საქართველომ პარიზის ოლიმპიადა ისტორიული შედეგით დაასრულა
ფოტო: საქართველოს კულტურის, სპორტისა და ახალგაზრდობის სამინისტრო
საქართველომ მსოფლიოს ყველაზე მასშტაბურ სპორტულ ღონისძიებაზე, ოლიმპიადაზე, ისტორიული შედეგი აჩვენა. 2008 წლის შემდეგ საქართველომ პირველად მოიპოვა სამი ოქროს მედალი; სულ კი შვიდი ოლიმპიური მედალი მიიღო და მედლების საერთო ჩათვლაში ისტორიაში პირველად 24-ე ადგილი დაიკავა, - ამის შესახებ აღნიშნულია საქართველოს კულტურის, სპორტისა და ახალგაზრდობის სამინისტროს მიერ გავრცელებულ ინფორმაციაში.
ოლიმპიადაზე ზედიზედ მესამე ოქროს მედალი მოიპოვა ლაშა ტალახაძემ. დამოუკიდებელი საქართველოს ისტორიაში ლაშა ტალახაძე გახდა პირველი სპორტსმენი, რომელმაც ოლიმპიური ოქრო სამჯერ მოიგო. ის ასევე არის მსოფლიოს ისტორიაში მეხუთე ძალოსანი, რომელმაც ოლიმპიური ჩემპიონობა ზედიზედ მესამედ იზეიმა. ლაშა ტალახაძე მსოფლიოში პირველი ძალოსანია, რომელმაც მძიმე წონაში ოლიმპიური ოქრო სამჯერ მოიგო.
ზედიზედ მეორედ გახდა ოლიმპიური ჩემპიონი ლაშა ბექაური. ის პირველი ქართველი ძიუდოისტია, რომელმაც ოლიმპიური ჩემპიონობა ორჯერ იზეიმა.
კარიერაში პირველად იზეიმა ოლიმპიური ჩემპიონობა თავისუფალი სტილით მოჭიდავე გენო პეტრიაშვილმა. დამოუკიდებელი საქართველოს ისტორიაში ძიუდოისტ ლაშა შავდათუაშვილის შემდეგ ის გახდა მეორე ქართველი სპორტსმენი, რომელმაც სამივე სინჯის მედლის მოპოვება შეძლო.
ოლიმპიადის ვიცე-ჩემპიონი გახდა ძიუდოისტი ტატო გრიგალაშვილი. სადებიუტო ოლიმპიადაზე ძიუდოისტმა ილია სულამანიძემ და თავისუფალი სტილით მოჭიდავე გივი მაჭარაშვილმა ვერცხლის მედლები მოიპოვეს. ბრინჯაოს მედალი მიიღო მოკრივე ლაშა გურულმა. დამოუკიდებელი საქართველოს ისტორიაში 27 წლის ლაშა გურული გახდა მეორე ქართველი მოკრივე, რომელმაც ოლიმპიური ბრინჯაოს მედალი მოიპოვა.
პარიზში ოლიმპიური რეკორდი დაამყარა ლეგენდარულმა ტყვიის მსროლელმა ნინო სალუქვაძემ, ის მსოფლიოში ერთადერთი ქალია სპორტსმენია, რომელმაც მეათე ოლიმპიადაში მიიღო მონაწილეობა.
პარიზის ოლიმპიადაზე შერეულ გუნდურ შეჯიბრებაში ისტორიაში პირველად იასპარეზა ქართველ ძიუდოისტ ქალ-ვაჟთა ნაკრებმა ლაშა ბექაურის, ლაშა შავდათუაშვილის, ილია სულამანიძის, ეთერ ლიპარტელიანის, ეთერ ასკილაშვილისა და სოფიო სომხიშვილის შემადგენლობით.
პარიზში საქართველოს ღირსებას ათ სპორტის სახეობაში 28 სპორტსმენი იცავდა. პარიზში სპორტის ოცდათორმეტ სახეობაში კი 10 000-ზე მეტმა სპორტსმენმა იასპარეზა.
შემდეგი ოლიმპიური თამაშები 2028 წელს ლოს-ანჯელესში გაიმართება. პარიზი კი 28 აგვისტოდან 8 სექტემბრის ჩათვლით პარალიმპიურ თამაშებს უმასპინძლებს. საქართველოს პარალიმპიური ნაკრები პარიზის ზაფხულის მე-17 პარალიმპიურ თამაშებზე ისტორიაში პირველად სპორტის ექვს სახეობაში 14 პარაათლეტით იასპარეზებს.
ყველა სიახლე
10 სექტემბერი 2024, 10:50
კულტურა
მუზეუმელთა ალიანსის ყოველწლიური ყრილობა შალვა ამირანაშვილის იუბილეს მიეძღვნა და წარმატებით ჩატარდა
საქართველოს კულტურისა და სპორტის სამინისტროს ინფორმაციით, მუზეუმელთა ალიანსმა მესამე ყრილობაზე, რომელიც შალვა ამირანაშვილის იუბილეს მიეძღვნა, ტრადიციულად საუკეთესო მუზეუმელები დააჯილდოვა.
10 სექტემბერი 2024, 10:12
სპორტი
ვილი სანიოლი: ვიცით, რომ მეტოქეს ტრიბუნებიდან დიდი მხარდაჭერა ექნება, მაგრამ ეს კარგია ჩვენთვისაც. ჩეხეთთან გამარჯვების შემდეგ ჩემი ფეხბურთელებიც ფხიზლად იქნებიან
„ალბანეთის წინააღმდეგ ორი წლის წინ ამხანაგური მატჩი ვითამაშეთ, რომელიც ძალიან რთული იყო. ფეხბურთელებს ყოველთვის ვთხოვ, რომ საუკეთესო თვისებები წარმოაჩინონ. გაიმეორონ იგივე, რაც შაბათს, თბილისში გააკეთეს. შესაძლოა, მატჩი სხვა შედეგით დასრულდეს, თუმცა მთავარია ფეხბურთელებმა იგივე შემართებით და კონცენტრაციით ითამაშონ“, - განაცხადა სანიოლმა.
10 სექტემბერი 2024, 10:11
სპორტი
ლუკა ლოჩოშვილი: ალბანეთი სახლში ძალიან კარგად თამაშობს და რთული ოპონენტია - მოსაგებად ჩამოვედით, თუმცა დაძაბული თამაში იქნება და ყველაფერი შეიძლება მოხდეს
„ჩეხეთთან თამაშს დადებითად შევაფასებდი. კარგი, სანახაობრივი თამაში გამოვიდა. ბევრი გოლი გავიტანეთ და ვფიქრობ, რომ კარგ ფორმაში შევხვდით ერთა ლიგას. იმედი მაქვს ასე გავაგრძელებთ და დადებითი შედეგით დავასრულებთ ამ შეკრებას", - აღნიშნა ფეხბურთელმა.
10 სექტემბერი 2024, 10:08
საზოგადოება
ინდოეთის მაღალრეიტინგული გამოცემების წარმომადგენლები საქართველოს ტურისტულ მიმართულებას ეცნობიან
საქართველოს ტურიზმის ეროვნული ადმინისტრაცია ინდოეთიდან პოპულარული გამოცემის Deccan Herald-ის და ავიაკომპანია Indigo-ს საბორტო ჟურნალის Hello3E-ის წარმომადგენლებს მასპინძლობს.
10 სექტემბერი 2024, 10:02
მსოფლიო
შოიგუს განცხადებით, რუსეთი უკრაინასთან მოლაპარაკებებს არ დაიწყებს მანამ, სამან უკრაინელები კურსკის ოლქიდან არ გავლენ
რუსეთის უშიშროების საბჭოს მდივნის, თავდაცვის ყოფილი მინისტრის სერგეი შიგუს განცხადებით, მოსკოვი კიევთან სამშვიდობო მოლაპარაკებებს არ დაიწყებს მანამ, სანამ უკრაინელი ჯარისკაცები კურსკის ოლქიდან არ გავლენ. “მანამ, სანამ ჩვენ მათ [უკრაინელებს] ჩვენი ტერიტორიიდან არ გავაგდებთ, რა თქმა უნდა, არავითარი მოლაპარაკებების წარმართვას არ ვაპირებთ“, - თქვა შოიგუმ. ის აგრეთვე უკრაინის ხელისუფლებას კურსკის ატომური ელექტროსადგურის უსაფრთხოებით მანიპულაციაში ადანაშაულებს და მას ბირთვულ ტერორს უწოდებს.
10 სექტემბერი 2024, 09:54
კულტურა
გარდაიცვალა მსახიობი ჯეიმს ერლ ჯონსი, რომელიც დართ ვეიდერსა და მუფასას ახმოვანებდა
თითქმის 60-წლიანი კარიერის განმავლობაში ჯონსმა ათობით ფილმში ითამაშა. ის ასევე ახმოვანებდა მუფასას მულტფილმში „მეფე ლომი“. ჯონსი სამი „ტონის“, ორი „ემის“ და ერთი „გრემის“ მფლობელია. 2011 წელს მან მიიღო საპატიო „ოსკარი“ კინოხელოვნების განვითარებაში შეტანილი წვლილისთვის.
10 სექტემბერი 2024, 09:46
პოლიტიკა
არჩილ გორდულაძე: გამოძიებამ დაადასტურა, რომ დავით კეზერაშვილი ძარცვავს ევროკავშირის წევრ ქვეყნებში ხანდაზმულ ადამიანებს. უცხო ფულს, განსაკუთრებით კი ნაძარცვ ფულს ქართულ პოლიტიკაში ადგილი არ აქვს
„საერთაშორისო პარტნიორებთან თანამშრომლობის შედეგად, გამოძიებამ დაადასტურა, რომ დავით კეზერაშვილი, როგორც ჯარს ძარცვავდა, ახლა ძარცვავს ევროკავშირის წევრ ქვეყნებში ხანდაზმულ ადამიანებს. ხოლო ამ ნაძარცვ თანხებს შემდეგ იყენებს იმისთვის, რომ „ნაცკლასტერი“ დააფინანსოს და ჩვენს ქვეყანაში დესტაბილიზაცია შემოიტანოს. უცხო ფულს, განსაკუთრებით კი ნაძარცვ ფულს ქართულ პოლიტიკაში ადგილი არ აქვს“, - აცხადებს გორდულაძე.
10 სექტემბერი 2024, 09:43
მსოფლიო
Reuters: შვედეთი უკრაინას 440 მილიონი დოლარის ოდენობის დახმარებას გადასცემს
შვედეთი უკრაინას 440 მილიონი დოლარის ღირებულების სამხედრო დახმარების პაკეტს გადასცემს. ინფორმაციას Reuters-ი შვედეთის თავდაცვის მინისტრზე პოლ იონსონზე დაყრდნობით ავრცელებს. იონსონის ცნობით, დახმარების მე-17 პაკეტი უკრაინის თავდაცვისთვის საჭირო აღჭურვილობის შესყიდვის დაფინანსებასთან ერთად, საბრძოლო მანქანებისთვის განკუთვნილ საბრძოლო მასალას, დამატებით საბრძოლო ნავებს, რაკეტებსა და შენიღბვისთვის საჭირო აღჭურვილობას მოიცავს.
10 სექტემბერი 2024, 09:42
რეგიონი
ირაკლი ქარსელაძე: ქვეშეთი-კობის პროექტის განვითარება მაღალი ტემპით გრძელდება
„მაღალი ტემპით გრძელდება ქვეშეთი-კობის პროექტის განვითარება. მოგეხსენებათ, მიმდინარე წელს გავჭერით 9 კმ-იანი, 15 მეტრი დიამეტრის ძირითადი გვირაბი და დღეს უკვე გაჭრილია საევაკუაციო, ასევე 9 კმ-იანი, 6 მეტრი დიამეტრის გვირაბიც. მიმდინარებს საინჟინრო ქსელების, ელექტრო მომარაგების, შეტყობინების, უსაფრთხოების და სხვა აუცილებელი სისტემების მოწყობის ინტენსიური სამუშაოები. ასევე, კარგი პროგრესია მისასვლელი გზის მშენებლობის კუთხით, სადაც შენდება ტექნოლოგიურად უნიკალური დაბალანსებული კონსოლური ხიდი, რომლის მსგავსიც საქართველოში პირველად შენდება. ეს იქნება ყველაზე მაღალი ხიდი, რომლის ბურჯების სიმაღლე 48 და 47 მეტრია. აქამდე ყველაზე მაღალი 42 მეტრის სიმაღლის ბურჯები ხაშურის შემოვლით გზაზე გვქონდა,“ - აღნიშნა მინისტრმა.
10 სექტემბერი 2024, 09:32
პოლიტიკა
არჩილ გორდულაძე: ვისმენდით ალოგიკურ განცხადებებს - თუ საქართველოს ხელისუფლებისგან ფინანსდება „ენჯეო“, ხელისუფლების გავლენის გამტარებელია, მაგრამ თუ უცხო ქვეყნის ხელისუფლებისგან ფინანსდება, მაშინ უცხო ძალის გავლენის გამტარებელი არ არის
„კოლექტიური „ნაცმოძრაობისგან“, მათ შორის გარკვეული არასამთავრობოების მხრიდან ვისმენდით ალოგიკურ, ერთმანეთთან შეუსაბამო განცხადებებს. თუ საქართველოს ხელისუფლებისგან ფინანსდება არასამთავრობო ორგანიზაცია, ის არის საქართველოს ხელისუფლების გავლენის გამტარებელი, მაგრამ თუ უცხო ქვეყნის ხელისუფლებისგან ფინანსდება, მაშინ უცხო ძალის გავლენის გამტარებელი არ არის. მაშინ ამ ადამიანებმა უნდა დაუსვან კითხვა, მაგალითად NED-ს, EED-ს, GIZ -ს, USAID-ს, IRI-ს, NDI-ს - ეს ორგანიზაციები სხვადასხვა ქვეყნის ხელისუფლებიდან და ბიუჯეტიდან ფინანსდებიან“, - აცხადებს გორდულაძე.
10 სექტემბერი 2024, 09:31
მსოფლიო
რუსეთის ხელისუფლება აცხადებს, რომ ქვეყანას ღამით დრონებით თავს დაესხნენ
რუსეთის ხელისუფლების განცხადებით, მოსკოვს დრონებით შეუტიეს, რა დროსაც ჰაერსაწინააღმდეგო სისტემამ 14 უპილოტო საფრენი აპარატის ჩამოგდება შეძლო. მოსკოვის ოლქის გუბერნატორის ანდრეი ვორობიოვის ინფორმაციით, დრონების ჩამოგდება პოდოლსკის, რამენსკოეს, ლუბერცის, დომოდედოვოსა და კოლომნა რაიონებში შეძლეს. რამენსკოეში იერიშის სამიზნეში მოექცა საცხოვრებელი კორპუსები. დაიღუპა 46 წლის ქალი. დაშავებულია სამი ადამიანი.
10 სექტემბერი 2024, 09:24
პოლიტიკა
არჩილ თალაკვაძე არასამთავრობო ორგანიზაციებისთვის ბიუჯეტიდან გრანტის გამოყოფაზე: ძალიან პოზიტიური ინიციატივაა
„ძალიან პოზიტიური ინიციატივაა, ვინაიდან არის მთელი რიგი სერვისები, არის ინიციატივები, რომლებსაც სამოქალაქო სექტორი, პასუხისმგებლობიანი არასამთავრობო ორგანიზაციები უფრო ეფექტიანად განახორციელებენ და ამისთვის ნამდვილად გამართლებულია, რომ სახელმწიფო ბიუჯეტიდან გამოიყოს თანხა. დარწმუნებული ვარ, რომ ყველას, ვისაც ჰქონდა და აქვს სურვილი, რომ თავისი წვლილი შეიტანოს ქვეყნის განვითარებაში, ემსახუროს თავის ქვეყანას, თავის საზოგადოებას, ეს ამის დამატებით საშუალებას მისცემს“, - მიიჩნევს თალაკვაძე.
10 სექტემბერი 2024, 09:09
არჩევნები 2024
„ქართული ოცნების“ პრესსამსახური ვიდეოს ავრცელებს, თუ როგორ ანადგურებენ გვარამია-მელიას პარტიის წარმომადგენლები მმართველი გუნდის საარჩევნო პლაკატებს
მმართველ გუნდში აცხადებენ, რომ ეს არის საარჩევნო პროცესში ხელის შეშლის პირდაპირი მტკიცებულება და გვარამია-მელიას პარტიის მიმართ რეაგირებისკენ სადამკვირვებლო ორგანიზაციებს მოუწოდებენ. აცხადებენ, რომ ყურადღებით დააკვირდებიან თუ როგორი რეაქცია ექნებათ არასამთავრობო ორგანიზაციებს და სადამკვირვებლო მისიებს გავრცელებულ ვიდეოკადრებზე.
10 სექტემბერი 2024, 09:00
არჩევნები 2024
წინასაარჩევნოდ შესრულებული დაპირება „ლელოსგან“ - მამუკა ხაზარაძემ წალენჯიხელ ბავშვებს დაპირება შემოდგომის დასაწყისში შეუსრულა, თუმცა, ასაწყობი აუზი დაუდგა
წინასაარჩევნოდ შესრულებული დაპირება „ლელოსგან“ - მამუკა ხაზარაძე წალენჯიხელებს საცურაო სივრცის მოწყობას დაჰპირდა. მან წალენჯიხელ ბავშვებს დაპირება შემოდგომის დასაწყისში შეუსრულა და თანაც ღია ცის ქვეშ ასაწყობი აუზი დაუდგა.
10 სექტემბერი 2024, 08:55
საზოგადოება
როგორი ამინდია მოსალოდნელი დღეს საქართველოში
თბილისში წვიმას პროგნოზირებენ. ჰაერის ტემპერატურა დღისით +30 გრადუსს მიაღწევს, ღამით კი +19 გრადუსი იქნება.
10 სექტემბერი 2024, 08:45
სპორტი
აკაკი ჯინჭარაძე პარიზის პარალიმპიური თამაშებიდან სამშობლოში დაბრუნდა
ბრინჯაოს მედლის მფლობელი აკაკი ჯინჭარაძე პარიზის პარალიმპიური თამაშებიდან სამშობლოში დაბრუნდა. პარასპორტმენს თბილისის საერთაშორისო აეროპორტში მეგობრები, სპორტსმენები და გულშემატკივრები დახვდნენ.
10 სექტემბერი 2024, 08:41
რეგიონი
ონის მუნიციპალიტეტში სახალხო დღესასწაული „ონელობა - 2024“ აღნიშნეს
ამ დღეს ონმა უამრავ სტუმარს უმასპინძლა. წლევანდელი ონელობის თემა გიგა ჯაფარიძე და მისი საუკუნოვანი იუბილე იყო. სახალხო დღესასწაულის ფარგლებში არაერთი კულტურული, შემეცნებითი და გასართობი ღონისძიება გაიმართა. სტუმრებს საშუალება ჰქონდათ გასცნობოდნენ ოთხი მუნიციპალიტეტის ეთნოგრაფიულ ნიმუშებს, ფოლკლორს და კულინარიას. ხელისუფლების წარმომადგენლებმა დააჯილდოვეს 2024 წლის საპატიო და ღვაწლმოსილი ონელები.
10 სექტემბერი 2024, 08:36
არჩევნები 2024
ვარლამ ლიპარტელიანი ვარკეთილის მოსახლეობას შეხვდა
დელეგატმა ისაუბრა ბოლო წლებში რაიონში განხორციელებულ ინფრასტრუქტურულ პროექტებზე, მოსახლეობის წინაშე არსებულ გამოწვევებსა და მათი გადაჭრის გზებზე.
10 სექტემბერი 2024, 08:26
არჩევნები 2024
საარჩევნო კამპანიის ფარგლებში, ირაკლი ქადაგიშვილი ლელიანის ადმინისტრაციულ თემში შემავალი სოფლების მოსახლეობას შეხვდა
„ქართული ოცნების“ საარჩევნო სიის დელეგატმა თელავის, ახმეტის, ყვარლისა და ლაგოდეხის მუნიციპალიტეტებში, ირაკლი ქადაგიშვილმა საარჩევნო კამპანიის ფარგლებში ლაგოდეხის მუნიციპალიტეტში, ლელიანის ადმინისტრაციულ თემში შემავალი სოფლების მოსახლეობას შეხვდა.
10 სექტემბერი 2024, 08:23
სპორტი
კახა კალაძე: ერთად ვუქომაგოთ საქართველოს ნაკრებს! გელოდებით პირველი რესპუბლიკის მოედანზე
„ერთად ვუქომაგოთ საქართველოს ნაკრებს! ხვალ, 10 სექტემბერს, გელოდებით პირველი რესპუბლიკის მოედანზე, სადაც თბილისის მერია, საქართველოს ფეხბურთის ფედერაციასთან ერთად, ერთა ლიგის მეორე ტურის მატჩის საჯარო ჩვენებას გამართავს. 10 სექტემბერს, თბილისის დროით 22:45 საათზე, ტირანაში, საქართველოს ნაკრები ალბანეთს დაუპირისპირდება“, - წერს კალაძე.