imedi /  26 ოქტომბერი 2020, 16:38 / სანდო წყარო

ბექა მჭედლიშვილი: გრძელდება თავდაცვის სამინისტროს, მისი დღევანდელი მენეჯმენტის და ჯარის მიმართ აბსოლუტურად დაუსაბუთებელი, ცილისწამებების და დეზინფორმაციების გავრცელება

ბექა მჭედლიშვილი

ბექა მჭედლიშვილი

საქართველოს თავდაცვის სამინისტრო უწყების სტრატეგიული კომუნიკაციებისა და საზოგადოებასთან ურთიერთობის დეპარტამენტის უფროსის მოადგილის, ბექა მჭედლიშვილის განცხადებას ავრცელებს, რომელშიც ის აცხადებს, რომ თავდაცვის სამინისტროს, მისი დღევანდელი მენეჯმენტის და ჯარის მიმართ აბსოლუტურად დაუსაბუთებელი, ცილისწამებების და დეზინფორმაციების გავრცელება გრძელდება.

„თან სულ ერთი და იგივე ადამიანები არიან ამ დეზინფორმაციების გამავრცელებლები, ვითომ არ ვიცით, ვინ არიან, ვინ კარნახობთ და რა მიზნით. ე.წ ჟურნალისტი, ელისო კილაძე, მორიგ დეზინფორმაციას ავრცელებს, თითქოს თავდაცვის სამინისტრო გეგმავს „დელტას“ და საავიაციო ქარხნის გაყიდვას, ეს მაშინ, როცა, ბოლო 1 წლის განმავლობაში, ანუ მას შემდეგ რაც თავდაცვის სამინისტროს ირაკლი ღარიბაშვილი ხელმძღვანელობს:

⦿ თავდაცვის ძალების ავიაციის პარკის განახლების პროექტი წარმატებით მიმდინარეობს. ტექნიკის აღდგენის პროექტზე სააქციო საზოგადოება თამ „თბილავიამშენისა“ და სსსტც „დელტას“ თანამშრომლები ერთობლივად მუშაობენ. უახლოეს პერიოდში მოხდება სატრანსპორტო შვეულმფრენების მი-8 მტვ, UH-1-ების და სასწავლო სავარჯიშო თვითმფრინავების L-39-ების რეაბილიტაცია და განახლება. უკვე მიმდინარეობს საქართველოს თავდაცვის ძალების ბალანსზე არსებული Su-25 ტიპის თვითმფრინავების და მოიერიშე შვეულმფრენების მი-24-ების კაპიტალური სარემონტო სამუშაოები.

⦿ სახელმწიფო სამხედრო სამეცნიერო-ტექნიკურმა ცენტრმა „დელტამ“ “დელტა ტექსტილი” დააფუძნა. სამკერვალო ფაბრიკაში, რომელიც თანამედროვე იტალიური და იაპონური წარმოების სამკერვალო დანადგარებით არის აღჭურვილი, საქართველოს თავდაცვის სამინისტროსა და სხვა ძალოვან უწყებებში მომსახურე პირებისთვის მაღალი ხარისხის ზამთრისა და ზაფხულის საველე და ყოველდღიური სამუშაო ფორმები შეიკერება. აქვე მოხდება საბრძოლო ეკიპირების, ინდივიდუალური დაცვისა და განტვირთვის სისტემების, მაისურების, საწვიმარი ლაბადების, საქარე ქურთუკების, პულოვერების, ქუდების, ხელთათმანების, ზურგჩანთების, სანივთე ტომრების და სპორტული ტანსაცმლის სერიული წარმოება.

⦿ „დელტას“ სამშენებლო კომპანიამ „ჯარის ქალაქის - Army City“-ის მშენებლობა დაიწყო, სადაც სამხედროები ბინებს 50%-იანი თანადაფინანსებით მიიღებენ, ხოლო დარჩენილი თანხის გადასახდელად მრავალწლიანი, შიდა, უპროცენტო განვადებით ისარგებლებენ. (ჯარისკაცებს კვადრატული მეტრის ფასი დაახლოებით 100 დოლარი იქნება)

⦿ პირველად ისტორიაში საქართველოს თავდაცვის ძალებს სამხედრო-სამეცნიერო ტექნიკურ ცენტრ „დელტას“ მიერ წარმოებული 40-მდე ერთეული ჯავშანმანქანა „დიდგორი“, მათ შორის „დიდგორი მედევაკი“ და მრავალფუნქციური დანიშნულების სხვადასხვა ტიპის ჯავშანმანქანები გადაეცა.

⦿ სააქციო საზოგადოება „თბილავიამშენის“ ტერიტორიაზე საფრენი აპარატების ახალი საამწყობრო საწარმოს შენობა გაიხსნა. რა თქმა უნდა, თავში ნახსენები "ინფორმაცია" არის წმინდა წყლის დეზინფორმაცია და არაფერი საერთო არ აქვს სიმართლესთან. ყველაფერი საუკეთესო ჯარს - ეს არის თავდაცვის სამინისტროს დღევანდელი მენეჯმენტის ამოცანა, რომლის შესრულებაც წარმატებით მიმდინარეობს, იმის მიუხედავად, ვის არ აწყობს ეს და ვის ეჩხირება ყელში ყველა ის რეფორმა და სიახლე, რომელიც სულ რაღაც 1 წელიწადში განხორციელდა თითოეული ჯარისკაცისა და მათი ოჯახებისთვის!“, - აღნიშნულია განცხადებაში.

ყველა სიახლე

25 ნოემბერი 2020, 08:25

COVID19

მსოფლიოში კორონავირუსით დაღუპულთა რაოდენობამ 1,4 მილიონს გადააჭარბა

მსოფლიოში COVID19-ით დაღუპულთა რაოდენობამ 1,4 მილიონს გადააჭარბა. ამის შესახებ მონაცემებს ჯონს ჰოპკინსის უნივერსიტეტი ავრცელებს. ბოლო სტატისტიკით, მსოფლიოში COVID19-ით 1 407 542 პაციენტი დაიღუპა. ხოლო ინფექციის გამოვლენის მაჩვენებელი 59 671 202 გაუტოლდა. გამოჯანმრთელდა 38 189 510 ადამიანი.

25 ნოემბერი 2020, 08:16

სპორტი

ჩემპიონთა ლიგის ფლეი-ოფის საგზური ოთხმა გუნდმა მოიპოვა

ჩემპიონთა ლიგის ჯგუფური ეტაპის მეოთხე ტურის პირველი სათამაშო დღის შემდეგ ფლეი-ოფის საგზური ოთხმა გუნდმა მოიპოვა. ტურნირის მერვედფინალში „ჩელსი“, „სევილია“, „ბარსელონა“ და „იუვენტუსი“ გავიდა. ლონდონელებმა, სევილიელებმა და ტურინელებმა „რენი“, „კრასნოდარი“ და „ფერენცვაროში“ მსაჯის მიერ კომპენსირებულ დროში გატანილი გოლებით დაამარცხეს.

25 ნოემბერი 2020, 08:05

მსოფლიო

ქელბაჯარის რაიონში აზერბაიჯანის არმიის დანაყოფები შევიდნენ

აზერბაიჯანის თავდაცვის სამინისტროს ინფორმაციით, ქელბაჯარის რაიონში აზერბაიჯანის არმიის დანაყოფები შევიდნენ. მხარეებს შორის 10 ნოემბერს მიღწეული შეთანხმების თანახმად, ქელბაჯარის რაიონი აზერბაიჯანის იურისდიქციაში გადადის. ამ ტერიტორიაზე კონტროლი ბაქომ 1992 წლიდან დაკარგა.

ჯო ბაიდენი

25 ნოემბერი 2020, 01:39

მსოფლიო

Reuters: თეთრი სახლი ჯო ბაიდენს ყოველდღიურ საიდუმლო მოხსენებებს გააცნობს

თეთრი სახლი ჯო ბაიდენს ყოველდღიურ საიდუმლო მოხსენებებს გააცნობს, რომელსაც ამერიკის სპეცსამსახურები აშშ-ის პრეზიდენტისთვის ადგენენ. ამის შესახებ ინფორმაციას საინფორმაციო სააგენტო Reuters-ი თეთრ სახლში წყაროზე დაყრდნობით ავრცელებს.

25 ნოემბერი 2020, 01:20

COVID19

ჯანმო: გასული კვირის განმავლობაში, მსოფლიოში კორონავირუსის 4 მილიონზე მეტი შემთხვევა დადასტურდა

ჯანდაცვის მსოფლიო ორგანიზაციის მონაცემებით, გასული კვირის განმავლობაში, მსოფლიოში კორონავირუსის 4 მილიონზე მეტი შემთხვევა დადასტურდა, რაც პანდემიის დაწყებიდან ყველაზე მაღალი მაჩვენებელია.

დონალდ ტრამპი და მელანია ტრამპი

25 ნოემბერი 2020, 00:59

მსოფლიო

დონალდ ტრამპმა მადლიერების დღისთვის ორი ინდაური შეიწყალა. ვიდეო

აშშ-ის პრეზიდენტმა, დონალდ ტრამპმა მადლიერების დღისთვის ორი ინდაური შეიწყალა. ინდაურების შეწყალების ტრადიციული ცერემონია თეთრი სახლის ეზოში გაიმართა.

ალან რიკმანი

25 ნოემბერი 2020, 00:52

კულტურა

ალან რიკმანის დღიურები წიგნის სახით გამოიცემა

დღიურებში რიკმანი სამსახიობო ოსტატობაზე, მეგობრობაზე და პოლიტიკაზე წერდა; ყვებოდა სპექტაკლებზე, რომლებშიც მონაწილეობდა და „ჰარი პოტერის“ გადასაღებ მოედანზე მომხდარ ისტორიებს აღწერდა.

კამალა ჰარისი

25 ნოემბერი 2020, 00:47

მსოფლიო

კამალა ჰარისი: აშშ-ს ეროვნული უსაფრთხოებისა და საგარეო პოლიტიკის ინსტიტუტების გაძლიერება მოუწევს

აშშ-ის არჩეულმა ვიცე-პრეზიდენტმა, კამალა ჰარისმა განაცხადა, რომ აშშ-ს ეროვნული უსაფრთხოებისა და საგარეო პოლიტიკის ინსტიტუტების გაძლიერება მოუწევს.

 გია კვარაცხელია

25 ნოემბერი 2020, 00:45

ეკონომიკა

გია კვარაცხელია: საპოვნელი გვაქვს ოქროს შუალედი, რომელიც არც ბიზნესს, არც ეკონომიკასა და არც ადამიანების ჯანმრთელობას არ დააზიანებს

საპოვნელი გვაქვს ოქროს შუალედი, რომელიც არც ბიზნესს, არც ეკონომიკასა და არც ადამიანების ჯანმრთელობას არ დააზიანებს, - ამის შესახებ „ლილო მოლის" გენერალურმა დირექტორმა, გია კვარაცხელიამ „იმედის“ გადაცემაში „არენა" ჩართვისას განაცხადა.

იუტა ობელისკი

25 ნოემბერი 2020, 00:43

ტაბლოიდი

იუტას უდაბნოში ლითონის უცნაური ობელისკი იპოვეს

ობიექტი საჯარო უსაფრთხოების დეპარტამენტის თანამშრომლებმა ვერტმფრენიდან შეამჩნიეს. ობელისკი ძალიან ჰგავს სტენლი კუბრიკის ფილმში „2001 წლის კოსმოსური ოდისეა“ წარმოდგენილ მონუმენტს. ოფიციალური პირები ვარაუდებონ, რომ შესაძლოა ობიექტი სწორედ ამ სურათის მოყვარულებმა ან ჯერჯერობით უცნობმა არტისტებმა დაამონტაჟეს. თუმცა ამ დროისთვის ობიექტის წარმომავლობა და მისი უდაბნოში დამონტაჟების მიზეზი უცნობია.

გიორგი ამილახვარი

25 ნოემბერი 2020, 00:41

პოლიტიკა

გიორგი ამილახვარი: ქართველი ხალხის ნების რევიზია ვერ მოხდება, ვინაიდან არჩევნების ლეგიტიმაციის საკითხი არ დგას

„ქართული ოცნება“ მზადაა განიხილოს ყველა საკითხი, მათ შორის ის რეკომენდაციები და ხარვეზები, რაც დასკვნებშია ასახული არჩევნებთან დაკავშირებით, - ამის შესახებ „ქართული ოცნების“ პარტიული სიის წევრმა, გიორგი ამილახვარმა განაცხადა.

ზაზა წერეთელი

25 ნოემბერი 2020, 00:27

COVID19

ზაზა წერეთელი: აუცილებელია იმ შეზღუდვების გამკაცრება, რომელიც ამ დროისთვის საქართველოში მოქმედებს

„ეს ის პერიოდია, როდესაც ადამიანების მობილობა ძალიან იზრდება და ყველა ქვეყანა მოუწოდებს მოსახლეობას, რომ ყველამ მაქსიმალურად თავი შეიკავოს ამ დღესასწაულების ფართო აღნიშვნისგან. უნდა გადაიდგას ნაბიჯები, იმისათვის, რომ ვირუსის გავრცელების ნაკლები შესაძლებლობა იყოს. ეს ნიშნავს, რომ არ მოხდეს ადამიანების თავშეყრა დახურულ სივრცეში, ადამიანებს ეკეთოთ პირბადე. ვფიქრობ, რომ ის ნაბიჯები, რომელზეც არის საუბარი, რაც გულისხმობს ადამიანებს შორის კონტაქტის შემცირებას, მასობრივი თავშეყრების შემცირებას, არის ძალიან მნიშვნელოვანი“, - განაცხადა ზაზა წერეთელმა.

ზურაბ გურული

25 ნოემბერი 2020, 00:25

COVID19

ზურაბ გურული: მივექანებით მწვავე პიკისაკენ და ამ პიკს ჯანდაცვის სექტორი ვერ გაუძლებს

რეალობა არის ის, რომ სიტუაცია ძალიან მძიმეა, მივექანებით მწვავე პიკისაკენ და ამ პიკს ჯანდაცვის სექტორი ვერ გაუძლებს, - ამის შესახებ მისისიპის უნივერსიტეტის პროფესორმა, აშშ-ში მოღვაწე ქართველმა ექიმმა ზურაბ გურულმა საქართველოს პრემიერ-მინისტრისა და ჯანდაცვის სფეროს ექსპერტების დღევანდელი შეხვედრის შემდეგ განაცხადა.

თამარ გაბუნია

25 ნოემბერი 2020, 00:22

COVID19

თამარ გაბუნიას თქმით, საქართველო კორონავირუსის საწინააღმდეგო ვაქცინის მისაღებად აქტიურად ემზადება

„ჩვენთვის ოპტიმისტური სცენარი ვაქცინის მიღებისა არის გაზაფხული, როცა ვაქცინები გაივლის საბოლოო ეტაპს და მოხდება მათი ავტორიზაცია და ქვეყნებისთვის მიწოდება. რა თქმა უნდა, ველოდებით ამ ყველაფერს, მაგრამ ველოდებით არა პასიურად, არამედ აქტიურად, მოსამზადებელი სამუშაოები ტარდება და უკვე დონორი ორგანიზაციების გვეხმარებიან იმაში, რომ ქვეყანამ შეაფასოს მისი მზაობა“, - განაცხადა გაბუნიამ.

25 ნოემბერი 2020, 00:20

პოლიტიკა

საგარეო საქმეთა სამინისტრო: მოვუწოდებთ რუსეთის ფედერაციას, შეწყვიტოს საქართველოს ოკუპირებული ტერიტორიების ფაქტობრივი ანექსიისაკენ მიმართული უკანონო ნაბიჯები

მოვუწოდებთ რუსეთის ფედერაციას, შეწყვიტოს დესტრუქციული მოქმედებები და საქართველოს ოკუპირებული ტერიტორიების ფაქტობრივი ანექსიისაკენ მიმართული უკანონო ნაბიჯები, - ამის შესახებ ნათქვამია საქართველოს საგარეო საქმეთა სამინისტროს მიერ გავრცელებულ განცხადებაში.

თამარ გაბუნია

25 ნოემბერი 2020, 00:19

COVID19

თამარ გაბუნია სთხოვს მოსახლეობას, ნუ შეეცდებიან თავიანთი გზებით საავადმყოფოში მოხვედრას

გვინდა მოსახლეობას ვთხოვოთ, რომ ნუ შეეცდებიან თავიანთი გზებით საავადმყოფოში მოხვედრას და დაელოდონ ექიმის გადაწყვეტილებას. ყველას შეიძლება ჰყავდეს ნაცნობი ექიმი და ადამიანი უფრო მშვიდად გრძნობს თავს, თუ საავადმყოფოში იქნება, და ვერც ეს ექიმი ეუბნება უარს, მაგრამ ასე ჩვენ ვიკავებთ ადგილს, რომელიც უფრო მძიმე პაციენტს სჭირდება. ამიტომ რაღაც პერიოდი დაგვჭირდება, რათა ნაკადები უფრო ეფექტურად იყოს მართული, - ამის შესახებ ტელეკომპანია „იმედის“ გადაცემაში „არენა“ ჯანდაცვის მინისტრის მოადგილემ, თამარ გაბუნიამ განაცხადა.

დიმიტრი ხუნდაძე

25 ნოემბერი 2020, 00:11

პოლიტიკა

დიმიტრი ხუნდაძე: ულტიმატუმების ფონზე შეთანხმება ძალიან მძიმე მისაღწევია

„ულტიმატუმების ფონზე შეთანხმება ძალიან მძიმე მისაღწევია, მით უმეტეს, როცა ულტიმატუმი არის იმდგავარი, რომ პრაქტიკულად მმართველმა გუნდმა უარი უნდა თქვას საკუთარი ამომრჩევლის გადაწყვეტილებაზე, რაც არათუ არასწორი იქნება, ეს არის დაუშვებელი. აი მაშინ იქნება სწორედ შეცდომა უმრავლესობის მხრიდან დაშვებული, რომელიც საკუთარი საზოგადოების გაღებულ ხმას არ დაიცავს და ქვეყანაში ბიძგს მისცემს უსაფუძვლო, გაუთავებელ არჩევნებს“, - განაცხადა ხუნდაძემ.

თამარ გაბუნია

25 ნოემბერი 2020, 00:11

COVID19

თამარ გაბუნია: ნებისმიერ შემთხვევაში პაციენტი ოჯახის ექიმს უნდა დაუკავშირდეს, თვითმკურნალობა დაუშვებელია

ნებისმიერ შემთხვევაში პაციენტი ოჯახის ექიმზე უნდა გავიდეს. თვითმკურნალობა არცერთ შემთხვევაში გამართლებული არ არის, - ამის შესახებ ჯანდაცვის მინისტრის მოადგილემ, თამარ გაბუნიამ „იმედის“ გადაცემაში „არენა“ განაცხადა.

დიმიტრი ხუნდაძე

25 ნოემბერი 2020, 00:01

COVID19

დიმიტრი ხუნდაძე: შეზღუდვების გამკაცრება გარდაუვალია, გადაწყვეტილება ალბათ ხვალ იქნება მიღებული

ამ ვითარებაში შეზღუდვების გამკაცრება გარდაუვალია. გადაწყვეტილება ალბათ ხვალ იქნება მიღებული და ეკონომიკური გუნდი, ეპიდემიოლოგები და მთავრობა - ყველა ერთად მივიღებთ გადაწყვეტილებას შეზღუდვებთან დაკავშირებით, - ამის შესახებ ტელეკომპანია „იმედის“ გადაცემაში „არენა“ ჯანდაცვისა და სოციალურ საკითხთა კომიტეტის თავმჯდომარემ, დიმიტრი ხუნდაძემ განაცხადა.

დიმიტრი ხუნდაძე

24 ნოემბერი 2020, 23:59

COVID19

დიმიტრი ხუნდაძე კორონავირუსის შემთხვევების მატებაზე: რა თქმა უნდა, ფეთქებადი ბიძგი მისცა ქუჩაში ოპოზიციის მიერ მოწყობილმა აურზაურმა

„რა თქმა უნდა, ფეთქებადი ბიძგი მისცა ქუჩაში ოპოზიციის მიერ მოწყობილმა აურზაურმა. წარმოიდგინეთ, მთელი მსოფლიო ემზადება შესაძლო მეორე ტალღისთვის, დარგის სპეციალისტები, ჯანდაცვის მსოფლიო ორგანიზაცია მოგვიწოდებს, რომ მთავარი იარაღი გამოვიყენოთ - ფიზიკური დისტანცირება და პირბადე, რომ არ გავრცელდეს ინფექცია და პრაქტიკულად ოპოზიციამ ეს იარაღი აყარა პირველ რიგში საკუთარ მომხრეებს და რისკის ქვეშ დააყენა მათი ჯანმრთელობა და სწორედ ეს ნაწილი გახლდათ დანარჩენი საზოგადოებისთვის საფრთხე“, - განაცხადა ხუნდაძემ.