imedi /  25 ოქტომბერი 2017, 17:45 / სანდო წყარო

ეკონომიკის სამინისტრო ტექდათვალიერების რეფორმის დეტალებს განმარტავს

თბილისი

ავტოსატრანსპორტო საშუალებების სავალდებულო ტექნიკური ინსპექტირება 2018 წლის 1 იანვრიდან დაიწყება და ეტაპობრივად განხორციელდება. imedinews-ი ეკონომიკის სამინისტროს დაუკავშირდა და რეფორმის დეტალების შესახებ ინფორმაცია სთხოვა.

სამინისტროში აცხადებენ, რომ ავტოსატრანსპორტო საშუალებების სავალდებულო, ტექნიკური ინსპექტირების რეფორმას სამი ძირითადი მიზანი აქვს. პირველი: ეს არის ევროკავშირის სტანდარტებთან დაახლოება; მეორე - ავარიებისა და აქედან გამოწვეული უბედური შემთხვევების პრევენცია; მესამე - მავნე გამონაბოლქვით ჰაერის დაბინძურების შემცირება ქვეყანაში.
 
უწყების განმარტებით, რეფორმის ეტაპობრივი განხორციელება ავტომობილების მფლობელთა ინტერესებიდან გამომდინარეობს.
 
"პირველ ეტაპზე, გამკაცრდება იმ ავტომანქანების ტექნიკური ინსპექტირების პროცესი, რომლებიც, დღესაც სავალდებულო შემოწმებას ექვემდებარებიან, თუმცა, მათი ინსპექტირების პროცესი და ადმინისტრირება, მინიმუმ არაეფექტურია. ესენი არიან სამგზავრო (8 ადგილის ზემოთ) და სატვირთო (3,5 ტ. ზემოთ) ავტომობილები.
 
2018 წლიდან, პირველ რიგში, ინსპექტირებას გაივლიან დიდი მოცულობის ძრავების მქონე ავტომობილები, რადგან ისინი მეტ საწვავს მოიხმარენ და შესაბამისად, მათგან მავნე გამონაბოლქვით ჰაერის დაბინძურების მეტი საფრთხე არსებობს.
 
რაც შეეხება კონკრეტულ დეტალებს, წლის განმავლობაში რომელი კატეგორიის მანქანები რა ვადაში გაივლიან ინსპექტირებას,  ამის შესახებ ამომწურავი ინფორმაცია მიმდინარე თვის ბოლოს იქნება ცნობილი. გრაფიკი გაწერილი იქნება თვეების და მანქანების კატეგორიების მიხედვით, რაც, პირველ რიგში, შესაბამისი ავტოსატრანსპორტო საშუალების მფლობელებს მისცემს საკმარის ვადას, მოემზადონ ტექდათვალიერებისთვის და ასევე თავიდან აგვაცილებს რიგების წარმოქმნის რისკებს", - განაცხადეს უწყებაში.
 
სამინისტროში ამბობენ, რომ ამ ეტაპისთვის იმის თქმა შეუძლიათ, რომ მთლიანად პროცესი გაგრძელდება 2 წლის განმავლობაში, შესაბამისად,  2019 წლის ბოლომდე ინსპექტირებას გაივლის საქართველოს მთელი ავტოპარკი.
 
"რაც შეეხება პროცესის დასაწყებად ტექნიკური ინსპექტირების ცენტრების მზადყოფნას და რაოდენობას, ეკონომიკის სამინისტროსა და აკრედიტაციის ეროვნული ცენტრის ოფიციალურ ვებგვერდებზე გამოქვეყნებულია შვეიცარიული კომპანია SGS-ის (კომპანია შერჩეულია ინტერესთა მოწვევის გზით და კონსულტაციას უწევს ეკონომიკისა და მდგრადი განვითარების სამინისტროს პერიოდული ტექნიკური ინსპექტირებისთვის მომზადების პროცესში) სატრანსპორტო საშუალებების პერიოდული ტექნიკური ინსპექტირების პროგრამის იმპლემენტაციის ანგარიში, რომელიც ეხება პერიოდული ტექნიკური ინსპექტირების ცენტრების შენობა-ნაგებობებისა და აღჭურვილობის მოთხოვნების განსაზღვრას, ასევე, პერსონალის ტექნიკურ კვალიფიკაციას.
 
ეს ინფორმაცია მნიშვნელოვანია არსებული და დაინტერესებულმა ბიზნესისთვის, რომ მათ, ამ ანგარიშის საფუძველზე მთავრობის მიერ მომზადებული ტექნიკური რეგლამენტის შესაბამისად, თანმიმდევრულად და რეალურ დროში შეძლონ ტექნიკური ინსპექტირების ცენტრების შექმნა, გადაირაღება, აღჭურვა და სავალდებულო სტანდარტების დაკმაყოფილება", - აცხადებენ სამინისტროში.
 
უწყების ინფორმაციით, საქართველოში დღეს არსებული ინფრასტრუქტურა მოიცავს 26 ცენტრს, სადაც დამონტაჟებულია ინსპექტირების 35 ხაზი, თუმცა, წლის ბოლოს და მომავალი წლის განმავლობაში მნიშვნელოვნად გაიზრდება (მინიმუმ გაორმაგდება) სავალდებულო, საერთაშორისო სტანდარტების მქონე ტექნიკური ინსპექტირების ცენტრების რაოდენობა.
 
"ძირითადი მოთხოვნა, რაც უნდა დააკმაყოფილოს ავტომობილმა, არის მარტივი - ის უნდა იყოს ტექნიკურად გამართული და გამონაბოლქვის, სამუხრუჭე სისტემის, საჭის მექანიზმის, სავალი ნაწილების და საბურავების პარამეტრები უნდა ჰქონდეს წესრიგში.
 
რაც შეეხება მავნე გამონაბოლქვს, ნებისმიერი ავტომობილისთვის, იმის მიუხედავად, აქვს თუ არა მას კატალიზატორი, იმოქმედებს გამონაბოლქვის მაქსიმუმ დასაშვები ნორმა, რომელიც უნდა დააკმაყოფილოს გამართული წვის სისტემის მქონე ავტომობილმა. უშუალოდ კატალიზატორების წესრიგში მოსაყვანად დაწესდება გარდამავალი პერიოდი.
 
ძალიან მნიშვნელოვანია, რომ ავტომობილები, რომლებიც პირველად გაივლიან ტექნიკურ ინსპექტირებას 2018 და 2019 წლებში, მომდევნო ორი წლის განმავლობაში გათავისუფლდებიან ტექნიკური ინსპექტირების გავლის ვალდებულებისგან, ხოლო ორი წლის გასვლის შემდეგ ავტომფლობელებისთვის ამოქმედდება საერთაშორისო პრაქტიკაში მიღებული წესი: 4 წლამდე ავტომანქანებისთვის ინსპექტირება არ იქნება საჭირო, 4-დან 6 წლამდე - ორ წელიწადში ერთხელ, ხოლო 6 წლის ზემოთ ასაკის ავტომანქანებისთვის - ყოველწლიურად.
 
დადგინდება ინსპექტირების ფასის მინიმალური და მაქსიმალური ზღვარი.
 
რაც შეეხება საზოგადოებაში გავრცელებულ სხვადასხვა მოსაზრებას მარჯვენასაჭიანი ავტომობილების ტექნიკურ ინსპექტირებასტან დაკავშირებით, განვმარტავთ, რომ არავითარი დამატებითი სირთულეები მარჯვენასაჭიან ავტომობილებს არ შეექმნებათ, მიდგომა ყველასთვის ერთნაირია - მთავარია, ავტომობილმა ტექნიკური მოთხოვნები დააკმაყოფილოს. იქნება გარკვეული ცვლილებები  მარჯვენასაჭიანი ავტომობილების ფარების სტანდარტთან დაკავშირებით, რაზეც მზადდება კომპრომისული გადაწყვეტილება, დაწესდება გონივრული ვადა იმგვარად, რომ მარკვენასაჭიანი ავტომობილების მფლობელებს არ შეექმნებათ რაიმე განსაკუთრებული სირთულეები.
 
რაც შეეხება გადატანილსაჭიან ავტომობილებს, ასეთი ავტომობილები ისევე გაივლიან ტექნიკურ ინსპექტირებას, როგორც სხვა ნებისმიერი, თუმცა, ინსპექტირების დაწყების ეტაპიდან საჭის გადატანა აიკრძალება.
 
ინსპექტირების ყველა ცენტრი აღჭურვილი იქნება ვიდეოთვალთვალის კამერებით. ყველა ავტომფლობელს, რომლის სატრანსპორტო საშუალებასაც აღმოაჩნდება ისეთი ხარვეზი, რაც ეწინააღმდეგება დადგენილ მოთხოვნებს, მიეცემა გონივრული ვადა (სავარაუდოდ, ერთთვიანი) პრობლემის მოსაგვარებლად
 
აქვე ავღნიშნავთ, რომ გამკაცრდება ინსპექტირების მოწმობის არქონის შემთხვევაში არსებული საჯარიმო სანქციები", - აცხადებენ უწყებაში.

ეკონომიკის სამინისტროს პრესსამსახურის ცნობით, უახლოეს პერიოდში დაიწყება ფართო საინფორმაციო კამპანია, რის შედეგადაც  ყველა დაინტერესებული ადამიანი მიიღებს ამომწურავ ინფორმაციას იმის შესახებ, თუ როგორ წარიმართება პერიოდული ტექნიკური ინსპექტირების პროცესი და რა პერიოდში, რომელი კატეგორიის ავტომობილებს შეეხებათ.

კომენტარები ()

არქივი

18 ნოემბერი 2017, 20:59

საქართველო

გოკა გაბაშვილი: სით-პარკთან ხელშეკრულება უნდა შეჩერდეს

თბილისის ახლადარჩეული მერის, კახა კალაძია გადაწყვეტილებას - “სითი პარკს“ სასამართლოში უჩივლოს, - “ევროპული საქართველოს ერთ-ერთი ლიდერი, გოკა გაბაშვილი “ქრონიკასთან“ ინტერვიუში ეხმაურება და აცხადებს, რომ ამ კომპანიასთან ხელშეკრულება უნდა შეჩერდეს, ან სერიოზულად უნდა გადაიხედოს.

18 ნოემბერი 2017, 20:34

კულტურა

20 ნოემბერს საბავშვო ევროვიზიის გახსნის ცერემონია გაიმართება

ფესტივალის მონაწილეების სცენაზე გამოსვლის რიგითობის გამოსავლენად გაიმართება კენჭისყრა. გახსნის ცერემონიაზე საბავშვო ევროვიზიაზე სხვადასხვა წელს საქართველოს წარმომადგენლები და გამარჯვებულები იმღერებენ. გარდა ამისა, სუხიშვილების ახალი თაობა კონცერტს გამართავს.

18 ნოემბერი 2017, 20:28

საქართველო

ბორჯღალოსნები უელსის ნაკრებთან დამარცხდნენ. ვიდეო

სულ რამდენიმე წუთის წინ დასრულდა ნოემბრის მეორე ტესტმატჩი რაგბიში. საქართველოს ნაკრები მსოფლიოს ერთ-ერთ უძლიერესს გუნდთან უელსთან დამარცხდა, ანგარიშით 13:6. ბორჯღალოსნების წაგება მოულოდნელი არც ყოფილა, რადგან მეტოქე ექვსი ერის შემადგენლობაშია და შესაბამისად მსოფლიოს სარაგბო ელიტას წარმოადგენს.

18 ნოემბერი 2017, 20:24

ეკონომიკა

ამერიკის საუკეთესო ბიზნესსკოლების რეიტინგი გამოქვეყნდა

Bloomberg-ი ამერიკის საუკეთესო ბიზნესსკოლების ყოველწლიურ რეიტინგს აქვეყნებს. ზედიზედ მესამე წელია სიის სათავეში Harvard ხვდება. მიმდინარე წელს რეიტინგში პოზიციები გაიუმჯობესეს პენსილვანიის უნივერსიტეტმა და MIT -მა.

18 ნოემბერი 2017, 19:57

ტაბლოიდი

ინდოელმა საკუთარი თავი ეგვიპტესა და სუდანს შორის არსებული მიწის მეფედ გამოაცხადა

"მე, სუიაშ დიქსიტი, ვაცხადებ საკუთარ თავს დიქსიტის სამეფოს პირველ მეფედ, შესაბამისად მე სუიაშ I მეწოდა. ბირ-თავილი, მიწა რომელიც არავის ეკუთვნის, დღეიდან ჩემია. მე ვფიცავ, რომ ვიზრუნებ ჩემი ქვეყნისთვის, ხალხისთვის და მიწისთის", - განაცხადა დიქსიტმა.

18 ნოემბერი 2017, 19:33

კულტურა

გიორგაძე: სამინისტროს ადმინისტრაციული რესურსის ოპტიმიზაცია მოხდება

სერიოზული ოპტიმიზაცია მოხდება სწორედ ადმინისტრაციული რესურსის ნაწილში, – ამის შესახებ კულტურისა და ძეგლთა დაცვის მინისტრმა მიხეილ გიორგაძემ დღეს ჟურნალისტებს განუცხადა, რომელმაც კომენტარი გააკეთაკითხვაზე, მოხდება თუ არა ორი სამინისტროს გაერთიანების შედეგად რესურსების ოპტიმიზაცია.

18 ნოემბერი 2017, 19:23

ეკონომიკა

Walmart-მა Tesla Semi-ს 15 ელექტრონული სატვირთო მანქანა წინასწარ შეისყიდა

ამერიკულმა კომპანია Walmart-მა, რომელიც მსოფლიოს მასშტაბით საციოლო და საბითუმო ვაჭრობის ქსელს მართავს, Tesla Semi-ს 15 ელექტრონული სატვირთო მანქანა წინასწარ შეისყიდა. Walmart-ი მათ გამოცდას გეგმავს. 5 მანქანა ტვირთს აშშ-ში გადაიტანს, დანარჩენი ათი კი - კანადაში.

18 ნოემბერი 2017, 19:13

მსოფლიო

ტრამპი: ჰილარი კლინტონი ყველა დროის ყველაზე წარუმატებელი ადამიანია

„მატყუარა ჰილარი კლინტონი ყველა დროის ყველაზე წარუმატებელი ადამიანია. ის უბრალოდ ვერ ჩერდება, რაც რესპუბლიკური პარტიისთვის კარგია. ჰილარი, იცხოვრე შენი ცხოვრებით და კიდევ ერთხელ სცადე სამ წელიწადში“, – დაწერა ამერიკელმა ლიდერმა Twitter-ზე.

18 ნოემბერი 2017, 19:07

ვიდეო

ქრონიკა 17:00 საათზე - 18 ნოემბერი, 2017 წელი

18 ნოემბერი 2017, 18:46

ტექნოლოგიები

საჰაერო ხომალდმა Airlander 10 კატასტროფა განიცადა

გამოცემის ცნობით, Airlander 10 მიწაზე დაეცა. ინციდენტის შედეგად ხმელეთზე მყოფმა ერთმა ქალმა მცირე დაზიანება მიიღო. ხომალდის სიგრძე 92 მეტრია, მისი მაქსიმალური სიჩქარე 150 კმ/სთ-ია და მას ჰაერში ყოფნა, ჰელიუმის წყალობით, ორი კვირის განმავლობაში შეუძლია.

18 ნოემბერი 2017, 18:42

ტექნოლოგიები

Apple-მა პირველი ჭკვიანი დინამიკების გამოშვების თარიღი შეცვალა

ამერიკულმა კომპანიამ Apple-მა პირველი ჭკვიანი დინამიკების, HomePod -ის გამოშვება მომავალი წლის დასაწყისისთვის გადადო. კომპანიის განცხადებაში ნათქვამია, რომ Apple-ს, ავსტრალიის, ბრიტანეთის და აშშ-ის ბაზრებზე გამოშვებამდე, კიდევ სჭირდება მცირე დრო მოწყობილობის დასრულებისთვის.

18 ნოემბერი 2017, 18:36

ვიდეო

დავით კიკვიძე: ლარის კურსის ვარდნა ფასების ზრდასთან პირდაპირ კავშირშია

18 ნოემბერი 2017, 18:35

მსოფლიო

საგანგებო სამსახურს პუტინის საავტომობილო კორტეჟის გზის დანაღმვის შესახებ შეატყობინეს

უცნობმა პირმა საგანგებო სამსახურს რუსეთის პრეზიდენტის საავტომობილო კორტეჟის გზის დანაღმვის შესახებ შეატყობინა. სატელეფონო შეტყობინების ავტორი ამტკიცებდა, რომ სანქტ-პეტერბურგში პუტინის კორტეჟის გადაადგილების მარშრუტზე 50 ასაფეთქებელი მოწყობილობა იყო დამონტაჟებული. ინფორაცია არ დადასტურდა.

18 ნოემბერი 2017, 18:30

კულტურა

AC/DC-ის ერთ-ერთი დამაარსებელი მალკოლმ იანგი გარდაიცვალა

ავსტრალიური ჯგუფი AC/DC-ის ერთ-ერთი დამფუძნებელი მალკომ იანგი 64 წლისა გარდაიცვალა. ამის შესახებ ჯგუფმა ოფიციალურ Facebook-ზე დაწერა. მალკომ იანგმა AC/DC 2014 წელს, დემენციის დიაგნოზის გამო დატოვა.

18 ნოემბერი 2017, 18:24

ვიდეო

ლარის კურსი ვარდნას განაგრძობს

18 ნოემბერი 2017, 18:18

მსოფლიო

კიევში რუსულენოვანი Forbes-ის რედაქტორის მკვლელი დააკავეს

უცნობია დაკავებული კაცის ვინაობა, მაგრამ ცნობილია, რომ ის რუსეთის მოქალაქეა, ეთნიკური ჩეჩენი და მასზე ინტერპოლით ძებნა იყო გამოცხადებული, რადგან ის პროფესიონალი დაქირავებული მკვლელია.რუსულენოვანი Forbes-ის მთავარი რედაქტორი პოლ ხლებნიკოვი 2004 წელს მოსკოვში მოკლეს.

18 ნოემბერი 2017, 18:03

კულტურა

წელს ჩაჟაშში 12 საგვარეულო მაჩუბისა და კოშკის რეაბილიტაცია განხორციელდა

სვანეთში, ჩაჯაშში მიმდინარე წელს ნიჟარაძეების 12 საგვარეულო მაჩუბისა და კოშკის რეაბილიტაცია განხორციელდა, რომელთა მნიშვნელოვანი ნაწილის ფიქალის ქვის გადახურვა სრულად შეიცვალა და განახლდა. ამის შესახებ კულტურული მემკვიდრეობის სააგენტოს ოფიციალურ გვერდზეა აღნიშნული.

18 ნოემბერი 2017, 17:54

ტექნოლოგიები

Jaguar Land Rover-მა უპილოტო ავტომობილი გამოსცადა

ბრიტანულმა ავტომწარმოებელმა კომპანიამ Jaguar Land Rover-მა თავისი უპილოტო ავტომობილი პირველად გამოსცადა. მოდელები Jaguar F-Pace-ი და Range Rover Sport-ი ინგლისის დასავლეთ ნაწილში მდებარე ქალაქ ქოვენთრიში გაუშვეს.

18 ნოემბერი 2017, 17:51

კულტურა

ცნობილი ტუნისელი დიზაინერი აზედინ ალაია გარდაიცვალა

1960 წელს მისი კლიენტი ხდება გრაფინია ნიკოლ დე ბლეჟე, რომელმაც ის პარიზის მაღალი წრის საზოგადოებას გააცნო. ამავე პერიოდში ლაიას სამოსის მომხმარებელი გახდა ლეგენდარული გრეტა გარბო.აზედინ ალაიამ 1970 წელს საკუთარი მოდის სახლი გახსნა, რის შემდეგაც მსოფლიო პოპულარობა და აღიარება მოიპოვა.

18 ნოემბერი 2017, 17:48

მსოფლიო

ლგბტ თემის მოწინააღმდეგე ამერიკელი პოლიტიკოსი კაცთან სექსის დროს გამოჭირეს

ამერიკის შტატ ოჰაიოს კანონმდებელმა უეს გუდმენმა, რომელიც რეგულარულად გამოდიოდა ლგბტ-თემის წინააღმდეგ, თანამდებობა დატოვა მას შემდეგ, რაც მას საკუთარ კაბინეტში, კაცთან სექსის დროს წაუსწრეს.