imedi /  09 იანვარი 2019, 14:01 / სანდო წყარო

პროკურატურამ მამუკა ხაზარაძე, ბადრი ჯაფარიძე და ავთო წერეთელი დაკითხა

მთავარი პროკურატურა

მთავარი პროკურატურა

საქართველოს პროკურატურაში "თიბისი ბანკის" საქმეზე ბრიფინგი გაიმართა. როგორც უწყებაში თქვეს, ფულის გათეთრების თაობაზე მასალები მიიღეს როგორც პროკურატურაში, ისე ეროვნულ ბანკში. ეს მასალები 2018 წელს მიიღეს, რის საფუძველზეც დაიწყო მოკვლევა.

ამავე ცნობით, საქმეზე დაიკითხა თითქმის ყველა პირი. დაკითხულია მამუკა ხაზარაძე და ბადრი ჯაფარიძე, ასევე ავთანდილ წერეთელი.

"ფინანსური მონიტორინგის სამსახურმა 2018 წლის მაისში დაიწყო ,,თიბისი ბანკის“, მისი კლიენტი იურიდიული პირების, ბანკის ადმინისტრატორებისა და ცალკეული აქციონერების ფინანსური აქტივობების შესწავლა და მივიდა დასკვნამდე, რომ ამ აქტივობებში აშკარად იკვეთებოდა უკანონო შემოსავლის ლეგალიზაციის, ანუ ფულის გათეთრებისა და სხვა კანონსაწინააღმდეგო ქმედებების ნიშნები.

მასალები შემდგომი რეაგირებისთვის გადაეგზავნა საქართველოს ეროვნულ ბანკს და საქართველოს პროკურატურას. ეროვნულმა ბანკმა საკუთარი კომპეტენციის ფარგლებში შეისწავლა საკითხი და აღმოჩენილ დარღვევებზე მოახდინა შესაბამისი რეაგირება.

ხოლო საქართველოს პროკურატურამ 2018 წლის 2 აგვისტოს, დაიწყო სისხლის სამართლის საქმის გამოძიება უკანონო შემოსავლების ლეგალიზაციის ფაქტზე, დანაშაული, გათვალისწინებული საქართველოს სისხლის სამართლის კოდექსის 194-ე მუხლის მე-3 ნაწილის „გ“ ქვეპუნქტით. 

გამოძიებით დადგენილია, რომ 2008 წლის აპრილში და მაისში, შპს „სამგორი თრეიდმა“ და შპს „სამგორი M”-მა,  ,,თიბისი ბანკისგან", სათანადო უზრუნველყოფის გარეშე, დაჩქარებული წესით მიიღეს, საერთო ჯამში, 17 მილიონ აშშ დოლარამდე სესხი.

კომპანიების ანგარიშებზე სესხის თანხის განთავსებისთანავე, მამუკა ხაზარაძემ და ბადრი ჯაფარიძემ, ამავე კომპანიებიდან, როგორც ფიზიკურმა პირებმა, ისესხეს ზუსტად იმ ოდენობის თანხა, რაც ,,თიბისი ბანკმა“ საბრუნავი საშუალებების შევსების მიზნობრიობით ასესხა დასახელებულ კომპანიებს. 2008 წლის ბოლოს, თიბისი ბანკმა, ეს სესხები, საბანკო რეგულაციებით დადგენილ ვადაზე ადრე, დაუსაბუთებლად ჩამოწერა და გარე საბალანსო ანგარიშზე გადაიტანა, ხოლო 2012 წელს საერთოდ გაათავისუფლა ეს კომპანიები ბანკის წინაშე არსებული სასესხო ვალდებულებისგან, როდესაც დასთანხმდა ამ ვალდებულებების ოფშორულ კომპანიაზე გადატანას.

საგულისხმოა, რომ „სამგორი თრეიდს“ და შპს „სამგორი M”-ს სესხები ისე ჩამოიწერა, რომ ამ კომპანიებს  სესხის მომსახურებისთვის თანხა საერთოდ არ გაუღიათ და ეს სესხები ბანკს დღემდე არ დაბრუნებია. გარდა ამისა, დადგენილია, რომ მამუკა ხაზარაძეს და ბადრი ჯაფარიძეს  ასევე არ გაუსტუმრებიათ შპს „სამგორი თრეიდისა“ და შპს „სამგორი M”-ის ვალი.

გამოძიების ფარგლებში ჩატარდა არაერთი საგამოძიებო და საპროცესო მოქმედება, გამოიკითხნენ ფაქტთან შემხებლობაში მყოფი პირები, მათ შორის გამოკითხულია მამუკა ხაზარაძეც.

გამოძიების ამ ეტაპზე, შესაძლო დანაშაულებრივი ფაქტების სრულყოფილად შესწავლისთვის, აუცილებელია დამატებითი დოკუმენტაციის და ინფორმაციის მოპოვება და შესწავლა, რისთვისაც საქართველოს გენერალურმა პროკურატურამ 2019 წლის 4 იანვარს შუამდგომლობებით მიმართა თბილისის საქალაქო სასამართლოს სს ,,თიბისი ბანკიდან" ინფორმაციის გამოთხოვის თაობაზე. სასამართლოს მიერ დაკმაყოფილებული შუამდგომლობები შესასრულებლად ჩაბარდა სს ,,თიბისი ბანკს“. საქმეზე საჯარო ინტერესის გათვალისწინებით, გენერალური პროკურატურა საზოგადოებას პერიოდულად მიაწვდის ინფორმაციას გამოძიების შესახებ", - თქვეს უწყებაში.

8 იანვარს ცნობილი გახდა, რომ გენერალურმა პროკურატურამ მიმდინარე გამოძიების ფარგლებში "თიბისი ბანკიდან" გარკვეული დოკუმენტაცია ამოიღო. 

მოგვიანებით კი საქართველოს ეროვნული ბანკი გენერალური პროკურატურის მიერ "თიბისი ბანკთან" დაკავშირებით დაწყებული გამოძიების შესახებ მედიაში გავრცელებულ ინფორმაციას გამოეხმაურა.

ეროვნული ბანკი აცხადებს, რომ "თიბისი ბანკი" ჯანსაღი საკრედიტო ორგანიზაციაა, გააჩნია ლიკვიდური სახსრების და საზედამხედველო კაპიტალის ადეკვატური დონე.

„თიბისი ბანკი“ ინგლისურ ენაზე გავრცელებულ გაცხადებაში იმას წერს, რაზეც  ქართულენოვანში საუბარი არაა. კერძოდ ბანკი ადასტურებს, რომ ეროვნულმა ბანკმა ერთი მილიონი ლარით დააჯარიმა.

ყველა სიახლე

26 ივნისი 2019, 09:34

ეკონომიკა

ქუთაისის საერთაშორისო აეროპორტიდან 12 ახალი ევროპული ავიამიმართულება დაინიშნება

შეთანხმებას ხელი მოაწერეს ეკონომიკისა და მდგრადი განვითარების სამინისტროს ,,საქართველოს აეროპორტების გაერთიანების“ დირექტორმა გიორგი ჩოგოვაძემ და უნგრული დაბალბიუჯეტიან ავიაკომპანია Wizz Air -ის ლოგისტიკის დირექტორმა, ანდრაშ სებოკმა.

ნიკა მელია

26 ივნისი 2019, 09:29

ძალოვნები

ნიკა მელია დღეს პროკურატურაშია დაბარებული

20 ივნისის ღამეს პარლამენტთან მელიას მიერ განხორციელებულ ქმედებებში, პროკურატურა სისხლის სამართლის დანაშაულის ნიშნებს ხედავს. კითხვაზე აპირებს თუ არა დღეს პროკურატურაში მისვლას "ნაციონალური მოძრობის ლიდერი", მელიას ეს ჯერ არ გადაუწყვეტია. ნიკა მელია ამბობს, რომ ბრალის წარდგენა მისთვის პატივია.

26 ივნისი 2019, 09:19

მსოფლიო

ამერიკელი ადვოკატი: მიგრანტი ბავშვები მშივრები, ავადმყოფები, ჭუჭყიანები და შეშინებულები არიან

"ბავშვები საკნებში არიან ჩაკეტილები, საპირფარეშო ღია საკნის ცენტრშია, ბავშვებს აქვე უწევთ ჭამა და ძილი. თუმცა არც საკვები და წყალი არ მიეწოდებათ შესაბამისად,"- განმარტავს ადვოკატი. ამავე ცნობით, 250 ბავშვი ტეხასის სასაზღვრო სადგურიდან თავშესაფარში გადაიყვანეს.

26 ივნისი 2019, 09:11

ტექნოლოგიები

სან-ფრანცისკოში ელექტრონული სიგარეტების გაყიდვა აკრძალეს

ეს ამერიკული ქალაქი მსოფლიოში პირველია, რომელმაც ასეთი გადაწყვეტილება მიიღო. ადგილობრივი ხელისუფლების განცხადებით, სანამ აშშ-ის მთავრობა მოქალაქეებზე ელექტრონული სიგარეტების მავნე ზეგავლენას შეაფასებს, იქამდე მათი გაყიდვა უნდა აირძალოს.

მკვლელობა

26 ივნისი 2019, 09:05

ძალოვნები

ხულოში 45 წლის კაცის მკვლელობის საქმეზე ერთი ადამიანი დააკავეს

მკვლელობა სოფელ ხიხაძირში 25 ივნისს მოხდა. უცნობია, მკვლელობის მიზეზი. შსს დამატებით ინფორმაციას მოგვიანებით გაავრცელებს. გამოძიება „სისხლის სამართლის კოდექსის” 108-ე განზრახ მკვლელობის მუხლით მიმდინარეობს.

26 ივნისი 2019, 09:01

საქართველო

საპროტესტო აქცია რუსთაველის გამზირზე დღეს 19:00 საათზე განახლდება

დემონსტრანტების მოთხოვნები უცვლელია. თუ გიორგი გახარია შინაგან საქმეთა მინისტრის თანამდებობას არ დატოვებს, საპროტესტო აქცია რუსთაველის გამზირზე გაგრძელდება. 20 ივნისს ღამით, პარლამენტის შენობის წინ სპეცრაზმმა რამდენჯერმე გამოიყენა ცრემლმდენი გაზი, რეზინის ტყვიები, ბოლოს კი აქციის მონაწილეები წყლის ჭავლით დაშალა.

Kygo

26 ივნისი 2019, 08:54

კულტურა

Kygo-მ ახალი დუეტი დააანონსა

ნორვეგიელმა დიჯეიმ Kygo-მ ახალი დუეტი დააანონსა. ამის შესახებ ის სოციალურ ქსელში წერს. ,,როგორ ფიქრობთ, ვისთან ერთად?'',- სვამს კითხვას მუსიკოსი. თაყვანიმსცემლები ვარაუდობენ, რომ უცნობი მომღერალი შესაძლოა სელენა გომესი, კამილა კაბეიო ან უიტნი ჰიუსტონი იყოს.

გოგა ბითაძე

26 ივნისი 2019, 08:39

სპორტი

გოგა ბითაძემ Adidas-თან კონტრაქტი გააფორმა

მანამდე გოგა დრაფტზე „ინდიანა პეისერსმა“ აიყვანა. მას 19-ნომრიანი მაისურა გადასცეს. გოგა ბითაძე 20 ივნისს ოფიციალურად გახდა პლანეტის ყველაზე ძლიერი საკალათბურთო ლიგის ერთ-ერთი წარმომადგენელი.

პინკი

26 ივნისი 2019, 08:32

ტაბლოიდი

პინკის კონცერტზე ლესბოსელი წყვილი დაინიშნა. ვიდეო

ამერიკელი მომღერლის პინკის კონცერტზე უჩვეულო შემთხვევა მოხდა. გლაზგოში მიმდინარე კონცერტისას მომღერლის ფანმა სარამ თავის მეგობარ გოგოს ხელი სთხოვა. სპეციალურად ამისთვის პინკმა კონცერტი რამდენიმე წუთით შეყვიტა. მუსიკოსმა ლესბოსელი წყვილის დანიშვნის გამო ცრემლები ვერ შეიკავა.

მიხეილ სააკაშვილი

26 ივნისი 2019, 08:22

მსოფლიო

სააკაშვილის პარტია რადის არჩევნებში მონაწილეობას შეძლებს

კიევის მეექვსე სააპელაციო ადმინისტრაციულმა სასამართლომ დაავალა უკრაინის ცენტრალურ საარჩევნო კომისიას ხელმეორედ განიხილოს პარტიის მიერ წარდგენილი დოკუმენტები და დაარეგისტრიროს კანდიდატები.

ღვინო

26 ივნისი 2019, 08:06

ეკონომიკა

DW: ევროპაში ქართულ ღვინოზე მოთხოვნა გაიზარდა

ევროპელი მეღვინეები აღნიშნავენ, რომ ქართული ღვინო საკმაოდ ხარისხიანია და „როსპოტრებნადზორის“ მიერ ქართული ღვინის შესახებ გაკეთებული განცხადებები „პოლიტიკურად მოტივირებულია“.

ნიკა მელია

26 ივნისი 2019, 08:00

საქართველო

პარლამენტში ნიკა მელიასთვის სადეპუტატო იმუნიტეტის მოხსნაზე იმსჯელებენ

09:00 საათზე საპროცედურო საკითხთა და იურიდიული კომიტეტების გაერთიანებული სხდომა გაიმართება, რომელზე დასწრების საშუალება თავად ნიკა მელიას და გენერალური პროკურატურის წარმომადგენლებს ექნებათ.

კლიმატის ცვლილება

26 ივნისი 2019, 00:58

მსოფლიო

გაერო: მსოფლიოს კლიმატური აპარტეიდი ემუქრება

ანგარიშის თანახმად, ისეთი ბუნებრივი მოვლენები როგორიც არის გვალვა, წყალდიდობები, შტორმები სულ უფრო გახშირდება. ანგარიშის თანახმად, 2030 წლისთვის მსოფლიოში კლიმატური ცლილებებისგან გამოწვეული პროცესების გამო 120 მილიონამდე ადამიანი შესაძლოა გაღარიბდეს.

მიანმარი

26 ივნისი 2019, 00:46

მსოფლიო

მიანმარის ხელისუფლებამ როჰინჯა მუსლიმებით დასახლებულ შტატში ინტერნეტი გათიშა

ხელისუფლების მფლობელობაში არსებულმა ტელესაკომუნიკაციო ოთხმა კომპანიამ კავშირგაბმულობის სამინისტროს მითითებით რაკჰაინის შტატში სადაც ძირითადად ეთნიკურ უმცირესობაში მყოფი როჰინჯა მუსლიმები ცხოვრობენ, ინტერნეტი გაუთიშა.

მარიხუანის ლეგალიზაცია

26 ივნისი 2019, 00:43

მსოფლიო

ილინოისში მარიხუანის ლეგალიზაცია მოხდა

ილინოისი გახდა აშშ-ის მე-11 შტატი, სადაც მარიხუანის ლეგალიზაცია მოხდა. ამის შესახებ შტატის გუბერნატორმა ჯეი რობერტ პრიცკერმა განაცხადა. მისივე თქმით, ილინოისი, სადაც სრულწლოვანთათვის მარიხუანის მოხმარება სრულად ლეგალური გახდა, „დემოკრატიის საუკეთესო მაგალითს წარმოადგენს“.

ნაომი კემპბელი

26 ივნისი 2019, 00:30

კულტურა

ნაომი კემპბელი: მოდის ინდუსტრიაში კანის ფერის თემა ისევ გამოწვევაა

სუპერმოდელ ნაომი კემპბელის თქმით, მიუხედავად იმისა, რომ მოდის ინდუსტრიაში კანის მრავალფეროვნებასთან დაკავშირებული საკითხები გაუმჯობესდა, ძველებურად მაინც "დიდ საქმედ" ითვლება როდესაც მოდის ცნობილი ჟურნალების გარეკანზე ფერადკანიანია გამოსახული.

მამუკა ბახტაძე

26 ივნისი 2019, 00:13

საქართველო

მამუკა ბახტაძე: სტუმარმასპინძლობა ჩვენი ერთ-ერთი ყველაზე მთავარი ფასეულობაა

პრემიერის განმარტებით, ტურიზმს განსაკუთრებული ეკონომიკური დატვირთვის გარდა, მნიშვნელოვანი პოლიტიკური დატვირთვაც აქვს, ვინაიდან საქართველოს სტუმრებს საზღვარგარეთ ქვეყნის პოზიტიური იმიჯის განმტკიცებაში მნიშვნელოვანი წვლილი შეაქვთ.

ოთარ დანელია

26 ივნისი 2019, 00:04

საქართველო

დანელია: გახარიას გადადგომით პოლიტიკური ამინდის შეცვლა უნდათ, მაგრამ არ გამოუვათ

ოთარ დანელიამ ტელეკომპანია „იმედის“ გადაცემაში „პირისპირ“ 20 ივნისის ღამეს მომხდარზე და შინაგან საქმეთა მინისტრის პასუხისმგებლობის საკითხზე ისაუბრა. მისი თქმით, გიორგი გახარიას ხედავენ როგორც პოლიტიკურად ძლიერ ფიგურას, რაც მისი თანამდებობიდან გადაყენების მოთხოვნის მთავარი მიზეზია.

საელჩო

26 ივნისი 2019, 00:01

საქართველო

ამერიკელი დიპლომატი ოჯახთან ერთად საქართველოში მოგზაურობის შესახებ წერს

საქართველოში ამერიკის შეერთებული შტატების საელჩომ საქართველოს მხარდამჭერი პოსტი გამოაქვეყნა, რომელშიც ამერიკელი დიპლომატი ჯულიუს ცაი წერს, თუ რატომ არის საქართველოში გატარებული დრო მისთვის და მისი ოჯახისთვის ძვირფასი.

აქცია პარლამენტთან

25 ივნისი 2019, 23:54

საქართველო

რუსთაველის გამზირზე საპროტესტო აქცია დასრულდა

რუსთაველის გამზირზე, პარლამენტის შენობის წინ საპროტესტო აქცია დასრულდა. აქციის ორგანიზატორების განცხადებით, მათი მოთხოვნები უცვლელი რჩება და თუ გიორგი გახარია შინაგან საქმეთა მინისტრის თანამდებობას არ დატოვებს, საპროტესტო აქცია რუსთაველის გამზირზე ხვალ 19:00 საათზე განახლდება.