"ბოკო ჰარამმა" ნიგერიის უდიდეს ქალაქზე მიიტანა იერიში

ექსტრემისტულმა დაჯგუფება „ბოკო ჰარამმა“ ნიგერიის ქალაქ მაიდუგურზე მიიტანა იერიში, სადაც მილიონზე მეტი ადამიანი ცხოვრობს. ეს ბოლო წელიწადნახევარში დაჯგუფების ყველაზე მასშტაბური ოპერაციაა. გუბერნატორმა BBC-სთან საუბარში ექსტრემისტების თავდასხმაზე ინფორმაცია დაადასტურა, თუმცა აქვე განაცხადა, რომ არმიამ შეტევის მოგერიება შესძლო.

მსხვერპლისა და დაშავებულების შესახებ ინფორმაცია ჯერჯერობით არ არსებობს. არსებული ინფორმაციით, თავდასხმაში თვითმკვლელები მონაწილეობდნენ.

გასული წლის ბოლოს ნიგერიის არმიამ გააკეთა განცხადება, რომ „ბოკო ჰარამი“ ქვეყნის ჩრდილოეთით მდებარი დასაყრდენი პუნქტიდან განდევნეს. მანამდე კი, მასშტაბური ოპერაციის ფარგლებში ნიგერიის ბორნოს შტატის დიდი ნაწილი სამთავრობო არმიის ხელში გადავიდა, რომელსაც მანამდე ექსტრემისტები აკონტროლებდნენ. ამის მიუხედავად, „ ბოკო ჰარამი“ კვლავ აწყობს თავდასხებს ქვეყნის ჩრდილო-აღმოსავლეთ ნაწილსა და კამერუნში. 

დაჯგუფება „ბოკო ჰარამი“ 2002 წელს შეიქმნა და ძირითადად ნიგერიის ტერიტორიაზე მოქმედებს. ისლამისტები ქვეყანაში შარიათის კანონების შემოღებას ითხოვენ  და დასავლეთის გავლენის შესუსტებისთვის იბრძვიან. 2015 წლის აპრილში დაჯგუფებამ სახელი შეიცვალა და ახლა მას „ისლამური სახელმწიფოს დასავლეთაფრიკული პროვინცია“ ჰქვია. ეს მას შემდეგ მოხდა, რაც დაჯგუფების მეთაური აბუბაქარ შექაუ „ისლამურ სახელმწიფოს“ მიემხრო.