ონლაინ-კაზინოებში თანხის სწრაფი აპარატებიდან ჩარიცხვა შეიძლება აიკრძალოს

აზარტულ თამაშებთან დაკავშირებული კანონპროექტის მიხედვით, მოთამაშეს ონ­ლა­ინ-კა­ზი­ნო­ებ­ში თან­ხის სა­კუ­თა­რი სა­ბან­კო ან­გა­რი­ში­დან გა­და­რი­ცხვა მოუწევს. ამასთან, აიკ­რძა­ლე­ბა თან­ხე­ბის სწრა­ფი გა­დახ­დის აპა­რა­ტე­ბი­დან გა­და­რი­ცხვა. ამის შესახებ კანონპროექტის ავტორმა ლევან გოგიჩაიშვილმა თქვა. ინფორმაციას bpn.ge ავრცელებს.

„ჩვენ ასე­ვე ვი­თხოვთ მო­თა­მა­შე­ე­ბის ერ­თი­ა­ნი რე­ესტრის შექ­ნას, რათა რე­გის­ტრა­ცია ყვე­ლა­ზე გავ­რცელ­დეს. სა­უ­ბა­რია ერ­თი­ან ბა­ზა­ზე, რო­მელ­ზეც წვდო­მა ექ­ნე­ბა ყვე­ლას ვინც ამ სფე­რო­ში იქ­ნე­ბა, რად­გან მა­გა­ლი­თად, თუ მო­თა­მა­შეს სა­სა­მარ­თლომ კა­ზი­ნო­ში თა­მა­ში აუკ­რძა­ლა, ამის შე­სა­ხებ სა­დღაც ხომ უნდა გა­მოჩ­ნდეს, მა­გა­ლი­თად, რო­მე­ლი­მე ტო­ტა­ლი­ზა­ტო­რი ამის შე­სა­ხებ გა­და­ა­მოწ­მებს ინ­ფორ­მა­ცი­ას. და­ახ­ლო­ე­ბით, რო­გორც სა­ბან­კო სფე­რო­შია, ასე­თი ბაზა იქ­ნე­ბა. თუ რე­გის­ტრა­ცი­ას არ გა­ივ­ლი, მა­შინ უკვე ონ­ლა­ინ-კა­ზი­ნო­ში ლე­გა­ლუ­რად ვერ შეხ­ვალ, არა­ლე­გა­ლურ შეს­ვლას კი თა­ვი­სი სან­ქცი­ე­ბი ექ­ნე­ბა. ჩვენ არა­ვის არა­ფერს ვუკ­რძა­ლავთ, უბ­რა­ლოდ, რე­გის­ტრა­ცი­ას ვი­თხოვთ, იმი­ტომ რომ ჩვენ უნდა დავ­თვა­ლოთ, აზარ­ტულ თა­მა­შებ­ში რამ­დე­ნი მო­ქა­ლა­ქეა ჩარ­თუ­ლი,“ - აღ­ნიშ­ნა ლე­ვან გო­გი­ჩა­იშ­ვილ­მა.

2018 წლის მარტში ცნობილი გახდა, რომ სათამაშო ბიზნესის რეგულირებსთან დაკავშირებული კანონპროექტით, საჯარო სექტორში დასაქმების მსურველებს შესაძლოა, დამატებითი ცნობის წარდგენის ვალდებულება გაუჩნდეთ იმის შესახებ, რომ აზარტულ თამაშებში ჩართულნი არ არიან. რაც შეეხება საჯარო სამსახურში უკვე მომუშავებ ადამიანებს, მათ აზარტული თამაშები აეკრძალებათ. ასევე, შესაძლოა, აზარტულ თამაშებზე ხელმისაწვდომობა არა 21 წლის, არამედ 22 ან 23 წლის პირებს ჰქონდეთ.

2017 წელს აზარტული თამაშების ბიზნესის ბრუნვა 5,650 მილიარდი ლარი იყო, საიდანაც საქართველოს ბიუჯეტში მხოლოდ 332 მილიონი ლარი შევიდა, ანუ მთლიანი ბრუნვის 5.8%.

ამ კანონპროექტზე მუშაობა გასული წლის ნოემბერში დასრულდა, თუმცა, ის ჯერ არ მიუღიათ.