19 ივლისი 2020, 14:55 / სანდო წყარო

ხელოვნების საერთაშორისო ცენტრი გელათის რეაბილიტაციაზე: გამოვთქვამთ მზაობას არსებული ხარვეზების დროული გამოსწორებისათვის

მაღალი ინტერესიდან გამომდინარე, გელათის ღვთისმშობლის მთავარი ტაძრის სარეაბილიტაციო პროცესის შესახებ, საჭიროდ მივიჩნევთ, როგორც სამუშაოების უშუალოდ შემსრულებელმა ორგანიზაციამ, გარკვეული სახის განმარტებები გავაკეთოთ და მოგაწოდოთ არატირაჟირებული ინფორმაცია, - ამის შესახებ ხელოვნების საერთაშორისო ცენტრის მიერ სოციალურ ქსელ facebook-ში გავრცელებულ განცხადებაში ვკითხულობთ.

განცხადებაში საუბარია გელათის ტაძრის გადარჩენისთვის განხორციელებულ ნაბიჯებზე, რომელიც მოიცავდა გადაუდებელი არქიტექტურული დაზიანებების აღმოფხვრა და ფრესკების კონსოლიდაცია, მთავარი ტაძრის გუმბათის ფრესკების კვლევასა და გადაუდებელ კონსერვაციას, ასევე მთავარი ტაძრის არქიტექტურული სტრუქტურის რეაბილიტაციის პროექტს.

„ხელოვნების საერთაშორისო ცენტრი ჯერ კიდევ 2004 წლიდან აქტიურად ჩაერთო გელათის მონასტრის მთავარი ტაძრის გადარჩენისთვის ქმედითი ნაბიჯების გადადგმაში და აშშ ელჩის კულტურული მემკვიდრეობის დაცვის ფონდის თანადგომით განახორციელა პროექტი «გელათის მონასტრის ღვთისმშობლის ტაძრის ნართექსისა და ეგვტერების ფრესკების (XII-XVIII სს.) დიაგნოსტიკური კვლევა და პირველი რიგის საკონსერვაციო სამუშაოების დაგეგმვა”.

2008 წელს ხელოვნების საერთაშორისო ცენტრის ნომინაციით გელათის მონასტერი და აკადემია შევიდა მსოფლიო მონუმენტების ფონდის (აშშ) 100 საფრთხის ქვეშ მყოფი ძეგლის სიაში.

2012-2013 წლებში ხელოვნების საერთაშორისო ცენტრის ინიციატივითა და აშშ ელჩის კულტურული მემკვიდრეობის დაცვის ფონდის დაფინანსებით განხორციელდა პროექტი «გელათის ღმრთისმშობლის ტაძრის წმ. მარინეს ეგვტერისა და სამხრეთ კარიბჭის ფრესკების კონსერვაცია», რომლის ფარგლებშიც მოხდა გადაუდებელი არქიტექტურული დაზიანებების აღმოფხვრა და ფრესკების კონსოლიდაცია.

2014-2015 წლებში ამერიკის საელჩოს კულტურული მემკვიდრეობის დაცვის პროგრამის ფარგლებში განხორციელდა მთავარი ტაძრის გუმბათის ფრესკების კვლევა და გადაუდებელი კონსერვაცია. ლაბორატორიულად შემოწმდა ფერწერის სტრუქტურა, გამოვლინდა დაზიანებები და მისი მიზეზები.
2013 წელსვე დაიწყო გელათის მთავარი ტაძრის არქიტექტურული სტრუქტურის რეაბილიტაციის პროექტი, რომელიც დაფინანსდა ამერიკის საელჩოს დიდი გრანტების პროგრამის ფარგლებში და 2018 წლამდე ეტაპობრივად განხორციელდა როგორც გადახურვის, ისე ქვის სტრუქტურის სარესტავრაციო-სარეაბილიტაციო სამუშაოები, რომლებმაც მოიცვა: გუმბათის და მკლავების გადახურვა, საფასადე და კარნიზის ქვის სრული რესტავრაცია“, -აღნიშნულია განცხადებაში.

განმარტებაში ასევე ვკითხულობთ, რომ 2018-2019 წლებში გელათის ღვთისმშობლის ტაძრის ეგვტერების გადახურვის, ცოკოლების და სადრენაჟე სისტემის რეაბილიტაციის პროექტით, რომელიც მუნიციპალური განვითარების ფონდმა დააფინანსა, ფაქტობრივად დასრულდა ღვთისმშობლის ტაძრის არქიტექტურული სტრუქტურის რეაბილიტაცია.

„აღნიშნული ქმედებების უმთავრეს ნაწილს შეადგენდა გადახურვის სერიოზული დაზიანებების აღმოფხვრა.
რესტავრაციამდე არსებული გადახურვა, რომელიც 1976-1977 -იანი წლების რესტავრაციის დროს მოეწყო, თუნუქით იყო გადაწყვეტილი. ფურცლოვანი თუნუქი ხის ნივნივებიან გადახურვაზე იყო მოწყობილი და ამორტიზების გამო სრულფასოვნად ვერ იცავდა ინტერიერს ატმოსფერული ნალექებისაგან, რაც ფრესკების დაზიანების დიდ საფრთხეს ქმნიდა. გარდა ამისა თუნუქის ვიბრირება, განსაკუთრებით ქარიან ამინდში, რაც საკმაოდ ხშირია გელათის ტერიტორიაზე, იწვევდა მის გამუდმებულ კონტაქტს კარნიზის ქვებთან და მნიშვნელოვნად აზიანებდა მათ, რაც ნათლად აისახებოდა კარნიზების არსებულ მძიმე მდგომარეობაში - კარნიზის კვადრების უმეტესობა ძლიერად იყო დაზიანებული და ფაქტიურად ვეღარ ასრულებდა თავის ფუნქციას, გარდა ამისა, სახურავის გუმბათიდან ძლიერი გადმოშვერა სრულებით არ შეესაბამებოდა ეკლესიის პროპორციებს და არღვევდა მის მხატვრულ იერსახეს.

ტაძრის გარშემო არქეოლოგიურმა გათხრებმა, სახელოვნებათმცოდნეო და კონსტრუქციულმა კვლევებმა სპეციალისტები დაარწმუნა რომ თავდაპირველად გელათის ღვთისმშობლის ტაძარი გადახურული უნდა ყოფილიყო მოჭიქული ფერადოვანი კრამიტით და გადაწყდა ლითონის გადახურვის ჩანაცვლება ავთენტური მოჭიქული კრამიტით.

აღმოჩენილი ფრაგმენტების ანალიზის შედეგად და ასევე, იმავე პერიოდის სხვა ქართული ტაძრების გადახურვაში გამოყენებული კრამიტის კვლევაზე დაყრდნობით (ოშკი, ხახული, დოლისყანა) შემუშავდა რესტავრაციის დროს გამოსაყენებელი კრამიტის რამდენიმე ტიპი, ასევე, მათი მოჭიქვის და გამოწვის ტექნოლოგია. კომპიუტერული მოდელირებით შეიქმნა გადახურვის მაკეტი, რამაც ტაძრისა და კრამიტის გადახურვის პრაქტიკული და ესთეტური შესაბამისობა გამოავლინა, განსაზღვრა პარამეტრები. მომზადდა ექსპერიმენტული ნიმუშები, რომლებიც ლაბორატორიულად შემოწმდა წყალშეღწევადობაზე, ყინვაგამძლეობაზე და მრღვევ დატვირთვაზე, კვლევებმა დამაკმაყოფილებელი შედეგები აჩვენა. სწორედ, ეს ლაბორატორიულად შემოწმებული, ჩაწნეხვის მეთოდით დამზადებული კრამიტი გამოიყენებოდა 2013-2017 წლებში მთავარი ტაძრის გადახურვისთვის, 2018 წლიდან კი სატენდერო პირობებით გათვალისწინებული სამუშაოების განხორციელების მოკლე ვადის გამო, წარმადობის გაზრდის მიზნით შეიცვალა კრამიტების მომწოდებელი კომპანია, ხოლო ჩაწნეხვის მეთოდი ჩანაცვლდა ჩამოსხმით“, - ვკითხულობთ განცხადებაში.

ხელოვნების საერთაშორისო ცენტრის მიერ გავრცელებულ განმარტებაში აღნიშნულია, რომ ახალი მწარმოებლის მიერ, ახალი მეთოდით შესრულებულმა კრამიტის ნიმუშებმა თავდაპირველი ექსპერიმენტული ნიმუშების მსგავსად ანალოგიურ ფიზიკურ-მექანიკურ მახასიათებლებზე იგივე ლაბორატორიაში გაიარა ტესტირება, მხოლოდ დამაკმაყოფილებელი პასუხის მიღების და დონორ ორგანიზაციასთან შეთანხმების შემდეგ ჩაეშვა ექსპლუატაციაში.

„მიუხედავად ამისა, სამუშაოების განხორციელების ბოლო ეტაპზე შესრულებული კერამიკული კრამიტის ნაწილმა ვერ გაუძლო ზამთარს და დასკდა. ბუნებრივად ჩნდება კითხვა - რატომ დაზიანდა ლაბორატორიულად ტესტირებული კერამიკული მასალის მხოლოდ ნაწილი და შესაძლებელი იყო თუ არა რისკების წინასწარ გათვლა? ვისაც კერამიკული მასალის წარმოებასთან ჰქონია შეხება, მათთვის ცნობილია რომ მოჭიქული პროდუქციის წარმოება რთული და ეტაპობრივი პროცესია, საჭიროებს რამდენიმეჯერ გამოწვას საგანგებო ტემპერატურაზე და ტექნოლოგიური ციკლის ზედმიწევნით დაცვას. უნდა აღინიშნოს, რომ წარმოებიდან უშუალოდ ეგვტერების გადახურვის მოწყობამდე თითოეული კრამიტი მომწყობი ოსტატების და საიტმენეჯერის მიერ გადიოდა ვიზუალურ დათვალიერებას და ფიზიკური ნაკლის ან ფერის შეუსაბამობის აღმოჩენის შემთხვევაში, კვალიფიცირდებოდა როგორც წუნდებული და უბრუნდებოდა მომწოდებელ კომპანიას. გარდა ამისა, ვინაიდან ეს უკანასკნელი სარეაბილიტაციო სამუშაოები დაფინანსებული იყო მუნიციპალური განვითარების ფონდის მიერ, პროცესი ყოველდღიურად კონტროლდებოდა დამოუკიდებელი საინჟინრო-საზედამხედველო კომპანიის წარმომადგენლის მიერ. თუმცა, ვინაიდან დაგებული კრამიტებიდან არცერთს არ აღენიშნებოდა ვიზუალური ხარვეზი, თამამად შეიძლება ითქვას, რომ მიღებული შედეგის წინასწარმეტყველება შეუძლებელი იქნებოდა“, - აღნიშნულია განცხადებაში.

ასევე, ვკითხულობთ, რომ ხელოვნების საერთაშორისო ცენტრი სრულად იზიარებს საზოგადოების პოზიციას და ხაზგასმით აღნიშნავს რომ არ გაურბის პასუხისმგებლობის არც ფინანსურ და არც მორალურ ასპექტებს დეფექტების გამოვლენის პერიოდიდან.

„2020 წლის თებერვალში, გადახურვებზე თოვლის დნობასთან ერთად თავი იჩინა კრამიტის დეფექტიანობამ. აქვე აღვნიშნავთ, რომ კრამიტის ქვეშ მოწყობილმა მძლავრმა ჰიდროსაიზოლაციო ფენამ თავისი დადებითი როლი შეასრულა, რათა წყლის ინფილტრაცია ყოფილიყო მინიმალური. ხაზი უნდა გაესვას, რომ ტელევიზიით გაჟღერებული ვერსია თითქოს და გადახურვის დაზიანების გამო მოზაიკის უნიკალურ ნიმუშს ემუქრება განადგურების საფრთხე და ე.წ სმალტა ცვივა, არ შეესაბამება სიმართლეს, პირველ რიგში იმიტომ, რომ დაზიანებული გადახურვა მოზაიკის მოპირდაპირე მხარეს დასავლეთით მდებარეობს“, - აღნიშნულია განმარტებაში.

განცხადებაში ხაზგასმულია, რომ კულტურული მემკვიდრეობის ეროვნულ სააგენტოსთან და პროექტის ავტორებთან თანამშრომლობით მუშავდება ხარვეზების გამოსწორების გეგმა-პროექტი, რომელიც კონტრაქტით გათვალისწინებულ ვადებში განხორციელდება.

„გამომდინარე იქიდან, რომ გელათის მონასტერი მსოფლიო კულტურული მემკვიდრეობის თვალსაჩინო ნიმუშია, ძეგლზე განხორციელებული თითოეული ქმედება შესაბამის უწყებებთან მხოლოდ კოორდინირებული მუშაობის შემდეგ ხორციელდება. თითოეული გადაწყვეტილების მიღებაზე დარგის საუკეთესო ექსპერტთა ჯგუფი მუშაობს (არქიტექტორები, რესტავრატორები, კონსტრუქტორები, გეოლოგები, ჰიდროლოგები და ლანდშაფტის სპეციალისტები), ხოლო შემსრულებლები უნიჭიერესი რესტავრატორები არიან, რომლებსაც უკვე მრავალი წელია ჩვენი სახელმწიფო არამარტო გელათის, არამედ სხვა უნმიშვნელოვანესი ძეგლების გადარჩენას ანდობს. ხელოვნების საერთაშორისო ცენტრთან ერთად ქართული კულტურული მემკვიდრეობის გადარჩენისა და შენარჩუნების პროცესში 25 წლის მანძილზე გარდა გელათისა, მათ შესრულებული აქვთ ყინწვისის, მარტვილის, ნიქოზის, იკვის და სხვა ძეგლების გადაუდებელი და სარეაბილიტაციო სამუშაოები, რომელთა შორის განსაკუთრებულია 2006 წელს ტიმოთესუბნის ღვთისმშობლის მიძინების ტაძრის` პროექტისათვის ხელოვნების საერთაშორისო ცეტრის და "Conservazione Beni Culturali" (რომი, იტალია) ევროკომისიის კულტურული მემკვიდრეობის დაცვის ` Europa Nostra`-ს უმაღლესი პრიზის მინიჭების ფაქტი. სწორედ ამიტომ, მათი არაკომპეტენტურად და არაპროფესიონალებად მოხსენიება მინიმუმ უსამართლობად მიგვაჩნია.

ხელოვნების საერთაშორისო ცენტრი კიდევ ერთხელ გამოთქვამს მზაობას არსებული ხარვეზების დროული გამოსწორებისათვის, რისთვისაც აქტიურად მიმდინარეობს პროექტის ავტორებთან, დონორებთან, საზედამხედველო ინსტიტუციებთან და შემსრულებლებთან ერთად, მათ შორის კულტურული მემკვიდრეობის დაცვის ეროვნულ სააგენტოსთან კოორდინაციით, 2020 წლის მარტიდან დეფექტების გამოსწორების ზუსტი პროექტის შემუშავება, რომლის დასრულების შემდგომაც გადახურვის დაზიანებული ნაწილები გამოიცვლება და არსებული ხარვეზები სრულად აღმოიფხვრება.

მეგობრებსა და კოლეგებს კი გთხოვთ, ნუ გააპოლიტიზირებთ საკითხს, რომელსაც არანაირი გადაკვეთა პოლიტიკასთან მიმდინარეობის არცერთ ეტაპზე არ ჰქონია“, - აღნიშნულია ხელოვნების საერთაშორისო ცენტრი მიერ გავრცელებულ განცხადებაში.

11 ივლისს კულტურული მემკვიდრეობის დაცვის ეროვნული სააგენტომ გაავრცელა განცხადება, რომლის თანახმადაც, გელათის რეაბილიტაციის დროს დაფიქსირებული ხარვეზები სრულად იქნება გამოსწორებული.

ყველა სიახლე

სოსო არჩვაძე

01 აგვისტო 2021, 14:41

პოლიტიკა

იოსებ არჩვაძე: ადამიანურ ტრაგედიაზე ასეთი ბოროტი განცხადებები მათ ავტორთა ღიად გამოვლენილ მიზანთროპულ და არაპატრიოტულ დემარშზე მიუთითებს

ადამიანურ ტრაგედიაზე ასეთი ბოროტი განცხადებები, „ანგლობა“, მათ ავტორთა მახვილსიტყვიერებაზე კი არა, ღიად გამოვლენილ მიზანთროპულ და არაპატრიოტულ დემარშზე მიუთითებს. აღარაფერს ვამბობ ისეთებზე, რომლებიც გულწრფელად თუ ფარისევლურად მოთქვამენ, „თავზე ნაცარს იყრიან“, რომ თურმე „ასეთ ქვეყანაში ცხოვრება აღარ ღირს“ და ამიტომ სამშობლო უნდა დატოვონ“ - წერს ექსპერტი იოსებ არჩვაძე სოციალურ ქსელში. როგორც ექსპერტი აღნიშნავს, დანაშაული, მათ შორის უცხოელებისა და ტურისტების მიმართ, ფაქტობრივად ყველა ქვეყანაში ხდება.

01 აგვისტო 2021, 14:34

სამართალი

კახეთში ავტოსახელოსნოს თანამშრომელს მანქანა დაეცა და დაიღუპა

კახეთში უბედური შემთხვევა მოხდა. გურჯაანის მუნიციპალიტეტის სოფელ ახაშენში, ერთ-ერთი სახელოსნოს თანამშრომელს მანქანა დაეცა. მამაკაცი სასწრაფო დახმარებამ „ჯეო ჰოსპიტალსის“ საავადმყოფოში გადაიყვანა, თუმცა, ექიმებმა პაციენტის გადარჩენა ვეღარ შეძლეს.

რატი იონათამიშვილი

01 აგვისტო 2021, 14:30

პოლიტიკა

რატი იონათამიშვილი: „ნაცმოძრაობა“ ფაქტობრივად, სიკვდილზეა ჩასაფრებული, ეს პოლიტიკური ჯგუფი არის შურის მაძიებელი, რომელიც სინამდვილეში ებრძვის არა „ქართულ ოცნებას“, არამედ - საქართველოს

„ნაცმოძრაობა“ ფაქტობრივად, სიკვდილზეა ჩასაფრებული, რომ ადამიანის გარდაცვალებაზე საკუთარი პოლიტიკური დღის წესრიგის დაფუძნება და პოლიტიკური დივიდენდების მიღება შეძლონ, - ამის შესახებ საპარლამენტო უმრავლესობის წევრმა, რატი იონათამიშვილმა განაცხადა. მისი თქმით, „ნაცმოძრაობა“ არის შურის მაძიებელი პოლიტიკური ჯგუფი, რომელიც სინამდვილეში ებრძვის არა „ქართულ ოცნებას“, არამედ - საქართველოს.

იაკობ ქაჯაია

01 აგვისტო 2021, 14:10

სპორტი

იაკობ ქაჯაია ტოკიოს ოლიმპიადის ფინალშია

ბერძნულ-რომაული სტილით მოჭიდავე იაკობ ქაჯაია ტოკიოს ოლიმპიადის ფინალშია. 130 კილოგრამ წონით კატეგორიაში, მან პირველ შეხვედრაში ფინელ მეტოქეს 9-0 აჯობა, ხოლო რუსეთის ოლიმპიური კომიტეტის სახელით მოასპარეზე, მსოფლიოს ჩემპიონი და ოლიმპიური პრიზიორი, რუსი სერგეი სემიონოვი 3-1 დაამარცხა.

ირაკლი ქადაგიშვილი

01 აგვისტო 2021, 14:09

პოლიტიკა

ირაკლი ქადაგიშვილი: ხელისუფლება ყველაფერს გააკეთებს, რომ წინასაარჩევნო კამპანია ჩატარდეს ღია, დემოკრატიულ და მშვიდ გარემოში

ხელისუფლება, რა თქმა უნდა, ყველაფერს გააკეთებს, რომ წინასაარჩევნო კამპანია ჩატარდეს ღია, დემოკრატიულ და მშვიდ გარემოში, – ამის შესახებ საქართველოს პარლამენტის საპროცედურო საკითხთა კომიტეტის თავმჯდომარემ, საპარლამენტო უმრავლესობის წევრმა, ირაკლი ქადაგიშვილმა განაცხადა. მისი თქმით, წინასაარჩევნო კამპანიის დროს ყველანაირი დესტრუქცია აღკვეთილი იქნება.

ირაკლი ქადაგიშვილი

01 აგვისტო 2021, 14:06

პოლიტიკა

ირაკლი ქადაგიშვილი: სამწუხაროდ, უმძიმეს მდგომარეობასთან გვაქვს საქმე - პოლიტიკოსები, ე.წ ექსპერტები, ე.წ. მედია ადამიანის სიკვდილით სპეკულირებენ, რათა ქვეყანას ავნონ

„ამ შემთხვევაში, სამწუხაროდ, უმძიმეს მდგომარეობასთან გვაქვს საქმე - პოლიტიკოსები, ე.წ ექსპერტები, ე.წ. მედია ადამიანის სიკვდილით სპეკულირებენ და ეს სპეკულაცია მიდის არამარტო იქამდე, რომ მის ოპონენტ პოლიტიკურ პარტიას ავნონ, არამედ მთლიანად, ქვეყანას“, – აცხადებს საპარლამენტო უმრავლესობის წევრი, ირაკლი ქადაგიშვილი.

თამთა მეგრელიშვილი

01 აგვისტო 2021, 13:46

პოლიტიკა

თამთა მეგრელიშვილი: ტურიზმის წინააღმდეგ მიმართულ ბოროტ კამპანიას თავგამოდებით ეწევიან ნიკა გვარამია, ნანუკა ჟორჟოლიანი და სხვა ანტისახელმწიფოებრივად მოაზროვნენი

ტურიზმის წინააღმდეგ მიმართულ ბოროტ კამპანიას მეორე დღეა თავგამოდებით ეწევიან ნიკა გვარამია, ნანუკა ჟორჟოლიანი დაა სხვა ანტისახელმწიფოებრივად მოაზროვნენი - წერს ფეისბუქის გვერდზე საჯარო მმართველობის დოქტორი, თამთა მეგრელიშვილი. მისი თქმით, მიზანმიმართულად მიდის საზოგადოების აზრის ფორმირება, რომ საფრთხის შემცველია საქართველოში ჩამოსვლა.

კელი დეგნანი

01 აგვისტო 2021, 13:36

საზოგადოება

კელი დეგნანი: Agile Spirit-ის მსგავსი ​რეგულარული წვრთნები აკავებს აგრესიას, არწმუნებს ხალხს და ჩვენს მოკავშირეებს, რომ მზად ვართ, ვიმუშაოთ ერთად, გვაქვს სწავლება და აღჭურვილობა, რომელიც გვჭირდება

ამგვარი რეგულარული წვრთნები აკავებს აგრესიას და არწმუნებს ხალხს და ჩვენს მოკავშირეებს, რომ ჩვენ ვართ მზად, ვიმუშაოთ ერთად, რომ გვაქვს სწავლება და აღჭურვილობა, რომელიც გვჭირდება, - განაცხადა საქართველოში აშშ-ის ელჩმა, კელი დეგნანმა Agile Spirit 2021-ის ფარგლებში გამართულ წვრთნასთან დაკავშირებით. მისი თქმით, ძალიან მნიშვნელოვანია, რომ ამგვარი წვრთნები რეგულარულად ჩატარდეს.

01 აგვისტო 2021, 13:29

პოლიტიკა

კახა კუჭავა: სახელწიფო უსაფრთხოების სამსახურში დასაქმებული პროფესიონალები ყოველდღიურად ზრუნავენ თითოეული მოქალაქის, ჩვენი ქვეყნის ეროვნული უსაფრთხოებისთვის

საქართველოს პარლამენტის თავმჯდომარე, საქართველოს პრემიერ-მინისტრთან, ირაკლი ღარიბაშვილთან, მთავრობისა და პარლამენტის წარმომადგენლებთან ერთად, სახელმწიფო უსაფრთხოების სამსახურის თანამშრომლებს შეხვდა, მათ პირადად მიულოცა დაარსების დღე და საჩვენებელ წვრთნებს დაესწრო.

ნიკოლოზ მჭედლიშვილი

01 აგვისტო 2021, 13:24

საზოგადოება

ნიკოლოზ მჭედლიშვილი: შენი ქვეყნის „ჟურნალისტები“, ბოლოს და ბოლოს, შენი თანამემულენი იწყებენ პროპაგანდას, რომ უცხოელი ტურისტი არ ჩამოვიდეს

„აჰა, გეგმაც ამოქმედდა, დაიწყეს უკვე იმ საწყალი ავსტრალიელი მოკლული ქალის გვამზე ხტუნაობა. დახტიან ერთი გვამიდან მეორეზე, უკვე რამდენი წელია... მაგრამ აქ ახალი ის არის, რომ შენი ქვეყნის „ჟურნალისტები“, ბოლოს და ბოლოს, შენი თანამემულენი, იწყებენ იმის პროპაგანდას, რომ უცხოელი ტურისტი არ ჩამოვიდეს“ - წერს სოციალურ ქსელში ექსპერტი ნიკოლოზ მჭედლიშვილი.

ვლადიმერ ბოჟაძე

01 აგვისტო 2021, 13:17

საზოგადოება

ვლადიმერ ბოჟაძე ნიკა გვარამიაზე: ასე სძულდეს ხალხს საკუთარი სამშობლო, სწყინდეთ ეკონომიკის გაზრდა და ტურიზმის განვითარება - ასე მხოლოდ ნამდვილი მტრები იქცევიან

ექსპერტი ვლადიმერ ბოჟაძე ყოფილი პროკურორის და ახლა მედია მენეჯერის ნიკა გვარამიას Facebook-პოსტს ეხმიანება, სადაც გვარამია Facebook- ჯგუფს - „Spend your time in Georgia/ მე დავისვენებ საქართველოში“ სახელწოდებას უცვლის და წერს Spend Your Last Day in Georgia რაც ნიშნავს - გაატარე სიცოცხლის ბოლო დღეები საქართველოში.

01 აგვისტო 2021, 13:14

პოლიტიკა

გრიგოლ ლილუაშვილი: კმაყოფილები ვართ რაზმის მომზადების დონით და ვაგრძელებთ სამშობლოს სამსახურში ყოფნას, ყველა თანამშრომელს ვულოცავ სახელმწიფო უსაფრთხოების სამსახურის დაარსების დღეს

სახელმწიფო უსაფრთხოების სამსახურის დაარსების დღესთან დაკავშირებით, შავნაბადას სპეცდანიშნულების რაზმის ბაზაზე ღონისძიება გაიმართა, - ამის შესახებ ინფორმაციას სახელმწიფო უსაფრთხოების სამსახური ავრცელებს. მათივე ინფორმაციით, საიუბილეო თარიღი სახელმწიფო უსაფრთხოების სამსახურის თანამშრომლებს საქართველოს პრემიერ-მინისტრმა, ირაკლი ღარიბაშვილმა და სახელმწიფო უსაფრთხოების სამსახურის უფროსმა გრიგოლ ლილუაშვილმა, პარლამენტის თავმჯდომარე კახა კუჭავასთან, შინაგან საქმეთა მინისტრ ვახტანგ გომელაურთან, თავდაცვის მინისტრ ჯუანშერ ბურჭულაძესთან, სახელმწიფო დაცვის სპეციალური სამსახურის უფროს, ანზორ ჩუბინიძესთან და დაზვერვის სამსახურის უფროს შალვა ლომიძესთან ერთად მიულოცეს და საჩვენებელ წვრთნებს დაესწრნენ.

ამირან სალუქვაძე

01 აგვისტო 2021, 13:08

პოლიტიკა

ამირან სალუქვაძე: ყველა ადამიანსა და პარტიას შეუძლია დღევანდელი კრიმინოგენული სიტუაციისა და პოლიტიკის კრიტიკა, გარდა - წინა ხელისუფლების, მათი მედიებისა და „ოცნების“ ყოფილი წევრებისა

„მართლა? აშშ-ში? გააშუქეს იქაურ მედიაში? საელჩო ჩაერთო? ამერიკაში აღარ ჩამოხვიდეთო, მოუწოდეთ ტურისტებს? ყველა ადამიანსა და ყველა პარტიას შეუძლია დღევანდელი კრიმინოგენული სიტუაციისა და პოლიტიკის კრიტიკა, გარდა წინა ხელისუფლებისა, მათი მედიებიანად, რომლებიც ადრე დავარცხნილად აშუქებდნენ და უსაფრთხო გარემოს გვილამაზებდნენ და ოცნების ყოფილი წევრებისა“.

ირაკლი ბერაია

01 აგვისტო 2021, 13:05

პოლიტიკა

ირაკლი ბერაია: სუს-ის სახით, ქვეყანას ჰყავს თანამედროვე, კარგად აღჭურვილი და მომზადებული დასავლური სპეცსამსახური, რომელსაც შეუძლია საქართველოს ეროვნული უსაფრთხოების წინაშე არსებული სხვადასხვა სახის გამოწვევის განეიტრალება

სუს-ის სახით, საქართველოს ჰყავს თანამედროვე, კარგად აღჭურვილი და მომზადებული დასავლური სპეცსამსახური, რომელსაც შეუძლია საქართველოს ეროვნული უსაფრთხოების წინაშე არსებული სხვადასხვა სახის გამოწვევის განეიტრალება და ასევე, ჩვენი სტრატეგიული მოკავშირეების ინტერესების დაცვა, - ამის შესახებ საქართველოს პარლამენტის თავდაცვისა და უშიშროების კომიტეტის თავმჯდომარე, ირაკლი ბერაია სოციალურ ქსელში წერს. მისი თქმით, ის, რაც უსაფრთხოების სამსახურს გამოარჩევს, არის პროდუქტიულობა, პირადი შემადგენლობის პროფესიონალიზმი, ანგარიშვალდებულების მაღალი ხარისხი და ეფექტიანი საერთაშორისო თანამშრომლობა.

01 აგვისტო 2021, 12:45

სპორტი

ორ ქართველ ძიუდოისტს ტოკიოს ოლიმპიადის აკრედიტაციები ჩამოართვეს

ტოკიოს ოლიმპიურ თამაშებზე მონაწილე ორ ქართველ ძიუდოისტს აკრედიტაციები ჩამოართვეს, - ინფორმაცია „იმედინიუსს“ ეროვნული ოლიმპიური კომიტეტის პირველმა ვიცე-პრეზიდენტმა და ოლიმპიური მისიის ხელმძღვანელმა, ელგუჯა ბერიშვილმა დაუდასტურა.

გია აბაშიძე

01 აგვისტო 2021, 12:36

პოლიტიკა

გია აბაშიძე: სააკაშვილის სექტის უბინძურესი „მესიჯბოქსი“ დაღუპული ავსტრალიელი ტურისტის გამოყენებით უბოროტესი მავნებლობაა, ამ მარაზმში ჩაერთო გახარიას პარტიის სუბიექტი, პოლიციისა და მთავრობის ადმინისტრაციის ექს-ჩინოსანი ნათია მეზვრიშვილი

სააკაშვილის სექტის დღევანდელი უბინძურესი „მესიჯბოქსი“ დაღუპული ავსტრალიელი ტურისტის გამოყენებით, რომ ქვეყანა სრულიად დაუცველია, ტოტალური პანიკაა, კრიმინალმა წალეკა ყველაფერი, ტურისტები აქ აღარ უნდა ჩამოვიდნენ, სანქციები უნდა დაწესდეს და ა.შ. არის უბოროტესი მავნებლობა, საბოტაჟი და უტიფრობის უტიფრობა და ამ მარაზმში ჩაერთო გახარიას პარტიის ერთ-ერთი სუბიექტი, პოლიციისა და მთავრობის ადმინისტრაციის ექს-ჩინოსანი, ნათია მეზვრიშვილი, - წერს სოციალურ ქსელში ექსპერტი გია აბაშიძე.

კრის ვუ „კოსმოპოლიტენის“ გარეკანზე

01 აგვისტო 2021, 11:57

მსოფლიო

პოპვარსკვლავი კრის ვუ გაუპატიურების ბრალდებით დააკავეს

ჩინელ-კანადელი პოპვარსკვლავი, კრის ვუ, პეკინში, გაუპატიურების ბრალდებით დააკავეს. მიზეზი 19 წლის სტუდენტის განცხადებაა, რომელიც ამბობს, რომ 17 წლის იყო, როცა ვუმ გააუპატიურა.

01 აგვისტო 2021, 11:49

საზოგადოება

თსუ-ს 3400-მდე კურსდამთავრებულისთვის გამოშვების საზეიმო ღონისძიება ჰიბრიდულ ფორმატში გაიმართა

ივანე ჯავახიშვილის სახელობის თბილისის სახელმწიფო უნივერსიტეტის ბაკალავრიატისა და მაგისტრატურის 2021 წლის 3400-მდე კურსდამთავრებულისთვის გამოშვების საზეიმო ღონისძიება ჰიბრიდულ ფორმატში გაიმართა, - ამის შესახებ ინფორმაციას თსუ-ის საზოგადოებასთან ურთიერთობის სამსახური ავრცელებს. მათივე ინფორმაციით, მსოფლიოში შექმნილი ეპიდსიტუაციის გამო, კურსდამთავრებულებს უნივერსიტეტის დასრულება ონლაინ მიულოცეს თსუ რექტორმა, გიორგი შარვაშიძემ, აკადემიური საბჭოს წევრებმა, ფაკულტეტების დეკანებმა, საზოგადოებისთვის ცნობილმა სახეებმა, თსუ წარმატებულმა კურსდამთავრებულებმა.

ფრიდონ სულაბერიძე

01 აგვისტო 2021, 11:23

COVID19

ანსამბლ „რუსთავის“ მომღერლები, მოცეკვავეები და თანამშრომლები კოვიდვაქცინით აიცრნენ

მასობრივი ვაქცინაციის პროცესი ქვეყანაში აქტიურად მიმდინარეობს. დღეს თბილისის სახელმწიფო სამედიცინო უნივერსიტეტში ანსამბლ „რუსთავის“ მომღერლები, მოცეკვავეები და თანამშრომლები აიცრნენ. ვაქცინის დოზა მიიღო ანსამბლის მთავარმა ქორეოგრაფმა, ფრიდონ სულაბერიძემაც.

01 აგვისტო 2021, 11:19

COVID19

კორონავირუსის ახალი შემთხვევებიდან 1 196 თბილისში, 443 აჭარაში, 322 კი იმერეთში გამოვლინდა

დღეს ქვეყანაში გამოვლენილი ინფიცირების 2 654 ახალი შემთხვევიდან: თბილისში გამოვლენილია 1 196 შემთხვევა, აჭარა - 443, იმერეთი - 322, ქვემო ქართლი - 111, შიდა ქართლი - 95, გურია - 70, სამეგრელო - ზემო სვანეთი - 163, კახეთი - 157, მცხეთა-მთიანეთი -51, სამცხე-ჯავახეთი - 34, რაჭა-ლეჩხუმი და ქვემო სვანეთი - 12.