imedi /  26 დეკემბერი 2019, 16:02 / სანდო წყარო

27-29 დეკემბერს წიგნის საახალწლო ფესტივალი გაიმართება

წიგნის ფესტივალი

27-29 დეკემბერს, თბილისის მერიის მხარდაჭერით და საქართველოს წიგნის გამომცემელთა და გამავრცელებელთა ასოციაციის ორგანიზებით, საქართველოს პარლამენტის ეროვნულ ბიბლიოთეკაში თბილისის წიგნის საახალწლო ფესტივალი 2019 გაიმართება, რომელზეც  სიახლეებითა და ფასდაკლებით წარმოდგენილი იქნებიან ქართველი გამომცემლები.

თბილისის მერიის ინფორმაციით, წიგნის მოყვარულებს სამი დღის განმავლობაში, 11:00-დან 20:00 საათამდე საშუალება ექნებათ განსაკუთრებული ფასდაკლებით შეიძინონ ძველი და ახალი გამოცემები, დაესწრონ ახალი წიგნებისა თუ თარგმანების პრეზენტაციებს და მოისმინონ აქტუალურ თემებზე საჯარო ლექციები. საახალწლო ფესტივალი პატარებსაც უამრავ ლიტერატურულ თამაშსა და გასართობ შოუ-პროგრამას სთავაზობს.

ფესტივალი უკვე მე-6 წელია საქართველოს წიგნის გამომცემელთა და გამავრცელებელთა ასოციაციის ორგანიზებით იმართება და მისი ვიზიტორების რაოდენობა ყოველწლიურად მატულობს.

„ახალი წელი ახალი წიგნებით!“ - ასეთია ფესტივალის სლოგანი, რომლის მიზანია საქართველოში წიგნის კითხვის პოპულარიზაცია, განათლებაზე ხელმისაწვდომობის ზრდა და საგამომცემლო პროცესების ხელშეწყობა.

ღონისძიება 27 დეკემბერს 12 საათზე წლის ბესტსელერი გამოცემების დაჯილდოებით გაიხსნება. ფესტივალის ორნგანიზატორები სამი დღის განმავლობაში სტუმრებს უამრავ სიურპრიზსა და სიახლეს ჰპირდებიან. ღონისძიებაზე დასწრება თავისუფალია.
 

ყველა სიახლე

გიორგი კვინიტაძე

14 მაისი 2021, 16:38

საზოგადოება

საქართველოს ეროვნული გმირის, გენერალ გიორგი კვინიტაძის ნეშტს საქართველოში გადმოასვენებენ და 26 მაისს მთაწმინდაზე დაკრძალავენ

საქართველოს მთავრობის გადაწყვეტილებით, ემიგრაციაში გარდაცვლილ საქართველოს პირველი რესპუბლიკის ჯარების მთავარსარდალს, საქართველოს ეროვნულ გმირს, გენერალ გიორგი კვინიტაძეს საქართველოში დაკრძალავენ.

ვლადიმერ პუტინი

14 მაისი 2021, 16:36

მსოფლიო

პუტინი: ისრაელსა და პალესტინას შორის კონფლიქტი რუსეთის უსაფრთხოებას უშუალოდ ეხება

რუსეთის პრეზიდენტმა, ვლადიმერ პუტინმა განაცხადა, რომ ისრაელსა და პალესტინას შორის კონფლიქტი რუსეთის უსაფრთხოებას უშუალოდ ეხება.

14 მაისი 2021, 16:33

თავდაცვა

საქართველოს მთავრობის გადაწყვეტილებით, პირველი რესპუბლიკის ჯარების მთავარსარდალს, გენერალ გიორგი კვინიტაძეს საქართველოში დაკრძალავენ

საბჭოთა რუსეთის მიერ საქართველოს ოკუპაციის შემდეგ, გენერალი კვინიტაძე, მთავრობისა და სარდლობის სხვა წარმომადგენლებთან ერთად, ემიგრაციაში წავიდა. ცხოვრობდა საფრანგეთში, სადაც 1970 წელს გარდაიცვალა.

ნიკოლ ფაშინიანი

14 მაისი 2021, 16:29

მსოფლიო

ფაშინიანმა აზერბაიჯანთან საზღვარზე შექმნილი სიტუაციის გამო „კოლექტიური უსაფრთხოების ხელშეკრულების ორგანიზაციას“ მიმართა

სომხეთის მთავრობის მეთაურის მოვალეობის შემსრულებელმა ნიკოლ ფაშინიანმა სომხეთ-აზერბაიჯანის საზღვარზე შექმნილი სიტუაციის გამო „კოლექტიური უსაფრთხოების ხელშეკრულების ორგანიზაციის“ თავმჯდომარეს, ტაჯიკეთის პრეზიდენტ ემომალი რაჰმონს მიმართა. ინფორმაციას ამის შესახებ სომხეთის მთავრობის ადმინისტრაცია ავრცელებს.

14 მაისი 2021, 16:17

ეკონომიკა

Gulf Air-ი თბილისის საერთაშორისო აეროპორტში ბრუნდება

კოვიდ პანდემიისგან გამოწვეული 1-წლიანი იძულებითი პაუზის შემდეგ, ავიაკომპანია საქართველოს საავიაციო ბაზარს კვირაში 4 სიხშირით უბრუნდება. ზაფხულის სეზონზე ფრენები ყოველ ორშაბათს, სამშაბათს, ხუთშაბათსა და შაბათს Airbus 320 ტიპის საჰაერო ხომალდებით შესრულდება.

რეჯეფ თაიფ ერდოღანი

14 მაისი 2021, 16:07

მსოფლიო

ერდოღანი: მსოფლიომ პალესტინის მიმართ ისრაელის აგრესიაზე თვალები რომც დახუჭოს, თურქეთი ამას არასდროს შეეგუება

მსოფლიომ პალესტინის მიმართ ისრაელის აგრესიაზე თვალები რომც დახუჭოს, თურქეთი ამას არასდროს შეეგუება, - განაცხადა თურქეთის პრეზიდენტმა, რეჯეფ თაიფ ერდოღანმა.

პაატა მანჯგალაძე

14 მაისი 2021, 16:01

პოლიტიკა

პაატა მანჯგალაძე: ამნისტიის კანონისგან განსხვავებით, საარჩევნო გარემო უფრო კონსტრუქციულია და პრინციპულ საკითხებზე თითქმის გვაქვს თანხმობა

ამნისტიის კანონისგან განსხვავებით, საარჩევნო გარემო უფრო კონსტრუქციულია და პრინციპულ საკითხებზე თითქმის გვაქვს თანხმობა. მოადგილის საკითხია, რომელსაც შარლ მიშელის დოკუმენტი ითვალისწინებს. ამაზე არის აზრთა სხვადასხვაობა, მაგრამ მგონია, რომ შევთანხმდებით, - ამის შესახებ „სტრატეგია აღმაშენებლის“ წევრმა, დეპუტატმა პაატა მანჯგალაძემ განაცხადა.

ხათუნა სამნიძე

14 მაისი 2021, 15:58

პოლიტიკა

ხათუნა სამნიძის განცხადებით, საარჩევნო რეფორმასთან დაკავშირებით მორიგ შეხვედრაზე საუბარი სამ ძირითად საკითხს შეეხო

„რესპუბლიკური პარტიის“ ლიდერი, დეპუტატი ხათუნა სამნიძე აცხადებს, რომ საარჩევნო რეფორმასთან დაკავშირებით პარლამენტში გამართულ მორიგ შეხვედრაზე საუბარი სამ ძირითად საკითხს შეეხო.

თიკო გურამიშვილი

14 მაისი 2021, 15:52

საზოგადოება

51-ე სკოლის დირექტორი უარყოფს ინფორმაცის, რომ კორონავირუსით გარდაცვლილი პედაგოგი სკოლის მოქმედი მასწავლებელი იყო

„დაუშვებელია ასეთი თემებით მანიპულირება, კიდევ ერთხელ, სამძიმარს ვუცხადებ გარდაცვლილის ოჯახს. ტელეკომპანიის ნაცვლად კი, მინდა საზოგადოებას მე მოვუხადო ბოდიში, რადგან პანდემიის პირობებში ხალხის კიდევ უფრო შეშინება და შეცდომაში შეყვანა მავნებლობაა. სწორედ საზოგადოებისთვის მინდა კიდევ ერთხელ ავხსნა რეალობა: 1. გარდაცვლილი პედაგოგი 2019 წლიდან აღარ არის სკოლის თანამშრომელი. მან საპენსიო პროგრამის ფარგლებში დატოვა პოზიცია. 2. ასევე ცალსახად განვმარტავ, რომ გუშინ, 13 მაისს, როდესაც სასწავლო პროცესი განახლდა, სრულად დისტანციურ სწავლებაზე გადასვლასთან დაკავშირებით არ მიგვიმართავს სამინისტროსთვის. 3. სკოლის პედაგოგები 2 კვირიანი ინტერვალით იტესტებიან, რაც ემსახურება ვირუსის პრევენციას, ხოლო სკოლაში მუდმივად ტარდება სადეზინფექციო სამუშაოები. ჩვენთვის უმთავრესია ჩვენი მოსწავლეების, ჩვენი შვილების და ჩვენი კოლეგების ჯანმრთელობა”! - წერს თიკო გურამიშვილი.

14 მაისი 2021, 15:46

რეგიონი

ნინო ლაცაბიძემ და ირაკლი ტაბაღუამ, რუსთაველ მოკრივეებს საქართველოს ჩემპიონობა მიულოცეს

რუსთაველ სპორტსმენებს, ნიკოლოზ ბეგაძეს და ლაშა გურულს, რომლებიც კრივში საქართველოს ჩემპიონები გახდნენ, მადლობის სიგელები და ფულადი ჯილდოები გადაეცათ. ამის შესახებ ინფორმაციას რუსთავის მუნიციპალიტეტის მერია ავრცელებს. მათივე ინფორმაციით, რუსთაველ მოკრივეებს საქართველოს ჩემპიონობა მიულოცეს და მადლობის სიგელები გადასცეს, პარლამენტში რუსთავის მაჟორიტარმა დეპუტატმა ნინო ლაცაბიძემ, რუსთავის მერმა ირაკლი ტაბაღუამ, საკრებულოს წევრმა ამირან ჯანჯღავამ, სახელოვნებო სპორტისა და ახალგაზრდობის განვითარების ცენტრის დირექტორმა დავით შანიძემ.

14 მაისი 2021, 15:32

რეგიონი

ოზურგეთში 29 ათასამდე ადამიანს მაღალი ხარისხის ინტერნეტზე ექნება წვდომა

ოზურგეთის მუნიციპალიტეტში საქართველოს მთავრობის ინიციატივით დაწყებული საყოველთაო ინტერნეტიზაციის სახელმწიფო პროგრამის საპილოტე პროექტი გაიხსნა. პროექტი, რომლის განხორციელების შედეგადაც ოზურგეთის 29 ათასამდე მოსახლეს მაღალსიჩქარიან, ფართოზოლოვან ინტერნეტზე ექნება წვდომა, დღეს საქართველოს პრემიერ-მინისტრმა ირაკლი ღარიბაშვილმა გახსნა.

ნიკა მელია

14 მაისი 2021, 15:23

პოლიტიკა

ნიკა მელიას განცხადებით, პარლამენტში შესვლასთან დაკავშირებით გადაწყვეტილებას მას შემდეგ გამოაცხადებს, რაც რეგიონებში ჩავა და საზოგადოების ფართო სპექტრთან ექნება კომუნიკაცია

„ნაციონალური მოძრაობის“ თავმჯდომარის ნიკა მელიას განცხადებით, პარლამენტში შესვლასთან დაკავშირებით გადაწყვეტილებას მას შემდეგ გამოაცხადებს, რაც რეგიონებში ჩავა და საზოგადოების ფართო სპექტრთან ექნება კომუნიკაცია. მელიას განცხადებით, პარტიის პოლიტსაბჭოს სხდომა რამდენიმე დღეში გაიმართება.

14 მაისი 2021, 15:18

მსოფლიო

ქაბულში მეჩეთში აფეთქებას, სულ მცირე, 12 ადამიანი ემსხვერპლა

ავღანეთის დედაქალაქ ქაბულში მეჩეთში აფეთქებას, სულ მცირე, 12 ადამიანი ემსხვერპლა. ამის შესახებ ინფორმაციას სააგენტო Reuters-ი ავრცელებს.

დავით ზილფიმიანი

14 მაისი 2021, 15:14

პოლიტიკა

დავით ზილფიმიანი საარჩევნო რეფორმაზე: ამ მიმართულებით ვერ ვხედავ, რომ კონფლიქტური სიტუაციაა

ყველაფერი ამ ეტაპზე მიდის კარგად, ისეა, რაც ქვეყანასაც სჭირდება მომავალი არჩევნებისთვუს და რასაც გულისხმობდნენ ჩვენი ევროპელი მეგობრები, - ამის შესახებ „ევროპელი სოციალისტების“ ლიდერმა, დავით ზილფიმიანმა განაცხადა.

სებასტიან მოლინეუსი

14 მაისი 2021, 15:07

რეგიონი

სებასტიან მოლინეუსი ინტერნეტიზაციის პროექტზე: ბატონო პრემიერ-მინისტრო, მინისტრებო, მადლობას გიხდით ერთგულებისთვის ამ პროექტის მიმართ; ვულოცავ მთავრობას, ძლიერ პარტნიორს მსოფლიო ბანკისთვის

საქართველომ დაიწყო შესანიშნავი მოგზაურობა ციფრულ სამყაროში, - ამის შესახებ მსოფლიო ბანკის რეგიონულმა დირექტორმა სამხრეთ კავკასიაში სებასტიან მოლინეუსმა, გურიაში, ბახვის საჯარო სკოლაში, ინტერნეტიზაციის პროექტის პრეზენტაციაზე განაცხადა.

ანრი ოხანაშვილი

14 მაისი 2021, 15:07

პოლიტიკა

ანრი ოხანაშვილი: ჩვენი შემოთავაზებაა, რომ არც „ქართული ოცნების“ მიერ წარდგენილი პირი არ იყოს პირველი მოადგილე, არამედ იყოს უფრო მეტად პროფესიონალი, პოლიტიკურად ნეიტრალური

იმის ნაცვლად, რომ პირველი მოადგილე პოლიტიკურად დაინტერესებული იყოს და კონკრეტული პარტიის ინტერესების უფრო მეტად გამტარებელი, ჩვენ ვთავაზობთ, რომ არც ერთი პარტიის წარმომადგენელი არ იყოს არა მხოლოდ ოპოზიციის, არამედ არც „ქართული ოცნების“ მიერ წარდგენილი პირი არ იყოს პირველი მოადგილე, არამედ იყოს უფრო მეტად პროფესიონალი, პოლიტიკურად ნეიტრალური და სწორედ პროფესიული ნიშნით მიიღოს კონკრეტული გადაწყვეტილება, - ამის შესახებ საპარლამენტო უმრავლესობის წევრმა ანრი ოხანაშვილმა განაცხადა.

ნარენდრა მოდი

14 მაისი 2021, 14:59

მსოფლიო

ინდოეთის პრემიერი კოვიდკრიზისზე: ჩვენ თვალწინ უხილავი მტერი დგას და ამ მტერს მრავალი სახე აქვს

პირველად, სამ კვირის განმავლობაში, ინდოეთის პრემიერ-მინისტრმა, ნარენდრა მოდიმ პანდემიის მეორე ტალღით გამოწვეულ კრიზისზე საჯაროდ ისაუბრა.

პაატა მანჯგალაძე

14 მაისი 2021, 14:57

პოლიტიკა

პაატა მანჯგალაძე: ჩვენი მიზანია, შევქმნათ ისეთი სისტემა, რომ ვინც არ უნდა დანიშნონ ცესკოში, ვერავინ შეძლოს მანიპულაცია

ჩვენი პარტიის მიზანია, შევქმნათ ისეთი სისტემა, რომ ვინც არ უნდა დანიშნონ საარჩევნო ადმინისტრაციაში, ვერავინ შეძლოს მანიპულაცია, - ამის შესახებ „სტრატეგია აღმაშენებლის“ წევრმა, დეპუტატმა პაატა მანჯგალაძემ განაცხადა.

ანრი ოხანაშვილი

14 მაისი 2021, 14:56

პოლიტიკა

ანრი ოხანაშვილი: „ნაციონალური მოძრაობის“ დღის წესრიგი არც საზოგადოებას აინტერესებს და არც „ქართულ ოცნებას“

არც საზოგადოებას არ აინტერესებს „ნაციონალური მოძრაობა“ დღის წესრიგი და არც „ქართულ ოცნებას“, - ამის შესახებ პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა განაცხადა.

მიხეილ სარჯველაძე

14 მაისი 2021, 14:53

პოლიტიკა

მიხეილ სარჯველაძე: დანაკლისი არ იქნება და პარლამენტი ნამდვილად შეძლებს სრულფასოვნად მუშაობას თუ „ნაციონალური მოძრაობა“ არ მიიღებს მონაწილეობას საპარლამენტო ცხოვრებაში

„მე ვფიქრობ, რომ დანაკლისი არ იქნება და პარლამენტი ნამდვილად შეძლებს სრულფასოვნად მუშაობას თუ „ნაციონალური მოძრაობა“ არ მიიღებს მონაწილეობას საპარლამენტო ცხოვრებაში, - ამის შესახებ პარლამენტის ადამიანის უფლებათა დაცვის კომიტეტის თავმჯდომარე მიხეილ სარჯველაძემ განაცხადა.