დასახელდა 15 კომპანია, სადაც დასაქმებულთათვის საუკეთესო გარემო და პირობებია

Glassdoor-ის ბოლო შეფასებით, დასახელდა 15 კომპანია, სადაც საუკეთესო გარემო და პირობებია დასაქმებულთათვის. ინფორმაციას Navigator-ი ავრცელებს.

Glassdoor-ის გამოქვეყნებული შეფასებით, მსოფლიოს საუკეთესო 15 კომპანია არის:

1. Zoom Video Communications. მისი რეიტინგი – 4.5-ია. აღმასრულებელი ხელმძღვანელი – ერიკ იუაანი.
დადებითი: აღმასრულებელი დირექტორი ზრუნავს და უსმენს დასაქმებულებს, იქმნება მნიშვნელოვანი პროდუქტი, პროფესიონალური გუნდი და სხვ.  უარყოფითზე საუბრისას, ძირითადად აქცენტი მაინც იერარქიაზე კეთდება.

2. Procore Technologies. მისი რეიტინგი – 4.5-ია, აღმასრულებელი ხელმძღვანელი კი კრაიდ ქუღთიმაჟი. დადებითი: სასიამოვნო, განათლებული, წარმატებული ადამიანების წრეში მუშაობა, სხვადასხვა ტიპის სარგებელი და კულტურა. უარყოფითი: ზრდისა და განვითარების პროცესს ბევრი გამოწვევა აქვს.

3. LinkedIn. მთავარი აღმასრულებელი ხელმძღვანელია ჯეფ ვაინერი. დადებითი: ჭკვიანი, ნიჭიერი და წარმატებული ლიდერები გუნდში. უარყოფითი: ძალიან დიდი და მძიმე სახის კონკურენცია დასაქმებულებს შორის.

4. Facebook. მთავარი აღმასრულებელი ხელმძღვანელი – მარკ ცუკერბერგი. დადებითი: მუშაობისას სხვადასხვა გამოწვევა ზრდის მოტივაციას, რომ თანამშრომლებმა გუნდურად ითამაშონ და მეტად ფოკუსირდნენ სამუშაოზე. უარყოფითი: რთულია ცხოვრებისა და კარიერის დაბალანსება. სამსახურს გარეთაც ხშირად არის მუშაობის საჭიროება, იმის მიუხედავად, რომ ამას შეიძლება უფროსი პირდაპირ არ ითხოვდეს თანამშრომლისგან.

5. Google. მისი რეიტინგი – 4.4 ქულაა. მთავარი აღმასრულებელი ხელმძღვანელი ზუნდარ პიჩაი. დადებითი მხარე: გახსნილობა/ღიაობა, უფასო საკვები, საინტერესო სამუშაო, მიმღებლობა. 
უარყოფითი: ხელმომჭირნეობა, როდესაც საუბარია პროექტებზე სხვადასხვა რესურსის მრავლად გამოყენებაზე.

6. Salesforce. მისი რეიტინგი – 4.4 ქულაა. კომპანიის მთავარი აღმასრულებელი ხელმძღვანელია მარკ ბინოფი. დადებით მხარე: მხარდაჭერა, მშვიდი და კარგი გარემო. განვითარებისა და სწავლის საშუალება. 
უარყოფითი: მენეჯმენტისა და ხელმძღვანელობის უნარის ნაკლებობა.

7. HubSpot. კომპანიის მთავარი აღმასრულებელი ხელმძღვანელი – ბრაიან ჰელიგანი. დადებითზე საუბრისას დასაქმებულები აღიშნავენ, რომ გრძნობენ შრომის დაფასებას, ზუსტად იციან კომპანიის მისია, იციან, რა უნდათ და რა უნდა გააკეთონ მიზნების მისაღწევად. უარყოფითი: კომუნიკაცია და გადაწყვეტილებების მიღება უფრო და უფრო რთული ხდება, რადგან კომპანია დროდადრო იზრდება და ფართოვდება.

8. Docusign. კომპანიის მთავარი აღმასრულებელი ხელმძღვანელია დანიელ შპრინგერი. დადებითი მხარე: კარგი სამუშაო, პირადი ცხოვრებისა და სამსახურის ბალანსის შესაძლებლობა, მხარდაჭერა მენეჯმენტის განყოფილებიდან. უარყოფითი: არ არის ინიციატივები მშობლებისთვის, არ არის განვითარების წინსვლის მაღალი შესაძლებლობა.

9. Ultimate Software – მისი რეიტინგი 4.4 ქულაა. კომპანიის მთავარი აღმასრულებელი ხელმძღვანელია სკოტ შერია. დადებითი: კარგი კომპანია, კარგი სარგებელი, დასაქმებულების განწყობაზე ზრუნვა.
უარყოფითი: ცვლილებები ნელა და რთულად ხდება. მმართველებს ხშირად ეშინიათ მიიღონ საჭირო და მნიშვნელოვანი გადაწყვეტილებები. ეს კი ისევ იქიდან გამომდინარეობს, რომ ლიდერშიფი ზრუნავს დასაქმებულთა განწყობაზე.

10. Paylocity. მისი რეიტინგი 4.4-ია. მთავარი აღმასრულებელი ხელმძღვანელი სტივ ბუშემფია. დადებითი შეფასებების გაკეთებისას თანამშრომლები აღნიშნავენ, თუ რამდენად კარგი პროდუქტი იქმნება და რამდენად მნიშვნელოვანია მათთვის კარგ სამუშაო გუნდთან თანამშრომლობა. უარყოფით შეფასებაში კი საუბარია კონტროლზე: ყოველი წუთი, გადაცდომა, ყოველი ზარი, ყველაფერი კონტროლდება. ასევე, აზრის გამოთქმას თუ გადაწყვეტენ, იციან, რომ თავად მმართველების ნებართვაა ამისთვის საჭირო.

11. Fast Enterprises. კომპანიის შეფასება 4.4-ია. მისი მთავარი აღმასრულებელი ხელმძღვანელი კი მარტინ რენკინია. დადებითი: საინტერესო შესაძლებლობები, მხარდაჭერა, კარგი ანაზღაურება. უარყოფითი: გარემო არ არის მორგებული ოჯახიან, შვილებიან თანამშრომლებზე.

12. SAP. კომპანიის მთავარი აღმასრულებელი ხელმძღვანელია ბილ მაკდერმოტია. დადებითზე საუბრისას დასაქმებულები აღნიშნავენ, თუ რამდენად ინკლუზიური, ინოვაციური, საინტერესოა ამ კომპანიაში მუშაობა, თუმცა, ნეგატიური შეფასების დროს აღნიშნავენ, რომ პროექტები ხშირად არასაკმარისად კარგი მენეჯმენტით ხორციელდება, ხშირი და სწრაფი ცვლილებებია და ა.შ

13. Adobe. კომპანიის მთავარი აღმასრულებელი ხელმძღვანელია შანტანუ ნარეიენი. დადებითი: მხიარული სამუშაო, კარგი გარემო,მეგობრული დამოკიდებულება. უარყოფითი: გაურკვევლობა, დისტანცია და სხვ.

14. Compass. კომპანიის მთავარი აღმასრულებელი ხელმძღვანელია რობერტ რეფკინია. 
დასაქმებულები კმაყოფილები არიან მენეჯმენტით, გარემოთი და საკუთარი შესაძლებლობების მაქსიმალურად გამოვლენის შესაძლებლობით. უარყოფითზე საუბრისას კი ხაზს უსვამენ ფინანსურ შემოსავლებს.

15. Microsoft-ი. მისი სარეიტინგო ქულა 4.4-ია.  კომპანიის მთავარი აღმასრულებელი ხელმძღვანელია სატია ნადელა. დადებითზე საუბრისას, დასაქმებულები აღნიშნავენ, რომ ზრდისა და განვითარების შესაძლებლობა არსებობს, ამასთანავე, სასიამოვნო და მნიშვნელოვანია, რომ საკმაოდ ჭკვიანი და წარმატებული თანამშრომლები ჰყავთ გუნდში. უარყოფითზე საუბრისას კი ამბობენ, რომ ანაზღაურება არ არის კარგი, იერარქიულია სისტემა და ახლო ურთიერთობები უფროსებთან განსაზღვრავს დასაქმებულთა წარმატებას.