იუსტიციის სამინისტროში სტრასბურგის მოსამართლეობის კანდიდატებს უსმენენ

იუსტიციის სამინისტროში სტრასბურგის სასამართლოს მოსამართლეობის მსურველი კანდიდატების შესარჩევად გასაუბრების ეტაპი დაიწყო. სამთავრობო კომისიის წევრებმა, რომელსაც იუსტიციის მინისტრი თეა წულუკიანი ხელმძღვანელობს. უკვე მოუსმინეს ერთ-ერთ კანდიდატს ირაკლი ადეიშვილს. ამ წუთებში კი ევროსაბჭოში საქართველოს მუდმივი წარმომადგენელს კოტე კორკელიას უსმენენ. შემდეგ გასაუბრება გაიმართება უზენაესი სასამართლოს მოსამართლე ნინო ბაქაქურთან. 

დღეს შესაძლოა ერთ-ერთმა კანდიდატმა დავით ჯანდიერმა კანდიდატურა მოხსნას. ის გასაუბრებაზე დღის 4 საათზეა დაბარებული და სწორედ ამ დროისთვის გახდება ცნობილი მისი გადაწყვეტილება. 

სახალხო დამცველი და ახალგაზრდა იურისტთა ასოციაციის თავმჯდომარე, რომლებიც კომისიის შემადგენლობაში არიან, იმედს გამოთქვამენ, რომ ობიექტური გადაწყვეტილება იქნება მიღებული. ანა ნაცვლიშვილის განცხადებით, კომისიის წევრები მაღალი პასუხისმგებლობით უნდა მიუდგნენ საკითხს,რომ სტრასბურგის სასამართლომ ქართველი კანდიდატების დამტკიცებაზე მეორედ არ თქვას უარი.

"უმჯობესო იქნებოდა კომისიაში ყოფილიყვნენ ნეიტრალური ადამიანები. მათი თქმით, კომისიის წევრებმა ობიექტური გადაწყვეტილება უნდა მიიღონ. “კომისიის წევრებმა უნდა გავაცნობიეროთ ის პასუხისმგებლობა, რომელიც გვეკისრება მეორე შერჩევის შემთხვევაში. ჩვენ აღარ გვაქვს იმის ფუფუნება, რომ მეორედ ჩავარდეს სია. აქედან გამომდინარე, კომისიის წევრებმა უნდა იმოქმედონ განსაკუთრებით მაღალი სტანდარტით და შეარჩიონ კანდიდატი კეთილსინდისიერების და პროფესიონალიზმის ნიშნით და არა სხვა რაიმე კრიტერიუმით,"- განაცხადა ანა ნაცვლიშვილმა. 

უჩა ნანუაშვილის თქმით, ის იმედოვნებს, რომ კანდიდატების მიმართა არატანაბარი მოპყრობის ფაქტებს არ ექნება ადგილი. "ვისურვებდი, რომ კომისიაში უფრო მეტი დამოუკიდებელი წევრი ყოფილიყო. მეტი ადამიანი აკადემიური წრიდან და სამოქალაქო სექტორიდან. დავაკვირდებით კომისიის მუშაობას. იმედი მაქვს, რომ არათანაბარი მოპყრობის ფაქტები არ იქნება დაფიქსირებული და შეფასების სისტემა რეალურად იმუშავებს,"- განაცხადა სახალხო დამცველმა.

ერთ-ერთმა კანდიდატმა, საკონსტიტუციო სასამართლოს ყოფილმა თავმჯდომარემ გიორგი პაპუაშვილმა 25 მაისს, კონკურსში მონაწილეობის გაგრძელებაზე უარი განაცხადა. სამთავრობო საკონკურსო კომისია სტრასბურგის სასამართლოს მოსამართლეობის მსურველ 5 კანდიდატს შეარჩევს. შემდეგ მთავრობას წარუდგენს, საიდანაც 3 კანდიდატი შეირჩევა და ევროპის საბჭოს საპარლამენტო ასამბლეას წარედგინება, ხოლო სტრასბურგის სასამართლოში მოსამართლედ ერთი კანდიდატი შეირჩევა.

ეს პოსტი ვაკანტური თებერვლიდან, თუმცა იმის გამო რომ პირველ ჯერზე სტრასბურგის სასამართლოს მიერ არ მოხდა საქართველოდან წარდგენილი კანდიდატების დამტკიცება, პროცესი გაჭიანურდა. სასამართლოში საქართველოს წარმომადგენელს ნონა წოწორიას კი უფლებამოსილების ვადა გაუხანგრძლივდა.

ამ თანამდებობაზე კანდიდატი 10 წლის ვადით ირჩევა.