გიორგი ჩოგოვაძე: რეგიონებში კორონავირუსის პრევენციისთვის საკარანტინო სივრცეების გამოიყოფა

„რესპუბლიკური საავადმყოფო ამ ეტაპზე პრაქტიკულად დაცლილია. მოხდა პაციენტების გადაყვანა სხვა კლინიკებში. თუმცა ეს არ არის პანიკის საფუძველი. ეს არის იმ გეგმის ნაწილი. ჩვენი მიზანია საქართველოში სამედიცინო მომსახურების რესურსი, იმიტომ რომ საავადმყოფოებში მიმართვიანობა გაიზარდა“, - ამის შესახებ ტელეკომპანია „იმედის“ გადაცემა „შაბათის ქრონიკაში“ სახელმწიფო სამედიცინო ჰოლდინგის დირექტორმა გიორგი ჩოგოვაძემ განაცხადა.

„უნდა ვიყოთ მზად კორონავირუსთან საბრძოლველად და უნდა გვქონდეს მეტი საკარანტინო ფართი. ერთ-ერთი პირველი, რომელიც კარანტინის ზონად გადაკეთდა ეს არის „რესპუბლიკური საავადმყოფო“. ეს პროცესი გუშინ დაიწყო და დღეს დასრულდა. არცერთი პაციენტი კორონავირუსთან მიმართებაში, ამ კლინიკაში მოხვედრილი არ არის. ეს არის პრევენციული ზომა და მომზადება. გამოყოფილია 88 საწოლი ადგილი“, - განაცხადა ჩოგოვაძემ.

მისი თქმით, კორონავირუსი არის გამოწვევა რომელიც დგას ქვეყნის და მსოფლიოს წინაშე. „ამ შემთხვევაში ორი რამ არის მნიშვნელოვანი, რომ ჩვენმა მოქალაქეებმა დაიცვან ელემენტარული წესები. მათშორის პირადი ჰიგიენის. მთავრობა აკეთებს ყველაფერს, რომ მომზადებული იყოს სივრცეები. ეს არის პრევენციული ღონისძიება. საჭიროების შემთხვევაში ასეთი სივრცე საძებნელი რომ არ იყოს“, - აღნიშნა ჩოგოვაძემ. .

ინფექციური საავადმყოფოს დირექტორის ლევან გოფოძის განცხადებით რესპუბლიკური საავადმყოფო საკარანტინო ზონად კორონავირუსის პრევენციის მიზნით გადაკეთდება.

საქართველოში კორონავირუსის პირველი შემთხვევა 2020 წლის 26 თებერვალს დადასტურდა. ჯანდაცვის მინისტრის, ეკატერინე ტიკარაძის თქმით, დაავადებული საქართველოს მოქალაქეა, რომელიც 26 თებერვალს აზერბაიჯანის გავლით ირანიდან შემოვიდა. საუბარია 50 წლის კაცზე. პაციენტი ინფექციურ საავადმყოფოშია გადაყვანილი და მის სიცოცხლეს საფრთხე არ ემუქრება.

კორონავირუსის მეორე შემთხვევა საქართველოში 2020 წლის 28 თებერვალს 28 თებერვალს, მესამე კი 29 თებერვალს დადასტურდა. 26 თებერვალს ჯანმომ განაცხადა, რომ კორონავირუსის პანდემიად გამოცხადების საფუძველი ჯერ არ არსებობს.

30 იანვარს ჯანდაცვის მსოფლიო ორგანიზაციამ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა. ჩინეთში საქართველოს საელჩოში კი ცხელი ხაზი მოქმედებს.

მართალია თუ არა, რომ კორონავირუსმა უხანის სამეცნიერო ლაბორატორიიდან გაჟონა? ამ ბმულზე ნახეთ.