imedi /  05 აგვისტო 2017, 23:38 / სანდო წყარო

გაერომ ჩრდილოეთ კორეის წინააღმდეგ სანქციები გაამკაცრა

გაეროს უშიშროების საბჭომ მხარი დაუჭირა რეზოლუციას, რომელიც ჩრდილოეთ კორეის წინააღმდეგ, სანქციების გაფართოებას გულისხმობს. ინფორმაციას ავრცელებს BBC.

რეზოლუცია ეხება ჩრდილოეთ კორეიდან იმპორტს - კერძოდ რკინის, ქვანახშირის, ტყვიის, ნახშირბადისა და ზღვის პროდუქტების აკრძალვას. გარდა ამისა, ბანკის ანგარიში გაეყინათ ფხენიანის საგარეო სავაჭრო გემებს, რომლებმაც გაეროს რეზოლუცია დაარღვიეს. მათ აეკრძალათ ყველა სახელმწიფოს პორტში შესვლა. 

დოკუმენტი ასევე უკრძალავს დასავლურ ფირმებს, ჩრდილოკორეულ კომპანიებთან შერეული საწარმოების შექმნას და უკვე არსებულ ერთობლივ პროექტებში კაპიტალის დაბანდებას.

აშშ-მა რეზოლუციის პროექტი მას შემდეგ შეიმუშავა, რაც 28 ივლისს ჩრდილოეთ კორეამ საკონტინენტთაშორისო ბალისტიკური რაკეტა გაუშვა.​

კომენტარები ()