ყოფილ მეუღლეზე ძალადობაში ბრალდებული სასამართლომ გირაოთი გაათავისუფლა

გრიგოლ ბაკურაძე, რომლისთვისაც ბრალდებამ ოჯახური ძალადობის გამო პატიმრობა მოითხოვა, ქუთაისის სასამართლომ გირაოს სანაცვლოდ გათავისუფლა. მას 22 წლის დეა გოშხეთელიანი ფიზიკურ ზეწოლაში ადანაშაულებს და აცხადებს, რომ ყოფილი მეუღლე თავს 3 იანვარს დაესხა და მას და მამამისს, მცირეწლოვანი შვილის თანდასწრებით, ფიზიკურად გაუსწორდა. ინფორმაციას 1tv ავრცელებს.

„ეს არ არის პირველი შემთხვევა. ჩემი ყოფილი მეუღლე ჩემზე ძალადობს. მას აქვს იარაღის რამდენიმე სახეობა, მათ შორის ავტომატი და მოვითხოვ მის დასჯას კანონის სრული ძალით, რათა მე და ჩემმა შვილმა შიშის გარეშე ცხოვრება შევძლოთ“, - აცხადებს გოშხეთელიანი.

შსს-ს ინფორმაციით, პროკურატურა ბრალდებულისთვის აღკვეთის ღონისძიების სახედ პატიმრობის შეფარდებას ითხოვდა, თუმცა სასამართლომ ბრალდებული 3 ათასი ლარის გირაოს სანაცვლოდ გაათავისუფლა. ასევე, უწყების ცნობით, მოსამართლის გადაწყვეტილება პროკურატურამ სააპელაციო წესით გაასაჩივრა.