ნინო ხელაძე: „გავსუქდით კარანტინში“ - ბავშვთა ენდოკრინოლოგთან ახლა ყველაზე ხშირი მომართვიანობის მიზეზია

„გავსუქდით კარანტინში“ - ბავშვთა ენდოკრინოლოგთან ახლა ყველაზე ხშირი მომართვიანობის მიზეზია“, - ამის შესახებ ბავშვთა ენდოკრინოლოგმა, იაშვილის სახელობის ბავშვთა ცენტრალური საავადმყოფოს ენდოკრინოლოგიური სამსახურის ხელმძღვანელმა, ნინო ხელაძემ „მედიაცენტრ მთავარში" განაცხადა.

მისივე თქმით, პანდემიის პერიოდში აღნიშნული პრობლემით მშობლების მხრიდან მომართვიანობა ძალიან გაიზარდა.

„ზოგადადდ, როგორც კი კარანტინი დასრულდა, პაციენტები, რომლებც თავს იკავებდნენ ექიმთან მოხვედრაზე, ჰქონდა ჩივილი ქრონიკულ დაავადებაზე, ყველა მოვიდა, მაგრამ მინიმუმ ყოველი მეორე პაციენტი იყო ჭარბი წონის, სიმსუქნის გამო პირდაპირ ჩივილით - „გავსუქდით კარანტინში“ ახლა ყველაზე ხშირი მომართვიანობის მიზეზია ბავშვთა ენდოკრინოლოგთან“, - განაცხადა ხელაძემ.

ბავშვთა ენდოკრინოლოგმა ასევე იმ რისკებზეც ისაუბრა, რაც ჭარბ წონას აქვს მოზარდებში.

„თუ ბავშვობი გარდატეხის ასაკამდე მსუქანია, 50%-ია რისკი, რომ ის დარჩეს და მსუქანი იყოს მოზრდილიც. ხოლო თუ მოზარდიც მსუქანია ეს რისკი 75%-ს წარმოადგენს. რა თქმა უნდა, რაც მეტი წელი გადის და რაც მეტად იზრდება ჭარბი წონის ხარისხი, მისი ჯანმრთელობა, სამომავლო პროგნოზი და მეტაბოლური მონაცემები გაცილებით უარესია. ისეც არ არის, რომ მშობელს არ შეეძლოს ასეთ დროს რაიმეს გაკეთბა. თუნდაც კარანტინისა და მსგავსი რეგულაციების პირობებში, აღმოჩნდა, რომ მშობლებს მეტი დროის გატარება მოუწიათ შვილებთან. მათ შეუძლიათ მოზარდს სწორად დაუგეგმონ ცხოვრება. არ მოუტანონ და არ ნახონ ბავშვებმა ის საკვები, რაც მათთვის ჯანსაღი არ არის - ნახშირწყლებით მდიდარი, სწრაფი კვების საკვები. სახლშიც შეიძლება ოჯახმა დაგეგმოს ფიზკულტურის, ცეკვის ოჯახური სიანსები და ყოველ დღე ერთი საათი გამოყონ. მთელი პასუხისმგებლობა და შრომა მშობელზე გადადის, რომ მათ მიიღონ რეალური ზომები. თუნდაც ვერ მოახდინონ ბავშვის წონის შემცირება, ფიზიკურად დატვირთული ბავშვის მეტაბოლური რისკები უფრო მცირეა, ვიდრე ბავშვი, რომელიც საერთოდ, არ მოძრაობს“, - აღნიშნა ხელაძემ.

მისივე თქმით, არსებული რეკომენდაციებით, ბავშვებმა ეკრანთან მაქსიმ დღეში ორი საათი უნდა გაატარონ, მინიმუ ერთი საათი სპორტულად დატვირთული უნდა იყვნენ, რომ ივარჯისონ და დაიღალონ. ასევე, მშობელმა უნდა აკონტროლოს დღის განმავლობაში ბავშვის კვება. მათ სწორ კვებაში ჩართული უნდა იყვნენ ბებია-ბაბუებიც.

„საქართველოში ბავშვის კვებაში ბებია-ბაბუებიც აქტიურად მონაწილეობენ. ხშირად ბავშვი ეცოდებათ. ამბობენ, „ცოდოა, როგორ შეიშლება ხაჭაპური არ ჭამოს, ან ახლადგამომცხვარი, თეთრი ფუმფულა პური არ შეჭამოს, ბავშვს უნდა“ და ასე შემდეგ“, - განაცხადა ბავშვთა ენდოკრინოლოგმა.