imedi /  02 ივნისი 2021, 12:14 / სანდო წყარო

ეკონომიკის სამინისტრო ნამახვანიჰესის ეკონომიკურ სარგებლიანობასთან დაკავშირებით ჩატარებულ კვლევებზე ინფორმაციას ავრცელებს

მაღალი საზოგადოებრივი ინტერესებიდან გამომდინარე და ნამახვანიჰესის პროექტის ეკონომიკური სარგებლიანობის შესწავლასთან დაკავშირებით გამოთქმული სპეკულაციების გაბათილების მიზნით, ეკონომიკის სამინისტრო საჭიროდ მიიჩნევს, საზოგადოებას მიაწოდოს დეტალური ინფორმაცია იმ ეკონომიკური კვლევების შესახებ, რომლებშიც პროექტის ფინანსურ-ეკონომიკური სარგებლიანობა იყო შეფასებული.

როგორც სამინისტროში განმარტავენ, ნამახვანჰესის პროექტი საქართველოს ენერგოსექტორში ერთ-ერთი ყველაზე კარგად შესწავლილი პროექტია.

„XX საუკუნიდან მოყოლებული, პროექტის ენერგეტიკული-ეკონომიკური-საინჟინრო დასაბუთების მიზნით არაერთი კვლევა ჩატარდა, რომლითაც დადასტურდა მისი განხორციელების მიზანშეწონილობა.
2007-2019 წლებში ნამახვანჰესის პროექტის ეკონომიკური შეფასების კვლევები ოთხი სხვადასხვა დამოუკიდებელი საკონსულტაციო კომპანიის მიერ განხორციელდა. მათგან სამი კვლევის ძირითად მიზანს წარმოადგენდა ენერგეტიკული სექტორის შეფასება და სამომავლო გეგმების შემუშავება, მათ შორის, სხვადასხვა ეკონომიკურ მეთოდოლოგიაზე დაყრდნობით ახალი გენერაციის ობიექტების აშენების მიზანშეზონილობის დადგენა, ხოლო მეოთხე კვლევა არის პროექტის სოციო-ეკონომიკური სარგებლის შეფასება, რომელიც ნამახვანი ჰესის გარემოზე ზემოქმედების შეფასების ანგარიშის ნაწილია.

1. 2007 წლის დეკემბერში, მსოფლიო ბანკის დაფინანსებით „საქართველოს ენერგოსისტემის განვითარების სტრატეგიული გარემოსდაცვითი შეფასება“ განხორციელდა. კვლევა სერბულ-იტალიურმა ჯგუფმა (SEEC) შეასრულა, რომელიც დაგეგმვის 15-წლიან პერიოდს განიხილავდა. ყველა განხილულ ვარიანტში, ნამახვანჰესის პროექტი ითვლება საუკეთესო პროექტად საქართველოს ენერგოსისტემაში მიერთებისათვის.

2. 2015 წელს ქართული კომპანია „გამა კონსალტინგის“ მიერ, სს „ნამახვანის“ დაკვეთით მომზადებული გარემოზე ზემოქმედების შეფასების ანგარიშში მოყვანილი სოციო-ეკონომიკური შეფასების მიხედვით, პროექტის განხორციელების შედეგად მიღებული სარგებელი მნიშვნელოვნად აღემატება იმ ზიანს, რომელიც პროექტის განხორციელებამ შეიძლება მოიტანოს. კვლევის თანახმად, „რაციონალური საპროექტო გადაწყვეტილებების და შესაბამისი შემარბილებელი ღონისძიებების გათვალისწინებით, ჰესების კასკადის მშენებლობა და ოპერირება ქვეყნისა და რეგიონისათვის გაცილებით მნიშვნელოვან სოციალურ-ეკონომიკურ სარგებელს მოიტანს, ვიდრე პროექტის არაქმედების ალტერნატივა...“

3. 2018 წლის აგვისტოში, საქართველოს ეკონომიკისა და მდგრადი განვითარების სამინისტროს დაკვეთით, კომპანია McKinsey & Company -ის მიერ მომზადდა საქართველოს ენერგეტიკული სტრატეგიის დოკუმენტი. მასში დეტალურადაა აღწერილი ელექტროენერგიის მოხმარების პროფილი და ყველა ის ფაქტორი, რომელიც მოქმედებს მოხმარების ზრდაზე. აღნიშნული დოკუმეტის მიხედვით, საშუალო წლიური ზრდა 2030 წლამდე შეადგენს 4,6%-ს და მიაღწევს 21,4 ტერავტ-ს (ცნობისთვის 2020 წელს მოხმარება შეადგენდა 12,4 ტვტ-ს). ამასთანავე, დოკუმენტი მოიცავს მეზობელი ქვეყნების ელექტროენერგიის ბაზრების მიმოხილვას და რაც მთავარია, კვლევაში მოცემულია მოსალოდნელი დეფიციტის აღმოფხვრის გზები, რაც გულისხმობს ახალი ელექტროსადგურების მშენებლობას. ნამახვანი ჰესი, აღნიშნულ კვლევაში მოხსენიებულია როგორც ეკონომიკურად გამართლებული ენერგოობიექტი. კონსულტანტის დასკვნის მიხედვით, რომელიც ეფუძნება ენერგეტიკულ - ეკონომიკურ მოდელირებას, ნამახვანი ჰესის Levelized Cost of Energy (LCOE) სრულად აკმაყოფილებს საერთაშორისო სტანდარტებს. ასევე, პროექტის ელექტროენერგიის გარანტირებული შესყიდვის პირობები, კონსულტანტის აზრით, სხვა პროექტებთან შედარებით არ წარმოადგენს დამატებით მძიმე ფისკალურ ტვირთს.

4. 2019 წლის იანვარში ნამახვანი ჰესის პროექტის ანალიზი ასევე წარმოდგენილი იყო საერთაშორისო საკონულტაციო კომპანია Nera-ს მიერ, ევროპის რეკონსტრუქციის და განვითარების ბანკის დაკვეთით მომზადებული საქართველოს ელექტროენერგეტიკული ბაზრის შეფასების ანგარიშში. ანგარიშის მიხედვით, ნამახვანი ჰესი არის ერთ-ერთი იმ პროექტთაგანი, რომლის ეკონომიკური და ენერგეტიკული მახასიათებლების ერთობა იძლევა შესაძლებლობას, პროექტი ე.წ. least-cost (მინიმალური დანახარჯების) მეთოდოლოგიის გათვალისწინებით აშენდეს, აღნიშნულ კვლევაში ასევე გაანალიზებულია ნამახვანი ჰესის აშენების ფისკალური წნეხი. პროექტის სხვა დადებითი ფაქტორების გათვალისწინებით, აღნიშნული წნეხი არ არის მიჩნეული კრიტიკულად და რამდენიმეჯერ ნაკლებია, ვიდრე სხვა მსხვილი, სტრატეგიული პროექტების ფისკალური წნეხი.

დასასრულს, საქართველოს მთავრობის მიერ ტენდერში გამარჯვებულ კომპანიასთან საბოლოო კონტრაქტის გაფორმებას წინ უძღოდა 2.5-წლიანი პროცესი, რომლის დროსაც მიმდინარეობდა შეთანხმების ტექსტზე მუშაობა. კონტრაქტი აკმაყოფილებს ყველა საერთაშორისო სტანდარტს, რომელიც არაერთი აუდიტორული კომპანიის მიერაა დადასტურებული“, - აცხადებენ სამინისტროში.

ყველა სიახლე

ლელა ჩიქოვანი
 გიომ ლაგანი

16 ივნისი 2021, 11:56

COVID19

ლელა ჩიქოვანმა საფრანგეთის შეიარაღებული ძალების სამინისტროს წარმომადგენლებს უმასპინძლა

მხარეებმა ორ ქვეყანას შორის თავდაცვის სფეროში არსებული თანამშრომლობის საკითხები მიმოიხილეს და იმედი გამოთქვეს, რომ თავდაცვის სფეროში პარტნიორობა და მრავალმხრივი თანამშრომლობა კიდევ უფრო გაღრმავდება. ლელა ჩიქოვანმა საქართველოს თავდაცვის ძალების ტრანსფორმაციის, საჰაერო თავდაცვის სისტემის, ასევე სამთო მიმართულების გაძლიერების პროცესში ფრანგული მხარის წვლილი ხაზგასმით აღნიშნა.

16 ივნისი 2021, 11:55

სამართალი

პროკურატურამ მცხეთის რაიონში მომხდარ განზრახ მკვლელობის ფაქტზე ერთ ადამიანს ბრალდება წარუდგინა

საქართველოს პროკურატურამ, მცხეთის რაიონის სოფელ მუხრანში მომხდარ განზრახ მკვლელობის ფაქტზე ბ.ი.-ს ბრალდება დაუსწრებლად წარუდგინა.

კახა კუჭავა

16 ივნისი 2021, 11:43

პოლიტიკა

კახა კუჭავა: იმედია, მხარდამჭერი განცხადებები ძალიან მალე რეალურ ქმედებებში გადაიზრდება. ამას ელოდება ქართველი ხალხი

პარლამენტის თავმჯდომარე კახა კუჭავა იმედს გამოთქვამს, რომ საერთაშორისო პარტნიორების მხრიდან საქართველოს მხარდამჭერი განცხადებები ძალიან მალე რეალურ ქმედებებში გადაიზრდება.

კახა კუჭავა

16 ივნისი 2021, 11:39

პოლიტიკა

კახა კუჭავა: ველოდებით კონკრეტულ ნაბიჯებს, რომლებიც საშუალებას მოგვცემს დეოკუპაციას მივაღწიოთ

„​ძალიან მნიშვნელოვანი იყო ის გზავნილები, რაც მოვისმინეთ. საქართველო, უკრაინა ნამდვილად ყველასთვის განსახილველ საკითხს წარმოადგენს, რადგან ეს არის ორი კონკრეტული ქვეყანა, სადაც ყველა პირდაპირ აღიარებს იმ აგრესიას, რომელსაც რუსეთი ახორციელებს. ეს არ უნდა დარჩეს მხოლოდ განცხადებების დონეზე და რასაც ჩვენ ველოდებით, ეს არის კონკრეტული ნაბიჯები, რომლებიც საშუალებას მოგვცემს საბოლოო მიზანს მივაღწიოთ - ეს არის დეოკუპაცია და რა თქმა უნდა რუსეთის მიერ იმ ვალდებულებების შესრულება, რაც მას მოუწევს ადრე თუ გვიან (იმედია ადრე), რომელიც როგორც ხელშეკრულებით აქვს აღებული, ისე სტრასბურგის სასამართლოს გადაწყვეტილებების მიხედვით უნდა აღასრულოს“, - განაცხადა კუჭავამ.

16 ივნისი 2021, 11:37

საზოგადოება

სომხეთსა და საქართველოს შორის სარკინიგზო მიმოსვლა სრულად აღდგა

კორონავირუსის პანდემიით გამოწვეული შეზღუდვების შემდეგ, პირველმა მატარებელმა ერევანი-თბილისი-ბათუმი საქართველოს ტერიტორიაზე მგზავრები შემოიყვანა.

16 ივნისი 2021, 11:36

პოლიტიკა

ექსპერტები საგარეო პოლიტიკაში მიღწეულ შედეგებს ხელისუფლების სწორ პოლიტიკას უკავშირებენ

საქართველოს მხარდამჭერ განცხადებებს ექსპერტთა ნაწილი გამოეხმაურა. ისინი საგარეო პოლიტიკაში მიღწეულ შედეგებს „ქართული ოცნების“ ხელისუფლების სწორ პოლიტიკას უკავშირებენ.

ანტიბიოტიკები

16 ივნისი 2021, 11:36

COVID19

შეიძლება თუ არა აცრამდე და აცრის შემდეგ ანტიბიოტიკის მიღება

„აცრის დროსაც შეიძლება ანტიბიოტიკის მიღება, რადგან არავითარი კავშირი აცრასა და ანტიბიოტიკის მიღებას შორის არ არსებობს. თუ რამე მწვავე ინფექცია გაქვთ, მხოლოდ იმ დროს არ შეიძლება აცრა, თორემ აცრის დროსაც შეგიძლიათ ანტიბიოტიკის მიღება, არავითარი კავშირი ამ ორ მოვლენას შორის არ არსებობს“, - განაცხადა პაატა იმნაძემ.

16 ივნისი 2021, 11:29

თავდაცვა

ლელა ჩიქოვანი ესპანეთის სამეფოს თავდაცვის ახალ ატაშეს შეხვდა

ლელა ჩიქოვანმა ნატო-საქართველოს არსებითი პაკეტით (SNGP) გათვალისწინებული ინიციატივების განხორციელების საქმეში, ასევე ნატო-საქართველოს წვრთნებისა და შეფასების ერთობლივი ცენტრის (JTEC) შესაძლებლობების განვითარებაში ესპანეთის წვლილი ხაზგასმით აღნიშნა. ყურადღება გამახვილდა თავდაცვის სფეროში საქართველოსა და ესპანეთს შორის არსებული ორმხრივი თანამშრომლობის გაღრმავების საკითხებზე. განსაკუთრებით აღინიშნა სამხედრო განათლების კუთხით არსებული პროექტები.

მიხეილ სარჯველაძე

16 ივნისი 2021, 11:24

პოლიტიკა

მიხეილ სარჯველაძე: რუსეთის ქმედებების უარყოფითი, ნეგატიური შეფასება არის ძალზედ მნიშვნელოვანი

„რუსეთის ქმედებების უარყოფითი, ნეგატიური შეფასება არის ძალზედ მნიშვნელოვანი. ეს შეიძლება აღმოჩნდეს მძლავრი ბერკეტი რუსეთის წინააღმდეგ, იმისთვის რომ ის იძულებული გახდეს ერთ მშვენიერ დღეს,(და სასურველია, რომ ეს მშვენიერი დღე რაც შეიძლება სწრაფად დადგეს), რომ რეალურად შეწყვიტოს საქართველოს ტერიტორიის ოკუპაცია, ისევე როგორც სხვა ოკუპირებული ტერიტორიებისა და შესაბამისად, დამოუკიდებელი სახელმწიფოების სუვერენიტეტის ხელყოფაზე ხელი აიღოს“, - განაცხადა სარჯველაძემ.

პაატა იმნაძე

16 ივნისი 2021, 11:19

COVID19

რა სიმპტომები ახასიათებს კორონავირუსის ინდურ შტამს

ინდური შტამი ძალიან სწრაფად ვრცელდება. მისი სიმპტომატიკაც ცოტათი განსხვავდება, მას უფრო მეტი სურდო შეიძლება ახასიათებდეს, ვიდრე სხვა შტამებს, - ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ „იმედის დილაში“ განაცხადა. მისი თქმით, ინდური შტამი უფრო ჰგავს ჩვეულებრივ გაციებასა და გრიპისმაგვარ დაავადებებს

მაკა ბოჭორიშვილი

16 ივნისი 2021, 11:19

პოლიტიკა

მაკა ბოჭორიშვილი ბაიდენი-პუტინის შეხვედრაზე: მოლოდინია, რომ აშშ-ის პოლიტიკა იქნება მტკიცე რუსეთთან მიმართებით

რა თქმა უნდა, მნიშვნელოვანია ბაიდენისა და პუტინის პირველი შეხვედრა. ასევე მნიშვნელოვანია, თუ რა პოზიციებს დააფიქსირებს ამერიკის შეერთებული შტატები რუსეთთან მიმართებით, - ამის შესახებ პარლამენტის ევროპასთან ინტეგრაციის კომიტეტის თავმჯდომარემ, მაკა ბოჭორიშვილმა „ქრონიკას“ განუცხადა.

ნინო წილოსანი

16 ივნისი 2021, 11:19

პოლიტიკა

ნინო წილოსანი: საერთაშორისო პარტნიორების თითოეული განცხადება ჩვენი ხელისუფლების სწორი საგარეო პოლიტიკის შედეგია

პარლამენტის აგრარულ საკითხთა კომიტეტის თავმჯდომარე ნინო წილოსანი უცხოელი პარტნიორების მხრიდან საქართველოს მხარდამჭერ განცხადებებს ეხმაურება და აცხადებს, რომ ეს ხელისუფლების სწორი საგარეო პოლიტიკის შედეგია.

გიორგი ხელაშვილი

16 ივნისი 2021, 11:15

პოლიტიკა

გიორგი ხელაშვილი: საჭიროა საერთაშორისო თანამეგობრობა გადავიდეს იმაზე, რომ ნაბიჯ-ნაბიჯ ალაგდეს ის ზიანი, რაც რუსეთის ქმედებებმა მიაყენა საქართველოს

„უკვე საჭიროა საერთაშორისო თანამეგობრობა, გაერთიანებული დასავლეთი გადავიდეს იმაზე, რომ ნაბიჯ-ნაბიჯ ალაგდეს ის ზიანი, რაც რუსეთის ქმედებებმა მიაყენა ჩვენს რეგიონსა და პირველ რიგში საქართველოს. ისევე როგორც ნატოს შემთხვევაში, ამ სამიტიდან ორი რამ არის მოსალოდნელი: დასავლეთის ერთიანობის დემონსტრირება და ის, რომ რუსეთი მიხვდება, რომ წინააღმდეგობას ამ შემთხვევაში აზრი არ აქვს და მინიმუმ მოთოკავს თავის აგრესიულ ქმედებებს“, - განაცხადა ხელაშვილმა.

16 ივნისი 2021, 11:11

სამართალი

საქართველოს შინაგან საქმეთა სამინისტროს პოლონეთის რესპუბლიკის ეროვნული პოლიციის დელეგაცია ეწვია

შინაგან საქმეთა მინისტრმა, ვახტანგ გომელაურმა პოლონეთის რესპუბლიკის ეროვნული პოლიციის დელეგაციას უმასპინძლა, რომელსაც პოლონეთის პოლიციის მთავარი კომენდანტის მოადგილე, გენერალ-მაიორი პაველ დობროჯეი ხელმძღვანელობს. შინაგან საქმეთა მინისტრთან შეხვედრას დელეგაციასთან ერთად ესწრებოდა საქართველოში პოლონეთის რესპუბლიკის ელჩი, მარიუშ მაშკევიჩი.

16 ივნისი 2021, 11:10

სამართალი

„ქურდული სამყაროს“ წევრობისა და „ქურდულ შეკრებაში“ მონაწილეობის ბრალდებით ქუთაისში 3 პირი დააკავეს

შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის და განსაკუთრებულ დავალებათა დეპარტამენტის თანამშრომლებმა, დასავლეთ საქართველოს საოლქო პროკურატურასთან ერთად, ქუთაისში ჩატარებული სპეციალური ოპერატიული ღონისძიებების შედეგად, მოსამართლის განჩინების საფუძველზე 3 პირი - 1996 წელს დაბადებული, წარსულში ნასამართლევი თ.ჩ., 1983 წელს დაბადებული ა.მ. და 1977 წელს დაბადებული, წარსულში მრავალჯერ ნასამართლევი, ამჟამად პირობითი მსჯავრის ქვეშ მყოფი დ.ს. დააკავეს.

16 ივნისი 2021, 10:54

COVID19

კოვიდინფიცირების ახალი შემთხვევებიდან 470 თბილისში, 69 იმერეთში, 53 კი აჭარაში გამოვლინდა

„დღეს ქვეყანაში გამოვლენილი ინფიცირების 811 ახალი შემთხვევიდან: თბილისში გამოვლენილია 470 შემთხვევა, აჭარა - 53, იმერეთი - 69, ქვემო ქართლი - 53, შიდა ქართლი - 39, გურია - 3, სამეგრელო - ზემო სვანეთი - 50, კახეთი - 38, მცხეთა-მთიანეთი - 24, სამცხე-ჯავახეთი - 6, რაჭა-ლეჩხუმი და ქვემო სვანეთი - 6“, - აღნიშნულია გავრცელებულ ინფორმაციაში.

16 ივნისი 2021, 10:53

COVID19

რამდენი ადამიანი აიცრა კოვიდვაქცინით საქართველოში

Stopcov-ზე გამოქვეყნებული მონაცემების თანახმად, ბოლო 24 საათის განმავლობაში, საქართველოში კორონავირუსის საწინააღმდეგო აცრა 4569 ადამიანმა გაიკეთა. სულ ქვეყანაში 216 742 აცრა გაკეთდა.

16 ივნისი 2021, 10:52

COVID19

საქართველოში კორონავირუსის 811 ახალი შემთხვევა გამოვლინდა

ამ დროისთვის საქართველოში კორონავირუსის 356 179 შემთხვევაა დადასტურებული. მათ შორის გამოჯანმრთელდა 341 775, გარდაიცვალა 5096 პაციენტი.

16 ივნისი 2021, 10:52

COVID19

ბოლო 24 საათში საქართველოში 13 კოვიდინფიცირებული გარდაიცვალა

Stopcov-ზე გამოქვეყნებული მონაცემების თანახმად, ბოლო 24 საათის განმავლობაში საქართველოში კიდევ 13 კოვიდინფიცირებული გარდაიცვალა.

16 ივნისი 2021, 10:43

ეკონომიკა

თიბისიმ მდგრადი განვითარების ანგარიში წარადგინა

„2020 გამოწვევით სავსე წელი იყო, როგორც საფინანსო, ისე ნებისმიერი სხვა სექტორისთვის. სირთულეების მიუხედავად, ჩვენ, როგორც კომპანიამ, პანდემიის დაწყების დღიდან არაერთი პროექტი და ინიციატივა განვახორციელეთ და არ შეგვიწყვიტავს ჩვენს მთავარ მისიაზე ზრუნვა - გავუმარტივოთ ადამიანებს ცხოვრება და ვიყოთ მომხმარებელზე ორიენტირებული კომპანია. მეამაყება, რომ დღეს მდგრადი განვითარების რეპორტს წარვადგენთ. როგორც წამყვანი ფინანსური ინსტიტუტი საქართველოში, ჩვენ წარმატებას არა მხოლოდ ფინანსური შედეგებით ვზომავთ, არამედ მნიშვნელოვან ყურადღებას ვუთმობთ საზოგადოებრივი კეთილდღეობის საკითხებს. გარემოზე პოზიტიური გავლენა და დაბალი ემისიის ეკონომიკის განვითარების ხელშეწყობა თიბისის სტრატეგიის მნიშვნელოვანი ნაწილია“, - ვახტანგ ბუცხრიკიძე, თიბისის გენერალური დირექტორი.