ელტონ ჯონი ახალი „მეფე ლომით“ იმედგაცრუებულია

ელტონ ჯონი დისნეის 2019 წლის რიმეიქის „მეფე ლომის“ ეკრანიზაციით უკმაყოფილოა. ამის შესახებ ცნობილმა კომზიტორმა უცხოურ გამოცემასთან ისაუბრა. 

მომღერალმა 1994 წლის ანიმაციისთვის ორიგინალი კომპოზიციები შექმნა და შეასრულა, ახალი ფილმი კი არ მოსწონს. მუსიკოსი ამბობს, რომ მან ვერ იგრძნო ის „ჯადოქრობა“, რაც ადრინდელ ვერსიას ახლდა. 

„25 წლის წინ ანიმაციისთვის დაწერილი მუსიკა წლის ყველაზე გაყიდვად ალბომად იქცა, ახალი საუნდტრეკები კი, წარმატებული ბოქს-ოფისის მიუხედავად, ჩარტებიდან ძალიან მალე გაქრა“, - აღნიშნა ელტონ ჯონმა.

ელტონ ჯონი ასევე ამბობს, რომ ახალ ფილმში მისი ჩართულობა მინიმალური იყო, „ვისურვებდი რომ უფრო ხშირად მივეწვიე ახალი ფილმის შემქმნელებს, თუმცა რადგან ფილმისა და მუსიკის კრეატიული ხედვა ამჯერად განსხვავებული იყო, მე მათთვის დიდად სასურველი არ ვიყავი და არც შესაბამისი პატივისცემით მექცეოდნენ. ეს ძალიან მასევდიანებს“. - განაცხადა კომპოზიტორმა ინტერვიუს დროს. 

Walt Disney Records-ის ანიმაციური ფილმის, ახალი „მეფე ლომის“ საუნდტრეკების ალბომში 19 კომპოზიცია შევიდა, რომელთა შორისაც არის ბიონსეს, ელტონ ჯონის და დონალდ გლოვერის სიმღერები.

„მეფე ლომის“ ახალი ვერსიის რეჟისორი ჯონ ფავროა. ანიმაცია კინოთეატრებში 19 ივლისს გამოვიდა.