არქივი
05 აპრილი 2026, 13:50
თავდაცვა
„ჩვენი ჯარის“ ფარგლებში, სამხედროები სკოლის მოსწავლეებთან საინფორმაციო შეხვედრებს მართავენ
სამხედროებმა უფროსკლასელებს თავდაცვის ძალების შექმნის ისტორიასა და სტრუქტურაზე, მის დანიშნულებასა და მიზნებზე, სამხედრო წოდებებსა და საერთაშორისო მისიებზე დეტალური ინფორმაცია მიაწოდეს. მათ მოსწავლეებს გააცნეს საქართველოს ეროვნული თავდაცვის აკადემიისა და კადეტთა სამხედრო ლიცეუმის მიზნები, სასწავლო პროგრამები, მიღების პირობები და სამხედრო კარიერული განვითარების შესაძლებლობები. შეხვედრაზე, ასევე გაიხსენეს საქართველოს ერთიანობისთვის ბრძოლებში დაღუპული გმირების ისტორიები. სამხედრო მოსამსახურეებმა სპეციალურად შეხვედრისთვის მომზადებული ვიდეომასალაც წარადგინეს. შეხვედრის დასასრულს კი, მოსწავლეებს სამახსოვრო საჩუქრები გადაეცათ.
05 აპრილი 2026, 13:37
მსოფლიო
ორბანი აცხადებს, რომ სერბეთისა და უნგრეთის დამაკავშირებელი გაზის ინფრასტრუქტურის აფეთქება იგეგმებოდა
„ახლახან დავასრულე სატელეფონო საუბარი სერბეთის პრეზიდენტ ალექსანდრ ვუჩიჩთან. სერბეთის სამართალდამცავებმა კრიტიკულ გაზის ინფრასტრუქტურაზე, რომელიც სერბეთსა და უნგრეთს აკავშირებს, გამანადგურებელი ასაფეთქებელი ნივთიერებები და გასააქტიურებლად საჭირო აღჭურვილობა აღმოაჩინეს. მიმდინარეობს გამოძიება. დღეს ნაშუადღევს თავდაცვის საგანგებო საბჭო მოვიწვიე“, - წერს ორბანი.
05 აპრილი 2026, 12:46
პოლიტიკა
ლიზა გეგეჭკორი: ძალიან კარგი ქნეს, რომ გააძევეს ეს სადიგოვი. რომელი თავმოყვარე ქვეყანა აპატიებს ვინმე უცხოელს, თუნდაც სხვა ქვეყანაში ჩასულ ქართველს 63-ჯერ კანონდარღვევას? მე გეტყვით - არცერთი
ძალიან კარგი ქნეს, რომ გააძევეს ეს სადიგოვი. 63-ჯერ დაარღვია საქართველოს ადმინისტრაციული კანონი. აბა მითხარით ვინმემ, რომელი თავმოყვარე ქვეყანა აპატიებს ვინმე უცხოელს, თუნდაც სხვა ქვეყანაში ჩასულ ქართველს 63-ჯერ კანონდარღვევას? მე გეტყვით - არცერთი,- წერს ჟურნალისტი ლიზა გეგეჭკორი სოციალურ ქსელში.
05 აპრილი 2026, 12:27
საზოგადოება
მინერალური რესურსების ეროვნული სააგენტოს უფროსმა აბელ აბესაძემ გეოლოგებს პროფესიული დღე მიულოცა
„მინერალური რესურსების ეროვნული სააგენტო გამოირჩევა დარგის მაღალკვალიფიციური პროფესიონალებით. ბევრმა მათგანმა წლების განმავლობაში მნიშვნელოვანი წვლილი შეიტანა გეოლოგიური კვლევების განვითარებაში, ფონდური მასალის შენარჩუნებაში, ახალი რესურსების აღმოჩენასა და ქვეყნის ბუნებრივი სიმდიდრის შესწავლაში. მათი ყოველდღიური საქმიანობა ქმნის მყარ საფუძველს გარემოს დაცვის, ეკონომიკური განვითარებისა და მომავალი თაობებისთვის რესურსების შენარჩუნების საქმეში“,- განაცხადა აბელ აბესაძემ.
05 აპრილი 2026, 11:40
კულტურა
კვიპროსის ეროვნულმა სიმფონიურმა ორკესტრმა აღდგომის დღესასწაულისადმი მიძღვნილი კონცერტი საქართველოს კათოლიკოს-პატრიარქის პატივსაცემად საგალობლით -„კირიე ელეისონ" დაასრულა
კვიპროსის ეროვნულმა სიმფონიურმა ორკესტრმა აღდგომის დღესასწაულისადმი მიძღვნილი კონცერტი საქართველოს კათოლიკოს-პატრიარქის, ილია მეორეს პატივსაცემად მის მიერ დაწერილი საგალობლით - „კირიე ელეისონ“ დაასრულა. საგალობელი ცნობილმა სოპრანომ მარიზა ანასტასიადესმა შეასრულა.
05 აპრილი 2026, 11:36
მსოფლიო
ზელენსკი: კიდევ ერთხელ ვამბობ, რომ ჩვენ მზად ვართ ლიდერების შეხვედრისთვის, ნებისმიერ ფორმატში
„ყველაფერს გავაკეთებთ ომის დასასრულებლად. ამაზე პრეზიდენტ ერდოღანსაც ვესაუბრე. ისიც ჩვენ გვემხრობა, ისიც მშვიდობის მხარესაა. რასაკვირველია, ყველას გვინდა ომის დასრულება და ამისთვის ყველა დიპლომატიური გამოცდილება უნდა გამოვიყენოთ. კიდევ ერთხელ ვამბობ, რომ ჩვენ მზად ვართ ლიდერების შეხვედრისთვის, ნებისმიერ ფორმატში“, - აღნიშნა ზელენსკიმ.
05 აპრილი 2026, 11:31
მსოფლიო
კირილ ბუდანოვი: აღდგომის შემდეგ შესაძლოა, კიევს სტივ უიტკოფი, ჯარედ კუშნერი და ლინდსი გრემი ეწვიონ
აღდგომის შემდეგ შესაძლოა კიევს, სტივ უიტკოფი, ჯარედ კუშნერი და ლინდსი გრემი ეწვიონ, - განაცხადა უკრაინის პრეზიდენტის ოფისის ხელმძღვანელმა, კირილ ბუდანოვმა Bloomberg-თან საუბარში და აღნიშნა, რომ ამერიკული დელეგაციის ვიზიტი შესაძლოა 12 აპრილის შემდეგ შედგეს.
05 აპრილი 2026, 11:27
მსოფლიო
რობერტ ფიცომ ევროპას რუსეთთან დიალოგის განახლებისკენ მოუწოდა
„მე მხოლოდ საღი აზრისკენ დაბრუნებისკენ მოვუწოდებ. მთელი ევროკავშირი და განსაკუთრებით ევროპული თანამეგობრობა, ენერგეტიკული უსაფრთხოების საკითხებში სულ უფრო ჰგავს თვითმკვლელ გემს. ევროკავშირმა და განსაკუთრებით ევროპულმა თანამეგობრობამ დაუყოვნებლივ უნდა განაახლოს დიალოგი რუსეთთან და უზრუნველყოს ისეთი პოლიტიკური და სამართლებრივი გარემო, რომელიც ცალკეულ წევრ სახელმწიფოებსა და მთლიანად ევროკავშირს მისცემს საშუალებას, შეავსონ გაზისა და ნავთობის დეფიციტური მარაგები და უზრუნველყონ სტრატეგიული ნედლეულის მიწოდება ყველა შესაძლო წყაროდან და მიმართულებიდან, მათ შორის რუსეთიდან. ამიტომ აუცილებელია გაუქმდეს უაზრო სანქციები, რომლებიც კრძალავს რუსეთისგან გაზისა და ნავთობის იმპორტს, დაიწყოს ევროკავშირის ცალკეული ინიციატივა უკრაინაში ომის რაც შეიძლება სწრაფად დასრულებისთვის და გადაიდგას გადამწყვეტი ნაბიჯები მილსადენ „დრუჟბის“ მუშაობის აღსადგენად, - წერს ფიცო.
05 აპრილი 2026, 11:25
პოლიტიკა
ვიქტორ ორბანი: ევროკავშირი ენერგეტიკული კრიზისის წინაშე დგას. მოვითხოვთ, ბრიუსელმა რუსეთის ენერგეტიკაზე სანქციები მოხსნას
უნგრეთის პრემიერ-მინისტრი ევროპაში ენერგეტიკული კრიზისის მოახლოებაზე მიუთითებს და კიდევ ერთხელ აღნიშნავს, რომ რუსეთის წინააღმდეგ სანქციები უნდა მოხსნას. „ფეისბუკზე“ გავრცელებულ ვიდეო მიმართვაში ვიქტორ ორბანი აღნიშნავს, რომ საკითხთან დაკავშირებით სლოვაკეთის პრემიერ-მინისტრს, რობერტ ფიცოს ესაუბრა, რადგან, მისი თქმით, „ევროპაში სიტუაცია კრიტიკულია“.
05 აპრილი 2026, 11:20
მსოფლიო
აბას არაღჩი: პაკისტანის ძალისხმევის მადლიერები ვართ და ისლამაბადში ჩასვლაზე უარი არასდროს გვითქვამს
„ამერიკული მედია ირანის პოზიციას არასწორად წარმოაჩენს. ჩვენ პაკისტანის ძალისხმევის მადლიერები ვართ და ისლამაბადში ჩასვლაზე უარი არასდროს გვითქვამს. ჩვენთვის მნიშვნელოვანი ჩვენზე თავსმოხვეული ამ უკანონო ომის საბოლოო და ხანგრძლივი დასრულების პირობებია“, - წერს არაღჩი.
05 აპრილი 2026, 11:16
საზოგადოება
ზაალ ანჯაფარიძე: აფგან სადიგოვს, რომელიც გუშინ გააძევეს საქართველოდან, ჩადენილი აქვს 63 ადმინისტრაციული სამართალდარღვევა, ორჯერ მოხდილი აქვს ადმინისტრაციული პატიმრობა, ცოლ-შვილი კი გახიზნული ჰყავს ევროპაში პოლიტიკური თავშესაფრით
ანალიტიკოსი ზაალ ანჯაფარიძე, აზერბაიჯანელი ჟურნალისტის, აფგან სადიგოვის საქართველოდან გაძევებას სოციალურ ქსელში ეხმიანება.
05 აპრილი 2026, 11:14
საზოგადოება
ნოდარ დუმბაძის სახელობის მოზარდ მაყურებელთა თეატრის მცირე სცენაზე სპექტაკლ „ბლეზის“ ჩვენება გაიმართა
ნოდარ დუმბაძის სახელობის მოზარდ მაყურებელთა თეატრის მცირე სცენაზე სპექტაკლ „ბლეზის“ ჩვენება გაიმართა. სპექტაკლს კულტურის მინისტრი თინათინ რუხაძე დაესწრო.
05 აპრილი 2026, 11:04
საზოგადოება
5 აპრილს გეოლოგის პროფესიული დღე აღინიშნება - საქართველოში გეოლოგიური კვლევების დაწყებიდან 185 წელი გავიდა
გარემოს დაცვისა და სოფლის მეურნეობის მინისტრის პირველმა მოადგილე ნინო თანდილაშვილმა და გარემოს ეროვნული სააგენტოს ხელმძღვანელმა ელენე ღუბიანურმა გეოლოგიის დეპარტამენტის სპეციალისტებს პროფესიული დღე მიულოცეს და დარგის განვითარებაში შეტანილი წვლილისთვის მადლობის სიგელები გადასცეს.
05 აპრილი 2026, 11:00
სამართალი
სამეგრელოს პოლიციამ განზრახ მკვლელობის ფაქტი ცხელ კვალზე გახსნა - დაკავებულია ერთი პირი
შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის თანამშრომლებმა, განზრახ მკვლელობის ბრალდებით - 1967 წელს დაბადებული მ.მ. დააკავეს. ინფორმაციას შს სამინისტრო ავრცელებს.
05 აპრილი 2026, 10:58
სამართალი
პოლიციამ თბილისში ჯანმრთელობის განზრახ მძიმე დაზიანების ბრალდებით 1 პირი ცხელ კვალზე დააკავა
შინაგან საქმეთა სამინისტროს თბილისის პოლიციის დეპარტამენტის ისანი-სამგორის მთავარი სამმართველოს თანამშრომლებმა, 1991 წელს დაბადებული, წარსულში ნასამართლევი გ.გ. ჯანმრთელობის განზრახ მძიმე დაზიანების ბრალდებით დააკავეს.
05 აპრილი 2026, 10:58
სამართალი
ქვემო ქართლის პოლიციამ ნარკოდანაშაულის ბრალდებით 1 პირი დააკავა
შინაგან საქმეთა სამინისტროს ქვემო ქართლის პოლიციის დეპარტამენტის თანამშრომლებმა, განსაკუთრებით დიდი ოდენობით ნარკოტიკული საშუალების არაერთგზის უკანონო შეძენა-შენახვის, მოხმარებისა და რეალიზაციის ხელშეწყობის ბრალდებით, 1994 წელს დაბადებული, წარსულში ნასამართლევი, ვ.ქ. რუსთავში დააკავეს.
05 აპრილი 2026, 10:42
საზოგადოება
თბილისის მეტროს პირველმა ხაზმა მგზავრთა მიღება განაახლა
შეფერხება გამოიწვია მატარებლის დაზიანებამ, რის გამოც მეტროსადგური „სადგურის მოედნიდან“ მეტროსადგურ „ახმეტელის თეატრამდე“ მგზავრთა მომსახურება შეჩერებული იყო.
05 აპრილი 2026, 10:24
სამართალი
შსს: აფგან სადიგოვი გაძევებულია წარმოშობის ქვეყანაში და მას საქართველოში შემოსვლის სამწლიანი აკრძალვა დაუწესდა
„საქართველოში სრულად არის დაცული ადამიანის უფლებები და თავისუფლებები. ამავდროულად, სახელმწიფო მკაცრად იცავს ბალანსს ინდივიდუალურ უფლებებსა და სახელმწიფო უსაფრთხოების ინტერესებს შორის. კანონიერი საფუძვლის გარეშე მყოფი და სამართალდამრღვევი პირები დაექვემდებარებიან კანონით განსაზღვრულ იმ ზომებს, რომლებიც სრულ შესაბამისობაშია კანონის უზენაესობის პრინციპთან“, - აღნიშნულია შსს-ს მიერ გავრცელებულ განცხადებაში.
05 აპრილი 2026, 09:46
ჯანდაცვა
მარნეულის მუნიციპალიტეტში სკრინინგის ფართომასშტაბიანი კამპანიის ფარგლებში მორიგი გამოკვლევები ჩატარდა
სკრინინგის შედეგად გამოვლენილი შემთხვევების შემდგომი დიაგნოსტიკა და მკურნალობა ხორციელდება სახელმწიფო პროგრამების ფარგლებში - ონკოლოგიის სამკურნალო პროგრამა მოიცავს კვლევებსა და მკურნალობის ფინანსურ მხარდაჭერას, არაგადამდები დაავადებების კონტროლი ხელმისაწვდომია პირველადი ჯანდაცვის დონეზე, სახელმწიფო სრულად აფინანსებს B და C ჰეპატიტებისა და აივ ინფექციის დიაგნოსტიკასა და თერაპიას, რაც უზრუნველყოფს მოსახლეობის ხელმისაწვდომობას საჭირო სამედიცინო მომსახურებებზე.
05 აპრილი 2026, 09:22
საზოგადოება
თბილისის მეტროს პირველი ხაზი მგზავრებს შეფერხებით ემსახურება
„მატარებლები მოძრაობენ მს „ვარკეთილიდან“ მს „სადგურის მოედნამდე“, ხოლო მს „სადგურის მოედნიდან“ მს „ახმეტელის თეატრამდე“ მგზავრთა მომსახურება შეჩერებულია. ხარვეზის აღმოსაფხვრელად ადგილზე ტექნიკური ჯგუფი გასულია. თბილისის მეტროს საბურთალოს ხაზი ჩვეულ რეჟიმში განაგრძობს მუშაობას“, - აღნიშნულია დედაქალაქის მერიის მიერ გავრცელებულ განცხადებაში.
05 აპრილი 2026, 09:06
საზოგადოება
როგორი ამინდია მოსალოდნელი დღეს საქართველოში
თბილისში მზიან დღეს ელოდებიან. ჰაერის ტემპერატურა დღისით +16 გრადუსს მიაღწევს, ღამით კი +10 გრადუსი იქნება.
05 აპრილი 2026, 08:59
მსოფლიო
ტრამპმა ირანში დაკარგული ამერიკელი მფრინავის გადარჩენის შესახებ განაცხადა
„ეს პირველი შემთხვევაა სამხედრო ისტორიაში, როდესაც მტრის ტერიტორიის სიღრმეში, ერთმანეთისგან დამოუკიდებლად, აშშ-ის ორი პილოტი გადავარჩინეთ. ჩვენ არასოდეს მივატოვებთ ამერიკელ მებრძოლს! ის ფაქტი, რომ ჩვენ შევძელით ორივე ამ ოპერაციის განხორციელება ისე, რომ არცერთი ამერიკელი არ დაღუპულა და არც კი დაშავებულა, კიდევ ერთხელ ამტკიცებს, რომ ჩვენ მივაღწიეთ აბსოლუტურ საჰაერო დომინირებასა და უპირატესობას ირანის ცაზე“, - წერს ტრამპი.
05 აპრილი 2026, 08:49
ტექნოლოგიები
Artmemis 2-ის ეკიპაჟმა მთვარისკენ მოგზაურობის ფოტოები გააზიარა
მისიის ფარგლებში „ორიონი“ მთვარეს ერთ წრეს შემოუვლის. ის დედამიწის თანამგზავრის ზედაპირიდან 7,5 ათასი კილომეტრის მანძილზე უნდა გაფრინდეს. ფრენის ხანგრძლივობა 10 დღეს შეადგენს. მისია მთვარეზე დაჯდომას არ ითვალისწინებს. მისიის მთავარი ამოცანა მთვარისკენ შემდეგი ფრენებისთვის ხომალდის სისტემების შემოწმებაა.
05 აპრილი 2026, 08:29
მსოფლიო
პოლიციამ თელ-ავივში ანტისაომარი მიტინგი დაშალა
გამოცემა The Times of Israel-ის ცნობით, თელ-ავივში და ისრაელის სხვა ქალაქებში დემონსტრაციები მას შემდეგ გაიმართა, რაც ქვეყნის უზენაესმა სასამართლომ გამოსცა დროებითი განკარგულება, რომელიც პოლიციას ავალდებულებდა, დაეშვა პროტესტის ჩატარება გარკვეული მასშტაბით, სარაკეტო საფრთხის შესახებ სამხედროების გაფრთხილების მიუხედავად.
05 აპრილი 2026, 08:17
მსოფლიო
აშშ და ირანი ერთმანეთს ჯოჯოხეთის მოწყობით დაემუქრნენ
ირანმა აშშ-ის პრეზიდენტის, დონალდ ტრამპის მუქარას ანალოგიური რიტორიკით უპასუხა. ირანელმა სამხედრო მაღალჩინოსნებმა განაცხადეს, რომ თავდასხმების გაგრძელების შემთხვევაში, „ჯოჯოხეთში“ თავად აშშ აღმოჩნდება.
05 აპრილი 2026, 08:00
საზოგადოება
ქრისტიანული სამყაროს ნაწილი დღეს აღდგომას აღნიშნავს
ქრისტიანული სამყაროს ნაწილი დღეს აღდგომას აღნიშნავს. დღესასწაულს ზეიმობს კათოლიკური ეკლესია, სომეხთა სამოციქულო და ევანგელურ-ლუთერული ეკლესია.
05 აპრილი 2026, 00:17
სამართალი
შინაგან საქმეთა სამინისტრო აზერბაიჯანის მოქალაქე აფგან სადიგოვის დაკავების შესახებ განცხადებას ავრცელებს
შინაგან საქმეთა სამინისტროს თანამშრომლებმა სოციალურ ქსელში პოლიციელის მიმართ შეურაცხყოფის ფაქტზე, ადმინისტრაციულ სამართალდარღვევათა კოდექსის 173-ე მუხლით, აზერბაიჯანის მოქალაქე აფგან სადიგოვის მიმართ, დაიწყეს შესაბამისი საქმის წარმოება. ინფორმაციას შინაგან საქმეთა სამინისტრო ავრცელებს.
05 აპრილი 2026, 00:00
საზოგადოება
მართლმადიდებელი სამყარო დღეს ბზობას აღნიშნავს
მართლმადიდებელი სამყარო დღეს ბზობას - მაცხოვრის იერუსალიმში დიდებით შესვლას აღნიშნავს. სადღესასწაულო ლიტურგია ყველა მოქმედ ტაძარში ჩატარდება.
04 აპრილი 2026, 22:48
ეკონომიკა
მარიამ ქვრივიშვილი: მომდევნო 5 წლის განმავლობაში, სისტემის ოპერატორების მიერ 1,5 მლრდ ლარის ინვესტიცია განხორციელდება, რომელიც უშუალოდ გადამცემი ხაზების გაძლიერებას მოემსახურება
საქართველოში გენერირებული ელექტროენერგიის ფასი, დაახლოებით, 7.5 ცენტია, ხოლო ევროპაში 1 კვტ/სთ ელექტროენერგია საშუალოდ 30 ცენტიდან ივაჭრება, - განმარტა საქართველოს ეკონომიკისა და მდგრადი განვითარების მინისტრმა მარიამ ქვრივიშვილმა ტელეკომპანია „იმედის“ გადაცემაში „ღია ეთერი - დებატები“ მონაწილეობისას ელექტროენერგიის საექსპორტო შესაძლებლობებზე საუბრისას.
04 აპრილი 2026, 22:34
ეკონომიკა
მარიამ ქვრივიშვილი: დღეს ყველა ვთანხმდებით იმაზე, რომ ჰიდრომააკუმულირებელი, მარეგულირებელი ჰესები ჩვენს ქვეყანას სჭირდება, ეს პროცესი უნდა იყოს ინკლუზიური
მსხვილი ჰიდროენერგეტიკული პროექტების განვითარების პროცესი არის საკმაოდ კომპლექსური და მასში ჩართულია ბევრი მხარე. გზშ-ს პროცედურა სრულად იმართება გარემოს დაცვის სააგენტოს მხრიდან და დარწმუნებული ვარ, რომ ყველა ის პროცედურა, რომელიც დღეს კანონითაა დადგენილი, სააგენტოს მხრიდან ზედმიწევნით სრულდება, - განაცხადა ეკონომიკისა და მდგრადი განვითარების მინისტრმა მარიამ ქვრივიშვილმა ტელეკომპანია „იმედი“-ს გადაცემაში „ღია ეთერი - დებატები“.