საქართველოს 20 უმსხვილესი ინვესტორი ქვეყანა ცნობილია

საქართველოს სტატისტიკს სამსახურის (საქსტატი) მონაცემებით, 2019 წლის მესამე კვარტლის მონაცენებით, აზერბაიჯანმა საქართველოს უმსხვილესი ინვესტორი ქვეყნის სტატუსი დაკარგა, რაც პირველ რიგში მაგისტრალური მილსადენის პროექტის მშენებლობის დასრულებას უკავშირდება.

უმსხვილესი ინვესტორი ქვეყნების რეიტინგში  პირველ ადგილს თურქეთი იკავებს. ამ ქვეყნიდან 2019 წლის 9 თვის განმავლობაში საქართველოში $158.6 მილიონის ინვესტიცია შემოვიდა

წლიურ ჭრილში თურქეთიდან შემოსული ინვესტიციების ზრდა 194%-ია. მეორე ადგილზე $132 მილიონი დოლარით უმსხვილეს ინვესტორთა შორის ირლანდიაა, რაც პირველ რიგში ირლანდიური კომპანია Flutter-ის მიერ 2019 წლის დასაწყისში აზარტული თამაშების ერთ-ერთი უმსხვილესი მოთამაშის "აჭარაბეთის" შეძენას უკავშირდება.

მესამე ადგილს  გაერთიანებული სამეფო იკავებს, საიდანაც $122 მილიონი დოლარის ინვესტიცია შემოვიდა.

უმსხვილესი ინვესტორი ქვეყნების პირველი ოცეული (2019 წლის 9 თვე):

1. თურქეთი - $ 158,548,423 ;

2. ირლანდია - $ 132,415,731;

3. გაერთიანებული სამეფო - $ 122,444,173;

4. აშშ - $ 75,782,966;

5. პანამა - $ 74,951,543;

6. იაპონია - $ 46,255,543;

7. აზერბაიჯანი - $ 41,790,565;

8. ჩინეთი - $ 35,546,790;

9.ნიდერლანდი - $ 32,566,279;

10. დანია - $ 29,598,313;

11. რუსეთი - $ 27,501,211;

12. ლუქსემბურგი - $ 19,207,625;

13. გერმანია - $ 18,839,084;

14. არაბეთის გაერთიანებული ემირატები - $ 17,575,497;

15. კორეა - $ 17,283,868;

16. ჩეხეთი - $ 16,321,632;

17. შვეიცარია - $ 13,109,405;

18. სომხეთი - $ 12,642,958;

19. დანარჩენი ქვეყნები - $ 11,425,207;

20. ესტონეთი - $ 10,210,284; 

ეკონომიკის სექტორებს, ყველაზე მეტი პირდაპირი უცხოური ინვესტიცია საფინანსო სექტორში განხორციელდა და $ 96.0 მლნ. შეადგინა, რაც მთლიანი პირდაპირი უცხოური ინვესტიციების 23.0 პროცენტია.

ინვესტიციების რეიტინგი 2019 წლის მესამე კვარტლის მდგომარეობით ცალკეული სექტორების მიხედვით:

1.საფინანსო სექტორი - $ 96.00 მლნ; 

2. დამამუშავებელი მრეწველობა - $ 49.30 მლნ;. 

3. სასტუმროები და რესტორნები - $ 45.70 მლნ;

4 მშენებლობა - $ 43.40 მლნ;

5. ენერგეტიკა - $ 39.70 მლნ;

6 უძრავი ქონება - $ 30.10 მლნ;

7. სამთომოპოვებითი მრეწველობა - $ 17.50 მლნ;

8 ტრანსპორტი - $ 11.20 მლნ;

9. ჯანმრთელობის დაცვა და სოც. დახმარება - $ 11.20 მლნ;

10. კავშირგაბმულობა - $ 8.10 მლნ;

11. სოფლის მეურნეობა, თევზჭერა - $ 5.40 მლნ; 

12. დანარჩენი სექტორები - $ 59.80 მლნ;

წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2019 წლის III კვარტალში 417.3 მლნ. აშშ დოლარი შეადგინა, რაც 2018 წლის III კვარტალის დაზუსტებულ მონაცემებზე 13.7 პროცენტით მეტია. 

საქსტატის წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2019 წლის II კვარტალში 187.0 მლნ. აშშ დოლარი შეადგინა, რაც 2018 წლის II კვარტლის დაზუსტებულ მონაცემებზე 53.7 პროცენტით ნაკლებია.