ამირან გამყრელიძე: ჩვენი ბრძანებით კოვიდის დადასტურებიდან 120 დღის შემდეგ ადამიანი უნდა აიცრას - მე მქონდა ინფექცია და ავიცრები

ჩვენი ბრძანებით, დავთქვით, რომ კოვიდის დადასტურებიდან 120 დღის შემდეგ ადამიანი უნდა აიცრას, აი მაგალითად მე მქონდა ინფექცია და არ ვმალავ ამას და 120 დღის შემდეგ უნდა ავიცრა და ავიცრები, - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ ჯანდაცვის სამინისტროში გამართულ ბრიფინგზე განაცხადა.

მისივე თქმით, სხვადასხვა ქვეყანას კორონავირუს გადატანილ ადამიანებთან დაკავშირები, განსხვავებული წესები აქვს და ზოგან დადასტურებიდან 1-2, ან უფრო მეტი თვის შემდეგ იცრებიან.

„საერთოდ კორონავირუსი კოვიდსაწინააღმდეგო აცრის წინააღმდეგ ჩვენება არ გახლავთ, ნებისმიერ კოვიდ გადატანილს თავისუფლად შუძლია აიცრას და პირიქით ნაჩვენებია, რომ აიცრას, დამატებით დღეს მსჯელობა არის იმასთან დაკავშირებით და ბევრი კვლევაა, რომ კოვიდ გადატანილი აიცრას ერთხელ თუ 2-ჯერ, იმიტომ, რომ ერთი მხრივ, რადგან მსოფლიოში ვაქცინების დიდი დეფიციტია და მეორე მხრივ კვლევებია, რომ კოვიდ გადატანილ ადამიანში ერთი ინექცია იძლევა საკმაოდ კარგ ეფექტს, ვიდრე 2 ინექცია, ამიტომ, რომ ვთქვათ კოვიდ გადატანილობა არ წარმოადგენს წინააღმდეგ ჩვენებას აცრისას. ჩვენი ბრძანებით, დავთქვით, რომ კოვიდის დადასტურებიდან 120 დღის შემდეგ ადამიანი უნდა აიცრას, აი მაგალითად მე მქონდა ინფექცია და არ ვმალავ ამას და 120 დღის შემდეგ უნდა ავიცრა და ავიცრები. ასევე აღსანიშნავია, რომ სხვადასხვა ქვეყანას ამასთან დაკავშირებით განსხვავებული წესი აქვს, ზოგან დადასტურებიდან 1-2, ან უფრო მეტი თვის შემდეგ აცრიან“, - განაცხადა გამყრელიძემ.

ჯანდაცვის მინისტრმა, ეკატერინე ტიკარაძემ განაცხადა, რომ საქართველოში „ასტრაზენეკათი“ ვაქცინაცია გაგრძელდება.

საქართველოში კორონავირუსის საწინააღმდეგო ვაქცინაცია 2021 წლის 15 მარტიდან დაიწყო.