თამაზ გაიაშვილი: „ჯორჯიან ეარვეისის“ ბილეთებს ჰყიდის ევროპაში რეგისტრირებული კომპანია და ჩვენ ბილეთების გაყიდვასთან შეხება არ გვაქვს

ჩვენ არ ვყიდით ბილეთებს. არის კომპანია WebSky.tech​-ი, რომელთანაც დადებული გვაქვს ხელშეკრულება და ის ახორციელებს ჩვენი ბილეთების რეალიზაციას. ეს არის უკრაინული კომპანია, რომელიც რეგისტრირებულია ევროპაში, ესპანეთში და აწარმოებს არაერთი ავიაკომპანიის, მათ შორის ჩვენი ავიაკომპანიის ბილეთების გაყიდვას, - ამის შესახებ „ქრონიკის“ ეთერში „ჯორჯიან ეარვეისის“ დირექტორმა, თამაზ გაიაშვილმა განაცხადა.

„დიდ გაუგებრობას აქვს ადგილი. გუშინ დამირეკა „რადიო თავისუფლების“ ჟურნალისტმა და მკითხა, ვაწარმოებთ თუ არა ბილეთების გაყიდვას МИР-ის ბარათით. მე ვუპასუხე, რომ არ ვიცი, მაგრამ რომც ვაწარმოებდეთ, რა? ჩვენ არ ვყიდით ბილეთებს. არის კომპანია WebSky.tech​-ი, რომელთანაც დადებული გვაქვს ხელშეკრულება და ის ახორციელებს ჩვენი ბილეთების რეალიზაციას. ეს არის უკრაინული კომპანია, რომელიც რეგისტრირებულია ევროპაში, ესპანეთში და აწარმოებს არაერთი ავიაკომპანიის, მათ შორის ჩვენი ავიაკომპანიის ბილეთების გაყიდვას. ასევე მინდა გითხრათ, რომ არავითარი შეხება არ გვაქვს ამასთან, მაგრამ არც მათ და არც ჩვენ არცერთი ბილეთი არ გაგვიყიდია МИР-ის ბარათის საშუალებით. საქართველოს ბანკი არ მუშაობს ამ ბარათთან, ამიტომ ჩვენ გამოვრიცხავთ, რომ ასეთი ბარათის საშუალებით ერთი ბილეთი მაინც იყოს გაყიდული. რაც შეეხება რუსეთთან ფრენებს, ეს ფრენები 2019 წლის ივნისში შეწყდა და მის შემდეგ არ განახლებულა და ჩვენი ავიაკომპანია პრაქტიკულად გაკოტრების პირასაა. 2008 წლის ომში ჩვენ ვიყავით ერთადერთი კომპანია, რომელიც მაშინ დაფრინავდა. „ჯორჯიან ეარვეისს“ ჩამოჰყავდა ჟურნალისტები, მიუხედავად იმისა, რომ ძალიან დიდი რისკი იყო, მაგრამ საინფორმაციო ბლოკადაში არ მოჰყვა საქართველო“, - განაცხადა თამაზ გაიაშვილმა.