imedi /  18 სექტემბერი 2020, 12:55 / სანდო წყარო

ივანე მაჭავარიანი აზიის განვითარების ბანკის მმართველთა საბჭოს თავმჯდომარედ აირჩიეს

ივანე მაჭავარიანი

ივანე მაჭავარიანი

მიმდინარე წლის 17-18 სექტემბერს, ვირტუალურ ფორმატში გამართულ აზიის განვითარების ბანკის (ADB) რიგით 53-ე ყოველწლიური შეხვედრის ფარგლებში, საქართველოს ფინანსთა მინისტრმა და საქართველოს მხრიდან აზიის განვითარების ბანკის მმართველმა, ივანე მაჭავარიანმა, მონაწილეობა მიიღო ბანკის მმართველთა ბიზნეს სესიაში.

ფინანსთა სამინისტროს ინფორმაციით, შეხვედრის ფარგლებში, საქართველოს ფინანსთა მინისტრი ერთი წლის ვადით აზიის განვითარების ბანკის მმართველთა საბჭოს თავმჯდომარედ აირჩიეს.

როგორც ცნობილია, გასული წლის ნოემბერში, ბანკის მმართველთა საბჭოს მიერ მიღებული გადაწყვეტილებით, საქართველო 2021 წელს აზიის განვითარების ბანკის ყოველწლიური შეხვედრის მასპინძელი ქვეყანაა. აღნიშნულ მასშტაბურ ღონისძიებაში 5 ათასამდე მაღალი რანგის სტუმარი მიიღებს მონაწილეობას.

მმართველთა ბიზნეს სესია გახსნა მმართველთა საბჭოს თავმჯდომარემ - სამხრეთ კორეის მხრიდან ბანკის მმართველმა, სამხრეთ კორეის ვიცე-პრემიერმა და ფინანსთა და ეკონომიკის მინისტრმა ჰონგ ნამ-კიმ.

შეხვედრაში მონაწილეობა მიიღო აზიის განვითარების ბანკის პრეზიდენტმა მასაცუგუ ასაკავამ, რომელმაც მიმოიხილა ADB-ის 2019 წლის საქმიანობა, მიმდინარე წლის გამოწვევები და ბანკის სამომავლო გეგმები.

სიტყვით გამოსვლისას, საქართველოს ფინანსთა მინისტრმა ივანე მაჭავარიანმა ხაზი გაუსვა აზიის განვითარების ბანკთან თანამშრომლობის მნიშვნელობას და ბანკის როლს კოვიდ-19-ის პანდემიის წინააღმდეგ ბრძოლაში.

როგორც მან აღნიშნა, ბანკმა კოვიდ -19-ის პანდემიის საპასუხოდ, გამოყო 20 მილიარდი აშშ დოლარი, რამაც ბანკის წევრ ქვეყნებს საშუალება მისცა ფინანსური რესურსი გამოეყენებინათ როგორც ჯანდაცვის ისე სოციალური მხარდაჭერისა და კერძო სექტორის სტიმულირებისათვის. ამავე დროს, ფინანსთა მინისტრმა აღნიშნა, რომ პანდემიის უარყოფითი შედეგები ეკონომიკებისთვის იქნება გრძელვადიანი, რისთვისაც საჭირო იქნება ყველა ქვეყნის კოორდინირებული და ერთობლივი მუშაობა გამოწვევების დასაძლევად.

„უპირველეს ყოვლისა, უნდა განვაგრძოთ და გავაძლიეროთ ეკონომიკური და სტრუქტურული რეფორმები, რაც ხელს შეუწყობს ეკონომიკის მდგრადობის შენარჩუნებას. ჩვენ უნდა გავაძლიეროთ კერძო სექტორის როლი ეკონომიკის აღდგენის პროცესში და ამ მიმართულებით, აზიის განვითარების ბანკს მნიშვნელოვანი წვლილის შეტანა შეუძლია. ასევე, მნიშვნელოვანია, ადამიანური კაპიტალის განვითარება, რისთვისაც აუცილებელია განათლებისა და ჯანდაცვის სისტემების რეფორმირება. აზიის განვითარების ბანკს აქვს დიდი გამოცდილება რეფორმების მხარდაჭერაში და აუცილებელია ამ მიმართულებით ყურადღების გამახვილება გრძელვადიან პერსპექტივაში. გარდა ამისა, მნიშვნელოვანია, რეგიონული თანამშრომლობისა და ინტეგრაციის ხელშეწყობა. საქართველო აქტიურად უჭერს მხარს თავისუფალი ვაჭრობის პოლიტიკას. მნიშვნელოვანია, ბანკის წევრ ქვეყნებში სატრანსპორტო ინფრასტრუქტურის, ვაჭრობის, საბაჟოსა და საზღვრისპირა ქვეყნებს შორის კავშირების განვითარება. მეტი ინტეგრაცია და ღიაობა, ნაკლები ბარიერები - ესაა ის ძირითადი საფუძვლები, რომელზეც უნდა ავაგოთ ჩვენი მომავალი“, - აღნიშნა ივანე მაჭავარიანმა.

მან კიდევ ერთხელ, ხაზი გაუსვა აზიის განვითარების ბანკის ყოველწლიური შეხვედრის საქართველოში ჩატარების მნიშვნელობას.

„კოვიდ-19-ის პანდემიის პირობებში, ვფიქრობ, ყველას გესმით, თუ რა გამოწვევების წინაშე გვაყენებს აღნიშნული ღონისძიების მასპინძლობა. თუმცა, ჩვენ გამოვთქვამთ მზაობას, მომავალ წელს თბილისში გავმართოთ აზიის განვითარების ბანკის ერთ-ერთი ყველაზე დასამახსოვრებელი წლიური შეხვედრა“, - განაცხადა ფინანსთა მინისტრმა, ივანე მაჭავარიანმა.

ყველა სიახლე

ირაკლი შენგელია

28 ოქტომბერი 2020, 16:19

რეგიონი

ქუთაისის საკრებულოს თავმჯდომარის მოვალეობის შემსრულებელმა საკრებულოს სხდომაზე განაცხადა, რომ მზად არის როგორც ექიმი ჩაერთოს კოვიდ პანდემიასთან ბრძოლაში

„ჯანდაცვის სისტემის გამართული ფუნქციონირების საქმეში მმართველი რგოლი აქტიურ მონაწილეობას იღებს, ვინაიდან ინფიცირებული პაციენტების მკურნალობის ყველა ეტაპზე, მაღალია რადიოლოგიური კვლევების წილი, როგორც ექიმ რადიოლოგი, მზად ვარ ჩემი კომპეტენციის ფარგლებში, ნებისმიერი ფორმით და დროით, დამატებითი პირობების გარეშე ჩავერთო პანდემიასთან ბრძოლის საქმეში და დავეხმარო პირველადი ჯანდაცვის თუ ჰოსპიტალური სექტორის წარმომადგენლებს, სადაც ამის საჭიროება ყველაზე მეტად ექნებათ“.

28 ოქტომბერი 2020, 16:12

COVID19

მსოფლიოში კორონავირუსის შემთხვევებმა 44 მილიონს გადააჭარბა

ჯონს ჰოპკინსის უნივერსიტეტის მონაცემებით, მსოფლიოში კორონავირუსის შემთხვევების რაოდენობამ 44 მილიონს გადააჭარბა. პანდემიის დაწყებიდან დღემდე კორონავირუსის 44,059,511 შემთხვევა გამოვლინდა, 1,168,569 ადამიანი გარდაიცვალა, ხოლო 29,843,500 - გამოჯანმრთელდა.

იაროსლავ კაჩინსკი

28 ოქტომბერი 2020, 16:10

მსოფლიო

იაროსლავ კაჩინსკი: უნდა დავიცვათ პოლონეთის ეკლესიები, ნებისმიერ ფასად უნდა დავიცვათ

პოლონეთის მმართველი პარტიის ლიდერმა, იაროსლავ კაჩინსკიმ მხარდამჭერებს ეკლესიების დაცვისკენ მოუწოდა.

მამუკა მდინარაძე

28 ოქტომბერი 2020, 16:10

პოლიტიკა

მამუკა მდინარაძემ გაამხილა, რამდენი დახარჯეს ოპოზიციურმა პარტიებმა Facebook-რეკლამაზე

„სტრატეგია აღმაშენებელი“ - მას 3 ძირითად Facebook-გვერდზე, რომლითაც მოქმედებს Facebook-არეალში, დახარჯული აქვს 228 873 ლარი და წარმოიდგინეთ, ერთ კაცზე საუბარი, არანაირი გუნდი აქ რეალურად არ არსებობს, ამ ერთ კაცს საკუთარ პიარში 3 გვერდიდან, რაც ჩანს Facebook-ის ღია წყაროებით, დახარჯული აქვს 228 873 ლარი, ხოლო დეკლარაციაში შეტანილი აქვს ამ პერიოდისთვის 91 597 ლარი“, - განაცხადა მდინარაძემ.

გიგი უგულავა

28 ოქტომბერი 2020, 16:04

პოლიტიკა

მამუკა მდინარაძე: გიგი უგულავა, რომელმაც 48 მილიონი ლარი გაფლანგა და პარტიულ აქტივს დაურიგა, ახლა ამბობს, რომ ჩვენ რაღაც დანაშაული ვერ გამოვიძიეთ

გიგი უგულავა სასამართლოს განაჩენით ცნობილია დამნაშავედ იმაში, რომ 48 მილიონი ლარი გაფლანგა და პარტიულ აქტივს დაურიგა. ახლა კი ამ დანაშაულის ჩამდენი ამბობს, რომ ჩვენ რაღაც დანაშაული ვერ გამოვიძიეთ, - ამის შესახებ „ქართული ოცნების“ ცენტრალურ ოფისში გამართულ ბრიფინგზე პარლამენტის თავმჯდომარის მოადგილემ, უმრავლესობის ლიდერმა მამუკა მდინარაძემ განაცხადა.

მამუკა მდინარაძე

28 ოქტომბერი 2020, 16:02

პოლიტიკა

მამუკა მდინარაძე: სრულ გარანტიას გაძლევთ, არავითარ ლოკდაუნზე საუბარი არ არის

ხელისუფლება არჩევნების მეორე დღეს ჩაკეტავს და ლოკდაუნს გამოაცხადებს - მეტს რომ ვერაფერს ფიქრობ, რითი მოატყუო ხალხი და გააგიჟო, ეს არის, მეტი არაფერი?!, - ამის შესახებ „ქართული ოცნების“ ერთ-ერთმა ლიდერმა მაუკა მდინარაძემ დღეს პარტიის ოფისში გამართულ ბრიფინგზე საპარლამენტო არჩევნებთან დაკავშირებით განაცხადა.

მამუკა მდინარაძე

28 ოქტომბერი 2020, 16:01

პოლიტიკა

მამუკა მდინარაძე: ყველა მოქალაქეს, რომელიც საქართველოს ხვალინდელ დღეზე ფიქრობს, საშუალება აქვს სასურველ პარტიას ხმა უსაფრთხოდ მისცეს

მისი თქმით, „ნაცმოძრაობის“ და მისი სხვადასხვა დანაყოფის წარმომადგენლების მიერ უსაფრთხოებასთან დაკავშირებული არასწორი ინფორმაციები ვრცელდება.

ლევან დავითაშვილი

28 ოქტომბერი 2020, 15:55

ეკონომიკა

ლევან დავითაშვილი: თუ რუსეთი ხორბალსა და ფქვილზე კვოტებს დააწესებს, იმპორტიორები სხვა ბაზრებზე გადაეწყობიან

სოფლის მეურნეობის მინისტრი ლევან დავითაშვილი ფქვილსა და პურზე ფასების შესაძლო ზრდაზე გავრცელებულ ინფორმაციას გამოეხმაურა. ტვ „პირველის“ ეთერში, ასევე მან განმარტა რა სტრატეგიას აირჩევენ იმპორტიორები, თუ რუსეთი ხორბალზე კვოტებს შემოიღებს.

თავდაცვის სამინისტრო

28 ოქტომბერი 2020, 15:50

თავდაცვა

თავდაცვის სამინისტრო ავრცელებს დოკუმენტს, რომელიც ადასტურებს, რომ ბადრი ესებუა მოქმედი სამხედრო მოსამსახურე არაა

თავდაცვის სამინისტრო ავრცელებს ინფორმაციას, რომელიც ადასტურებს, რომ „საქართველოს ბანკის“ ფილიალზე თავდასხმაში ბრალდებული პირი ბადრი ესებუა მოქმედი სამხედრო მოსამსახურე არ არის.

28 ოქტომბერი 2020, 15:45

პოლიტიკა

დავით ზალკალიანი ლიეტუვის ახლადდანიშნულ ელჩს შეხვდა

28 ოქტომბერს, საქართველოში ლიეტუვის რესპუბლიკის ელჩმა, ანდრიუს კალინდრამ საქართველოს საგარეო საქმეთა მინისტრს, დავით ზალკალიანს რწმუნებათა სიგელების ასლები გადასცა. საგარეო საქმეთა სამინისტროს ინფორმაციით, ასლების გადაცემის ცერემონიის შემდეგ, გაიმართა გაცნობითი ხასიათის შეხვედრა.

28 ოქტომბერი 2020, 15:41

COVID19

ბოლო 24 საათში, შიდა ქართლში კოვიდინფიცირების 76 ახალი შემთხვევა დაფიქსირდა

კორონავირუსისგან 9 ადამიანი გამოჯანმრთელდა. ინფიცირებულთა ნაწილი დადასტურებული შემთხვევის კონტაქტია, ნაწილზე კი ეპიდკვლევა მიმდინარეობს. ინფიცირებულებთან კონტაქტში მყოფი ყველა პირი თვითიზოლაციაშია გადაყვანილი.

მამუკა მდინარაძე

28 ოქტომბერი 2020, 15:40

პოლიტიკა

მამუკა მდინარაძე: გამოვლინდა „ნაციონალურ მოძრაობასთან“ დაკავშირებული 1500-ზე მეტი იდენტიფიცირებული ბოტი და ყალბი ანგარიში

„ჩვენ ამ საკითხთან დაკავშირებით ყველა საერთაშორისო დამკვირვებელს მივაწვდით ინფორმაციას - დეტალურს და უფრო ჩაშლილს, ვიდრე მე დღეს წარმოგიდგენთ. არსებობენ ნამდვილი სპიკერები, რეალური ადამიანები, მათ შორის პოლიტიკოსები, რომლებიც ამ სქემაში არიან თავიდან ბოლომდე, გეგმაზომიერად ჩართულები და საბოლოოდ ეს ყველაფერი მიდის კოორდინირებულ და არაავთენტურ ქცევასთან, რომელსაც ებრძვის Facebook-ი და Facebook-ი იქნება ერთ-ერთი მთავარი ადრესატი, რომელსაც ჩვენ მივაწვდით ამ ინფორმაციას“, - განაცხადა მდინარაძემ.

28 ოქტომბერი 2020, 15:38

COVID19

ლაგოდეხში კოვიდინფიცირებული 65 წლის კაცი გარდაიცვალა

ლაგოდეხში „არქიმედეს“ კლინიკაში კორონავირუსით დაინფიცირებული პაციენტი გარდაიცვალა. უცნობია, ჰქონდა თუ არა მას თანმხლები დაავადებები. ცნობილია, რომ პაციენტი კლინიკაში 4 დღის წინ მოათავსეს და ის მკურნალობის კურსს გადიოდა. იგეგმებოდა მისი თბილისში გადაყვანა, თუმცა 65 წლამდე კაცი დღეს მოულოდნელად გარდაიცვალა.

მამუკა მდინარაძე

28 ოქტომბერი 2020, 15:32

პოლიტიკა

მამუკა მდინარაძე: „ნაცმოძრაობა“ არჩევნების დღეს 12:00 საათიდან პარლამენტის წინ შეკრებას და ფსონის სიტუაციის რადიკალიზაციაზე გაკეთებას გეგმავს

ჩვენი ინფორმაციით, თბილისის მერიაში შესულია წერილი, რომლის მიხედვითაც ისინი არჩევნების დღეს პარლამენტის წინ 12:00 საათიდან იკრიბებიან. როგორც ჩანს, სრული რესურსის მობილიზაციას ისინი არა არჩევნების, არამედ ამ მიმართულებით აპირებენ და აანონსებენ მრავალათასიანი აქციის ჩატარებას, - ამის შესახებ „ქართული ოცნების“ ცენტრალურ ოფისში გამართულ ბრიფინგზე პარლამენტის თავმჯდომარის მოადგილემ, უმრავლესობის ლიდერმა მამუკა მდინარაძემ განაცხადა.

მამუკა მდინარაძე

28 ოქტომბერი 2020, 15:27

პოლიტიკა

მამუკა მდინარაძე: აქამდე ვიცოდით, რომ არსებობენ ობიექტური დამკვირვებლები, ახლა უკვე ვიცით, რომ არსებობენ სუბიექტური დამკვირვებლებიც

„ჩვენ ისინი ვამხილეთ, იმისთვის რომ ვერ შეძლონ: პირველი, ქართული საზოგადოების და მეორე - ჩვენი საერთაშორისო დამკვირვებლების შეცდომაში შეყვანა და ამ მხილებით უზრუნველვყავით, რომ მაქსიმალურად შემცირდება რისკი იმისა, რომ რომელიმე მათი ტენდენციური და მიკერძოებული, სუბიექტური გამონათქვამი მოხვდეს საერთაშორისო დამკვირვებლების ანგარიშებში და ამით რაღაც ჩრდილი მიადგეს იმ დემოკრატიულ პროცესს, რაც არჩევნების დღეს ამ ქვეყანაში გაიმართება“, - განაცხადა მდინარაძემ.

28 ოქტომბერი 2020, 15:25

რეგიონი

მთიან აჭარაში საპიკნიკე ზონები მოეწყო

აჭარის ტურიზმის დეპარტამენტის ტურისტული პროდუქტების განვითარების სააგენტომ მთიან აჭარაში, ტურისტულ მარშრუტებზე საპიკნიკე ინფრასტრუქტურა მოაწყო. ტურიზმისა და კურორტების დეპარტამენტის ინფორმაციით, ავთენტური და ეკოლოგიური მასალებით დამზადებული ერთ-ერთი საპიკნიკე ჩირუხის ალპურ ტურისტულ მარშრუტზეა განთავსებული, რომელიც საშუალებას აძლევს მოგზაურებს ღია სივრცეში, ავთენტურ გარემოში განიტვირთონ, დაისვენონ და ულამაზესი პანორამული ხედებით დატკბნენ. ზღვის დონიდან 2,148 მ სიმაღლეზე განთავსებული საპიკნიკე ინფრასტრუქტურა თავისი ჰამაკებით, საქანელებითა და ფანჩატურით საზაფხულო იაილებზე ტურისტებისთვის რეკრეაციული გარემოს შექმნას შეუწყობს ხელს.

28 ოქტომბერი 2020, 15:21

პოლიტიკა

გორის ოლქში შემავალ რამდენიმე უბანზე, კოვიდინფექციის შემთხვევების გამო, კომისიების შემადგენლობა იცვლება

ცესკო-ს საოლქო კომისიას საუბნო კომისიების შემადგენლობებში ცვლილებები ბოლო ორი დღეა შეაქვს. კომისიის თავმჯდომარის მალხაზ მირუაშვილის ინფორმაციით, საკადრო რესურსი საკმარისია და ამ მხრივ პრობლემები არჩევნების დღეს არ შეიქმნება.

28 ოქტომბერი 2020, 15:12

სამართალი

ხობის მუნიციპალიტეტის სოფელ ნოჯიხევში ქალს მატარებელი დაეჯახა

ხობის მუნიციპალიტეტის სოფელ ნოჯიხევში მატარებელი ქალს დაეჯახა, რომელიც ადგილზე დაიღუპა. არსებული ინფორმაციით, ქალი ლიანდაგზე გადადიოდა და მატარებლის ხმოვანი სიგნალი ვერ გაიგო. შემთხვევის ადგილზე მივიდნენ პოლიცია და ექსპერტ-კრიმინალისტები.

ირაკლი ღარიბაშვილი

28 ოქტომბერი 2020, 15:06

პოლიტიკა

ირაკლი ღარიბაშვილი: მიხეილ სააკაშვილი და მისი მოღალატე ბანდა არჩევნების შემდეგ პოლიტიკაში ვეღარ დარჩებიან

ქვეყნის მოღალატე, ძირძველი ტერიტორიებისა და წმინდა ადგილების გადამცემი, მკვლელი და ხალხის მჩაგვრელი მასხარა სააკაშვილი და მისი მოღალატე ბანდა არჩევნების შემდეგ ვეღარ დარჩებიან პოლიტიკაში, მოღალატე ძალა უნდა გაუქმდეს! - ამის შესახებ თავდაცვის მინისტრი ირაკლი ღარიბაშვილი Facebook-ზე წერს.

გიორგი ვაშაძე

28 ოქტომბერი 2020, 14:37

პოლიტიკა

გიორგი ვაშაძე: პასუხისმგებლობით მოეკიდეთ სამოქალაქო ვალდებულებას და ყველას გთხოვთ, მიდი არჩევნებზე

​„რაც შეეხება კორონავირუსის ციფრებს, ამის თამაშის ერთადერთი მიზანია დააშინონ ამომრჩეველი, რომ ნაკლები მივიდეს საარჩევნო ყუთებთან, იმიტომ რომ თუ ცოტა ამომრჩეველი მოვა, ფიქრობენ, რომ უფრო მეტი შანსი აქვთ უკეთესი შედეგი ჰქონდეთ, თუმცა დარწმუნებული ვარ ყველა მოქალაქე არჩევნებში მონაწილეობს მიიღებს“, - განაცხადა გიორგი ვაშაძემ.