ვახტანგ ცინცაძე: საქართველოში დარეგისტრირებულ კომპანიებს სამჯერ ნაკლები დრო სჭირდებათ რეგულაციებთან შესაბამისობაში მოსასვლელად, ვიდრე ევროპისა და ცენტალური აზიის ქვეყნებს

უნდა აღინიშნოს, რომ პირობითად, რეგულაციებზე დახარჯული დროის თვალსაზრისით საქართველოს მაჩვენებელი 3% შეადგენს, როცა ევროპისა და ცენტრალური აზიის ქვეყნების მაჩვენებელი 9%-ია, - ამის შესახებ ეკონომიკისა და მდგრადი განვითარების მინისტრის მოადგილემ, ვახტანგ ცინცაძემ განაცხადა.

„საქართველოში დარეგისტრირებულ კომპანიებს დაახლოებით სამჯერ ნაკლები დრო სჭირდებათ რეგულაციებთან შესაბამისობაში მოსასვლელად, ვიდრე ევროპისა და ცენტრალური აზიის ქვეყნებს. ჩვენი მთავრობის მიზანია აღნიშნული ბიზნესგარემოს კიდევ უფრო გაუმჯობესება, დახვეწა, რაც საბოლოო ჯამში ხელს შეუწყობს ეკონომიკური ზრდის დაჩქარებას და ზოგადად, დამატებითი სამუშაო ადგილების შექმნას, და მოსახლეობის შემოსავლიანობის ზრდას“, - აღნიშნა მინისტრის მოადგილემ.

საქართველო მექრთამეობის შემთხვევების სიმცირით მსოფლიოში 13-ე ადგილზე და ევროპის საუკეთესო ათეულშია, სამთავრობო კონტრაქტების მოპოვებისას მოსყიდვისგან თავისუფლებით კი მსოფლიოში საუკეთესოა. მსოფლიო ბანკის საწარმოთა კვლევაყურადღებას ამახვილებს ბიზნესგარემოს მრავალ ასპექტზე, რომლებიც დიდ როლს ასრულებენ კერძო სექტორისა და შესაბამისად, მთლიანად ეკონომიკის ზრდასა და განვითარებაში.