ნათია თურნავა: არსებობს „ფრონტერასთან“ პოზიტიური დიალოგისა და პირობებზე შეჯერების შესაძლებლობა

„არსებობს პოზიტიური დიალოგისა და ისეთ პირობებზე შეჯერების შესაძლებლობა, რა პირობებშიც კომპანია „ფრონტერა“ შეძლებს საქართველოში საქმინობის გაგრძელებას, თუ მას ამის სურვილი აქვს და სხვა რა სურვილი უნდა ჰქონდეს ბიზნესს?..“ - ამის შესახებ ეკონომიკის მინისტრმა, ანათია თურნავამ „დღის ქრონიკაში“ განაცხადა.

„არის რაღაც პირობები, რაც ჩვენთვის მნიშვნელოვანია. მაგალითად, იმ ადამიანების ბედი, ვინც იყო დასაქმებული ამ კომპანიაში და ჩვენთვის მნიშვნელოვანია ამ საკითხზე მსჯელობა“ - აცხადებს უწყების ხელმზრვანელი.

ეკონომიკის სამინისტროს ინფორმაციით, 2020 წლის 17 აპრილს, საერთაშორისო საარბიტრაჟო ტრიბუნალმა, ერთის მხრივ, სს „საქართველოს ნავთობისა და გაზის კორპორაციასა“ და ნავთობისა და გაზის სახელმწიფო სააგენტოს, ხოლო მეორეს მხრივ, „ფრონტერა რისორსიზ ჯორჯია კორპორეიშენსა“ და „ფრონტერა აშშ-ის“ შორის წარმოშობილ სადავო საკითხებთან დაკავშირებით საბოლოო გადაწყვეტილება გამოიტანა, რომელიც 1997 წლის 25 ივნისის პროდუქციის წილობრივი განაწილებისა და გადამამუშავებელი ქარხნის შესწავლის შესახებ კონტრაქტიდან გამომდინარეობს.

საარბიტრაჟო ტრიბუნალმა მხარი დაუჭირა სს „საქართველოს ნავთობისა და გაზის კორპორაციისა“ და სსიპ ნავთობისა და გაზის სახელმწიფო სააგენტოს მიერ კონტრაქტის ნორმათა ინტერპრეტაციას და მათი სასარჩელო მოთხოვნების აბსოლუტური უმრავლესობა დააკმაყოფილა.