კვირიკაშვილი: ეკონომიკური ზრდის მიმართულებით დინამიკა პოზიტიურია

მთავრობის დღევანდელ სხდომაზე ქვეყნის პრემიერმინისტრმა გიორგი კვირიკაშვილმა ეკონომიკური ზრდის მაჩვენებლებზე ილაპარაკა. მისი თქმით, ამ მიმართულებით დინამიკა პოზიტიურია. 

"საქართველოს მთავრობის სწორი პოლიტიკის შედგად, 2017 წელს რეალური ეკონომიკური ზრდა 5%-ის ფარგლებში იყო. 2018 წლის თებერვალში ეკონომიკური ზრდა 5,5% იყო. მსოფლიო ბანკმაც გაზარდა პროგნოზი. დაფიქსირებული პოზიტიური მაჩვენებელი მთელ რიგ მიმართულებებში პოზიტიური დინამიკით არის გამოწვეული, რომელთა შორის არის საწარმოთა ბრუნვა, გაზრდილი ექსპორტი, ტურისტების რაოდენობა და ფულადი გზავნილები. 2018 წელს ვფიქრობთ რომ გვექნება ძალიან კარგი მაჩვენებელი, რაც მნიშვნელოვანია ინვესტორებისთვის რომ განახორციელონ ინვესტიციები", - განაცხადა პრემიერმა კვირიკაშვილმა.

შეგახსენებთ, რომ Fitch Ratings-ი წელს საქართველოს ეკონომიკის 4.6%-ით ზრდას ელის, რაც 2019 წელს 4.9%-მდე დაჩქარდება, - ამის შესახებ გავლენიანმა სააგენტომ ახალი ანგარიშში დაწერა და ზრდის პერსპექტივის გათვალისწინებით საქართველოს სუვერენული რეიტინგის პროგნოზი "სტაბილურიდან" "პოზიტიურამდე" გაზარდა.