imedi /  28 იანვარი 2021, 18:11 / სანდო წყარო

კახა ბექაური: ჩვენ დავიცავთ მაყურებლის უფლებებს, რათა არ ხდებოდეს უხამსობით, შეურაცხყოფით, სიძულვილით განსხვავებული აზრის დევნა

კახა ბექაური

კახა ბექაური

„დღეს კომისიამ დაადგინა, რომ „მთავარმა არხმა“ ეთერში უხამსობა განათავსა, ეს საკითხი რიგ მედიასაშუალებებში ისე გაშუქდა, თითქოს კომუნიკაციების კომისია მედიის ცენზურას იწყებს, ვინც ამას აკეთებს და საუბრობს, ყველამ კარგად იცის, რომ კომუნიკაციების კომისიის მიზანი არა მედიის ცენზურა, არამედ პირიქით, გამოხატვის თავისუფლების და მაყურებლის ინტერესების დაცვაა. ყველამ იცის ისიც, რომ დღეს საქართველოში მედიის თავისუფლება ისეა დაცული, როგორც აქამდე არასდროს ყოფილა“, - ეს განცხადება კომუნიკაციების კომისიის თავმჯდომარემ კახა ბექაურმა კომუნიკაციების კომისიის სხდომაზე გააკეთა, სადაც „მთავარი არხის“ ეთერში გასულ სიუჟეტზე კომუნიკაციების კომისიამ გადაწყვეტილება მიიღო.

კომუნიკაციების კომისიის თავმჯდომარის განცხადებით, როდესაც მედიასაშუალებებში უხამსობის ტირაჟირებას ახდენენ პოლიტიკოსებისა და საჯარო მოხელეების მიმართ, ეს გამოხატვის თავისუფლებაში ჯდება, რადგან მათ თმენის მაღალი ვალდებულება აქვთ, თუმცა, ასეთ დროს მაუწყებელს არ უნდა დაავიწყდეს მაყურებელი. ხოლო თუ ტელევიზია მაყურებლის უფლებების იგნორირებას ახდენს, კომუნიკაციების კომისია ვალდებულია, დაიცვას მაყურებლის კანონიერი უფლება და ინტერესები.

„გამოხატვის თავისუფლების ნაწილში საკითხის განხილვის დროსაც განვმარტეთ და კიდევ ერთხელ, მკაფიოდ მინდა ვთქვა, რომ პოლიტიკოსებისა და საჯარო მოხელეების მიმართ გამოხატვის თავისუფლების მაღალი სტანდარტი მოქმედებს, შესაბამისად, კომისიას მიაჩნია, რომ საჯარო მოხელეების მიმართ და ამ სიუჟეტში დარღვევას არ ჰქონია ადგილი და ეს გადაწყვეტილებაში დეტალურად წერია. ამასთან, ბოლო დროს ხშირად ისმის აპელირება გამოხატვის თავისუფლებაზე, ჩვენ, როდესაც ასეთ საკითხებს ვიხილავთ, კარგად გვესმის გამოხატვის თავისუფლების მნიშვნელობა, მეტიც, დღეს ქვეყანაში მედიისა და გამოხატვის თავისუფლება არის ძალიან მაღალი სტანდარტის და ამას არანაირი საფრთხე არ ემუქრება, პირიქით“, - განაცხადა კომისიის თავმჯდომარემ.

კახა ბექაურის განცხადებით, კომუნიკაციების კომისიის მიზანი არა რომელიმე მედიის დაჯარიმება, არამედ მაყურებლის ინტერესების დაცვაა და ყველა განცხადება იმაზე, რომ დღევანდელი კომისია ცენზურას ამკვიდრებს, არის სიცრუე.

„ჩვენ დავიცავთ მაყურებლის უფლებებს, რათა არ ხდებოდეს მედიაში უხამსობით, შეურაცხყოფით, სიძულვილით განსხვავებული აზრის დევნა. დღევანდელი გადაწყვეტილებაც სწორედ ამას ემსახურება, ჩვენ დავადგინეთ დარღვევა, მაგრამ მაუწყებელი პასუხისმგებლობისგან გავათავისუფლეთ, რადგან ჩვენი მიზანი კონკრეტული მაუწყებლის დაჯარიმება არ არის, პირიქით ჩვენი ამოცანაა დავნერგოთ მაღალი სტანდარტი ერთობლივად, არა მხოლოდ კომისიამ, არამედ მედიამ, რესპონდენტებმა და საზოგადოებამ ერთად. გვსურს, რომ მედია დაიცალოს უხამსობისგან და სიძულვილის ენისგან იმისთვის, რომ დავიცვათ მაყურებელი, როგორც ამას დასავლურ ქვეყნები აკეთებენ“, - განაცხადა კახა ბექაურმა.

კომუნიკაციების კომისიის თავმჯდომარის განცხადებით, აღნიშნულ საკითხზე მსჯელობა მომავალშიც უნდა გაგრძელდეს, მათ შორის, საკანონმდებლო დონეზე.


„საჭირო იქნება მომავალშიც მსჯელობა, აზრების გაცვლა და საკანონმდებლო პაკეტის განხილვა, რომელიც პარლამენტშია და რომელიც ევრო დირექტივის შესაბამისადაა მომზადებული. იმედი მაქვს უახლეს მომავალში დაიწყება საკითხის განხილვა, რომელშიც საზოგადოების მაღალი ჩართულობა იქნება. დასავლურ მედიაში ამის კარგი პრაქტიკა არსებობს და სწორედ დასავლური სტანდარტის მიდგომას ნერგავს კომისია, ეს კარგად უნდა იყოს ყველასთვის ცნობილი და განსაკუთრებით მედიასაშუალებებმა უნდა გაითავისონ“, - განაცხადა კახა ბექაურმა.

ყველა სიახლე

27 თებერვალი 2021, 01:46

მსოფლიო

საუდის არაბეთი ჯამალ ხაშოგის მკვლელობაზე აშშ-ის დაზვერვის მიერ გამოქვეყნებულ ანგარიშს კატეგორიულად უარყოფს

საუდის არაბეთის სამეფო ჯამალ ხაშოგის მკვლელობაზე აშშ-ის დაზვერვის მიერ გამოქვეყნებულ ანგარიშს კატეგორიულად უარყოფს.

27 თებერვალი 2021, 00:38

COVID19

ბოლო 24 საათში საფრანგეთში კორონავირუსის 25 207 ახალი შემთხვევა დადასტურდა

საფრანგეთის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 25 207 ახალი შემთხვევა დადასტურდა, ხოლო 286 ადამიანი ვირუსს ემსხვერპლა.

27 თებერვალი 2021, 00:13

ტაბლოიდი

აშშ-ის კონსერვატიული ძალების კონფერენციაზე დონალდ ტრამპის „ოქროს“ ქანდაკება დადგეს. ვიდეო

აშშ-ის კონსერვატიული პოლიტიკური ქმედებებების კონფერენციაზე (CPAC) დონალდ ტრამპის „ოქროს“ ქანდაკება დადგეს.

ვიქტორ ლუკაშენკო

27 თებერვალი 2021, 00:01

მსოფლიო

ბელარუსის ოლიმპიური კომიტეტის თავმჯდომარის პოსტზე ალექსანდრე ლუკაშენკო მისმა ვაჟმა ჩაანაცვლა

ბელარუსის ეროვნული ოლიმპიური კომიტეტის თავმჯდომარის პოსტზე ალექსანდრე ლუკაშენკო მისმა ვაჟმა ჩაანაცვლა. ამის შესახებ სააგენტო Belta წერს.

26 თებერვალი 2021, 23:54

COVID19

ბოლო 24 საათში მსოფლიოში კორონავირუსის 427 ათასზე მეტი ახალი შემთხვევა დადასტურდა

ჯანდაცვის მსოფლიო ორგანიზაციის მონაცემებით, მსოფლიოში გასული დღე-ღამის განმავლობაში, კორონავირუსის 427 644 ახალი შემთხვევა დადასტურდა, ხოლო 10 093 ადამიანი ვირუსს ემსხვერპლა.

თამარ გაბუნია

26 თებერვალი 2021, 23:49

COVID19

თამარ გაბუნია: ვიდრე არ იქნება ავიარეისის კონკრეტული თარიღი, ვაქცინის ჩამოსვლის დროს არ დავასახელებ

მიმდინარეობს კონსულტაციები, როდის იქნება ვაქცინის ქვეყანაში შემოტანის კონკრეტული თარიღი, - დევნილთა, შრომის, ჯანმრთელობისა და სოციალური დაცვის მინისტრის პირველმა მოადგილემ, თამარ გაბუნიამ „რუსთავი 2“-ის ეთერში ისაუბრა „კოვაქსის“ პლატფორმა, იმ რეჟიმში, რა რეჟიმშიც ჩვენთან თანამშრომლობს, მაქსიმალური მცდელობის პირობებში პირველი გარანტირებული განცხადება იყო თებერვლის ბოლო, თუმცა მწარმოებლის შეფერხებიდან გამომდინარე, ამ ვადამ გადაიწია, რაც არ არის ჩვენი კონკრეტული პრობლემა. ეს პრობლემა არის ყველა იმ

გიორგი ხელაშვილი

26 თებერვალი 2021, 23:41

პოლიტიკა

გიორგი ხელაშვილი: ნიკა მელიას პაიკივით შეწირვა სააკაშვილის მხრიდან იყო ინსპირირებული, რათა ხელისუფლებისა და ქვეყნის იმიჯი გაუარესებულიყო

სააკაშვილის მხრიდან იყო ინსპირირებული, ფაქტობრივად, მსხვერპლად, პაიკივით ნიკა მელიას შეწირვა ამ თამაშში, რათა ხელისუფლებისა და ქვეყნის იმიჯი გაუარესებულიყო, - ამის შესახებ პარლამენტის საგარეო ურთიერთობათა კომიტეტის თავმჯდომარის პირველმა მოადგილემ, გიორგი ხელაშვილმა „ღამის კურიერის" ეთერში განაცხადა. კითხვაზე, ვისი პასუხისმგებლობის საკითხი დადგა „ქართულ ოცნებაში" საერთაშორისო ორგანიზაციებისგან გაკეთებული შეფასებების გამო, ხელაშვილმა განაცხადა, რომ მომხდარზე პასუხისმგებლობას როგორც ხელისუფლება, ასევე ოპოზიციაც ინაწილებს, ვინაიდან ორივე მხარეს ერთად უნდა მოეძებნა აღნიშნული ვითარებიდან გამოსავალი.

თეა ახვლედიანი

26 თებერვალი 2021, 23:34

რეგიონი

თეა ახვლედიანი: ცხინვალის რეგიონში განთავსებული საოკუპაციო რეჟიმის სამხედრო შენაერთები უკანონო წვრთნებით პროვოკაციებს აგრძელებენ

თეა ახვლედიანის თქმით, ოკუპირებულ ცხინვალის რეგიონში უკანონო სამხედრო წვრთნები ბოლო რამდენიმე დღეა მიმდინარეობს. იქ განთავსებული საოკუპაციო რეჟიმის სამხედრო შენაერთები უკანონო წვრთნებით პროვოკაციებს აგრძელებენ. ახვლედიანმა აღნიშნა, რომ ამ ფაქტზე უკვე გააქტიურდა ცხელი ხაზი და ევროკავშირის სადამკვირვებლო მისია ინფორმირებულია. მინისტრმა დასძინა, რომ მსგავსი შემთხვევები განიხილება, როგორც ინციდენტების პრევენციისა და მათზე რეაგირების მექანიზმის ფარგლებში სამუშაო შეხვედრებზე, ისე ჟენევის დისკუსიებზე.

კორონავირუსი

26 თებერვალი 2021, 23:32

COVID19

ოკუპირებულ აფხაზეთში კოვიდინფიცირების 11 ახალი შემთხვევა გამოვლინდა, 1 პაციენტი კი გარდაიცვალა

ბოლო 24 საათში ოკუპირებულ აფხაზეთში კორონავირუსზე ტესტირება 161 ადამიანს ჩაუტარდა, საიდანაც ინფექცია 11-ს აღმოაჩნდა, 1 პაციენტი კი გარდაიცვალა.

26 თებერვალი 2021, 23:19

მსოფლიო

ჯამალ ხაშოგის მკვლელობის გამო, აშშ საუდის არაბეთის 76 მოქალაქეს სავიზო სანქციებს უწესებს

ჟურნალისტი ჯამალ ხაშოგის მკვლელობის გამო, აშშ საუდის არაბეთის 76 მოქალაქეს სავიზო სანქციებს უწესებს. ამის შესახებ აშშ-ის სახელმწიფო მდივანმა, ენტონი ბლინკენმა განაცხადა.

მამუკა ხაზარაძე

26 თებერვალი 2021, 22:54

პოლიტიკა

მამუკა ხაზარაძე არ ეთანხმება რუსთაველის გადაკეტვის გეგმას და აცხადებს, რომ ულტიმატუმებით საუბარი სწორი არ არის

„ლელო საქართველოსთვის“ ლიდერი მამუკა ხაზარაძე არ ეთანხმება რუსთაველის გადაკეტვის გეგმას და აცხადებს, რომ ულტიმატუმებით საუბარი სწორი არ არის. ამის შესახებ მან „ტვ პირველის“ ეთერში განაცხადა.

26 თებერვალი 2021, 22:29

მსოფლიო

აშშ-ის დაზვერვა: საუდის არაბეთის მემკვიდრე პრინცმა ჯამალ ხაშოგის მკვლელობის სანქცია გასცა

საუდის არაბეთის მემკვიდრე პრინცმა, მუჰამედ ბინ სალმანმა ჟურნალისტი ჯამალ ხაშოგის მკვლელობის სანქცია გასცა. ამის შესახებ ჯო ბაიდენის ადმინისტრაციის მიერ გამოქვეყნებულ სადაზვერვო ანგარიშშია ნათქვამი.

26 თებერვალი 2021, 22:16

COVID19

ბოლო 24 საათში თურქეთში კორონავირუსის 9 205 ახალი შემთხვევა დადასტურდა

თურქეთის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 9 205 ახალი შემთხვევა დადასტურდა, ხოლო 74 ადამიანი ვირუსს ემსხვერპლა.

26 თებერვალი 2021, 22:11

COVID19

ბოლო 24 საათში ესპანეთში კორონავირუსის 8 341 ახალი შემთხვევა დადასტურდა

ესპანეთის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 8 341 ახალი შემთხვევა დადასტურდა, ხოლო 329 ადამიანი გარდაიცვალა.

ტედროს ადჰანომ გებრეიესუსი

26 თებერვალი 2021, 22:03

COVID19

ჯანმოს დირექტორი: საერთაშორისო თანამეგობრობამ ვაქცინების წარმოება უნდა გაზარდოს

ჯანდაცვის მსოფლიო ორგანიზაციის გენერალურმა დირექტორმა, ტედროს ადჰანომ გებრეიესუსმა განაცხადა, რომ საერთაშორისო თანამეგობრობამ ვაქცინების წარმოება უნდა გაზარდოს.

რეჯეფ თაიფ ერდოღანი

26 თებერვალი 2021, 21:33

მსოფლიო

ერდოღანი: მიუღებელია სამხედროების მხრიდან ჩარევა - ხელისუფლების შეცვლა სომეხი ხალხის უფლებაა

თურქეთის პრეზიდენტმა, რეჯეფ თაიფ ერდოღანმა განაცხადა, რომ სახელმწიფო გადატრიალების მცდელობის წინააღმდეგია და ეს სომხეთსაც ეხება.

26 თებერვალი 2021, 21:16

ეკონომიკა

ტურიზმის ეროვნული ადმინისტრაციის ხელმძღვანელობამ ბიზნეს ასოციაციის წევრებს ტურიზმის აღდგენის გეგმა და მიმდინარე პროექტები გააცნო

ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელის მოვალეობის შემსრულებელმა მედეა ჯანიაშვილმა საქართველოს ბიზნეს ასოციაციაში, ტურიზმის კომიტეტის სხდომაზე, ტურიზმის უსაფრთხო აღდგენის შესახებ პრეზენტაცია გამართა. მედეა ჯანიაშვილმა შეხვედრის მონაწილეებს ტურიზმის ადმინისტრაციის საერთაშორისო მარკეტინგული გეგმები გააცნო. ბიზნეს ასოციაციის წევრებთან ერთად შეხვედრას საქართველოს ბიზნეს ასოციაციის პრეზიდენტი სოსო ფხაკაძე და საქართველოს ბიზნეს ასოციაციის ტურიზმის კომიტეტის თავმჯდომარე გიორგი მარი ესწრებოდნენ.

ლინკოლნ მიტჩელი

26 თებერვალი 2021, 21:05

პოლიტიკა

ლინკოლნ მიტჩელი: „ნაციონალური მოძრაობა“ ცდილობს გავლენა მოახდინოს შეხედულებებზე ვაშინგტონში

„ქრონიკის“ ვაშინგტონის ბიუროსთან ინტერვიუში, პოლიტიკის მკვლევარი, ლინკოლნ მიტჩელი, საუბრობს „ერთიანი ნაციონალური მოძრაობის“ მიერ გაფორმებულ, ახალ ლობისტურ კონტრაქტზე და აფასებს ლობიზმის გავლენას ვაშინგტონში, პოლიტიკის ფორმირებაზე. მისი თქმით ქართველებისთვის შემაშფოთებელი უდნა იყოს ის თუ რატომ არ ისმის ამბის ორივე მხარის ვერსია ვაშინგტონში თანაბრად.

26 თებერვალი 2021, 20:58

პოლიტიკა

„ნაციონალურმა მოძრაობამ“ ამერიკაში ლობისტურ კომპანიასთან ახალი 150 ათას დოლარიანი კონტრაქტი გააფორმა

„ნაციონალურმა მოძრაობამ“ ამერიკაში ლობისტურ კომპანიასთან ახალი კონტრაქტი გააფორმა. ვადა 2 წელი და 5 თვეა, მომსახურებისთვის გაღებული თანხა კი - 150 000 დოლარი. „უცხოეთის აგენტების რეგისტრაციის აქტი“, რომლის აღსრულებასაც შეერთებული შტატების იუსტიციის დეპარტამენტი უზრუნველყოფს, ამერიკაში მოქმედ ლობისტურ კომპანიებს ავალდებულებს მათი კონტრაქტების გასაჯაროებას.

თბილისის საქალაქო სასამართლო

26 თებერვალი 2021, 20:56

სამართალი

ვახო სანაიაზე თავდასხმის ფაქტზე ბრალდებულ სამივე პირს პატიმრობა შეეფარდა

ჟურნალისტ ვახო სანაიაზე თავდასხმის ფაქტზე სამივე დაკავებულს - სულიკო საყევარაშვილს, გიორგი სახელაშვილსა და ვაჟა გიგაურს აღკვეთის ღონისძიების სახით პატიმრობა შეეფარდა. ამის შესახებ თბილისის საქალაქო სასამართლოს მოსამართლემ, ლაშა კლდიაშვილმა განაცხადა.