პრემიერი: გვქონდა გარკვეული გართულებები ზამთრის კურორტებზე, ეს არ უნდა მომხდარიყო

მთავრობის სხდომაზე გიორგი გახარიამ ბაკურიანსა და გუდაურში წყალმომარაგების კუთხით შექმნილ ვითარებაზე ისაუბრა და აღნიშნა, რომ მიმდინარე წელი სისტემური პრობლემის აღმოფხვრას დაეთმობა, რათა მომავალ წელს მსგავსი შემთხვევა არ განმეორდეს.

როგორც პრემიერმა აღნიშნა, ეს არ უნდა მომხდარიყო. 

 „დღეს ჩვენ ზუსტად ვიცით, გამომწვევი მიზეზები იყო როგორც ობიექტური ძირითადად, ასევე სუბიექტური ფაქტორები, თუმცა ის ძალისხმევა, რომელსაც ბოლო წლების განმავლობაში საქართველოს მთავრობა ახორციელებს ქვეყანაში ტურისტების მოზიდვის თვალსაზრისით, არის უაღრესად გასაფრთხილებელი. სწორედ ამიტომ, გვმართებდა უფრო მეტი პრევენციული მუშაობა. შესაბამისად, დღეს ჩვენ ზუსტად ვიცით გამომწვევი მიზეზები, გვესმის, რომ პრობლემა არის საკმაოდ სისტემური, გვესმის, რომ შესაბამისი დასკვნებია გასაკეთებელი, რომლებიც უკვე გაკეთდა და ჩვენ, მიმდინარე წელი უნდა დავუთმოთ სრულად, რომ მომავალ წელს მსგავსი შემთხვევა არ განმეორდეს“, – განაცხადა გიორგი გახარიამ.

საქართველოს პრემიერმ ინისტრის თქმით, პრობლემის სრულად აღმოსაფხვრელად შესაბამისი უწყებები აქტიურად მუშაობენ. 

მანამდე ცნობილი გახდა, რომ ბაკურიანში წყლის მიწოდება, სავარუდოდ, დღეს დილიდან აღდგება.