საქართველოში ადგილობრივი თვითმმართველობის არჩევნებზე კენჭისყრა დასრულდა. ცესკოს მონაცემებით, დღევანდელ არჩევნებზე მონაწილეობა 45.65%-მა მიიღო.
დღეს საქართველოს მოქალაქეებმა მთელი ქვეყნის მასშტაბით 64 საკრებულოს 2058 დეპუტატი და 64 მერი პირდაპირი წესით, 4 წლის ვადით აირჩიეს.
საარჩევნო უბნებზე კენჭისყრის პროცედურა დილის 8 საათზე დაიწყო და საღამოს 8 საათზე დასრულდა, რაც ხმების დათვლის პროცედურით გაგრძელდება. ხმების დათვლის შემდეგ, საოლქო საარჩევნო კომისიები არაუგვიანეს 1 ნოემბრისა შეაჯამებენ მუნიციპალიტეტების საკრებულოებისა და მერების არჩევნების შედეგებს (გარდა თბილისის საკრებულოს და მერის არჩევნებისა) და არაუგვიანეს მომდევნო დღისა შემაჯამებელ ოქმებს ცესკოს გადასცემენ.
