სებასტიან მოლინეუსი: ჩვენ დავეხმარებით კერძო სექტორს, ისევე, როგორც დავეხმარეთ ჯანდაცვის სისტემას

ჩვენ დავეხმარებით კერძო სექტორს, ისევე, როგორც დავეხმარეთ ჯანდაცვის სისტემას - ამის შესახებ მსოფლიო ბანკის რეგიონულმა დირექტორმა სამხრეთ კავკასიაში, სებასტიან მოლინეუსმა „ქრონიკაში“ განაცხადა.

მისი თქმით, საქართველოში სამინისტროები, საელჩოები ძალიან აქტიურად მუშაობენ იმისთვის, რომ საქართველოზე პანდემიის გავლენა შერბილდეს.

„არა მარტო მთავრობა და კერძო სექტორი, საქართველოს მოსახლეობა ძალიან მაოცებს, რადგან ისინი ზედმიწევნით იცავენ რეგულაციებს. ყველას უკეთია პირბადე, ყველა იცავს სოციალურ დისტანცირებას და ყველა ცდილობს, რომ გააუმჯობესოს ქვეყანაში მდგომარეობა. სამინისტროები, საელჩოები ძალიან აქტიურად მუშაობენ იმისთვის, რომ საქართველოზე პანდემიის გავლენა შერბილდეს.

აქვე მინდა ვისაუბრო იმ ფინანსურ დახმარებაზე, რომელიც ჩვენ საქართველოს გავუწიეთ 80 მილიონის ოდენობით და ასევე, დამატებით 100 მილიონი დოლარის ოდენობის თანხაც გაიცემა. 80 მილიონი დოლარით 200 ათასამდე PCR და დაახლოებით 160 ათასი სწრაფი ტესტი ჩატარდა კორონავირუსზე. დღესდღეობით კი 3 ათასზე მეტი ტესტი ტარდება საქართველოში კორონავირუსზე. ეს ყველაფერი გვაძლევს იმის საშუალებას, რომ ვმართოთ პანდემიური სიტუაცია საქართველოში. ჩვენ უზრუნველვყავით საქართველო ფილტვის ხელოვნური ვინტილაციის მობილური აპარატებით და ასევე, ფილტვის ხელოვნური ვინტილაციის ჩვეულებრივი აპარატებით, რაც ძალიან სჭირდებათ იმ ადამინებს, რომლებიც სარეანიმაციო პაციენტები არიან. ეს არის ციფრები, რაც მე ამაყს მხდის, რადგან ჩვენი შრომა არ იყრება წყალში. აქვე გეტყვით, რა პროექტებს ვგეგმავთ. ჩვენთვის ძალიან მნიშვნელოვანია მხარი დავუჭიროთ კერძო სექტორს, რადგან არ ვიცით როდის დასრულდება გლობალური პანდემია. ძალიან დიდი კრიზისის წინაშე დგას მსოფლიო და ელოდება მეორე ტალღას და ჩვენ გვინდა, რომ მხარში დავუდგეთ კერძო სექტორს. ახლა მოლაპარაკებებს ვახორციელებთ იმ საკითხებთან დაკავშირებით, როგორ შეგვიძლია დავეხმაროთ კერძო სექტორს, მაგალითად, ტურიზმს. ჩვენ დავეხმარებით კერძო სექტორს, ისევე, როგორც დავეხმარეთ ჯანდაცვის სისტემას“, - განაცხადა სებასტიან მოლინეუსმა.