imedi /  22 აპრილი 2020, 16:19 / სანდო წყარო

სებ-ი: საბანკო სექტორის მდგრადობას საფრთხე არ ემუქრება

საქართველოს ეროვნული ბანკის გონივრული საზედამხედველო პოლიტიკის გატარების შედეგად, მიმდინარე წელს პოტენციური ზარალების გასანეიტრალებლად საკმაოდ დიდი ბუფერები არსებობს და საბანკო სექტორის მდგრადობას საფრთხე არ ემუქრება, ნათქვამია საქართველოს ეროვნული ბანკის განცხადებაში.

მათივე ინფორმაცით, საბანკო სექტორის პირველი კვარტლის საოპერაციო მოგებამ 386 მილიონი ლარი შეადგინა. წმინდა მოგება ნეგატიურია და მინუს 747 მილიონ ლარს შეადგენს, რაც მთლიანი აქტივების მხოლოდ 1.5%-ია. ეს, ძირითადად, COVID-19-დან გამოწვეული ნეგატიური მოლოდინებისათვის რეზერვის შექმნით არის განპირობებული.

„საბანკო სექტორმა, მარტის მდგომარეობით, 1.2 მილიარდი ლარის სესხების შესაძლო დანაკარგების რეზერვი შექმნა და ეს რიცხვი წარმოადგენს მხოლოდ პოტენციურ (და არა რეალიზებულ) დანაკარგს. თავად რეზერვი კი, იმ შემთხვევაში, თუ აღნიშნულ დანაკარგს ფაქტობრივად ექნება ადგილი, ბანკებს მომავალში საშუალებას მისცემს, თავიდან აირიდოს ფინანსური მდგრადობის რისკები.

ეკონომიკას ციკლურობა ახასიათებს და როგორც ყველა სხვა ბიზნესს, ისე საბანკო სექტორს შეიძლება ჰქონდეს როგორც მომგებიანი, ისე წამგებიანი წლები. ბოლო ზარალიანი პერიოდი საქართველოს საბანკო სექტორისთვის 2008-09 წლები იყო, რის შემდეგაც სექტორი საკმაოდ მაღალი მომგებიანობით ხასიათდებოდა. მნიშვნელოვანია, რომ ეკონომიკის ციკლურობა გათვალისწინებული იყოს და მომგებიანი წლების დროს ხდებოდეს საკმარისი ბუფერების დაგროვება, რათა წამგებიან წელს სექტორი შესაბამის მზადყოფნაში შეხვდეს. ეროვნული ბანკი ბოლო წლების განმავლობაში ეტაპობრივად ამკაცრებდა საზედამხედველო მოთხოვნებს და დღევანდელ გამოწვევას საბანკო სექტორი კარგად მომზადებული ხვდება.

წინა პერიოდებში საბანკო სექტორი მომგებიანი იყო. 2019 წელს ინდუსტრიის საშუალო წლიურმა მოგებამ (ROE) 20% შეადგინა, რამაც ბანკებს საშუალება მისცა კაპიტალის ადეკვატურობის ფარდობა (CAR) მაღალ დონეზე აეყვანათ. ამასთანავე, ეროვნული ბანკი ბანკებს უწესებდა დამატებითი კაპიტალის მოთხოვნებს, რამაც ინდუსტრიაში საკმაოდ დიდი კაპიტალის ბუფერი შექმნა, სწორედ მსგავსი სტრესული სიტუაციის გასამკლავებლად.

ამავე დროს, ეროვნულმა ბანკმა ჯერ კიდევ მარტში ბანკებს 1.6 მილიარდის კაპიტალი გამოუთავისუფლა და გამოთქვა მზადყოფნა, საჭიროების შემთხვევაში, კაპიტალის დამატებით გამოთავისუფლებაზე. ამ გამოთავისუფლებული კაპიტალის გარდაც, არსებობს გაცილებით მეტი რეზერვი, რომელიც ბანკებს საშუალებას მისცემს მოვლენების უფრო ნეგატიურ განვითარებასაც გაუმკლავდნენ.

ამასთან, ბოლო წლების განმავლობაში საბანკო სექტორის ყოველწლიური საშუალო მოგება 900 მილიონ ლარს შეადგენდა, 2020 წელს მხოლოდ პირველი 3 თვის საოპერაციო მოგება 386 მილიონი ლარია. გაზრდილი საკრედიტო დანაკარგების გამო, წელს ბანკების წმინდა მოგება, შესაძლოა, ნეგატიური იყოს. თუმცა აღნიშნული სოლიდური საოპერაციო შემოსავლების გათვალისწინებით, მოსალოდნელია, რომ პანდემიის გადავლის შემდეგ ბანკები მომგებიანობას მალევე აღიდგენენ.

მნიშვნელოვანია, რომ კომერციული ბანკის ფინანსური ანგარიშგება მუდმივად სამართლიანად ასახავდეს ბანკის რეალურ ფინანსურ მდგომარეობას. მათ შორის, ყურადღების განსაკუთრებული გამახვილება ხდება აქტივების ხარისხის კუთხით. გამჭვირვალობის თვალსაზრისით, ქართული საბანკო სისტემა ერთ-ერთი საუკეთესოა და ყველა დაინტერესებულ მხარეს აქვს შესაძლებლობა, რომ ბანკების შესახებ მიიღონ მნიშვნელოვანი და დროული ინფორმაცია. სწორედ ამიტომ, საბანკო სექტორი ხშირად ხდებოდა არასამართლიანი კრიტიკის ობიექტი (ე.წ მაღალი მომგებიანობა), მაშინ როდესაც სხვა ეკონომიკური სუბიექტები ვერ უზრუნველყოფენ მაღალი დონის გამჭვირვალობას და, ამდენად, კრიტიკასაც არიდებენ თავს“, - ნათქვამია ეროვნული ბანკის განცხადებაში.

ყველა სიახლე

გიორგი გახარია

27 მაისი 2020, 18:26

საზოგადოება

გიორგი გახარია: სამშენებლო სექტორის დახმარების შემდგომ, იქნება ჯანდაცვის სისტემის სექტორული ანტიკრიზისული გეგმა

520-ე დადგენილება არის რთული, მაგრამ უკიდურესად საჭირო დადგენილება იმისთვის, რომ ჯანდაცვის სისტემა ქვეყანაში იყოს უფრო დაბალანსებული და სტაბილური, მდგრად გრძელვადიანი გამოწვევების წინაშე. ამიტომ 520-ე დადგენილების გადახედვაზე საუბარი დღეს არ არის, შესაძლოა გარკვეული ცვლილებები შევიდეს, - ამის შესახებ საქართველოს პრემიერ-მინისტრმა, გიორგი გახარიამ დეპუტატების კითხვების საპასუხოდ განაცხადა.

გიორგი გახარია

27 მაისი 2020, 18:26

COVID19

გიორგი გახარია: სწრაფ ტესტებთან დაკავშირებით არავინ დასჯილა, რადგან არავის არაფერი არ დაუშავებია

სწრაფ ტესტებთან დაკავშირებით არავინ დასჯილა, უბრალოდ არავის არაფერი არ დაუშავებია. საბედნიეროდ არავის უყიდია უვარგისი ტესტები, ამ პროცესში გამოწვევები სხვდასხვა იყო- ამის შესახებ გიორგი გახარიამ პარლამენტში დასმული კითხვის საპასუხდო განაცხადა. პრემიერ-მინისტრის თქმით, რეალურად ეს ადამიანები დასჯას არ იმსახურებდნენ.

გიროგი გახარია

27 მაისი 2020, 18:19

სამართალი

გიორგი გახარია ფარცხალაძის დაჯარიმებაზე: ჩვენ სამართლიან სახელმწიფოში ვცხოვრობთ, დააშავა? დაჯარიმდა

საქართველოს პრემიერმინისტრის, გიორგი გახარიას განცხადებით, ყოფილი გენერალური პროკურორი, ოთარ ფარცხალაძე დააჯარიმეს. „ფარცხალაძის მაგალითზე რა კომენტარი უნდა გაგიკეთოთ? დააშავა? დაჯარიმდა, გადაიხადა, ეგეთი ბევრი დაჯარიმდა, 9 000 ჯარიმა იყო“ - განაცხადა მთავრობის მეთაურმა.

გიორგი გახარია

27 მაისი 2020, 18:15

პოლიტიკა

გიორგი გახარიას თქმით, ოპოზიცია მთავრობასა და ეკლესიას შორის კონფლიქტის გაჩენის მიზანშეწონილობას ხედავდა

„თქვენ იყავით ერთი მხრიდან, რომლებიც პოლიტიკურ მიზანშეწონილობას ხედავდნენ, რომ როგორმე კონფლიქტი გაჩნდეს, ცდილობდით ამას. ყოველ შემთხვევაში გარედან ეს ასე ჩანდა. მაგრამ რეალურად, შეხედეთ, რა მოხდა. მარტივი რაღაც მოხდა. ადამიანმა, მოქალაქემ დაიჯერა უბრალოდ, ენდო ხელისუფლებას და მთავრობას და თქვა, რომ მე ჩემი რელიგიური მრწამსის აღსრულებისას გარკვეულ წესებს დავიცავ“, - აღნიშნა გახარიამ.

გიორგი გახარია

27 მაისი 2020, 18:13

COVID19

გიორგი გახარია: თუ შემოდგომაზე მეორე ტალღა იქნება, ჩვენ უნდა შევძლოთ ამ შეზღუდვების გარეშე ვმართოთ პროცესი

„დღეს ქვეყნის ძირითადი ამოცანა ყველას უნდა ესმოდეს და ეს მინდა პირველ რიგში ვუთხრა ჩვენს მოქალაქეებს, რომ მთავრობის და ხელისუფლების ძირითადი ამოცანა გახლავთ, ეს 3-4 თვე გამოვიყენოთ იმისთვის, რომ მაქსიმალურად მოვამზადოთ ჯანდაცვის სისტემა, სოციალური სისტემა, იმ შემთხვევაში თუ მეორე ტალღა იქნება ადრეულ ან გვიან შემოდგომაზე, ჩვენ უნდა შევძლოთ ამ შეზღუდვების გარეშე ვმართოთ პროცესი“.

27 მაისი 2020, 18:09

მსოფლიო

ევროკავშირის საბჭომ ბელარუსთან სავიზო რეჟიმის გამარტივებისა და რეადმისიის შესახებ შეთანხმება დაამტკიცა

ევროკავშირის საბჭომ ბელარუსთან სავიზო რეჟიმის გამარტივებისა და რეადმისიის შესახებ შეთანხმება დაამტკიცა. აღნიშნული შეთანხმება 1-ლი ივლისიდან ამოქმედდება.

გიორგი გახარია

27 მაისი 2020, 18:01

საზოგადოება

გიორგი გახარია: თეატრი სპეციფიკური ჟანრია, იქ დრამაა, სხვადასხვა სცენა არსებობს, ამიტომ ცოტა ფრთხილად უნდა ვიყოთ

ჩვენ გვესმის რომ სასურსათო უსაფრთხოება უსაფრთხოებაა, მაგრამ ადამიანს სულიერი საზრდოც სჭირდება, მაგრამ ეს ისე უნდა გავაკეთოთ, რომ რაღაც რისკები არ შევქმნათ, - ამით უპასუხა პრემიერ-მინისტრმა, გიორგი გახარიამ თეატრის გახსნასთან დაკავშირებულ შეკითხვას.

დმიტრო კულება

27 მაისი 2020, 18:00

პოლიტიკა

დმიტრო კულება: დარწმუნებული ვარ, სტრატეგიული ურთიერთობები საქართველოსა და უკრაინას შორის შემდგომშიც განვითარდება

ჩვენს ქვეყნებს აერთიანებს საერთო მიზნები - ეს არის სრული ინტეგრაცია ევროკავშირსა და ნატოში, დემოკრატიული ღირებულებების განვითარება და ეკონომიკური ზრდა“ - აღნიშნულიაუკრაინის საგარეო საქმეთა მინისტრ დმიტრო კულებას წერილში, რომელსაც საქართველოს საგარეო საქმეთა სამინისტრო დღეს ავრცელებს. სამინისტროს განცხადებით, აღნიშნული წერილით კულება თავის ქართველ კოლეგას, დავით ზალკალიანს საქართველოს დამოუკიდებლობის დღეს ულოცავს.

კრისტინ ლაგარდი

27 მაისი 2020, 17:59

COVID19

კრისტინ ლაგარდი: კორონავირუსის პანდემიის გამო 2020 წელს ევროზონის ეკონომიკა 8-12%-ით შემცირდება

ევროპის ცენტრალური ბანკის პრეზიდენტის, კრისტინ ლაგარდის განცხადებით, კორონავირუსის პანდემიის გამო 2020 წელს ევროზონის ეკონომიკა 8-12%-ით შემცირდება.

გიორგი გახარია

27 მაისი 2020, 17:57

COVID19

გიორგი გახარია: ჩვენს ტრადიციებს, სამზარეულოს, სიმღერას, ღვინოს და სტუმარ-მასპინძლობას უნდა დავუმატოთ კიდევ ერთი ძლიერი ბრენდი - საქართველო, როგორც COVID FREE და ვირუსთან ბრძოლის ეფექტური ქვეყანა

ტურიზმში ჩვენ არ უნდა დავკარგოთ საქართველოს, როგორც ტურისტული ქვეყნის ბრენდის სიძლიერე, პირიქით, ჩვენს ტრადიციებს, ჩვენს სამზარეულოს, ჩვენს სიმღერას, ჩვენს ღვინოს და სტუმარ-მასპინძლობას უნდა დავუმატოთ კიდევ ერთი ძლიერი ბრენდი - საქართველო, როგორც COVID FREE და ვირუსთან ბრძოლის ეფექტური ქვეყანა, - ამის შესახებ საქართველოს პრემიერ-მინისტრმა გორგი გახარიამ პარლამენტში სიტყვით გამოსვლისას განაცხადა.

გიორგი გახარია

27 მაისი 2020, 17:56

პოლიტიკა

გიორგი გახარია: არაფერი დამირღვევია, რეგლამენტი იძლევა შესაძლებლობას, რომ საგანგებოს გამოცხადების დროს პარლამენტში მოსულიყო საპარლამენტო მდივანი

საქართველოს პარლამენტის რეგლამენტი იძლევა ასეთ შესაძლებლობას. მე არაფერი დამირღვევია. რეგლამენტი იძლევა შესაძლებლობას, რომ საგანგებოს გამოცხადების დროს მოსულიყო საპარლამენტო მდივანი. მე ეს შესაძლებლობა კანონის უბრალოდ გამოვიყენე - ამის შესახებ საქართველოს პრემიერ-მინისტრმა, გიორგი გახარიამ პარლამენტში განაცხადა, სადაც კორონავირუსის პანდემიის პირობებში, საგანგებო მდგომარეობის დროს მთავრობის მიერ განხორციელებული ღონისძიებების შესახებ ანგარიში წარადგინა. „მაშინაც, როდესაც კანონის ამ შესაძლებლობას ვიყენებდი, ვიცოდი, რომ მოვიდოდი თქვენთან, როდესაც ეს პროცესი დასრულდებოდა და წარვსდგებოდი იმ ანგარიშით, რომელიც გავაკეთე დღეს. რამდენიმე მიზეზი მქონდა ამისთვის. პირველი, რომ კანონს არ ვარღვევდი. მეორე, რომ მართლა დაძაბული გრაფიკი იყო და მესამე - პროცესში აქ დგომა, მაშინ როდესაც იყო შუა პროცესი და ძალიან გახურებული იყო ყველაფერი, ვფიქრობ, რომ ზედმეტი ემოციები ჩემთვისაც და თქვენთვისაც იქნებოდა არასასურველი“, - განაცხადა პრემიერ-მინისტრმა.

გიორგი გახარია

27 მაისი 2020, 17:53

პოლიტიკა

გიორგი გახარია: მერწმუნეთ, წელს საქართველოში საპარლამენტო არჩევნებზე ყველაზე მეტი დამკვირვებელი იქნება

მერწმუნეთ, რომ წელს საქართველოში საპარლამენტო არჩევნებზე იქნება ყველაზე მეტი დამკვირვებელი, – ამის შესახებ საქართველოს პრემიერ-მინისტრმა პარლამენტში განაცხადა. როგორც გიორგი გახარიამ აღნიშნა, საქართველოს მთავრობა გააკეთებს ყველაფერს, რომ დამკვირვებლების ჩამოსვლა არ შეფერხდეს.

გიორგი გახარია

27 მაისი 2020, 17:45

პოლიტიკა

გიორგი გახარია სალომე სამადაშვილს: მინდა გითხრათ, რომ უბრალოდ იტყუებით

„კითხვის აი ასეთი პროვოკაციული ფორმულირების პირობებშიც კი მოსახლეობის 60% მხარს უჭერს საქართველოს ევროატლანტიკურ ინტეგრაციას. საბედნიეროდ, არსებობს სხვა, ბევრად უფრო დამაჯერებელი კვლევებიც, რომლებშიც 70, 75 და 80%-ს საქართველოს მოქალაქეების მხარდაჭერა, როგორც ნატოში გაერთიანების, ასევე ევროკავშირში ინტეგრაციის არ ჩამოსულა“, - განაცხადა პრემიერმა.

ქვეშის ციხე

27 მაისი 2020, 17:44

რეგიონი

ბოლნისის მუნიციპალიტეტში, ქვეშის ციხემდე მისასვლელი გზის მოწყობის სამუშაოები მიმდინარეობს

სოფელ ქვეშში, ქვეშის ციხემდე მისასვლელი გზის მოწყობის სამუშაოები მიმდინარეობს. ბოლნისის მუნიციპალიტეტის მერიის ინფორმაციით, კორონავირუსის პანდემიის მიუხედავად, მუნიციპალიტეტში ინფრასტრუქტურული სამუშაოები აქტიურად მიმდინარეობს. დღეს ბოლნისის მუნიციპალიტეტის მერმა დავით შერაზადიშვილმა, სივრცითი მოწყობისა და ინფრასტრუქტურის სამსახურის უფროს კონსტანტინე კორძაძესთან ერთად, ქვეშის ციხემდე მისასვლელი გზის მოწყობის სამუშაოები მოინახულა.

გიორგი გახარია

27 მაისი 2020, 17:40

პოლიტიკა

პრემიერი სამადაშვილს: შთაბეჭდილება მრჩება, რომ ბოლო დროს ჩვენი საერთაშორისო პარტნიორების თარგმნის ის ექსკლუზიური უფლება მოიპოვეთ, რომელიც სინამდვილეში არ გაქვთ

„ყველაფერთან ერთად, გვარებს რომ ჩამოთვლით ხოლმე, თუ ობიექტურად შევაფასებთ ყველაფერს, დარწმუნებული ვარ, რომ თქვენ ჩემზე უკეთესად იცით, რომ ეს ადამიანები პირველ რიგში არიან საქართველოს მეგობრები და არა „ნაციონალური მოძრაობის“. შესაბამისად ეს ადამიანები იქნებიან ისინი, რომლებიც აქამდე ობიექტურად აფასებდნენ და მომავალშიც შეაფასებენ კონკრეტულად იმ 8 მარტის შეთანხმებასაც. სულ მალე მოვა საკონსტიტუციო ცვლილებების დრო და იქაც ვნახავთ, ვინ როგორ პოზიციას დაიჭერს“, - აღნიშნა პრემიერ-მინისტრმა.

გიორგი გახარია

27 მაისი 2020, 17:39

COVID19

გიორგი გახარია: მთავრობა გააკეთებს ყველაფერს, რომ ჩვენმა ოლიმპიელებმა ვარჯიში და წვრთნა გააგრძელონ

საქართველოს მთავრობა გააკეთებს ყველაფერს, რომ ჩვენს ოლიმპიელებს, იმ 200 ადამიანს, რომელთაც უკვე მოპოვებული აქვთ ოლიმპიური საგზური, შევუქმნათ იდეალურთან მიახლოებული პირობები იმისთვის, რომ ივარჯიშონ, - ამის შესახებ გიორგი გახარიამ პარლამენტში, კორონავირუსთან დაკავშირებული ანგარიშის წარდგენისას განაცხადა.

სალომე ზურაბიშვილი

27 მაისი 2020, 17:37

პოლიტიკა

საქართველოს პრეზიდენტი სალომე ზურაბიშვილი დღეს მონაკოს პრინცს, ალბერ II-ს ტელეფონით ესაუბრა

საქართველოს პრეზიდენტი პრინცის ჯანმრთელობის მდგომარეობით დაინტერესდა, რადგან ალბერ II-მ კორონავირუსი გადაიტანა. პრეზიდენტის პრესსამსახურის ინფორმაციით, მხარეებმა კორონავირუსთან დაკავშირებით შექმნილ მდგომარეობაზე ისაუბრეს. როგორც საქართველოს პრეზიდენტმა აღნიშნა, კორონავირუსის პანდემიით გამოწვეული კრიზისისას მნიშვნელოვანია საერთაშორისო სოლიდარობა.

გიორგი გახარია

27 მაისი 2020, 17:30

პოლიტიკა

გიორგი გახარია გიგა ბოკერიას: პოლიტიკური კრიზისის დასრულება არის ჩვენი გუნდის უპირველესი ამოცანა

„პოლიტიკური პროცესის დასრულების ყველაზე აქტიური სურვილი ვინმეს თუ აქვს, აქვს ხელისუფლებას. ეს უბრალოდ პოლიტიკური ინტერესებიდან გამომდინარე. ხელისუფლება ამ ნაბიჯებს დგამს. შესაბამისად, პოლიტიკური კრიზისის დასრულება არის ჩვენი გუნდის, აი ამ ხელისუფლების უპირველესი ამოცანა“, - განაცხადა გახარიამ.

გიორგი გახარია

27 მაისი 2020, 17:23

პოლიტიკა

გიორგი გახარია: მეორე ტალღისთვის ბევრად უფრო მომზადებულები ვიქნებით

რაღაც მოდელები თანამშრომლობის ბიზნესთან, კონკრეტულ კომპანიებთან უკვე დავალაგეთ. ასევე, სახელმწიფოს რეზერვების შექმნის, უფრო დამოუკიდებლად რომ ვიმოქმედოთ, გარკვეული სქემები უკვე აქვს. დაგროვილი რეზერვები ჯერ კიდევ არსებობს და ჩვენ ამ მუშაობას ვაგრძელებთ - ამის შესახებ საქართველოს პრემიერ-მინისტრმა, გიორგი გახარიამ პარლამენტში განაცხადა, სადაც კორონავირუსის პანდემიის პირობებში, საგანგებო მდგომარეობის დროს მთავრობის მიერ განხორციელებული ღონისძიებების შესახებ ანგარიში წარადგინა. „მეორე ტალღისთვის ბევრად უფრო მომზადებულები ვიქნებით. იმ ნაწილს, რაც შეეხება სასურსათო უზრუვნელყოფას ქვეყნის - აქ არანაირი პრობლემა იქნება. როგორც ამ კრიზისის დროს, რომელიც იყო აბსოლუტურად მოულოდნელი. დაახლოებით 1-2 საათი რამდენიმე მსხვილი სუპერმარკეტის დახლებზე იყო პატარა დეფიციტი, აბსოლუტურად დაუსაბუთებელი, მაგრამ იყო ასეთი შემთხვევები, ამაზე ხდებოდა სწრაფი რეაგირება და ეს დახლები ივსებოდა. უკეთესი მზაობა გვექნება ამ ნაწილში მეორე ტალღისას“, - განაცხადა პრემიერ-მინისტრმა.

27 მაისი 2020, 17:22

COVID19

პანდემიით გამოწვეული ეკონომიკური შედეგების დასაძლევად ევროკომისია 750 მილიარდი ევროს ოდენობის ფონდის შექმნის ინიციატივით გამოდის

კორონავირუსის პანდემიით გამოწვეული ეკონომიკური შედეგების დასაძლევად ევროკომისია 750 მილიარდი ევროს ოდენობის ფონდის შექმნის ინიციატივით გამოდის. ამის შესახებ ეკონომიკის საკითხებში ევროკომისარმა, პაოლო ჯენტილონიმ განაცხადა.