imedi /  17 იანვარი 2020, 20:59 / სანდო წყარო

გენერალური პროკურორის კანდიდატურის შესარჩევად გამოცხადებული კონსულტაციები დასრულდა

საპროკურორო საბჭო

საქართველოს გენერალური პროკურორის კანდიდატურის შესარჩევად საპროკურორო საბჭოს მიერ 2019 წლის 17 დეკემბერს გამოცხადებული ერთთვიანი საჯარო კონსულტაციები დასრულდა.

გენერალური პროკურატურის ინფორმაციით, აკადემიურმა წრეებმა, სამართლის დარგის სპეციალისტებმა და სამოქალაქო საზოგადოების წარმომადგენლებმა საპროკურორო საბჭოს 17 კანდიდატი წარუდგინეს. კანდიდატების წარდგინება და მათი მონაცემები ხელმისაწვდომია საპროკურორო საბჭოს საიტზე- http://pc.gov.ge.

საჯარო კონსულტაციების დასრულების შემდეგ კონკურსში მონაწილე 16 კანდიდატისა და მათი წარმდგენი ორგანიზაციების სია ასეთია:

პირველი კანდიდატი − ა(ა)იპ ,,ადვოკატთა და იურისტთა საერთაშორისო ობსერვატორიის“ თავმჯდომარე, ადვოკატი და უფლებადამცველი გრიგოლ გაგნიძე წარადგინეს ორგანიზაციებმა: ა(ა)იპ ,,ანტიკორუფციული უსაფრთხოების და ხარისხის აუდიტის სამსახური”, ა(ა)იპ ,,ადვოკატთა და იურისტთა საერთაშორისო ობსერვატორია“, ა(ა)იპ ,,სამოქალაქო საზოგადოების და დემოკრატიის განვითარების ცენტრი“ და ა(ა)იპ ,,,მართლმსაჯულების და დემოკრატიის განვითარების სააგენტო“. 

მეორე კანდიდატი − საქართველოს ადვოკატთა ასოციაციის წევრი, ადვოკატი რაულ გამისონია, წარადგინა შპს ,,ევროპის უნივერსიტეტის“ აკადემიურმა და სამეცნიერო პერსონალმა.

მესამე კანდიდატი − შპს ,კავკასიის უნივერსიტეტის“ კავკასიის სამართლის სკოლის დეკანი სოფიო შენგელია წარადგინა შპს ,,კავკასიის უნივერსიტეტმა“.   

მეოთხე კანდიდატი - საქართველოს ადვოკატთა ასოციაციის წევრი, იურიდიული კომპანია ,,სამართლის სახლის“  ადვოკატი პაატა გაბელია წარადგინა ა(ა)იპ „სამართლებრივი სისტემის განვითარების კვლევითმა ცენტრმა“.

მეხუთე კანდიდატი - შპს ,,ჯი ფი აუთსორსინგის“ იურისტი ფიქრია ზირაქაშვილი წარადგინა ა(ა)იპ „სამართლებრივი სისტემის განვითარების კვლევითმა ცენტრმა“.  

მეექვსე კანდიდატი- იურისტი ვალერიან ვაჭარაძე  წარადგინა იურიდიულმა კომპანიამ ,,ჯეი ემ ჯი და პარტნიორები“.

მეშვიდე კანდიდატმა - იურისტმა მერაბ გამყრელიძემ საპროკურორო საბჭოს პირადად მიმართა საქართველოს გენერალური პროკურორობის  კანდიდატად დარეგისტრირების განაცხადით.

მერვე კანდიდატმა - იურისტმა დავით კოდანაშვილმა საპროკურორო საბჭოს პირადად მიმართა საქართველოს გენერალური პროკურორობის კანდიდატად დარეგისტრირების განაცხადით. 

მეცხრე კანდიდატი - იურისტი ირაკლი შოთაძე წარადგინა საჯარო სამართლის იურიდიულმა პირმა ,,საქართველოს ტექნიკურმა უნივერსიტეტმა“. 

მეათე კანდიდატს - იურისტ დავით ზირაქაშვილს რეკომენდაცია საქართველოს ადვოკატთა ასოციაციამ გაუწია.

მეთერთმეტე კანდიდატი - იურისტი ვიქტორ ახალბედაშვილი წარადგინა ა.ი.პ. ,,უფლებათა დაცვის ცენტრმა“.

მეთორმეტე კანდიდატი - იურისტი და საქართველოს ადვოკატთა ასოციაციის წევრი კობა კობახიძე  წარადგინა  სსიპ ,,საქართველოს ადვოკატთა ასოციაციამ“.

მეცამეტე კანდიდატი - იურისტი და საქართველოს ადვოკატთა ასოციაციის წევრი დარიკო თორდია წარადგინა სსიპ ,,საქართველოს ადვოკატთა ასოციაციამ“ . 

მეთოთხმეტე კანდიდატი - იურისტი და საქართველოს ადვოკატთა ასოციაციის წევრი ვალერი კვანტალიანი წარადგინა  სსიპ ,,საქართველოს ადვოკატთა ასოციაციამ“ .

მეთხუთმეტე კანდიდატი - იურისტი გელა ჩივაძე წარადგინა ადამიანის უფლებათა დაცვის საერთაშორისო ორგანიზაციამ „დამცველი“.

მეთექვსმეტე კანდიდატმა - ადვოკატმა, საქართველოს ადვოკატთა ასოციაციის წევრმა რამაზ ჩინჩალაძემ საპროკურორო საბჭოს პირადად მიმართა საქართველოს გენერალური პროკურორობის კანდიდატად დარეგისტრირების განაცხადით. 

მეჩვიდმეტე კანდიდატმა - ადვოკატმა ალექსანდრე კობაიძემ საპროკურორო საბჭოს პირადად მომართა საქართველოს გენერალური პროკურორობის კანდიდატად დარეგისტრირების განაცხადით.

კონსულტაციების დასრულების შემდეგ საპროკურორო საბჭო კანონით დადგენილი კრიტერიუმების მიხედვით შეარჩევს გენერალური პროკურორობის არანაკლებ 3 კანდიდატს, რომელთა ერთი მესამედი მაინც განსხვავებული სქესის უნდა იყოს.

გენერალური პროკურორობის კანდიდატებს საპროკურორო საბჭოს სხდომაზე ცალ-ცალკე ეყრებათ კენჭი. არჩეულად ჩაითვლება ის კანდიდატი, რომელიც მიიღებს მეტ ხმას, მაგრამ არანაკლებ საპროკურორო საბჭოს სრული შემადგენლობის ორი მესამედისა.

თუ ორმა ან მეტმა კანდიდატმა ხმების თანაბარი რაოდენობა მიიღო, გადამწყვეტია საპროკურორო საბჭოს თავმჯდომარის ხმა. თუ ვერცერთმა კანდიდატმა ვერ მიიღო ხმების საჭირო რაოდენობა, არჩევნების მეორე ტურში კენჭი ეყრება საუკეთესო შედეგის მქონე 2 კანდიდატს. თუ ამჯერადაც ვერცერთმა კანდიდატმა ვერ მიიღო საპროკურორო საბჭოს სრული შემადგენლობის არანაკლებ ორი მესამედის მხარდაჭერა, საპროკურორო საბჭო 1 კვირის ვადაში, იწყებს ხელახალ კონსულტაციებს.

საპროკურორო საბჭო შერჩეულ კანდიდატს შესაბამისი დასაბუთებით წარუდგენს საქართველოს პარლამენტს,   რომელიც სრული შემადგენლობის უმრავლესობით ირჩევს საქართველოს გენერალურ პროკურორს. თუ საქართველოს პარლამენტისთვის წარდგენილმა კანდიდატმა ვერ მიიღო  პარლამენტის წევრთა ხმათა საჭირო რაოდენობა, საპროკურორო საბჭო კანონით დადგენილი წესით შეარჩევს სხვა კანდიდატებს.

ყველა სიახლე

ოპოზიცია

21 თებერვალი 2020, 09:15

საქართველო

„ლეიბორისტული პარტიის“ ოფისში ოპოზიცია დღეს ისევ შეიკრიბება

იმსჯელებენ ასევე 4 აპრილს დაგეგმილ გამაფრთხილებელ აქციაზეც. შეუერთდება თუ არა მათ შინაგან საქმეთა ყოფილი მინისტრი, რომელმაც სასჯელაღსრულების დატოვების შემდეგ პოლიტიკაში დაბრუნებაზე ისაუბრა, მათთვის უცნობია. თუმცა ოპოზიციური პარტიების ნაწილმა უკვე ღიად დააფიქსირა, რომ ისინი ვანო მერაბიშვილთან თანამშრომლობას არ აპირებენ.

დავით ზალკალიანი

21 თებერვალი 2020, 09:00

საქართველო

დავით ზალკალიანი: ყველა ზომას ვიღებთ, რომ ქართველი მეზღვაურები დაუყოვნებლივ გათავისუფლდნენ

მეკობრეების მიერ ოთხი ქართველი მეზღვაურის გატაცებასთან დაკავშირებით, ჟურნალისტების შეკითხვას საგარეო საქმეთა მინისტრმა უპასუხა. დავით ზალკალიანის თქმით, უწყება კონტაქტზეა საბერძნეთში გენერალურ საკონსულოსთან და ტარდება შესაბამისი ზომები.

მიხეილ კალანდია

21 თებერვალი 2020, 08:52

საქართველო

დღეს მიხეილ კალანდიას სასამართლო პროცესი გაიმართება

თბილისის საქალაქო სასამართლოში ხორავას ქუჩაზე მომხდარი მკვლელობის საქმეზე, დავით სარალიძის განზრახ ჯგუფურად მკვლელობის ბრალდებით დაკავებული მიხეილ კალანდიას სასამართლო პროცესი გაიმართება. დაკავებულის ადვოკატის განცხადებით, საქმეში არსებული მტკიცებულებებით დაკავებულის მიმართ წარდგენილ ბრალზე დანაშაულებრივი ქმედება არ დასტურდება.

არჩილ თალაკვაძე

21 თებერვალი 2020, 08:33

საქართველო

არჩილ თალაკვაძე რუსეთს მოუწოდებს, საქართველოს უსაფრთხოების სფეროში ჩარევა შეწყვიტოს

მისი განცხადებით, საქართველო მომავალშიც გააგრძელებს მჭიდრო თანამშრომლობას პარტნიორებთან ეროვნულ დონეზე კიბერუსაფრთხოების გაძლიერების მიზნით, რათა მომავალში მინიმუმამდე იყოს დაყვანილი შესაბამისი რისკები და პოტენციური საფრთხეები.

21 თებერვალი 2020, 08:20

საქართველო

რუსეთის მიერ საქართველოზე განხორციელებულ კიბერთავდასხმას საერთაშორისო პარტნიორები გმობენ

რუსეთის მიერ საქართველოზე განხორციელებულ კიბერთავდასხმას საქართველოს მეგობარი ქვეყნები ეხმაურებიან. საქართველოსა და საერთაშორისო პარტნიორების შეფასებას სრულად იზიარებს ნიდერლანდების სამეფო. საქართველოს სოლიდარობას უცხადებს რუმინეთის ხელისუფლებაც. რუსეთის ქმედებებს გმობს მონტენეგროც.

დონალდ ტრამპი

21 თებერვალი 2020, 08:09

კულტურა

დონალდ ტრამპი: სამხრეთ კორეასთან პრობლემები გვაქვს და ამ დროს მათ ფილმს ოსკარს აძლევენ, ეს ნორმალურია?!

დონალდ ტრამპი სამხრეთ კორეული ფილმის, „პარაზიტებისთვის“ ოსკარის გადაცემის გამო უკმაყოფილოა. ამის შესახებ მან კოლორადოში ამომრჩევლებთან შეხვედრისას განაცხადა. ინფორმაციას Foxnews-ი ავრცელებს. სამხრეთ კორეელი რეჟისორის, ბონგ ჯუნ ჰოს ფილმი „პარაზიტი“ ოსკარის წლევანდელი დაჯილდოების ტრიუმფატორი გახდა.

21 თებერვალი 2020, 07:53

მსოფლიო

ჩინეთში კორონავირუსით სულ 2236 ადამიანი გარდაიცვალა, გამოჯანმრთელდა 18345

ჩინეთში კორონავირუსით დაღუპულთა რიცხვი გაიზარდა. ჩინეთში ახალი ტიპის კორონავირუსით კიდევ 118 ადამიანი დაიღუპა და გარდაცვლილთა საერთო რაოდენობამ 2236-ს მიაღწია. ამის შესახებ ჩინეთის ჯანდაცვის ეროვნული კომისია იტყობინება.

აშშ სამუშაო ადგილი

21 თებერვალი 2020, 00:55

ეკონომიკა

თეთრი სახლის ანგარიში: ტრამპის პრეზიდენტობის პერიოდში აშშ-ში 7 მილიონამდე სამუშაო ადგილი შეიქმნა

„ტრამპის პრეზიდენტად არჩევის შემდეგ ქვეყანაში თითქმის 7 მილიონი სამუშაო ადგილი შეიქმნა, მათ შორის 500.000 სამუშაო ადგილი დამამუშავებელ მრეწველობაში. გასულ წელს უმუშევრობის დონე ყველაზე დაბალი იყო ბოლო 50 წლის განმავლობაში“, - ნათქვამია დოკუმენტში.

21 თებერვალი 2020, 00:36

საქართველო

სანდრა რულოვსი: ვანო ჭკვიანი კაცია და სწორ არჩევანს გააკეთებს

რა თემებზე ისაუბრა სანდრა რულოვსმა ვანო მერაბიშვილთან შეხვედრისას უცნობია, რადგან ყოფილმა პირველმა ლედიმ მერაბიშვილის საცხოვრებელი სახლი კორპუსის ალტერნატიული გასასვლელით დატოვა.

21 თებერვალი 2020, 00:30

თემა

აუცილებელია თუ არა ომეგა 3-ის მიღება

2019 წლის შემოდგომაზე გამოიცა სამეცნიერო სტატია, რომელშიც ნათქვამია, რომ კვების რაციონში ომეგა 3-ის დამატება მიოკარდიუმის ინფარქტის, გულის იშემიური დაავადებებისა და ზოგადად, გულ-სისხლძარღვთა დაავადებების რისკს ამცირებს. ჰარვარდის უნივერსიტეტის საზოგადოებრივი ჯანდაცვის სკოლის სპეციალისტებმა, 13 რანდომიზებული კონტროლირებადი კვლევის საფუძველზე, ომეგა 3-ის ცხიმოვანი მჟავების მიმართულებით მეტაანალიზი ჩაატარეს. მკვლევრებმა დაადგინეს, რომ ეს დანამატი სასარგებლოა. აშშ-ს სურსათისა და წამლის ადმინისტრაციამ კი სარწმუნოდ ჩათვალა მონაცემები იმის შესახებ, რომ პრეპარატი ვასცეპა (ინგლ.Vascepa ომეგა 3-ის ერთ-ერთ ცხიმოვან მჟავაზეა დამზადებული) გულ-სისხლძარღვთა დაავადების რისკს ამცირებს. ადრე ეს მოსაზრება დამტკიცებული არ იყო, ახლა კი პირდაპირ ინსტრუქციაშია მოცემული. ამასთანავე, 2020 წლის 15 იანვარს ცნობილი გახდა, რომ კლინიკურ კვლევებში ომეგა 3-ის მსგავსმა ორმა სხვა პრეპარატმა საკმარისი ეფექტი ვერ აჩვენა. ყველა ეს ურთერთსაწინააღმდეგო მოსაზრება წინა პლანზე წამოწევს უკვე საკმაოდ მოძველებულ კითხვას: საჭიროა თუ არა ომეგა 3-ის დანამატების მიღება, რათა ჩვენი ჯანმრთელობის მდგომარეობა გავიუმჯობესოთ?

პენტაგონი

21 თებერვალი 2020, 00:25

საქართველო

პენტაგონი: ჩვენ საქართველოსა და მისი ხალხის მხარდაჭერის პირობას ვდებთ

ვიცე-პოლკოვნიკ გლისონის თქმით, პენტაგონი შეუერთდა „საერთაშორისო თანამეგობრობას რუსეთისადმი მტკიცედ მოწოდებაში, რომ შეწყვიტოს ასეთი ქცევა საქართველოში და სხვა ქვეყნებში. ჩვენ საქართველოს და მისი ხალხის მხარდაჭერის პირობას ვდებთ და გავაგრძელებთ საქართველოს მხარდაჭერას რათა მან საკუთარი უსაფრთხოება და გამძლეობა გააძლიეროს“.

21 თებერვალი 2020, 00:08

მსოფლიო

რუსეთის საგარეო უწყება საქართველოზე კიბერთავდასხმის ბრალდებაზე - რუსეთის ოფიციალური სტრუქტურების კავშირის მტკიცებულება არ არსებობს

კვლავ დარწმუნებულნი ვართ, რომ არსებული უთანხმოების გადალახვა და ნორმალიზაციის პროცესის გაგრძელება რუსი და ქართველი ხალხის ძირეულ ინტერესებს პასუხობს. გვესმის, რომ არიან ძალები, ვისაც ეს საერთოდ არ აწყობს“, - ნათქვამია განცხადებაში.

20 თებერვალი 2020, 23:50

საქართველო

დიდ ბრიტანეთში, საბერძნეთსა და გერმანიაში საქართველოს ელჩებად სოფიო ქაცარავა, დავით დონდუა და ლევან იზორია დაინიშნენ

ლევან იზორია 2012-2015წწ. იკავებდა საქართველოს შინაგან საქმეთა მინისტრის მოადგილის თანამდებობას; 2015-2016წწ. გახლდათ საქართველოს სახელმწიფო უსაფრთხოების სამსახურის უფროსის მოადგილე; 2016-2019წწ. დაინიშნა საქართველოს თავდაცვის მინისტრის თანამდებობაზე.

Take On Me

20 თებერვალი 2020, 23:36

კულტურა

​ვიდეორგოლმა Take On Me ​Youtube-ზე მილიარდზე მეტი ნახვა დააგროვა

ნორვეგიულმა ტრიომ სიმღერა 1895 წელს ჩაწერა, MTV Music Awards-ზე რგოლმა 6 ჯილდო მიიღო. Youtube-ზე კი რგოლი 2010 წელს ატვირთეს. 2020 წელს მას დღეში საშუალოდ 480 ათასი მნახველი ჰყავს. ჯგუფმა ამ წარმატების შესახებ Twitter-ზე დაწერა. ეს 80-იან წლებში გადაღებული მხოლოდ მეორე ვიდეოა, რომელმაც ასეთ წარმატებას მიაღწია. ათწლეულის პირველი რეკორდსმენი ლეგენდარული როკ-ჯგუფის Guns N' Roses-ის კომპოზიცია Sweet Child O' Mine გახდა.

ვანო მერაბიშვილი

20 თებერვალი 2020, 23:18

საქართველო

ვანო მერაბიშვილი მიხეილ სააკაშვილზე: ჩვენ მეგობრები ვართ, მოვგვარდებით

ყველა ჩემ მეგობარს შევხვდები, ვინც საქართველოშია და ვინც არ არის. მიხეილ სააკაშვილი ჩემი მეგობარია, მე მას ვთვლი ჩემ საუკეთესო მეგობრად, მე ყველას აზრს მოვისმენ, ჩემ რჩევას მივცემ და შევეცდები ჩემი აზრი გავაზიარებინო და ჩვენ ყოველთვის მეგობრებად დავრჩებით, - ამის შესახებ საპატიმროდან დღეს გათავისუფლებულმა ყოფილმა შს მინისტრმა ვანო მერაბიშვილმა „მთავარის“ ეთერში განაცხადა.

ვანო მერაბიშვილი

20 თებერვალი 2020, 22:23

საქართველო

ვანო მერაბიშვილი აცხადებს, რომ ხელისუფლების შეცვლის პროცესის მთავარი მონაწილე იქნება, თუმცა პოლიტიკურ თანამდებობაზე დაბრუნებას აღარ აპირებს

მე ჯერ არ მაქვს გადაწყვეტილი რომელ პოლიტიკურ პარტიაში გავერთიანები- ამის შესახებ საპატიმროდან დღეს გათავისუფლებულმა ვანო მერაბიშვილმა „მთავარის“ ეთერში განაცხადა. თუმცა ყოფილი შინაგან საქმეთა მინისტრის ადასტურებს, რომ აქტიურ პოლიტიკურ მოღვაწეობას აპირებს.

ანდრეი რუდენკო

20 თებერვალი 2020, 22:10

მსოფლიო

რუსეთისთვის ჯერჯერობით უცნობია, დაესწრებიან თუ არა საქართველოსა და უკრაინის პრეზიდენტები 9 მაისისადმი მიძღვნილ ღონისძიებას

რუსეთს საქართველოსა და უკრაინის პრეზიდენტების ადმინისტრაციისგან არ მიუღია რაიმე ინფორმაცია ზელენსკისა და ზურაბიშვილის 9 მაისის საიუბილეო ღონისძიებაზე დასწრებასთან დაკავშირებით. ამის შესახებ რუსეთის საგარეო საქმეთა მინისტრის მოადგილემ ანდრეი რუდენკომ განაცხადა.

20 თებერვალი 2020, 21:56

თემა

მართალია თუ არა, რომ კორონავირუსმა უხანის სამეცნიერო ლაბორატორიიდან გაჟონა?

ბოლო რამდენიმე კვირაა, რაც კორონავირუსის ინფექცია მსოფლიო მასობრივი საინფორმაციო საშუალებების მთავარ თემად იქცა. შესაბამისად, ამ პრობლემის გარშემო ბევრი ჭორი გავრცელდა. ამბობენ, რომ ახლად გავრცელებული ეპიდემია ლაბორატორიიდან საშიში ვირუსის გაჟონვის შედეგია და ეს პათოგენი ჩინეთის მთავრობამ უხანის ვირუსოლოგიის ინსტიტუტში შექმნა. ამ თეორიის უბრალოდ უგულებელყოფა არ გამოდის იმ მარტივი მიზეზის გამო, რომ ამ ქალაქში ასეთი ინსტიტუტი ნამდვილად არსებობს და იქ საშიშ ინფექციებზეც ნამდვილად მუშაობენ. საინტერესოა, რამდენად რეალურია შეთქმულების ეს თეორია? რა ხდება სინამდვილეში უხანის ვირუსოლოგიის ინსტიტუტში?

ირანი-აშშ

20 თებერვალი 2020, 21:52

მსოფლიო

აშშ-მა ირანის სასანქციო სია გააფართოვა

„ტრამპის ადმინისტრაცია არ მოითმენს არჩევნებთან დაკავშირებულ მანიპულაციებს, რომელიც ირანის რეჟიმის მავნე დღის წესრიგს ემსახურება. ვაშინგტონის ეს ზომა ააშკარავებს მაღალი რანგის ჩინოსნებს, რომლებიც პასუხისმგებელნი არიან იმაზე, რომ ირანელ ხალხს თავისუფალი არჩევანის უფლებას არ აძლევენ“, - ნათქვამია განცხადებაში.

უკრაინის საგარეო საქმეთა სამინისტრო

20 თებერვალი 2020, 21:51

მსოფლიო

უკრაინა რუსეთის მიერ საქართველოში განხორციელებულ კიბერთავდასხმებს გმობს

„რუსეთმა კვლავ აჩვენა, რომ უგულებელყოფს საერთაშორისო სამართლის ნორმებსა და პრინციპებს. უკრაინა ურყევად უჭერს მხარს საქართველოს ტერიტორიულ მთლიანობასა და სუვერენიტეტს. 2015 წლიდან უკრაინის ეროვნული ინფრასტრუქტურისა და სამთავრობო ინსტიტუტების წინააღმდეგ მძლავრი კიბერშეტევები განხორციელდა რუსეთის მიერ, რომელიც აქტიურად იყენებს საინფორმაციო და საკომუნიკაციო ტექნოლოგიებს აგრესიული ჰიბრიდული ომის წარმართვისთვის. უკრაინა მხარს უჭერს იმას, რომ ისინი, ვინც კიბერთავდასხმებს ახორციელებენ, პასუხი აგონ“, - ნათქვამია განცხადებაში.