imedi /  06 იანვარი 2023, 23:35 / სანდო წყარო

ილია მეორე: ქრისტიანული რწმენა და მცნებები ჩვენში სინდისის ხმის სიძლიერისა და მართებულობის ყველაზე უტყუარი განმსაზღვრელია და ჩვენი სულის სწორად განვითარების შესაძლებლობაა, რადგან სინდისი ჩვენს ნებას ღვთის ნებასთან აკავშირებს

ილია მეორე

ილია მეორე

ქრისტიანული რწმენა და მცნებები ჩვენში სინდისის ხმის სიძლიერისა და მართებულობის ყველაზე უტყუარი განმსაზღვრელია და ჩვენი სულის სწორად განვითარების შესაძლებლობაა, რადგან სინდისი ჩვენს ნებას ღვთის ნებასთან აკავშირებს, - ამის შესახებ სრულიად საქართველოს კათოლიკოს-პატრიარქის ილია II-ის სააღდგომო ეპისტოლეშია ნათქვამი.

„ყოვლადსამღვდელონო მღვდელმთავარნო, ღირსნო მოძღვარნო, დიაკონნო, ბერ-მონოზონნო, ხელისუფალნო, საქართველოს წმინდა მართლმადიდებელი ეკლესიის ყოველნო წევრნო, მკვიდრნო ივერიისა და ჩვენი ქვეყნის საზღვრებს გარეთ მცხოვრებნო თანამემამულენო,

ვჰმადლობდეთ მამას, რომელმაც გვიხსნა სიბნელის ხელმწიფებისაგან… და შეგვიყვანა თავისი საყვარელი ძის სასუფეველში“ (კოლ.1.13)

დგება ჟამი გამოუთქმელი სიდიადისა!

იშვება ქრისტე, ირღვევა სიბნელის საკვრელნი, „ჩრდილნი უკუმსვლელობენ და ჭეშმარიტება შემოდის სინათლის დასამკვიდრებლად“.

როგორ შეხვდებით მას? გვექნება მონდომება და მზაობა იმისა, რომ ჩვენც ქრისტესთან ერთად თანავიშვათ, რათა თანაჯვარსვეცვათ, თანადავიფლათ, თანაავღდგეთ და მასთან ერთად ვიყოთ მარადიულად?

ეს ურთულესი კითხვაა და მასზე სწორი პასუხის გაცემა ჩვენი ცხოვრების აზრის გაცნობიერების გარეშე შეუძლებელია.

ფაქტია, ჩვენი მუდმივი ადგილი ამქვეყნად არ არის. ჩვენ ამ ყოფისთვის არა ვართ გაჩენილნი; უხრწნელად შევიქმენით და ამ მდგომარეობასვე უნდა დავუბრუნდეთ. ეს აუცილებლად მოხდება ჩვენი ამ ქვეყნიდან გასვლით, ოღონდ ჩვენი თავისუფალი ნებისა და ღვთის ნების თანხვედრაზეა დამოკიდებული, როგორი იქნება შემდგომი ჩვენი ხვედრი.

ჩვენი ნება ხორციელდება ჩვენი სულით, გულით, გონებითა და სიტყვით ამიტომაც მათზე ზრუნვა განსაკუთრებულად გვმართებს.

ჩვენი სულის ერთ-ერთი მთავარი გამოვლინებაა სინდისი.

სინდისი ღვთის ხმაა. მას ვერ დაიმორჩილებ, შენი სურვილისამებრ ვერ განაწყობ, ბოლომდე ვერც აღმოფხვრი; პირიქით, თავის მყოფობას მაშინაც გვაგრძნობინებს, როდესაც ვცდილობთ, გავექცეთ, თუმცა ისეც ხდება, რომ მუდმივი უგულვებელყოფით, მისი ხმა სუსტდება და აღარ გვესმის. არსებობს მდგომარეობაც, რასაც „დამწვარი სინდისი“ ჰქვია და ადამიანის უმძიმეს სულიერ ცხოვრებაზე მეტყველებს.

ქრისტიანული რწმენა და მცნებები ჩვენში სინდისის ხმის სიძლიერისა და მართებულობის ყველაზე უტყუარი განმსაზღვრელია და ჩვენი სულის სწორად განვითარების შესაძლებლობაა, რადგან სინდისი ჩვენს ნებას ღვთის ნებასთან აკავშირებს.

„ვერავინ ვერ დადებს სხვა საძირკველს, გარდა უკვე დადებულისა, რომელიც არის იესო ქრისტე. ხოლო თუ ვინ რას აშენებს ამ საძირკველზე - ოქროს, ვერცხლს, ძვირფას ქვებს, შეშას, თივას, ჩალას, - თითოეულის საქმე გამომჟღავნდება ... ცეცხლით გამჟღავნდება და ცეცხლითვე გამოიცდება, ვინ რას აკეთებს (1 კორ. 3, 11-13).

გული ცენტრია ჩვენი სიცოცხლისა, ჩვენი ცხოვრებისა; ღვთის შიში, გრძნობათა მთელი სამყარო და უფლთან ერთობის სურვილი მასში მყოფობს.

გონება კი გვეხმარება შევიცნოთ გარესამყარო და დავძლიოთ ჩვენი დაცემული ბუნება.

ცოდვისგან ადამიანის გული, გონება და სული თავისუფლდება ლოცვით, მარხვით, მღვიძარებითა და განსაცდელებით; ამიტომაც არ უნდა შეგვეშინდეს პრობლემების. სიბრძნეც გვასწავლის: „კეთილდღეობა შეიძლება უბედურებაზე საშიში იყოს და უბედურება - კეთილდღეობაზე მეტად მაცხოვნებელი.“

თუ სწორად ვცხოვრობთ, ღმერთი აუცილებლად დაგვეხმარება, მისი შეწევნა კი შეიძლება მოვიდეს იქ და მაშინ, რასაც ვერასდროს წარმოვიდგენდით.

ადამიანი განსაკუთრებული არსებაა, რომელიც შექმნილია ღვთის ხატად და მსგავსად; საიდუმლოებით მოიცავს როგორც მაკრო, ისე მიკრო სამყაროს და შესაქმის გვირგვინად და მეფედ არის დადგენილი.

მიუხედავად იმისა, რომ ცოდვით დაცემის შემდეგ ადამმა და მისმა შთამომავლობამ, საღვთო ღირსებებთან ერთად, უკეთურ ძალთა თვისებებიც შეიძინა და ბოროტის გავლენის ქვეშ მოექცა, შემოქმედმა მაინც არ მიგვატოვა;

კაცთა განსწავლა ათასწლეულთა მანძილზე ხდებოდა წინასწარმეტყველთა და მსაჯულთა მიერ, სიტყვითა და რჯულით, ასევე, ომებით, გამარჯვებებითა და დამარცხებებით... ბოლოს კი იუდას შტოში, იესეს მოდგმაში, დავითის სახლში, დაიბადა ყოვლადწმინდა ღვთისმშობელი, - საღვთო აღმშენებლობის მთელი ისტორიის თავის თავში მომცველი.

უფლის მოწყალებით მან მოიღო მადლი, - ეშვა შემოქმედი, რათა ადამიანის ბუნება განღმრთობილიყო და ჩვენი გონებისათვის მიუწვდომელი სასწაული აღსრულებულიყო.

მოციქული ბრძანებს: „ამიერიდან აღარა ხართ მონა, არამედ შვილი, ხოლო თუკი ძე ხარ, მაშინ ქრისტეს მიერ ღმერთის მემკვიდრეც“ (გალ.4.7).

ასეთი განსაცვიფრებელი სიდიადის თანაზიარია ადამიანი;

ასეთი დიადია თითოეული თქვენგანი!

და თუ თქვენ ცხოვრობთ ქრისტიანულად სადიდებლად ღვთისა და მსახურებად მოყვასისა, არა აქვს მნიშვნელობა, მეცნიერი ხარ, პოლიტიკოსი, ექიმი, მშენებელი, გლეხი, სპორტსმენი, პედაგოგი, მძღოლი, ჯარისკაცი თუ სხვა, შენი საქმიანობა ღვთისმსახურებად შეგერაცხება და ეს იქნება შენი ოქრო, გუნდრუკი და მური უფლისთვის მირთმეული და გაიხარებ ორსავ სოფელსა შინა.

განსაკუთრებული მნიშვნელობა აქვს სამართლიანობისა და ერთანობისათვის ჩვენს ზრუნვას, რადგან გეოპოლიტიკურად რთული ადგილი გვიკავია და მრავალი გამოწვევის წინაშე ვდგავართ. „ურთიერთას სიმძიმე იტვირთეთ და ესრე აღასრულეთ რჯული იგი ქრისტესი“ (გალატ.6,2), - მოგვიწოდებს წმინდა წერილი.

მოდის მაცხოვარი, რათა გაგვათავისუფლოს ურწმუნოებისაგან და ჩვენს უმნიშვნელოვანეს კითხვებს გასცეს პასუხი, უბოძოს კაცობრიობას ცათა სასუფევლის ცოდნა და სამართალი, ყველაფერს დაუბრუნოს მარადიულობა და იხსნას იგი სიკვდილისა და ხრწნილებისაგან, „რადგან კეთილ ინება მამამ, რომ მასში (ქრისტეში) დამკვიდრებულიყო მთელი სავსება და მისი საშუალებით შემოერიგებინა ყოველი“ (კოლას.1,19-20)

ყველას და, პირველ რიგში, უკრაინის ომის მძიმე შედეგებით დათრგუნულ და დაზარალებულ ბავშვებს, საერთოდ ნებისმიერ მოზარდს მინდა, მივულოცო ქრისტეშობის დიდებული ზეიმი; მივულოცო იგი ყველა ტვირთმძიმესა და მაშვრალს, რადგან ეს დღესასწაული აღმატებულია ნებისმიერ განსაცდელზე, ჰმეტობს თითოეული ჩვენგანის ტკივილს და იმედით გვავსებს.

ჩემო სულიერო შვილებო, საქართველოს მკვიდრნო და უცხოეთში მყოფნო თანამემამულენო, სულიერად წარვემართოთ ბეთლემისაკენ, რათა მწყემსებთან ერთად ვადიდით ყრმა იესო, მოგვებთან ერთად შევწიროთ ძღვენი,- ოქრო, გუნდრუკი და მური და ანგელოზებთან ერთად ვუგალობოთ: „დიდება მაღალთა შინა ღმერთსა, ქვეყანასა ზედა მშვიდობა და კაცთა შორის სათნოება.“

ღმერთმა და ყოვლადწმინდა ღვთისმშობელმა დალოცოს საქართველო!

ინებოს უფალმა ჩვენმა იესო ქრისტემ, ჩვენზეც აღსრულდეს წმინდა დავით მეფის სიტყვები:

„ნეტარ არს ხალხი, ვისთვისაც ღმერთი არის უფალი, ხალხი, - მისდა სამკვიდროდ გამორჩეული“ (ფსალ. 32.12)“, - აღნიშნულია პატრიარქის საშობაო ეპისტოლეში.

სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის და ბიჭვინთისა და ცხუმ-აფხაზეთის მიტროპოლიტის ილია II-ისსაშობაო ეპისტოლე სრულად იხილეთ ამ ბმულზე.

ყველა სიახლე

05 თებერვალი 2023, 18:57

მსოფლიო

ისრაელში სასამართლო რეფორმის წინააღმდეგ საპროტესტო გამოსვლები გრძელდება

ისრაელში მთავრობის მიერ დაანონსებული სასამართლო რეფორმის წინააღმდეგ საპროტესტო გამოსვლები გრძელდება. ათასობით ადამიანი თელ-ავივში, ხაიფასა და იერუსალიმში გამოვიდა.

05 თებერვალი 2023, 18:35

რეგიონი

ირაკლი ლაზარაშვილმა და დავით ლომიძემ ახალციხელებს 2022 წელს გაწეული მუშაობის შესახებ ანგარიში წარუდგინეს

ისაუბრეს მუნიციპალიტეტში განხორციელებულ ინფრასტრუქტურულ პროექტებზე, ჯანდაცვისა და სოციალურ პროგრამებზე, კულტურულ და სპორტულ ღონისძიებებზე. ასევე, აქცენტი გაკეთდა 2023 წლის გეგმებზე და მთავარ პრიორიტეტებზე.

05 თებერვალი 2023, 18:23

რეგიონი

გუდაური(ფოსტა)–კობის მონაკვეთზე მისაბმელიანი და ნახევრადმისაბმელიანი ავტოტრანსპორტით მოძრაობა აკრძალულია

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, თოვისა და ლიპყინულის გამო, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური(ფოსტა)-კობის მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება თავისუფალია.

05 თებერვალი 2023, 17:55

საზოგადოება

21 წლის ანი ნოზაძეს საზოგადოების დახმარება სჭირდება

21 წლის ანი ნოზაძეს საზოგადოების დახმარება სჭირდება. ის ორი თვეა ტვინის იშემიური ინსულტით საავადმყოფოში იმყოფება.

05 თებერვალი 2023, 17:35

რეგიონი

გურიაში სტიქიის შედეგების სალიკვიდაციო სამუშაოები დაიწყო

„საქართველოს პრემიერ-მინისტრის გადაწყვეტილებით ძლიერი ქარის შედეგად დაზარალებული მოსახლეობის დახმარების მიზნით გურიის რეგიონისთვის 4 355 000 ლარი გამოიყო. სამშენებლო მასალები უკვე შეძენილია, აქტიურად მიმდინარეობს მათი დარიგების პროცესი და იგი გაგრძელდება მანამ, სანამ თითოეული დაზარალებული მოქალაქის საჭიროება არ იქნება დაკმაყოფილებული“,- აღნიშნა გიორგი ურუშაძემ.

ირკლი ნადირაძე

05 თებერვალი 2023, 17:22

პოლიტიკა

„ნაციონალური მოძრაობის“ ყრილობას, რომელზეც პარტიის ახალი თავმჯდომარე ლევან ხაბეიშვილი ოფიციალურად უნდა დაამტკიცონ, ნიკა მელიას გუნდი არ ესწრება

„ყველა არჩევნებს, მათ შორის, შიდა არჩევნებსაც ახლავს-ხოლმე მცირე დაძაბულობები. ეს ყველაფერი წარსულში უნდა დავტოვოთ. საარჩევნო კამპანიაში იყო მსგავსი ფრაზები, გამონათქვამები, მაგრამ კიდევ ერთხელ გავიმეორებ, ეს ყველაფერი უნდა ჩავაბაროთ წარსულ. მჯერა, რომ ყველა მხარეს ეყოფა ძალა დასხდნენ და ერთად ვიბრძოლოთ, ამ საერთო ამოცანების გადასაჭრელად", - განაცხადა „ნაციონალური მოძრაობის“ წევრმა, ირაკლი ნადირაძემ.

05 თებერვალი 2023, 17:17

რეგიონი

სურსათის ეროვნული სააგენტოს გურჯაანის ოფისში გაჩენილი ხანძარი ლიკვიდირებულია

ცეცხლი შენობაში რამდენიმე საათის წინ გაჩნდა. მეხანძრე მაშველებმა ხანძრის ჩაქრობა დროულად შეძლეს. ხანძრის გამომწვევი მიზეზი ჯერჯერობით უცნობია. მომხდარზე დაწყებულია გამოძიება.

რატი იონათამიშვილი

05 თებერვალი 2023, 17:17

პოლიტიკა

რატი იონათამიშვილი: დღეს ჩვენ გვაქვს ძლიერი სახელმწიფო და „ომის პარტია“ ვერასდროს მიაღწევს იმას, რომ საქართველოში არეულობა მოხდეს

მაშინ როდესაც, ჩვენი ქვეყანა და გუნდი მუშაობს იმისთვის, რომ მივიღოთ კანდიდატის სტატუსი, ეს ადამიანები ცდილობენ, რომ ქვეყანა დააბრუნონ 1991 წლის დეკემბერში, - ასე გამოეხმაურა საპარლამენტო უმრავლესობის წევრი „ნაციონალური მოძრაობის“ წევრის, გიორგი ჩალაძის მუქარის შემცველ განცხადებას.

ლიპყინული

05 თებერვალი 2023, 16:52

საზოგადოება

8 თებერვლამდე საქართველოს მთასა და მაღალ მთაში ძლიერი თოვა, ნისლი და ქარბუქია მოსალოდნელი, ზღვაზე - შტორმი

გაეროს ეროვნული სააგენტოს ინფორმაციით, 6 თებერვლიდან აღმოსავლეთ, ხოლო 7 თებერვლიდან დასავლეთ საქართველოში, 8 თებერვლის დილამდე, მოსალოდნელია ნალექი, მთასა და მაღალ მთაში - ძლიერი თოვა, ნისლი და ქარბუქი; ზღვაზე - 3-4 ბალიანი შტორმული ღელვა, საავტომობილო გზებზე - ლიპყინული, მთიან რეგიონებში - ზვავსაშიშროება.

05 თებერვალი 2023, 16:46

სპორტი

ხვიჩა კვარაცხელიამ სერია ა-ში პირველი პენალტი გაიტანა

პენალტი მასპინძლების კარში მეორე ტაიმის დასაწყისშივე დაინიშნა. კვარაცხელიამ პენალტი ზუსტად შეასრულა და ანგარიში 47-ე წუთზე გახსნა.

მეუფე შიო

05 თებერვალი 2023, 16:42

საზოგადოება

მეუფე შიო: როდესაც ადამიანი სიმდაბლის მოხვეჭითაა დაკავებული, იგი ძირშივე აღმოფხვრის ეგოიზმს, რომელიც ფესვი და ძირია ყოველგვარი ვნების

როდესაც ადამიანი სიმდაბლის ღვაწლით, სიმდაბლის მოხვეჭით არის დაკავებული, იგი ძირშივე აღმოფხვრის ეგოცენტრიზმს, ეგოიზმს, რომელიც არის ფესვი და ძირი ყოველგვარი ვნებისა, - ამის შესახებ საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა, შიომ (მუჯირი) ყოვლადწმინდა სამების სახელობის საპატრიარქო ტაძარში ქადაგებისას განაცხადა.

გიორგი ბოტკოველი

05 თებერვალი 2023, 16:38

პოლიტიკა

გიორგი ბოტკოველი: „ნაციონალური მოძრაობა“ პროტესტის ყველა ფორმას გამოიყენებს იმისთვის, რომ პირველ რიგში მიხეილ სააკაშვილი იყოს თავისუფალი

ამ ქვეყანას სჭირდება რევოლუციური ცვლილებები, - ამის შესახებ „ნაციონალური მოძრაობის“ წევრმა გიორგი ბოტკოველმა განაცხადა. „პარტია „ნაციონალური მოძრაობა“ ოპოზიციაშია და პროტესტის ყველა ფორმას გამოიყენებს იმისთვის, რომ პირველ რიგში მიხეილ სააკაშვილი იყოს თავისუფალი და მიხეილ სააკაშვილის სიცოცხლე იყოს გადარჩენილი. განცხადებებზე მეტად ეს ყველაფერი ჩვენი საქმით უნდა უზრუნველვყოთ და ამიტომ დაელოდეთ. რა თქმა უნდა ამ ქვეყანას სჭირდება რევოლუციური ცვლილებები, ამ ქვეყანას მართავს რუსული რეჟიმი და რუსული რეჟიმი უნდა შეიცვალოს. ამას ყველა კონსტიტუციური ფორმით განახორციელებს ძლიერი ოპოზიცია“, - განაცხადა გიპრგი ბოტკოველმა.

პერვეზ მუშარაფი

05 თებერვალი 2023, 16:18

მსოფლიო

პაკისტანის ყოფილი პრეზიდენტი პერვეზ მუშარაფი გარდაიცვალა

სიცოცხლის ბოლო წლები მუშარაფმა არაბეთის გაერთიანებულ საამიროებში გაატარა და ამილოიდოზს მკურნალობდა - იშვიათ დაავადებას, რომელიც ორგანიზმში ცილების მიმოცვლის დარღვევას უკავშირდება.

ზურაბ ქადაგიძე

05 თებერვალი 2023, 15:34

პოლიტიკა

ზურაბ ქადაგიძე: ახალი კამპანია დაიწყეს ამ ნაძირალებმა. ქუჩაში სისხლის ღვრა მოხდებაო, დილიდან კი გიულიმ „კურთხევა“ მისცა კამპანიას

ჩალაძემ თუ თქვა, ქუჩაში სისხლის ღვრაა გამოსავალი, ე.ი. ესღაა ერთადერთი საშუალება -ბრძანა დედა დედოფალმა. ახალი კამპანია დაიწყეს ამ ნაძირალებმა. იქით ნაკაცარმა გუბაზმა, „ნაიომნიკები“ ჩამოვლენ საქართველოში და ერთად ვიომებთო, აქეთ ჩალაძემ ქუჩაში სისხლის ღვრა მოხდებაო, დილიდან კი გიულიმ "კურთხევა" მისცა კამპანიას - წერს „ხალხის ძალის“ წევრი ზურაბ ქადაგიძე სოციალურ ქსელში.

თამთა მეგრელიშვილი

05 თებერვალი 2023, 15:24

პოლიტიკა

თამთა მეგრელიშვილი: ანტისახელმწიფოებრივ მოწოდებებზე პოლიტიკური კურთხევა გიული ალასანიამ უკვე გასცა

„ხალხის ძალის” წევრი თამთა მეგრელიშვილი გიული ალასანიას განცხადებას სოციალურ ქსელში ეხმიანება და აღნიშნავს, რომ მსჯავრდებული ექსპრეზიდენტის დედა მზადაა თავისი შვილის სამართლისაგან გამოსახსნელად ყველა ანტისახელმწიფოებრივ ქმედებაში ჩაერთოს.

05 თებერვალი 2023, 15:10

მსოფლიო

საფრანგეთში ტყის ხანძარს ებრძვიან

საფრანგეთის სამხრეთით მდებარე ქალაქ მურიში ტყის ხანძარს ებრძვიან. ხანძრის შედეგად 130 ჰექტარი დაიწვა. ცნობები დაშავებულების შესახებ არ ვრცელდება.

05 თებერვალი 2023, 14:41

სპორტი

„ბორჯღალოსნებმა“ გერმანიის ნაკრები დაამარცხეს

რაგბი ევროპის ჩემპიონატზე საქართველოს ნაკრებმა 2023 წლის პირველ შეხვედრა მოგებით დაიწყო. „ბორჯღალოსნებმა“ გერმანიის ნაკრები ანგარიშით - დაამარცხა.

05 თებერვალი 2023, 14:26

მსოფლიო

გადატვირთული მუშაობის გამო ოდესის ელექტროსადგურზე ავარია მოხდა, რის გამოც 500 000 ადამიანი ელექტროენერგიის გარეშე დარჩა

გადატვირთულობის გამო ოდესის ელექტროსადგურზე ავარია მოხდა, რის გამოც 500 000 ადამიანი ელექტროენერგიის გარეშე დარჩა. ცნობას ამის შესახებ უკრაინის სახელმწიფო ენერგოოპერატორი ავრცელებს

05 თებერვალი 2023, 13:47

რეგიონი

გუდაური(ფოსტა)–კობის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგა

ჩატარებული გაწმენდითი სამუშაოების შედეგად, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური(ფოსტა)–კობის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგენილია, - ამის შესახებ ინფორმაციას საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი ავრცელებს.

05 თებერვალი 2023, 13:40

საზოგადოება

საქართველოს ტექნიკური უნივერსიტეტი ტელეკომპანია „ფორმულასგან“ უნივერსიტეტის ქონების ნაწილის გასხვისებასთან დაკავშირებული მტკიცებულების საჯაროდ წარმოდგენას მოითხოვს

საქართველოს ტექნიკური უნივერსიტეტი ღრმა შეშფოთებას გამოთქვამს ბოლო დროს ტელეკომპანია „ფორმულას“ მხრიდან „საქართველოს ტექნიკური უნივერსიტეტის განვითარების ფონდის“ დაარსების ირგვლივ აჟიოტაჟის შექმნისა და მოვლენების დრამატიზების მიზანმიმართული მცდელობის გამო, რითაც მედიასაშუალება გამიზნულად დარტყმის ქვეშ აყენებს, როგორც საქართველოს ტექნიკური უნივერსიტეტის, მისი ადმინისტრაციისა და პროფესორ-მასწავლებლების სახელს, ასევე, მეცნიერების განვითარებაზე ორიენტირებული საქველმოქმედო ფონდის დაარსების კეთილშობილ მისიას, - ამის შესახებ ნათქვამია საქართველოს ტექნიკური უნივერსიტეტის მიერ გავრცელებულ განცხადებაში.