imedi /  28 იანვარი 2021, 16:17 / სანდო წყარო

კომუნიკაციების კომისიამ „მთავარი არხი“ ეთერში უხამსობის ტირაჟირების გამო სამართალდამრღვევად ცნო, მაგრამ პასუხისმგებლობისგან გაათავისუფლა

კომუნიკაციების კომისიამ „მთავარი არხი“ ეთერში უხამსობის შემცველი სიუჟეტის განთავსების გამო სამართალდამრღვევად ცნო, მაგრამ ადმინისტრაციული პასუხისმგებლობისგან გაათავისუფლა, ვინაიდან კომისიის მიზანი არა მაუწყებლების სანქცირება, არამედ უხამსობის შემცველი გადაცემებისგან მაყურებლების დაცვაა, სწორედ ამიტომ კომისიამ გამოიყენა თავისი კანონიერი უფლება და „მთავარ არხს“ სანქცია არ დააკისრა.

კომისია მოუწოდებს „მთავარ არხს“ და ყველა მაუწყებელს დაიცვან კანონი, გაითვალისწინონ კომისიის მიერ მიღებული გადაწყვეტილება და არ განათავსონ ეთერში უხამსობა.

„მთავარი არხის“ საკითხი საჯარო სხდომაზე კომუნიკაციების კომისიამ 21 იანვარს განიხილა, მაუწყებლის წარმომადგენლის არგუმენტები მოისმინა და გადაწყვეტილება საერთაშორისო პრაქტიკის შესწავლის საფუძველზე მიიღო. საქმე ეხება 2020 წლის 12 დეკემბერს „მთავარი არხის“ საზოგადოებრივ-პოლიტიკურ გადაცემაში „მთავარი შაბათს“ 21:57 საათზე გასულ სიუჟეტს, რომელიც არაეთიკური კონოტაციით წარმოჩენილ გრაფიკულ გამოსახულებასა და უხამს გამონათქვამებს შეიცავს. კომუნიკაციების კომისიამ საკითხზე მსჯელობისა და გადაწყვეტილების მიღებისას რამდენიმე მნიშვნელოვან სამართლებრივ საფუძველზე გაამახვილა ყურადღება.

„მაუწყებლობის შესახებ" საქართველოს კანონის 56-ე მუხლის მე-4 პუნქტით მაუწყებლებს ეკრძალებათ ადამიანისა და მოქალაქის ღირსებისა და ძირითად უფლებათა შემლახავი ისეთი პროგრამის ან რეკლამის განთავსება, რომელიც შეიცავს უხამსობას და რომელიც ადამიანისა და მოქალაქის ღირსებისა და ძირითადი უფლებების შემლახავია. კანონმდებლობის მიხედვით, უხამსობა განმარტებულია, როგორც „ქმედება, რომელიც ეწინააღმდეგება საზოგადოებაში დამკვიდრებულ ეთიკურ ნორმებს და არა აქვს საზოგადოებრივ-პოლიტიკური, კულტურული, საგანმანათლებლო ან მეცნიერული ღირებულება“.

„მთავარი არხის“ სიუჟეტში გამოვლინდა ორი პრობლემური კომპონენტი: პირველი - გრაფიკული გამოსახულება, რომელსაც თან ერთვოდა აუდიონარატივი უხამს გამონათქვამზე კონოტაციით და მეორე - ჟურნალისტის გამონათქვამი, რომელშიც იგი პარლამენტს პრეზერვატივს ადარებდა, ხოლო კონტექსტის გათვალისწინებით პარლამენტის წევრებს მამაკაცის გენიტალიებს. კომუნიკაციების კომისიას მიაჩნია, რომ სიუჟეტში უხამსობის შემცველი კონოტაცია საზოგადოებაში დამკვიდრებულ ეთიკურ ნორმებთან თანხვედრაში არ არის და საზოგადოებრივ-პოლიტიკური, კულტურული, საგანმანათლებლო ან მეცნიერული ღირებულება არ გააჩნია.

კომუნიკაციების კომისიამ განხილვის შედეგად შეაფასა, რომ უხამსობის შემცველი გადაცემის განთავსებით მაუწყებლის მაყურებლის უფლებები დაირღვა. ამასთან, მიუხედავად იმისა, რომ „მთავარი არხის“ მიერ ეთერში განთავსებული უხამსობის შემცველი გადაცემა ზღუდავს მისი ადრესატების - ფინანსთა მინისტრისა და პარლამენტის წევრების პირად ცხოვრებას, კომისიას მიაჩნია, რომ ამ კონკრეტულ შემთხვევაში გამოხატვის თავისუფლებამ გადაწონა პოლიტიკოსების პირადი ცხოვრების ხელშეუხებლობის უფლება. სწორედ, ამიტომ კომისიამ არ დაადასტურა უხამსობის შემცველი პროგრამის განთავსებით ადრესატების - ფინანსთა მინისტრისა და პარლამენტის წევრების უფლების დარღვევა.

მნიშვნელოვანია, რომ ევროპის ადამიანის უფლებათა სასამართლოს პრაქტიკის მიხედვით, გამოხატვის თავისუფლების სტანდარტების იდენტიფიცირებისათვის დიდი მნიშვნელობა ენიჭება ინფორმაციისა თუ იდეების გავრცელების მედიუმს. საქართველოს კონსტიტუციის მიხედვით კი, კომუნიკაციების კომისიის ვალდებულებაა მასობრივი ინფორმაციის საშუალებებში აზრის გამოხატვის თავისუფლების რეალიზაცია, მაუწყებლებისა და მისი აუდიტორიის უფლებების დაცვა. კომისიამ განსაკუთრებულად უნდა დაიცვას აუდიტორიის, მსმენელებისა და მაყურებლების ძირითადი უფლებები და კანონიერი ინტერესები.

გამომდინარე იქიდან, რომ აღნიშნული სიუჟეტი მაუწყებლის ეთერში 21:57 საათზე, საუკეთესო დროს განთავსდა, შესაძლებელია, რომ მას მაყურებლის დიდმა რაოდენობამ უყურა. მაუწყებლის აუდიტორიის წევრები კი დროის ამ მონაკვეთში, ასევე შესაძლოა ყოფილიყვნენ არასრულწლოვნებიც. არასრულწლოვნების ნორმალურ ფიზიკურ, მორალურ და მენტალურ განვითარებაზე პასუხისმგებლობა, როგორც წესი, მშობლებს ან კანონიერ წარმომადგენლებს ეკისრებათ, თუმცა მათ არ შეიძლებოდა ჰქონოდათ იმის გონივრული მოლოდინი, რომ 21:57 საათზე, საზოგადოებრივ-პოლიტიკურ გადაცემაში უხამსობის შემცველი, არასრულწლოვნისთვის მავნე ზეგავლენის მომხდენი სიუჟეტი განთავსდებოდა. შესაბამისად, ასეთ შემთხვევებში პასუხისმგებლობა გადადის მაუწყებელზე

გარდა იმისა, რომ სიუჟეტი არღვევს არასრულწლოვანი აუდიტორიის უფლებებს, საზოგადოებრივ-პოლიტიკურ პროგრამაში უხამსობის შემცველი გადაცემების განთავსება ასევე პრობლემურია სრულწლოვანი აუდიტორიის უფლებებთან მიმართებითაც. შესაბამისად, კომისიამ ასევე გაითვალისწინა იმ სრულწლოვანი მაყურებლების ინტერესები, რომლებიც არასრულწლოვნებთან ერთად ცხოვრობენ, უყურებენ ან უსმენენ სამაუწყებლო პროგრამებს. იმ შემთხვევაში, თუ ახალი ამბებისა და საზოგადოებრივ-პოლიტიკურ გადაცემებში იქნება უხამსობის შემცველი, არასრულწლოვნისთვის შეუფერებელი სიუჟეტები, მშობელი კარგავს გონივრულ შესაძლებლობას, ტელევიზიის საშუალებით მიიღოს სათანადო ინფორმაცია ქვეყანასა და მსოფლიოში მიმდინარე მოვლენების შესახებ. ბუნებრივია, სრულწლოვან პირებს აქვთ არჩევანის შესაძლებლობა, სხვა მაუწყებლის საზოგადოებრივ-პოლიტიკურ პროგრამებს უყურონ, თუმცა, იმ შემთხვევაში, თუ კომუნიკაციების კომისია ეფექტურად არ მოახდენს რეაგირებას უხამსობის შემცველ გადაცემებზე, შესაძლოა, ნებისმიერი საზოგადოებრივ-პოლიტიკური გადაცემა გახდეს არაეთიკური სიუჟეტებით, უხამსი განცხადებებით და ქმედებებით გაჯერებული და მაყურებელს არჩევანი არ დარჩეს.

შეგახსენებთ, რომ კომუნიკაციების კომისიის მიერ ჩატარებულმა 2020 წლის საპარლამენტო არჩევნების წინასაარჩევნო მედიამონიტორინგის შედეგებმა აჩვენა, რომ მრავალფეროვან მედიაგარემოში ყველაზე დიდი პრობლემა, სწორედ ეთერში უხამსობის შემცველი გადაცემები და გამონათქვამებია, რომელიც ლახავს ადამიანის ძირითად უფლებებს. უხამსობის შემცველი გადაცემების ეთერში განთავსებასთან დაკავშირებით, კომუნიკაციების კომისიამ 2020 წლის 7 დეკემბერს განცხადება გაავრცელა და მაუწყებლებს მოუწოდა, დაიცვან კანონმდებლობის მოთხოვნები და არ განათავსონ ეთერში ადამიანების ღირსებისა და ძირითად უფლებათა შემლახავი უხამსობის შემცველი გადაცემები.

2009 წელს საკონსტიტუციო სასამართლოს მიერ მიღებული გადაწყვეტილების გათვალისწინებით, კომუნიკაციების კომისია ვალდებულია განიხილოს და სამართლებრივი რეაგირება მოახდინოს, როდესაც მაუწყებლის ეთერში ადამიანის ღირსებისა და ძირითად უფლებათა შემლახავი უხამსობის შემცველი გადაცემის განთავსება ხდება.

მედიის მიერ უხამსობის შემცველი, შეურაცხმყოფელი ინფორმაციის გავრცელებასთან დაკავშირებით ფართოა საერთაშორისო მაგალითები და პრაქტიკა. ამ მიმართულებით საინტერესოა გაერთიანებული სამეფოს მარეგულირებელი ორგანოს - კომუნიკაციების ოფისისა (Ofcom) და აშშ-ს ფედერალურ კომუნიკაციების კომისიის (FCC) მიერ მიღებული არა ერთი გადაწყვეტილება“, - აღნიშნულია კომუნიკაციების კომისიის მიერ გავრცელებულ ინფორმაციაში.

ყველა სიახლე

კარლ ჰარცელი

08 მარტი 2021, 10:30

პოლიტიკა

კარლ ჰარცელი: დროა, ვიმუშაოთ იმ ბარიერების აღმოსაფხვრელად, რომლებიც ხელს უშლის ქალებს, სრულყოფილი წვლილი შეიტანონ საქართველოს, გაძლიერებაში

ჩემი გზავნილი მარტივია - ქვეყანა მხოლოდ მაშინ იქნება ძლიერი, როდესაც ყველას მიეცემა თანაბარი შესაძლებლობა მაქსიმალურად გამოიყენოს საკუთარი პოტენციალი, - აცხადებს ევროკავშირის ელჩი საქართველოში, კარლ ჰარცელი ვიდეომიმართვაში, რომელიც ქალთა საერთაშორისო დღესთან დაკავშირებით გაავრცელა.

კარლ ჰარცელი

08 მარტი 2021, 10:23

საზოგადოება

კარლ ჰარცელი: საქართველო წინ მიიწევს გენდერული თანასწორობისკენ, მაგრამ ჯერ კიდევ გრძელი გზაა გასავლელი

„ქვეყანა მხოლოდ მაშინ იქნება ძლიერი, როდესაც ყველას მიეცემა თანაბარი შესაძლებლობა მაქსიმალურად გამოიყენოს საკუთარი პოტენციალი. დროა, ვიმუშაოთ იმ ბარიერების აღმოსაფხვრელად, რომლებიც ხელს უშლის გოგონებსა და ქალებს სრულყოფილი წვლილი შეიტანონ საქართველოს მაქსიმალურად გაძლიერებაში“ - აღნიშნავს ევროკავშირის ელჩი.

08 მარტი 2021, 10:11

საზოგადოება

ქალების მხარდასაჭერად, ევროკავშირი საქართველოში ახალ კამპანიას იწყებს

ქალთა საერთშორისო დღეს, 8 მარტს ევროკავშირი საქართველოში ახალ საინფორმაციო კამპანიას - „ძლიერი ქალები-ძლიერი საქართველო“ იწყებს. როგორც ევროკავშირის წარმომადგენლობა განმარტავს, კამოპანიის მიზანი იმ უმნიშვნელოვანესი როლის წარმოჩენაა, რომელსაც ქალები ასრულებენ როგორც საქართველოში, ისე მთელ მსოფლიოში - უფრო თანასწორი მომავლის შესაქმენლად.

გომი-საჩხერე

08 მარტი 2021, 09:59

რეგიონი

გომი-საჩხერე-ჭიათურა-ზესტაფონის გზაზე მისაბმელიანი ავტოტრანსპორტის მოძრაობა აკრძალულია

გომი-საჩხერე-ჭიათურა-ზესტაფონის გზაზე მისაბმელიანი ავტოტრანსპორტის მოძრაობა აკრძალულია. ინფორმაციას ამის შესახებ საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტი ავრცელებს.

ვაზიანი-შუამთა

08 მარტი 2021, 09:55

რეგიონი

ვაზიანი-შუამთის მონასტრის გადასახვევის მონაკვეთზე ნებადართულია მხოლოდ მაღალი გამავლობის ავტოტრანსპორტის მოძრაობა

ვაზიანი-შუამთის მონასტრის გადასახვევის მონაკვეთზე ნებადართულია მხოლოდ მაღალი გამავლობის ავტოტრანსპორტის მოძრაობა. ინფორმაციას ამის შესახებ საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტი ავრცელებს.

ვასილ მაღლაფერიძე

08 მარტი 2021, 09:52

პოლიტიკა

ვასილ მაღლაფერიძე „ქართული ოცნების“ თავმჯდომარის მოადგილის თანამდებობას ტოვებს

ვასილ მაღლაფერიძე პარტია „ქართული ოცნების“ თავმჯდომარის მოადგილის თანამდებობას ტოვებს. ამის შესახებ ის სოციალურ ქსელში წერს. ვასილ მაღლაფერიძის განმარტებით, ის პოლიტიკურ თანამდებობას ჯანმრთელობის მდგომარეობის გამო ტოვებს.

08 მარტი 2021, 09:46

რეგიონი

გომი-საჩხერეს მონაკვეთზე მისაბმელიანი ავტოტრანსპორტის მოძრაობა აკრძალულია

საავტომობილო გზების დეპარტამენტის ინფორმაციით, ინტენსიური თოვის და ლიპყინულის გამო, შიდასახელმწიფოებრივი მნიშვნელობის (შ-22) გომი-საჩხერე-ჭიათურა-ზესტაფონის საავტომობილო გზის კმ1-კმ52 (გომი-საჩხერე) მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.

მიხეილ ჩხენკელი

08 მარტი 2021, 09:34

საზოგადოება

მიხეილ ჩხენკელმა ქალებს 8 მარტი მიულოცა

მიხეილ ჩხენკელმა კინორეჟისორი ლანა ღოღობერიძეც მოინახულა. მინისტრმა ქალთა დღე მიულოცა 62-ე საჯარო სკოლის ქართული ენისა და ლიტერატურის მენტორ მასწავლებელს გულიზარ ბიწაძეს, რომელიც 60 წელია პედაგოგიურ მოღვაწეობას ეწევა.

08 მარტი 2021, 09:18

საზოგადოება

როგორი ამინდია მოსალოდნელი დღეს საქართველოში

სინოპტიკოსები 8 მარტს ქუთაისში თოვლს პროგნოზირებენ. დღისით +5 გრადუსია ნავარაუდევი, ღამით კი -1 გრადუსი იქნება. ოზურგეთშიც მოთოვს. დღისით +6 გრადუსია მოსალოდნელი, ღამით კი 0 გრადუსი. ასევე თოვაა მოსალოდნელი ბათუმში, სადაც დღისით სინოპტიკოსები +6 გრადუსს პროგნოზირებენ, ღამით კი +2 გრადუსი დაფიქსირდება.

08 მარტი 2021, 08:56

რეგიონი

ბათუმში ხანძარს მსხვერპლი მოჰყვა

ბათუმში ხანძარს ერთი ადამიანი ემსხვერპლა. ცეცხლი საცხოვრებელ სახლში გაჩნდა. ადგილზე მობილიზებული იყო 5 სახანძრო-სამაშველო ეკიპაჟი. სახლში ხუთი ოჯახი ცხოვრობდა.

ჟოან ლაპოტა

08 მარტი 2021, 08:41

სპორტი

„ბარსელონას“ პრეზიდენტი ჟოან ლაპორტა გახდა

ამომრჩეველთა უმრავლესობამ ხმა ჟოან ლაპორტას მისცა. ის კლუბს მომავალი 4 წლის განმავლობაში უხელმძღვანელებს. არჩევნებში მე-2 პოზიცია კლუბის ლეგენდარული კაპიტნის კარლეს პუიოლის,ფავორიტმა ვიქტორ ფონტიმ დაიკავა.

08 მარტი 2021, 08:20

რეგიონი

სამთო კურორტებზე საბაგიროები დღეიდან გაიხსნება

სამთო სათხილამურო კურორტებზე მდებარე საბაგიროები დღეიდან ამუშავდება. შესაბამისი გადაწყვეტილება უწყებათაშორისმა საკოორდინაციო საბჭომ მიიღო. ადგილზე აუცილებელი იქნება ეპიდემიოლოგიური სტანდარტებისა და რეგულაციების დაცვა.

08 მარტი 2021, 08:09

ეკონომიკა

რესტორნები შიდა სივრცეებში მუშაობას დღეიდან განაახლებენ

სარესტორნო ბიზნესს სტანდარტული რეკომენდაციების დაცვა მოუწევს, სიახლეა ის, რომ მათ არ ექნებათ 360-ზე მეტი სტუმრის მიღების უფლება და ცოცხალი მუსიკა პირველ აპრილამდე შეზღუდული იქნება. რესტორნების გარე სიცრცეები 15 თებერვლიდან გაიხსნა. ძალაში რჩება შაბათ-კვირას არსებული შეზღუდვა.

08 მარტი 2021, 07:59

ეკონომიკა

დღეიდან სავაჭრო მოლები და ბაზრობები შაბათ-კვირის ჩათვლით იმუშავებენ

შესაბამისი გადაწყვეტილება უწყებათაშორისმა საკოორდინაციო საბჭომ კორონავირუსთან დაკავშირებული შეზღუდვების შემსუბუქების ფარგლებში მიიღო. სავაჭრო ცენტრებმა და მაღაზიებმა მუშაობა პირველი თებერვლიდან განაახლეს, ხოლო ბაზრობებმა 8 თებერვლიდან, თუმცა შეზღუდვა ამ დრომდე ძალაში რჩებოდა შაბათ-კვირას.

08 მარტი 2021, 01:03

საზოგადოება

„იმედის“ ეთერში საქველმოქმედო მარათონის შედეგად ონკოლოგიური დიაგნოზის მქონე ბავშვებისთვის ნახევარ მილიონ ლარზე მეტი შეგროვდა

საქველმოქმედო მარათონის შედეგად, ბავშვების დასახმარებლად 570 641 ლარი შეგროვდა.

08 მარტი 2021, 00:52

კულტურა

Metal Hammer-მა საუკუნის საუკეთესო სიმღერა დაასახელა 🎸🤘

რეიტინგის პირველ ადგილზეა System of a Down-ის ცნობილი ტრეკი Chop Suey!. 2001 წელს გამოსულ ამ სიმღერას რომელსაც YouTube-ზე მილიარდზე მეტი ნახვა აქვს.

წერილი

08 მარტი 2021, 00:26

ტაბლოიდი

მეცნიერებმა 300 წლის წინ დაწერილი წერილების გაუხსნელად წაკითხვა შეძლეს

საუბარი 577 წერილზეა, რომლებიც ჰააგაში 1689-1706 წლებში გაიგზავნა. ისინი სკივრში აღმოაჩინეს. მაგრამ საუკუნეების წინ, კონვერტების გამოგონებამდე წერილებს სპეციალური მეთოდით კეცავდნენ დაწერილი თვითონ ხდებოდა „კონვერტი“, თუმცა სიტყვები დამალული რჩებოდა. ასეთი წერილების წაკითხვა დღემდე მხოლოდ მათი გაჭრის შემთხვევაში შეიძლებოდა. მაგრამ ხშირ შემთხვევაში ეს მეთოდი ასოებს აზიანებდა და წერილის შინაარსი იკარგებოდა.

ლუკა კურტანიძე

08 მარტი 2021, 00:13

საზოგადოება

ლუკა კურტანიძე ბერა ივანიშვილს: დიდი ადამიანის შვილი ხარ და ამასთანავე სამაგალითო! რადგან ასეთი ხარ, მეგობარო, ამიტომაც მოგიწევს ასეთი ტვირთის ზიდვა ცხოვრებაში

დიდი ადამიანის შვილი ხარ და ამასთანავე სამაგალითო შვილი, მოქალაქე და პიროვნება! რადგან ასეთი ხარ, მეგობარო, ამიტომაც მოგიწევს ასეთი ტვირთის ზიდვა ცხოვრებაში! დიახ, მეამაყები ბერა, მეგობარო!, - ამის შესახებ მსოფლიოს ჩემპიონი, ლუკა კურტანიძესოციალურ ქსელში წერს და თავისი პოსტით ბერა ივანიშვილს მხარდაჭრას უცხადებს, „ბერა, მეგობარო! ჩვენ ისტორიულად ვცხოვრობთ იმ ქვეყანაში, სადაც ყველაფრის მკადრებელი არსებები... ჯერ სიტყვით კლავენ ადამიანს და შემდეგ, თუ ფიზიკურად შეძლეს, ამას გამარჯვებას უწოდებენ!

07 მარტი 2021, 23:49

ეკონომიკა

Financial Times-მა გაარკვია როგორი ალკოჰოლური სასმელებია პოპულარული პანდემიის დროს

ამაზე საზღვრების ჩაკეტვამაც იმოქმედა - ბევრს საზღვარგარეთ დაგეგმილი მოგზაურობა ჩაეშალა, ამიტომ ადამიანებმა შვებულებისთვის დაზოგილი თანხის ხარჯვა დაიწყეს, მათ შორის ძვირადღირებულ ალკოჰოლზე.

ქეთევან ბაკარაძე

07 მარტი 2021, 23:41

საზოგადოება

ქეთევან ბაკარაძე: მე ვრიცხავ „სოლიდარობის ფონდში" 1 000 ლარს და გთხოვთ ყველას, შესაძლებლობიდან გამომდინარე, შეუერთდეთ ამ კამპანიას

„ვუყურებ გადაცემა „ავტოგრაფის" ტელემარათონს და ძალიან სასიხარულოა, რომ „სოლიდარობის ფონდთან" კოორდინირებით კიდევ ერთი სასიცოცხლოდ მნიშვნელოვანი პროექტი ხორციელდება მძიმე სენით დაავადებული ბავშვების გადასარჩენად. ეს ის ფონდია, რომელთანაც აქტიურად თანამშრომლობს აფხაზეთის ჯანდაცვის სამინისტრო და რომელმაც არაერთ პატარას გაუწია დახმარება, მათ შორის ოკუპირებულ ტერიტორიებიდან. დღეს ჩვენი და ჩვენი შვილების სახელით უნდა გავერთიანდეთ, რომ ჩვენი საზოგადოების კიდევ უფრო მეტმა წევრმა შეიტანოს წვლილი ამ ფასდაუდებელ საქმეში. მე დღეს ჩემი ხელფასიდან ფონდში ვრიცხავ 1 000 ლარს და გთხოვთ ყველას, შესაძლებლობიდან გამომდინარე, შეურთდეთ ამ კამპანიას, თუნდაც ერთი სატელეფონო ზარით, ნომერზე - 0901121212", - წერს ბაკარაძე სოციალურ ქსელში.