადემია გაიხსნა

ლანჩხუთის მუნიციპალიტეტის სოფელ გვიმბალაურში საქართველოს ფეხბურთის ფედერაციის აკადემია გაიხსნა. ღონისძიებას ფეხბურთის ფედერაციის პრეზიდენტი, ლევან კობიაშვილი, გენერალური მდივანი, დავით მუჯირი და პირველი ვიცე-პრეზიდენტი, კახა ჭუმბურიძე ესწრებოდნენ.

29 სექტემბერი 2020, 10:46

COVID19

საქართველოში კორონავირუსით კიდევ 314 ადამიანი დაინფიცირდა

საქართველოში კორონავირუსის 314 ხალი შემთხვევა გამოვლინდა. ამის შესახებ ინფორმაცია ვებგვერდ StopCov.ge-ზე გამოქვეყნდა. ამ დროისთვის საქართველოში კორონავირუსის 5 866 შემთხვევაა დადასტურებული, გამოჯანმრთელებულია 2324 ადამიანი, 33 პაციენტი კი გარდაიცვალა.

კორონავირუსი

29 სექტემბერი 2020, 10:45

COVID19

საქართველოში კორონავირუსით 33-ე პაციენტი გარდაიცვალა

საქართველოში COVID-19-ს კიდევ ერთი პაციენტი ემსხვერპლა. კორონავირუსით გარდაცვლილ პაციენტთა რაოდენობა 33-მდე გაიზარდა. ინფორმაცია ამის შესახებ ვებგვერდზე stopcov.ge განახლდა. ამ დროისთვის ქვეყანაში კორონავირუსის 5 866 შემთხვევაა დადასტურებული, გამოჯანმრთელებულია 2 324 ადამიანი. უცხოეთიდან სამკურნალოდ გადმოყვანილია საქართველოს 41 მოქალაქე.

29 სექტემბერი 2020, 10:36

კულტურა

არჩილ თალაკვაძემ ჯემალ ჭკუასელს პარლამენტის სახელით 85 წლის იუბილე მიულოცა

საქართველოს პარლამენტის სახელით ვულოცავ ბატონ ჯემალ ჭკუასელს 85 წლის იუბილეს. იგი არის საამაყო მამულიშვილი და ქართული კულტურის ერთ-ერთი საუკეთესო ელჩი მთელს მსოფლიოში,- ამის შესახებ პარლამენტის თავმჯდომარემ საქართველოს სახალხო არტისტის, ცნობილი ქორეოგრაფის, ჯემალ ჭკუასელის 85 წლის იუბილესადმი მიძღვნილ ღონისძიებაზე განაცხადა. არჩილ თალაკვაძემ ანსამბლ „ერისიონის“ ყოფილ სამხატვრო ხელმძღვანელს მხნეობა და დღეგრძელობა უსურვა

29 სექტემბერი 2020, 10:36

COVID19

Reuters: მსოფლიოში COVID19-ით 16 წამში ერთი ადამიანი კვდება

მსოფლიოში ახალი კორონავირუსით საათში 226 ადამიანი კვდება, რაც იმას ნიშნავს, რომ ყოველ 16 წამში ვირუსს ერთი ადამიანის სიცოცხლე მიაქვს. ამ მონაცემებს Reuters სექტემბრის თვის სტატისტიკაზე დაყრდნობით აქვეყნებს.

29 სექტემბერი 2020, 10:35

საზოგადოება

პეკინის გამზირსა და ჟვანიას მოედანზე არსებულ დაავადებულ და ხმობად ფიჭვებს ჭრიან

პეკინის გამზირსა და ჟვანიას მოედანზე არსებულ შუა ზოლში დაავადებულ და ხმობად ფიჭვებს ჭრიან. გამწვანებულ თარგში, 33 ძირი, დაავადებული და ზეხმელი ფიჭვის ხე მოიჭრება. სამუშაოები 29 სექტემბრიდან დაიწყო და რამდენიმე დღე გაგრძელდება. მიმდინარე სამუშაოებს გარემოს დაცვის საქალაქო სამსახურის უფროსი, გიგა გიგაშვილი ადგილზე გაეცნო.