imedi /  16 სექტემბერი 2020, 17:34 / სანდო წყარო

როგორ შეძლებენ საზღვარგარეთ მყოფი საქართველოს მოქალაქეები არჩევნებში მონაწილეობას. პროცედურები

როგორ შეძლებენ საზღვარგარეთ მყოფი საქართველოს მოქალაქეები არჩევნებში მონაწილეობას, რა პროცედურების გავლა მოუწევთ მათ და რა მოთხოვნები უნდა დააკმაყოფილონ, ამ თემებზე საგარეო საქმეთა სამინისტროში ბრიფინგი გაიმართა.

როგორც საგარეო საქმეთა მინისტრის მოადგილე ხათუნა თოთლაძემ განაცხადა, დღევანდელი დღის მონაცემებით, საზღვარგარეთ არჩევნების ჩატარების ყველა პირობა არსებობს.

მისივე თქმით, იმისათვის რომ საქართველოს მოქალაქემ მიიღოს დაგეგმილ საპარლამენტო არჩევნებში მონაწილეობა, აუცილებელია იგი იმყოფებოდეს საკონსულო აღრიცხვაზე.

საკონსულო აღრიცხვაზე შეიძლება დადგეს მხოლოდ საზღვარგარეთ მყოფი საქართველოს მოქალაქე, არაუგვიანეს მიმდინარე წლის 10 ოქტომბრისა. საკონსულო აღრიცხვაზე დადგომა უფასოა.
საზღვარგარეთ მყოფ ამომრჩეველს საკონსულო აღრიცხვაზე ყოფნის ფაქტი შეუძლია, გადაამოწმოს, შემდეგ ვებგვერდზე: https://www.geoconsul.gov.ge.

საკონსულო აღრიცხვაზე დადგომა შესაძლებელია, სამი გზით:

1. დისტანციურად, ვებ-გვერდის www.geoconsul.gov.ge საშუალებით, რა დროსაც მოქალაქე ავსებს შესაბამის ანკეტას ელექტრონულად, საელჩოსა თუ საკონსულოში გამოცხადების გარეშე.

2. საელჩოში/საკონსულოში პირადი გამოცხადებით.

3. საფოსტო გზავნილის მეშვეობით, საელჩოსთვის/საკონსულოსთვის მატერიალური ფრომით დოკუმენტების გაგზავნით.

თუ ამომრჩეველი ვერ აღმოაჩენს თავის პირად მონაცემებს საკონსულო აღრიცხვის სიაში, მან უნდა მიმართოს ადგილსამყოფელ ქვეყანაში საქართველოს დიპლომატიური წარმომადგენლობასა და საკონსულო დაწესებულებას. მათ შორის ყველაზე პრაქტიკული და მარტივია, დისტანციურად, www.geoconsul.gov.ge-ზე ელექტრონული განაცხადის გაკეთება.

„ წინა საპრეზიდენტო არჩევნების პრაქტიკიდან და დღესაც გვაქვს უკვე ამგვარი მაგალითები, ვაწყდებით შემთხვევებს, როდესაც მოქალაქეები განზრახ შეყავთ შეცდომაში, თითქოს საკონსულო აღრიცხვაზე დადგომა რთული პროცესია და მოითხოვს აუცილებლად საელჩოში ან საკონსულო დაწესებულებაში გამოცხადებას. იმისათვის, რომ მიგიღოს კონსულმა წინასწარ უნდა ჩააწერო სიაში, რომლიც უკვე შევსებულია და მხოლო ნოემბრის თვეში ადგილები თავისუფალი და სხვა. ამის საპასუხოდ, კიდევ ერთხელ ხაზს ვუსვამ, რომ საკონსულო აღრიცხვაზე დადგომა შესაძლებელია დისტანციურად და პირადი გამოცხადება საელჩოსა თუ საკონსულოში მხოლოდ მოქალაქის სურვილზე დამოკიდებული. კიდევ ერთი პრობლემა, რომელზეც გვსურს ყურადღების გამახვილება და რომელსაც, ასევე, ჰქონდა ადგილი წინა არჩევნებზე, მოქალაქეების უკმაყოფილება იმასთან დაკავშირებით, რომ იმყოფებოდნენ საკონსულო აღრიცხვაზე, თუმცა, ვერ მოხვდნენ საბოლოო საარჩევნო სიებში. “, - განაცხადა თოთლაძემ.

მისივე თქმით, უშუალოდ საარჩევნო მიზნებისთვის მხოლოდ საკონსულო აღრიცხვაზე ყოფნა არ არის საკმარისი, რომ მოქალაქე მოხვდეს საარჩევნო სიაში.

„ამისათვის საჭიროა იგი იყოს რეგისტრირებული საქართველოში ან საზღვარგარეთ და გააჩნდეს მოქმედი პასპორტი/პირადობის მოწმობა. 31 ოქტომბრის საპარლამენტო მიზნებისთვის პასპორტი ან პირადობის მოწმობა მოქმედი უნდა იყოს მინიმუმ 2020 წლის 31 ოქტომბრის ჩათვლით“- განმარტავს საგარეო საქმეთა მინისტრის მოადგილემ.

გაუთვალისწინებელი პრობლემური სიტუაციის თავიდან არიდების მიზნით, საკონსულო აღრიცხვაზე მყოფმა მოქალაქეებმა უნდა გადაამოწმონ აღრიცხვაზე ყოფნის ფაქტი, საკონსულო დეპარტამენტის ვებგვერდის www.geoconsul.gov.ge-ზე შექმნილ სპეციალურ პლათფორმაზე.

საზღვარგარეთ მყოფი მოქალაქეები ვინც არ იმყოფება ან მოიხსნა საკონსულო აღრიცხვიდან და სურთ ხმის მიცემის პროცესში მონაწილოების მიღება, შესაძლებლობა აქვთ, მარტივად, დისტანციურად დადგნენ საკონსულო აღრიცხვაზე.

2020 წელს საქართველოს საარჩევნო კოდექსში შესული ცვლილების თანახმად, საქართველოს პარლამენტის 2020 წლის არჩევნებისათვის ცენტრალური საარჩევნო კომისია სხვა სახელმწიფოში საარჩევნო უბნებს შექმნის არანაკლებ 50 და არაუმეტეს 3000 ამომრჩევლისათვის, შესაბამისად ამ ეტაპზე არ არის ცნობილი თუ რამდენი საარჩევნო უბანი გაიხსნება საზღვარგარეთ, რადგან 10 ოქტომბრის ჩათვით აქტიურად მიმდინარეობს მოქალაქეთა საარჩევნო მიზნებისთვის საკონსულო აღრიცხვაზე დაყენება.

11 აგვისტოს მონაცემებით საკონსულო აღრიცხვაზე იმყოფება 52702 საქართველოს მოქალაქე.

ყველა სიახლე

23 სექტემბერი 2020, 17:47

COVID19

კახეთში კორონავირუსი 3 თვის ჩვილს დაუფიქსირდა

imedinews-ის ინფორმაციით, კახეთში კორონავირუსის ერთი ახალი შემთხვევა დაფიქსირდა. დაინფიცირებული 3 თვის ჩვილია, რომელიც ლაგოდეხში აჭარიდან სტუმრად მშობლებთან ერთად რამდენიმე კვირის წინ ჩამოვიდა. ოჯახის ყველა წევრი გადაყვანილია თვითიზოლაციაში. მათი ნიმუშები გადაგზავნილია ლაბორატორიაში, რომლის პასუხები ცნობილი სავარაუდოდ, ხვალ გახდება.

ჰაიკო მაასი

23 სექტემბერი 2020, 17:44

COVID19

კოვიდინფიცირებულ პირთან კონტაქტის გამო, გერმანიის საგარეო საქმეთა მინისტრი კარანტინში გადავიდა

კოვიდინფიცირებულ პირთან კონტაქტის გამო, გერმანიის საგარეო საქმეთა მინისტრი, ჰაიკო მაასი კარანტინში გადავიდა.

ალექსანდრე ლუკაშენკო

23 სექტემბერი 2020, 17:28

მსოფლიო

გერმანიის მთავრობა: ალექსანდრე ლუკაშენკო ბელარუსის ლეგიტიმური პრეზიდენტი არ არის

გერმანიის მთავრობის ოფიციალურმა წარმომადგენელმა, შტეფან ზაიბერტმა განაცხადა, რომ დღევანდელი ინაუგურაცია ალექსანდრე ლუკაშენკოს ლეგიტიმაციას ვერ მოახდენს.

გიგა ბოკერია

23 სექტემბერი 2020, 17:26

პოლიტიკა

გიგა ბოკერია: ერთიან კანდიდატებზე შეთანხმება ჩაშალა სააკაშვილმა, თავისი ამბიციებისა და უკან, 2012 წლამდე პერიოდში ყურების გამო

„ევროპული საქართველოს“ ერთ-ერთი ლიდერის, ფოთის, ხობისა და სენაკის მაჟორიტარობის კანდიდატის, გიგა ბოკერიას განცხადებით, ერთიანი სიის შემოთავაზება იყო კვლავ ორპოლუსიანობის და წრეზე ტრიალის პოლიტიკა. მისივე თქმით, „ნაციონალური მოძრაობის“ მიერ გონივრული ნაბიჯი იქნებოდა რეგიონებში ერთიან კანდიდატებზე შეთანხმება, თუმცა სააკაშვილმა ეს მოლაპარაკება ჩაშალა და კვლავ ორპოლუსიანობა შესთავაზა საზოგადოებას.

ეუთ

23 სექტემბერი 2020, 17:25

პოლიტიკა

კახა ოქრიაშვილის მხარდამჭერთა რიგები კიდევ 30-მდე ადამიანმა დატოვა

უკვე მე-12 დღეა, საპროტესტო აქციები იმართება იმ მუნიციპალიტეტებში, სადაც ოქრიაშვილი ახლა არა „ქართული ოცნების“, არამედ კოალიცია „ძალა ერთობაშიას“ სახელით მაჟორიტარობისთვის იბრძვის. მის მხარდამჭერთა რიგებს კი ყოველდღიურ რეჟიმში ათობით ადამიანი ტოვებს.

23 სექტემბერი 2020, 17:14

საზოგადოება

პატიმრებმა N8 პენიტენციური დაწესებულების ეზოში მარწყვი და ყვავილოვანი კომბოსტო დარგეს

N8 პენიტენციური დაწესებულების ეზოში არსებულ სასოფლო-სამეურნეო მიწის ნაკვეთზე 100 ძირი განსაკუთრებული ჯიშის მარწყვი (რომელიც წელიწადში ოთხჯერ იძლევა ნაყოფს) და ყვავილოვანი კომბოსტო დაირგო, - ამის შესახებ ინფორმაციას სპეციალური პენიტენციური სამსახური ავრცელებს. მათივე ინფორმაციით, დაწესებულებას ნერგები, სპეციალური პენიტენციური სამსახურის მსჯავრდებულთა რესოციალიზაცია-რეაბილიტაციის დეპარტამენტისა და საქართველოს საპატრიარქოს თანამშრომლობის ფარგლებში, ბოდბის წმინდა ნინოს სახელობის მონასტრის წინამძღვარმა გაუგზავნა.

23 სექტემბერი 2020, 17:06

პოლიტიკა

ეუთოს უსაფრთხოების თანამშრომლობის ფორუმზე საქართველომ რუსეთის სამხედრო წვრთნები „კავკასია 2020“ დაგმო

საქართველოს დელეგაციამ ეს ფაქტი შეაფასა, როგორც რუსეთის მიერ საერთაშორისო სამართლის ნორმების, ჰელსინკის დასკვნითი აქტისა და ცეცხლის შეწყვეტის შესახებ ევროკავშირის შუამავლობით დადებული 2008 წლის 12 აგვისტოს შეთანხმების უხეში დარღვევა. ქართული მხარის განცხადებით, რუსეთის აგრესიული და პროვოკაციული ქმედებები საფრთხეს უქმნის უსაფრთხოებას და იწვევს დესტაბილიზაციას რეგიონში.

დიმიტრი ხუნდაძე

23 სექტემბერი 2020, 17:04

საზოგადოება

დიმიტრი ხუნდაძე: ამ ეტაპზე უმჯობესი იქნება სკოლებში დაწყებითი კლასის ბავშვები მივიყვანოთ

„დიდ კლასებში ამ ეტაპზე სწავლის დაწყებისგან ჯობს თავი შევიკავოთ, თუმცა შესაძლებელია იყოს ლოკალური გადაწყვეტილებით. მაგალითად, აჭარაში ახლაც სწავლის დაწყებისგან თავი უნდა შევიკავოთ, მაგრამ თბილისში, ან სხვა ქალაქში, სადაც დაინფიცირების ხარისხი მნიშვნელოვნად დაბალია, შესაძლებელია სწავლა დავიწყოთ. თუმცა, ეს გადაწყვეტილება მაინც საკოორდინაციო საბჭოს მივანდოთ“, - განაცხადა დიმიტრი ხუნდაძემ.

სვეტალანა ტიხანოვსკაია

23 სექტემბერი 2020, 16:57

მსოფლიო

ტიხანოვსკაია: ლუკაშენკოს ე.წ. ინაუგურაცია ფარსია - ბელარუსი ხალხის მიერ არჩეული ერთადერთი ლიდერი ვარ

ბელარუსის ოპოზიციის ლიდერმა, სვეტლანა ტიხანოვსკაიამ ალექსანდრე ლუკაშენკოს ინაუგურაციას ფარსი უწოდა.

23 სექტემბერი 2020, 16:51

საზოგადოება

სარეაბილიტაციო სამუშაოების გამო კეცხოველის ქუჩაზე მოძრაობა ნაწილობრივ შეიზღუდება

თბილისის მერია მიმდინარე სამუშაოებთან დაკავშირებით განცხადებას ავრცელებს. „გლდანის რაიონში, კეცხოველის ქუჩის სრული რეაბილიტაცია იწყება. სამუშაოების გამო, 24 სექტემბრიდან კეცხოველის ქუჩაზე - ჯაბიძის ქუჩიდან ვეკუას ქუჩამდე მონაკვეთში, საავტომობილო მოძრაობა ნაწილობრივ შეიზღუდება. თბილისის მერია ბოდიშს გიხდით შექმნილი დისკომფორტისთვის“, - ნათქვამია მერიის განცხადებაში.

ეიფელის კოშკი

23 სექტემბერი 2020, 16:46

მსოფლიო

გამნაღმველები ეიფელის კოშკზე ბომბს ეძებენ

პარიზში, ეიფელის კოშკიდან ვიზიტორთა ევაკუაცია განხორციელდა, მას შემდეგ რაც პოლიციაში უცნობმა პირმა დარეკა და კოშკზე ბომბის არსებობის შესახებ განაცხადა. ამის შესახებ ინფორმაციას BFMTV ავრცელებს.

23 სექტემბერი 2020, 16:42

რეგიონი

ფოთის აგრარული ბაზრის მოვაჭრეებმა აქცია გამართეს

ფოთის აგრარული ბაზრის მოვაჭრეებმა აქცია გამართეს და საავტომობილო გზა გადაკეტეს. მოვაჭრეები ბაზრის ტერიტორიაზე მდებარე, ლითონის კონსტრუქციის დემონტაჟის შესახებ მიღებულ გადაწყვეტილებას აპროტესტებენ. როგორც ისინი აცხადებენ, წლებია ამ ნაგებობაში ვაჭრობენ და ამ საქმით ოჯახებს არჩენენ, დღეს კი მათ მერიის გადაწყვეტილება გააცნეს, სადაც უკანონო ნაგებობის დემონტაჟის შესახებ იუწყებიან .

23 სექტემბერი 2020, 16:40

საზოგადოება

ანზორ ერქომაიშვილის სახელობის სასტიპენდიო კონკურსის გამარჯვებული გამოვლინდა

საქართველოს განათლების, მეცნიერების, კულტურისა და სპორტის სამინისტროს ინიციატივით დაარსებული ანზორ ერქომაიშვილის სახელობის სტიპენდიის მფლობელი თბილისის სახელმწიფო კონსერვატორიის დოქტორანტი, დირიჟორი და მუსიკოლოგი, შიო აბრახამია გახდა, - ამის შესახებ ინფორმაციას განათლების სამინისტრო ავრცელებს. მათივე ინფორმაციით, შიო აბრახამიას ანზორ ერქომაიშვილის სახელობის სტიპენდიატობა განათლების, მეცნიერების, კულტურისა და სპორტის მინისტრმა მიხეილ ჩხენკელმა მიულოცა.

ნინო ნიჟარაძე

23 სექტემბერი 2020, 16:36

COVID19

ნინო ნიჟარაძე: აჭარაში COVID-19-ის შემთხვევების მატება პირდაპირ კავშირშია მოსახლეობის ქცევასთან

ამ ეტაპზე გვაქვს უფრო დაძაბული ეპიდემიოლოგიური სიტუაცია, თუმცა აბსოლუტურად კონტროლს ექვემდებარება. დღეს გვქონდა შემთხვევების მატება, მაგრამ მინდა ვთქვა, რომ ეს მაინც სტაბილური დონეა. რაღაც პერიოდი, აჭარაში შესაძლოა COVID-19-ის შემთხვევები გაიზარდოს ან დარჩეს იმავე დონეზე, - ამის შესახებ აჭარის ჯანდაცვის მინისტრმა ნინო ნიჟარაძემ „რუსთავი2“-ის ეთერში განაცხადა.

ალექსანდრე გოგინავა

23 სექტემბერი 2020, 16:24

COVID19

ალექსანდრე გოგინავა: ორსულებში კორონავირუსი მსუბუქი ან საშუალო სიმძიმით მიმდინარეობს

„აუცილებელია მოსახლეობამ დაიცვას რეკომენდაციები და დაემორჩილონ იმ რეგულაციებს, რაც ამ ეტაპისთვის არსებობს. ამ შემთხვევაში შესაძლებელია, რომ ქვეყანაში სიტუაცია დასტაბილურდეს“, - განაცხადა ალექსანდრე გოგინავამ.

23 სექტემბერი 2020, 16:19

საზოგადოება

საქართველოს გენერალურ პროკურატურაში დისკრიმინაციის ნიშნით შეუწყნარებლობის მოტივით ჩადენილი დანაშაულის სტატისტიკის წარმოებისა და ერთიანი ანგარიშის გამოცემის შესახებ მემორანდუმი გაფორმდა

ევროპის საბჭოს მხარდაჭერით, საქართველოს გენერალურმა პროკურორმა ირაკლი შოთაძემ, უზენაესი სასამართლოს თავმჯდომარემ ნინო ქადაგიძემ, საქართველოს შინაგან საქმეთა მინისტრმა ვახტანგ გომელაურმა და სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ დისკრიმინაციის ნიშნით შეუწყნარებლობის მოტივით ჩადენილი დანაშაულის სტატისტიკის წარმოებისა და ერთიანი ანგარიშის გამოცემის შესახებ მემორანდუმს ხელი მოაწერეს, - ამის შესახებ ინფორმაციას საქართველოს გენერალური პროკურატურა ავრცელებს. უწყების ინფორმაციით, გენერალურ პროკურატურაში გამართულ შეხვედრას ასევე ესწრებოდა ევროპის საბჭოს საქართველოს ოფისის ხელმძღვანელი, ნატალია ვუტოვა.

23 სექტემბერი 2020, 16:15

ეკონომიკა

ეროვნულმა ბანკმა სავალუტო აუქციონზე $40 მილიონი გაყიდა

დღეს გამართულ სავალუტო აუქციონზე საქართველოს ეროვნულმა ბანკმა 40 000 000 აშშ დოლარი გაყიდა. ინფორმაციას ეროვნული ბანკი ავრცელებს. მათივე ცნობით, საშუალო შეწონილმა გაცვლითმა კურსმა 3.2641 შეადგინა.

გიორგი გახარია

23 სექტემბერი 2020, 16:08

ეკონომიკა

„ქართული ოცნება“ იმერეთში მიმდინარე და განხორციელებული პროექტების შესახებ ვიდეორგოლს აქვეყნებს

სამტრედია-გრიგოლეთის ჩქაროსნული ავტომაგისტრალის პირველი მონაკვეთის მშენებლობა, ზემო იმერეთი - რაჭის დამაკავშირებელი საავტომობილო გზა, რძის გადამამუშავებელი საწარმო თერჯოლაში, წყალმომარაგების პროექტი ჭიათურაში - „ქართული ოცნება“ ფეისბუქის ოფიციალურ გვერდზე იმერეთში მიმდინარე და განხორციელებული წარმატებული პროექტების შესახებ ვიდეორგოლს აქვეყნებს.

რატი იონათამიშვილი

23 სექტემბერი 2020, 15:46

პოლიტიკა

რატი იონათამიშვილი: „ნაცმოძრაობასა“ და „ევროპულ საქართველოს“ საზოგადოებასთან ფაქტობრივად არ უსაუბრიათ

არჩევნებამდე თვეზე ცოტა მეტია დარჩენილი და რასაც ვუყურებთ, როგორ იქცევა ხელმოცარული ოპოზიცია, არის სრულიად ამაზრზენი, - ამის შესახებ საპარლამენტო უმრავლესობის წევრმა რატი იონათამიშვილმა განაცხადა.

23 სექტემბერი 2020, 15:45

მსოფლიო

რომის პაპი: ღმერთს უყვარს LGBTQ შვილები ისეთები, როგორებიც არიან

რომის პაპი, ფრანცისკე ორგანიზაცია „LGBTQ+ კათოლიკე მშობლების“ 40-მდე დედასა და მამას შეხვდა. როგორც UniLad-ი იუწყება, მშობლება 83 წლის პაპთან იმ ხშირ შემთხვევაზე ისაუბრეს, როცა მათი შვილები ეკლესიის მხრიდან დისკრიმინაციის მსხვერპლნი არიან. აღსანიშნავია, რომ ფრანცისკემ მშობლებს მხარდაჭერა გამოუცხადა.