„ტოტენჰემი“ „ბაიერნთან“ ანგარიშით 2:7 დამარცხდა

გუშინ უეფას ჩემპიონთა ლიგის ჯგუფური ეტაპის რვა შეხვედრა გაიმართა. ყველაზე საინტერესო თამაშს ლონდონმა უმასპინძლა, სადაც „ტოტენჰემი“ „ბაიერნთან“ 2:7 დამარცხდა.

შეხვედრის საუკეთესო მოთამაშედ სტუმართა ფეხბურთელთა სერჟ გნაბრი დასახელდა, რომელმაც ოთხი ბურთი გაიტანა. „ტოტენჰემმა“ არსებობის ისტორიაში საკუთარ მოედანზე შვიდი ბურთი პირველად მიიღო და გახდა ინგლისის პირველი კლუბი, რომელმაც ევროთასებზე ხუთბურთიანი სხვაობით დამარცხდა.

მთავარი სენსაცია კი მადრიდში მოხდა, სადაც „რეალმა“ „ბრიუგესთან“ ფრედ, 2:2 ითამაშა. მასპინძლები პირველი ტაიმის შემდეგ ორბურთიანი სხვაობით აგებდნენ, თუმცა შესვენების შემდეგ სერხიო რამოსისა და კაზემიროს ზუსტი დარტყმებით ანგარიში გაათანაბრეს. შედეგად, ჩემპიონთა ლიგის ისტორიაში პირველად მოხდა, რომ ჯგუფურ ეტაპზე სამეფო კლუბს ორი ტურის შემდეგ მოგება არ აქვს.