ილჰამ ალიევი: ბაქომ მსოფლიოს განუმარტა და დაუსაბუთა, რომ მთიანი ყარაბაღი აზერბაიჯანის ისტორიული მიწაა

დღეს აზერბაიჯანი ისტორიულ სამართლიანობას აღადგენს, - განაცხადა აზერბაიჯანის პრეზიდენტმა, ილჰამ ალიევმა.

აზერბაიჯანის ლიდერის თქმით, ბოლო წლების განმავლობაში, ოფიციალურმა ბაქომ დიდი სამუშაო გასწია საერთაშორისო საზოგადოების სამხრეთ კავკასიაში არსებული რეალობის შესახებ ინფორმირებაში.

„ბაქომ მსოფლიოს განუმარტა და დაუსაბუთა, რომ მთიანი ყარაბაღი აზერბაიჯანის ისტორიული მიწაა და ეს ფაქტი ისტორიულ მტკიცებულებებს ეფუძნება“, - განაცხადა ილჰამ ალიევმა.

აზერბაიჯანის პრეზიდენტმა ასევე აღნიშნა, რომ „ეუთოს მინსკის ჯგუფის თანათავმჯდომარეები არ კი შეეცადნენ ოკუპანტ სახწელმწიფოზე, სომხეთზე ზეწოლა განეხორციელებინათ“.

„არაერთხელ მოვუწოდე საფრანგეთს, რუსეთსა და აშშ-ს, სანქციები დაეწესებინათ სომხეთისთვის. მთიანი ყარაბაღი ერთადერთი საკითხია, რომელზეც ამ ქვეყნების პოზიცია ერთმანეთს ემთხვევა“, - დასძინა მან.

სომხეთისა და აზერბაიჯანის საზღვარზე ვითარება 27 სექტემბერს დაიძაბა. პრემიერ-მინისტრის, ნიკოლ ფაშინიანის განცხადებით, აზერბაიჯანმა მთიანი ყარაბაღის მიმართულებით საჰაერო და საარტილერიო შეტევა დაიწყო. აზერბაიჯანული მხარის განმარტებით კი, ისინი სომხეთის მხრიდან, მთელი ფრონტის ხაზზე სროლებს პასუხობდნენ. ორივე მხარე იუწყება, რომ დაღუპულია მშვიდობიანი მოსახლეობა.