აშშ ირანიდან ნავთობის იმპორტიორებს ფინანსურ სანქციებს დაუწესებს

აშშ-ის პრეზიდენტი დონალდ ტრამპი არ დაუშვებს გამონაკლისს იმ ქვეყნებისთვის, რომლებიც ირანიდან ნავთობის იმპორტს განახორციელებენ.

BBC-ის ცნობით, აშშ გეგმავს გაუუქმოს შეღავათები ჩინეთს, ინდოეთს, იაპონიას, სამხრეთ კორეას და თურქეთს. 2019 წლის 2 მაისიდან ამ ქვეყნებზე ფინანსური სანქციები გავრცელdება იმ შემთხვევაში, თუ ირანული ნავთობის იმპორტს განახორციელებენ. 

ამ გადაწყვეტილებით, ვაშინგტონი ირანს მთავარი შემოსავლის წყაროს გარეშე ტოვებს. 

2018 წელს ტრამპმა ირანის წინააღმდეგ სანქციები თავიდან აამოქმედა, რომელიც 2015 წელს ირანთან ბირთვული პროგრამის შესახებ შეთანხმების საფუძველზე შეჩერებული იყო. 

სანქციები ეხება ირანს და იმ კომპანიებს, რომლებიც ამ ქვეყანასთან ვაჭრობენ. შეღავათები ამ დრომდე ჩინეთს, ინდოეთს, იაპონიას, სამხრეთ კორეას, თურქეთს, იტალიას და საბერძნეთს ეხებოდა, თუმცა ეს საკითხი 180 დღეში გადაიხედება. საბერძნეთმა, იტალიამ და ტაივანმა ირანისგან ნავთობის შესყიდვაზე თავად თქვეს უარი. 

„მაქსიმალური ზეწოლა ირანის რეჟიმზე ნიშნავს მაქსიმალურ ზეწოლას. ამიტომ აშშ არ გააკეთებს გამონაკლისს ირანიდან ნავთობის იმპორტიორებისათვის. ნავთობის მსოფლიო ბაზარი კარგად არის გაჯერებული. ჩვენ დარწმუნებულები ვართ, რომ ბაზარი იქნება სტაბილური, ირანზე ზეწოლის მიუხედავად“, - წერს twitter-ზე აშშ-ის სახელმწიფო მდივანი მაილ პომპეო. 

TWITTER POST

ირანთან ვაჭრობის შესანარჩუნებლად, ევროპამ ახალი მექანიზმი შეიმუშავა. ევროპელი ლიდერების გეგმის თანახმად, ბრიტანეთს, საფრანგეთსა და გერმანიას, ირანთან საქმის წარმოების საშუალება ამერიკული სანქციების გვერდის ავლით მიეცემა. ამის შესახებ CNN წერს.