imedi /  18 ივნისი 2019, 23:20 / სანდო წყარო

როგორ მოვიშორო აქცენტი უცხო ენაზე საუბრისას. რეკომენდაცია

უცხო ენაზე საუბრისას აქცენტი ბევრ ადამიანს აქვს და მისი მოშორება არც ისე მარტივია. ძლიერმა აქცენტმა, ისევე როგორც ეგზოტიკურმა კილომ, შესაძლოა, თქვენს კარიერას ხელი შეუშალოს. კვლევის შედეგად დადგინდა, რომ მსოფლიოს პრესტიჟული ორგანიზაციები მაღალი რანგის თანამდებობებზე უპირატესობას ანიჭებენ იმ ადამიანების დანიშვნას, რომლებიც სტანდარტული ბრიტანული ან ამერიკული აქცენტით ლაპარაკობენ.

რატომ არის ინგლისურის ცოდნა მნიშვნელოვანი?

2020 წლისთვის მთელ მსოფლიოში ინგლისურად 2 მილიარდი ადამიანი ილაპარაკებს, - ასეთია ბრიტანული საბჭოს (საერთაშორისო ორგანიზაცია, რომელიც დიდ ბრიტანეთსა და სხვა ქვეყნებს შორის განათლების, კულტურისა და ხელოვნების მიმართულებით თანამშრომლობის განვითარებაზე მუშაობს) პროგნოზი. დღეისთვის კი ინგლისურად 1.75 მილიარდი ადამიანი ლაპარაკობს.

ბიზნესისთვის ინგლისური ენა უკვე გახდა კომუნიკაციის გლობალური საშუალება, თუმცა იდეალური აქცენტით ლაპარაკი ბევრს არ გამოსდის იმის გათვალისწინებითაც კი, რომ ბიზნესმენების ძალიან დიდი ნაწილისთვის ინგლისური მშობლიური ენაა. კვლევის თანახმად, ბრიტანელების მეოთხედს მიაჩნია, რომ თავისი კილოს გამო დისკრიმინირებულია. 

ისეთმა კომპანიებმა, როგორიც არის Audi, Airbus-ი, Renault-ი და Samsung-ი მთელ მსოფლიოში არსებულ თავიანთ წარმომადგენლობებში ოფიციალურ ენად სტანდარტული ინგლისური აირჩიეს. თუმცა სხვადასხვა ორგანიზაციას განსხვავებული წესები აქვს. მაგალითად, ზოგან ინგლისური ენის ცოდნის ვალდებულება შეიძლება ჰქონდეს მხოლოდ მაღალი რანგის მმართველი რგოლის წარმომადგენელს, სხვაგან კი, შესაძლოა, ეს წესი თითოეულ თანამშრომელზე გავრცელდეს. კომპანიები ცდილობენ, საერთაშორისო არენაზე თავიანთი შემოსავლები გაზარდონ. ეს ეხება განსაკუთრებით იმ კომპანიებს, რომლებსაც თავიანთი პროდუქცია ან მომსახურება ექსპორტზე გააქვთ. ისეთ ფრანგულ კორპორაციებში, როგორიც არის L’Oreal-ი და LVMH, რომლებიც თავიანთი პროდუქციის დიდ ნაწილს საერთაშორისო ბაზარზე ყიდიან, ინგლისური ენის ცოდნა სასიცოცხლოდ მნიშვნელოვანია.

ინგლისური ენის ცოდნის ტენდენცია არ უცვლება, მიუხედავად იმისა, რომ დიდი ბრიტანეთი ევროკავშირს ტოვებს. როგორც კი ეს მოხდება, ევროკავშირის წევრი დანარჩენი 27 წევრი ქვეყნისთვის ინგლისური ოფიციალური ენა აღარ იქნება, თუმცა ის ევროკავშირის სამუშაო ენად მაინც დარჩება.

„შიბბოლეთი“

საუკუნეების განმავლობაში ენა გამოიყენებოდა იმისათვის, რომ ადამიანები კატეგორიებად დაეყო. ამის კლასიკური მაგალითია ბიბლეიზმი „შიბბოლეთი“, რომელიც საბოლოოდ ლინგვისტურ ტერმინად (რთულად წარმოსათქმელი სიტყვა, რომლითაც უცხოელს ცნობენ) იქცა. ბიბლიის თანახმად, სიტყვა „შიბბოლეთი“ („წყლის ნაკადი“, „დინება“) გამოიყენეს იმისთვის, რომ განსხვავებული დიალექტი გამოეცნოთ. როდესაც გალაადის ქვეყნის მცხოვრებლებმა ეფრემელები დაამარცხეს, მათ უნდოდათ იმ ადამიანების გამოცნობა, ვისაც გაქცევა სურდა. ეფრემელები გალაადელებისგან თავის დაცვას ცდილობდნენ. ეს უკანასკნელნი კი ყველა შემხვედრს აიძულებდნენ, სიტყვა „შიბბოლეთი“ წარმოეთქვა. ეფრემელები ასო „შ“-ს ვერ ამბობდნენ, სწორედ ამით მჟღავნდებოდა მათი ნამდვილი ვინაობა და გამარჯვებულები მათ ხოცავდნენ. ძველი აღთქმის მიხედვით, 42 000-მა ადამიანმა ვერ წარმოთქვა სწორად ეს სიტყვა. 

რა უნდა გააკეთოს ადამიანმა, აქცენტი რომ გაქრეს?

ფრანგმა ექიმმა-ოტოლარინგოლოგმა ალფრედ ტომატისმა აღმოაჩინა, რომ ყველა ენას თავისი დიაპაზონი აქვს. ენის შემსწავლელი სკოლები, მათ შორის პარიზის Sound Sense, ამისათვის სპეციალურ მოწყობილობა „ელექტრონულ ყურს“ იყენებენ. აპარატი შედგება ყურსასმენისგან, რომელიც ყურს ზუსტად ისე გადასცემს ბგერებს, როგორც სასმენი აპარატი. ეს ხდება ვიბრაციის საშუალებით, რომელიც სიგნალს თავის ქალის ძვლის მეშვეობით გზავნის.

ექსპერტ-ლინგვისტები ამბობენ, რომ ჩვენი საუბარი შედგება ძირითადი ტონებისა და ობერტონებისგან. ტომატისის მეთოდი ითვალისწინებს იმას, რომ ენა ობერტონების სხვადასხვა დიაპაზონში ჟღერს. მაგალითისთვის, ბრიტანული ინგლისურის დიაპაზონი 2 000-დან 12 000 ჰერცამდე მერყეობს, ფრანგულის კი - 125-250-დან 1000-2000 ჰერცამდე.

ეს მეთოდი მიმართულია იქითკენ, რომ ყური ამა თუ იმ ენისთვის დამახასიათებელ დიაპაზონს, ენობრივ თავისებურებებსა და სიხშირეს მიეჩვიოს. თავდაპირველად მოწმდება, რამდენად კარგად შეუძლია ადამიანს სხვადასხვა სიხშირის გარჩევა და აღქმა. შემდეგი ორი საათის განმავლობაში ადამიანი ისმენს კლასიკურ მუსიკას, რომელშიც სხვადასხვა სიხშირე არის გაფილტრული, ის ხან ირთვება, ხან ითიშება. ამ დროს შუა ყურის მცირე კუნთები ვარჯიშობს და მათი გაკეთება სახლის პირობებშიც თავისუფლადაა შესაძლებელი.

ენის შემსწავლელ ზოგიერთ სკოლაში აცხადებენ, რომ ასეთი ვარჯიში ენის შესწავლისთვის საჭირო დროს ზოგიერთ შემთხვევაში 50%-ითაც კი ამცირებს. ვალენსიის პოლიტექნიკური უნივერსიტეტის მეცნიერებმა ტომატისის მეთოდი გამოსცადეს და ის ენის შემსწავლელ ეფექტიან საშუალებად აღიარეს.

რატომ არის ამდენად რთული აქცენტის მოშორება?

იმიტომ, რომ ყველაფერი და მათ შორის ენისადმი შეჩვევაც ბავშვობაში იწყება. ახალშობილის ტვინი ადამიანური საუბრის ყველა სიხშირეს აღიქვამს, მაგრამ ზრდასთან ერთად (უკვე 8 თვის ასაკიდან) „არასაჭირო“ სიხშირეები განზე იწევს და ბავშვი ორიენტირდება მხოლოდ იმათზე, რომლებიც მისი მშობლიური ენისთვის არის დამახასიათებელი.

ზოგიერთი ლინგვისტი 6 წელს გარდამტეხ ასაკად თვლის. სწორედ ამ დრომდე ბავშვი თავისუფლად სწავლობს ენას. სპეციალისტების აზრით, დიდებისთვის უცხო ენის უაქცენტოდ შესწავლა, ფაქტობრივად, შეუძლებელია. ამიტომაც ფრანგულენოვან ადამიანს თითქმის გადაულახავი სირთულეები ექნება, რომ ისაუბროს როგორც ბრიტანელმა, რადგან მისი ტვინი ინგლისური ენის სიხშირეებს ვეღარ აღიქვამს. შესაბამისად, ფრანგის სამტყველო აპარატი ინგლისურისთვის დამახასიათებელ ბგერებს ზუსტად ვერ გამოსცემს, რადგან არ ესმის.

ლინგვისტების განმარტებით, არსებობენ ადამიანები, რომლებსაც ენების შესწავლის ბუნებრივი ნიჭი აქვთ. ყველაზე ხშირად ეს ადამიანები მრავალენოვან გარემოში იზრდებოდნენ. ამიტომაც მათი ყური სხვადასხვა სიხშირეს შეჩვეულია და ტვინი „უცხო“ სიხშირეებს აღარ ფილტრავს და მათ მიმართ მგრძნობელობას არ კარგავს.

აქცენტის მოშორების სხვა საშუალებებიც არსებობს?

ექსპერტ-ლინგვისტებს მიაჩნიათ, რომ საუკეთესო მეთოდი უცხო ენის უაქცენტოდ შესასწავლად, არის რაც შეიძლება ბევრი ისმინოთ და ილაპარაკოთ. ერთ-ერთი ეფექტიანი საშუალებაა, ხმამაღლა კითხვა და თუ გვერდით იმ ენაზე მოლაპარაკე ადამიანი გეყოლებათ, რომელიც შეცდომებს გაგისწორებთ, იდეალური ვარიანტია.

ყველა სიახლე

სკანდინავიელი ტურისტების მკვლელები

19 ივლისი 2019, 00:42

მსოფლიო

მაროკოში სკანდინავიელი ტურისტების მკვლელებს სიკვდილი მიუსაჯეს

ტერორისტული დაჯგუფება „ისლამური სახელმწიფოს“ მხარდამჭერებს, რომლებსაც ბრალი მაროკოში ორი სკანდინავიელი ტურისტის მკვლელობაში ედებოდათ, სასიკვდილო განაჩენი გამოუტანეს. 24 წლის დანიელის, ლუიზა ვესტერაგერ იესპერსენისა და 28 წლის ნორვეგიელის, მარენ უელანდის თავმოჭრილი გვამები მაროკოში გასული წლის დეკებმერში აღმოაჩინეს.

 Lotus Evija

19 ივლისი 2019, 00:30

ტექნოლოგიები

ბრიტანული Lotus-ი ახალ სუპერმანქანას შექმნის

ბრიტანული ავტომწარმოებელი Lotus -ი სუპერმანქანების დარგში ლიდერობის დაბრუნებისთვის იბრძვის. კომპანია ახალ ავტომობილ Evija-ს შექმნის, რომლიც კომპანიას ელიტური ავტომობილების ბაზარზე დააბრუნებს. ახალი ელექტრომობილი 2000 ცხენის ძალის სიჩქარეს განავითარებს. კომპანია წარმოებაში პირველ ეტაპზე 130 ავტომობილს ჩაუშვებს.

დონალდ ტრამპი

19 ივლისი 2019, 00:00

მსოფლიო

ამერიკულმა გემმა ჰორმუზის სრუტეში ირანული დრონი ჩამოაგდო

აშშ-ის პრეზიდენტის დონალდ ტრამპის განცხადებით, ამერიკის სამხედრო-საზღვაო ძალების გემმა ჰორმუზის სრუტეში ირანული უპილოტო საფრენი აპარატი ჩამოაგდო. ტრამპის თქმით, ირანული დრონი ამერიკულ გემს 900 მეტრის მანძილზე მიუახლოვდა და გემისა და მისი ეკიპაჟისთვის საფრთხეს წარმოადგენდა.

18 ივლისი 2019, 23:54

ეკონომიკა

ესპანური Inditex-ი 2025 წლიდან ეკოლოგიურ ტანსაცმელს გაყიდის

ტანსაცმლის მწარმოებელი ესპანური Inditex-ი რომელიც ბრენდებს Zara-ს, Pull & Bear-ს, Bershka-ს, Massimo Dutt-ის აერთიანებს 2025 წლისთვის ეკოლოგიურ ტანსაცმელს გაყიდის. ყველა მოდელი ბამბისგან და პოლიესტერისგან იქნება დამზადებული.

ელექტროსადგური ირანში

18 ივლისი 2019, 23:44

მსოფლიო

აშშ-მა ირანის წინააღმდეგ სანქციები გაამკაცრა

აშშ-ის ფინანსთა სამინისტროს ინფორმაციით, სანქციები ირანის 5 მოქალაქისა და 7 კომპანიის წინააღდეგ დაწესდა. უწყების ინფორმაციით, სასანქციო სიაში მოხვედრილი ადამიანები და კომპანიები დაკავშირებულები არიან ირანის ცენტრიფუგული ტექნოლოგიების კომპანიასთან, რომელიც ბირთვული საწვავის გამდიდრების სფეროში მუშაობს.

18 ივლისი 2019, 23:13

ტექნოლოგიები

Google-ი და Facebook-ი პორნოგრაფიული ვებგვერდების მომხმარებლებს უთვალთვალებენ

მსხვილი ტექნოლოგიური კომპანიები, მათ შორის Google-ი და Facebook-ი პორნოგრაფიული ვებგვერდების მომხმარებლებს უთვალთვალებენ, მაშინ როდესაც ისინი „ინკოგნიტოს“ ფუნქციით სარგებლობენ. ამის შესახებ პენსილვანიის უნივერსიტეტის, კარნეგი-მელონის უნივერსიტეტისა და Microsoft-ის სპეციალისტების ერთობლივი კვლევის შედეგები მეტყველებს.

ქუთაისის „ტორპედო“
ყაზახეთის „ორდაბასი“

18 ივლისი 2019, 23:12

სპორტი

ქუთაისის „ტორპედო“ ევროპა ლიგას გამოეთიშა

ქუთაისის ტორპედომ ევროპა ლიგის პირველი საკვალიფიკაციო ეტაპის განმეორებით შეხვედრაში ყაზახურ ორდაბასს უმასპინძლა. მატჩი მიხეილ მესხის სახელობის სტადიონზე გაიმართა.

18 ივლისი 2019, 22:52

ტექნოლოგიები

BBC: 2021 წელს ევროპაში ელექტრომობილების რაოდენობა გასამმაგდება

ელექტრომობილების რაოდენობა ევროპაში 2021 წლისთვის გასამმაგდება. ინფორმაციას BBC ევროპის ეკოლოგიაზე ლობისტების ჯგუფზე დაყრდნობით ავრცელებს. ბოლო მონაცემებით, 2021 წელს ავტომწარმოებლები ბაზარზე ელექტრომობილის 214 მოდელს გამოიტანენ. 2018 წლის ბოლოს ამ მაჩვენებელმა 60 შეადგინა.

ზვიად შალამბერიძე

18 ივლისი 2019, 22:45

საქართველო

იმერეთის გუბერნატორად ზვიად შალამბერიძე დანიშნეს

ზვიად შალამბერიძე 2001-2004 წლებში გაერო-ს განვითარების პროგრამაში მუშაობდა, შემდეგ კი კერძო სექტორში, მათ შორის სადაზღევო კომპანიებში – „ჯი პი აი ჰოლდინგი“ და „ირაო“. 2015-2019 წლებში შპს „ფრეგოს“ დასავლეთ საქართველოს რეგიონული მენეჯერი იყო.

18 ივლისი 2019, 22:06

საქართველო

საგარეო უწყება: დავით გარეჯში 14 ივლისის მსგავსი ინციდენტების გამეორებას არ დავუშვებთ

იმედს ვიტოვებთ, აზერბაიჯანელ კოლეგებთან ერთად, სახელმწიფო საზღვრის დელიმიტაციის პროცესი დასრულდება სტრატეგიული პარტნიორობის სულისკვეთების შესაბამისად, – ამის შესახებ საქართველოს საგარეო საქმეთა მინისტრის მოადგილემ, ლაშა დარსალიამ დავით გარეჯის საკითხზე განაცხადა.

კადრი ფილმიდან „იგი 2“

18 ივლისი 2019, 21:50

კულტურა

„იგი 2“-ის ტრეილერი გამოქვეყნდა

„იგი 2“-ში სტივენ კინგის ნაწარმოების მიხედვით გადაღებული ფილმის პირველი ნაწილის გმირები ზრდასრულ ასაკში მშობლიურ ქალაქ დერიში ბრუნდებიან, სადაც კვლავ გაიღვიძა ძველმა ბოროტებამ, რომელმაც ასახვა ჯამბაზ პენივაიზში ჰპოვა.

კორი ჰენრი

18 ივლისი 2019, 21:47

კულტურა

ბათუმში შავი ზღვის ჯაზ ფესტივალს კორი ჰენრი გახსნის

ბათუმი დღეიდან შავი ზღვის რიგით მეცამეტე ჯაზ-ფესტივალს მასპინძლობს. როგორც ყოველთვის, ფესტივალი მელომანებს ჯაზისა და სხვა მუსიკალური მიმდინარეობების სინთეზს შესთავაზებს. ფესტივალს, რომელიც სამი დღის განმავლობაში გაგრძელდება, დღეს კორი ჰენრი გახსნის.

18 ივლისი 2019, 21:27

საქართველო

15 არასამთავრობო ორგანიზაცია „რუსთავი 2“-თან დაკავშირებით განცხადებას ავრცელებს

„ხელმომწერი ორგანიზაციები ვეხმიანებით ტელეკომპანია „რუსთავი 2“-თან დაკავშირებით ადამიანის უფლებათა ევროპული სასამართლოს გადაწყვეტილების შემდგომ წარმოქმნილ ახალ მოცემულობას, რომელიც ქართული მყიფე დემოკრატიისათვის დიდი გამოწვევაა“, - ნათქვამია განცხადებაში.

პაატა სალია

18 ივლისი 2019, 21:19

საქართველო

სალია: გვარამიამ მითხრა რომ მის კაბინეტში ვერ შევიდოდი

ნიკა გვარამია არ არის არხის გენერალური დირექტორი, შესაბამისად, მას როგორც გენერალური დირექტორს არ აქვს არანაირი უფლებების განხორციელების საფუძველი. ის აქ დირექტორის რანგში უკანონოდ იმყოფება, - ამის შესახებ „რუსთავი 2“-ის შენობის დატოვების შემდეგ ტელეკომპანიის ახალმა გენერალურმა დირექტორმა პაატა სალიამ განაცხადა.

სალომე ზურაბიშვილი

18 ივლისი 2019, 21:10

საქართველო

ზურაბიშვილი: ევროპულმა სასამართლომ საქართველოსთვის უპრეცედენტო გადაწყვეტილება მიიღო

საქართველოს პრეზიდენტი სალომე ზურაბიშვილი „რუსთავი 2“- თან დაკავშირებით სტრასბურგის ადამიანის უფლებათა დაცვის ევროპული სასამართლოს გადაწყვეტილებას გამომეხმაურა. „ევროპულმა სასამართლომ საქართველოსთვის უპრეცედენტო გადაწყვეტილება მიიღო“ - აცხადებს ზურაბიშვილი.

ორთავიანი კუ

18 ივლისი 2019, 20:38

ტექნოლოგიები

მალაიზიაში ორთავიანი კუ იპოვეს

მალაის არქიპელაგის კუნძულ მაბულზე ბუნებისდამცველებმა ორთავიანი კუ იპოვეს. ამის შესახებ უცხოური მედია წერს. მეცნიერების თქმით, სამეცნიერო ცენტრში დაბადებულ 13 ათას კუს შორის ასეთი შემთხვევა აქამდე არ დაფიქსირებულა. ბიოლოგი დევიდ მაკანი ამბბოს, რომ თითოეული თავი გარემოზე დამოუკიდებლად რეაგირებს და სუნთქავს.

18 ივლისი 2019, 20:37

მსოფლიო

მსოფლიოში გადაშენების პირას მყოფი თუთიყუშის იშვიათი სახეობა გადარჩა

ახალ ზელანდიაში გადაშენების პირას მყოფი თუთიყუშის იშვიათი სახეობა გადარჩა. ბოლო 10 წლის განმავლობაში თუთიყიშის ეს სახეობა არ მრავლდებოდა. 2019 წლის სეზონზე კი ამ თუთიყუშის 150 ბარტყი გამოიჩეკა. მეცნიერების შეფასებით, ფრინველის გადაშენება მტაცებლების თავდასხმებმა განაპირობა.

პაატა სალია

18 ივლისი 2019, 20:20

საქართველო

პაატა სალია „რუსთავი 2“-ში მივიდა

ბიზნესმენ ქიბარ ხალვაშის ადვოკატი „რუსთავი2“-ში მივიდა. პაატა სალია იმედოვნებს, რომ თანამშრომლებთან ურთიერთობა კონსტრუქციულ რეჟიმში წარიმართება. „რუსთავი2“-ს ახალი დირექტორი აცხადებს, რომ გვარამია დირექტორი აღარ არის და თუ პრეტენზიები აქვს კონტრაქტის მიხედვით შეუძლია სასამართლოს მიმართოს.

FaceApp

18 ივლისი 2019, 20:05

ტექნოლოგიები

რა უნდა იცოდეთ „დაბერების“ აპლიკაციის შესახებ. მთავარი

ინტერნეტ-საზოგადოების ყურადღება მიიპყრო FaceApp-ის სამომხმარებლო შეთანხმებამ, რომელშიც გადმოწერის შემდეგ „მომხმარებლის ფოტოების, სახელისა და სახის ნებისმიერი მიზნით გამოყენება“ არის მითითებული. შეთანხმებაში ასევე ნათქვამია, რომ აპლიკაცია აგროვებს ინფორმაციას ადგილმდებარეობისა და ვებგვერდების მონახულების ისტორიის შესახებ.

თვითმფრინავის სალონი

18 ივლისი 2019, 19:21

ტექნოლოგიები

ავიაკატასტროფის შემთხვევაში თვითმფრინავის ყველაზე უსაფრთხო ადგილები დასახელდა

ავიაკომპანიის განცხადებამ აღშფოთება გამოიწვია. მომხმარებლების ნაწილს კითხვები ამ ინფორმაციის გამოქვეყნების მიზანშეწონილობამ გაუჩინა, სხვებმა კი ავიაკომპანია ტყუილში დაადანაშაულეს. ამის შემდეგ ავიაკომპანიამ განმარტა, რომ გამოქვეყნებული ინფორმაცია არა კომპანიის თანამშრომლების პირადი აზრი, არამედ ყველასათვის ცნობილი ფაქტია.