სოსო გიორგაძე: საქართველოში სამწუხაროდ არსებობენ ადამიანები, რომლებსაც ჰგონიათ, შეუძლიათ უღალატონ სამშობლოს, თანამებრძოლებს და გახდნენ პოლიტიკოსები. ისინი მიიჩნევენ, რომ პოლიტიკოსობამდე გზა ყველაფერზე გადის

ჩვენ რა თქმა უნდა ვთანხმდებით, რომ პოლიტიკოსის ადგილი არ არის ციხეში, თუ რა თქმა უნდა ის კრიმინალი არ არის და ზუსტად ამას სთავაზობდნენ, რომ სადაც არის პოლიტიკოსის ადგილი, იქ მისულიყვნენ, პირდაპირ ეთერში, კონკრეტულ კითხვებზე პასუხი გაეცათ და თუ სურვილი ექნებოდათ, თავიანთი პოზიციაც დაეფიქსირებინათ, - განაცხადა საქპატენტის ხელმძღვანელმა სოსო გიორგაძემ გადაცემაში „იმედი LIVE“. მან უპასუხა კითხვას, რომელიც შეეხებოდა ოპოზიციის კრიტიკულ განცხადებებს, მათ შორის პარლამენტის საგამოძიებო კომისიაზე დაბარებასთან დაკავშირებით.

„ისინი თავშესაფარს ეძებენ ციხეში, რომ გაექცნენ პასუხისმგებლობას და თან რამდენიმეთვიან მუხლს ირჩევენ. ესენი არიან ადამიანები, რომლებიც მიიჩნევენ, რომ პოლიტიკოსობამდე გზა ყველაფერზე გადის, მათ შორის ღალატზე. საქართველოში სამწუხაროდ არსებობენ ადამიანები, რომლებსაც ჰგონიათ, შეუძლიათ უღალატონ სამშობლოს, უღალატონ თანამებრძოლებს და გახდნენ პოლიტიკოსები. ამიტომ, ან ლოგიკიდან ამოსული ადამიანები ბუნებრივია ამბობენ იმას, რაც მათი აზრით უკავშირდება თავის მართლებას, მაგრამ ადამიანები, რომლებიც თავის მართლების რეჟიმში არიან, უკვე ბევრი წელია აგებენ არჩევნებს და კიდევ ყველა არჩევნებს წააგებენ, თუკი ისინი ამ ლოგიკით გააგრძელებენ პირველ რიგში საკუთარ ამომრჩეველთან ურთიერთობას. მათი უმეცრება პოლიტიკაში - ეს არ არის მხოლოდ მიზეზი, რის გამოც ისინი წარუმატებლები არიან. მეორე მხარეს დგას უფრო მნიშვნელოვანი არგუმენტი, რომელსაც ჰქვია საქართველოს ხელისუფლების, ქართული ოცნების ხელისუფლების სწორი პოლიტიკა“, - განაცხადა გიორგაძემ.